மதங்கள் வாயிலாக உருவாகும் நல்லிணக்கம்

நாட்டின் பல்வேறு பிரதேசங்களிலும் பிரசித்தி பெற்ற திருத்தலங்களில் உற்சவங்கள் ஆரம்பமாகியிருக்கி ன்றன. நல்லூர்க் கந்தசுவாமி கோயில், மடுமாதா திருத்தலம், சிலாபம் முன்னேஸ்வரம் முன்னைநாதர் ஆலயம் போன்ற திருத்தலங்களும் இவற்றில் உள்ளடங்குகின்றன. இதேசமயம் கிழக்கு மாகாணத்தில் வரலாற்றுப் புகழ்மிக்க திருத்த லங்களான மாமாங்கேஸ்வரர் ஆலயம், கோணேஸ்வரர் கோயில் போன்றவற்றின் வருடாந்த உற்சவங்கள் ஓரிரு தின ங்களுக்கு முன்னரே நிறைவடைந்தன. மதத் தலங்களில் இம்முறை நடைபெறும் உற்சவங்கள் கடந்த காலங்களைப்போலன்றி வெகுவிமரிசையாக அமைந்திருப் பதை அவதானிக்கக் கூடியதாக உள்ளது.

கதிர்காமக் கந்தன் ஆலயத்திலும் அமிர்தகழி மாமாங்கேஸ்வரர் கோயிலிலும் இம்முறை வருடாந்த உற்சவத்துக்காக வந்திருந்த பக்தர்களின் எண்ணிக்கை கணக்கிட முடியாததாக இருந்தது. ஆலய உற்சவ வரலாற்றில் இதுபோன்ற பக்தர்கள் எண்ணிக்கையை முன்னரெல்லாம் காண முடிந்ததில்லை.

இது ஒருபுறமிருக்க தென்னிலங்கை ஆலய உற்சவங்களுக்கு வட க்கு, கிழக்கு பிரதேசங்களிலிருந்து எண்ணிலடங்காத பக்தர் கள் சென்றிருந்ததை இப்போதுதான் காண முடிந்தது. அதே போன்று வடக்கு, கிழக்கு ஆலய உற்சவங்களுக்கும் நாட்டின் தென்பகுதியிலிருந்து பெரும்பான்மையினப் பக்தர்கள் பெரு மளவில் செல்வதை அவதானிக்க முடிகிறது. மடுமாதா திரு விழாவில் இம்முறை இலட்சக்கணக்கான பக்தர்கள் ஒன்று கூடுவரென எதிர்பார்க்கப்படுகிறது.

இது போன்றதொரு சூழ்நிலையை கடந்த காலத்தில் எங்களால் காண முடிந்ததில்லை. ஆலய உற்சவங்களும் இத்தனை தூரம் விமரிசையாக நடைபெறவில்லை. ஆலய உற்சவங்களின் போது கிரியைகள் மட்டுப்படுத்தப்பட்டன. அடுத்த கணம் எத்தகைய விபரீதம் நேருமோவென்ற அச்சத்தில் பக்தர்கள் ஆலயம் செல்வதைத் தவிர்த்தனர். பாண்டிருப்பு திரெளபதை யம்மன் ஆலயம் போன்ற ஒருசில ஆலயங்களில் உற்சவ வேளையில் குண்டுவீச்சு சம்பவங்கள் இடம்பெற்றமை ஞாப கமிருக்கலாம்.

இன்றைய வேளையில் திருத்தல உற்சவங்கள் சிறப்பாக நடை பெறுவதற்கு அமைதியான சூழ்நிலையே காரணமாகும். அனை த்து இன மக்களும் எதுவித அச்சமுமின்றி நினைத்த நேரத் தில் நாட்டின் எப்பகுதியிலும் உள்ள ஆலயங்களுக்குச் சென்று வரக்கூடிய அமைதியான சூழல் இப்போது நிலவுகிறது.

இதேசமயம் மற்றொரு விடயமும் இங்கே கவனிக்கத்தக்கதாக உள்ளது. வடக்கிலும் கிழக்கிலும் உள்ள திருத்தலங்களின் உற் சவத்துக்காக தென்னிலங்கையிலிருந்து சிங்கள மக்கள் இப் போதெல்லாம் பெருமளவில் செல்வதைக் காண முடிகிறது. அது மாத்திரமன்றி வடக்கு, கிழக்கில் உள்ள இந்து, கிறிஸ்தவ திருத்தலங்களில் நேர்த்திக்கடனை நிறைவேற்றுவதற்காக தென்னிலங்கை சிங்கள மக்கள் பெருமளவில் செல்கின்றனர்.

இதுவொரு ஆரோக்கியமான சூழல் ஆகும். இனங்களுக்கிடை யேயான நல்லிணக்கம் உருவாவதற்கு மொழி, மதம் ஆகி யன பாலமாக அமைகின்றன. பல்லின மக்கள் வாழ்கின்ற எமது நாட்டைப் பொறுத்தவரை குடிமகன் ஒருவன் தனது தாய் மொழியில் மாத்திரமன்றி இங்குள்ள மற்றைய மொழியிலும் பரிச்சயம் பெற்றிருப்பதானது இன நல்லுறவுக்குப் பாலமாக அமையுமென்பதில் ஐயமில்லை.

அதேபோன்று ஒருவரின் மதத்தை மற்றவர் கெளரவப்படுத்துவ தென்பது இனங்களுக்கிடையேயான புரிந்துணர்வுக்கும் ஐக் கியத்துக்கும் வழியேற்படுத்தவே செய்யும். மற்றைய இனங்க ளின் மதங்களை கெளரவப்படுத்துவதே உயரிய மாண்பு என் பதை அனைத்து மதங்களுமே வலியுறுத்துகின்றன.

மதம், மொழி போன்றவற்றால் மிக நீண்ட காலமாக விலகியிரு ந்த இனங்களிடையே மதங்கள் வாயிலாக நல்லிணக்கம் தோன்றுவதற்கான சூழலொன்று துளிர்விட்டிருக்கிறது. ஆரோ க்கியமும் பக்குவமும் நிறைந்த இத்தகைய சூழல் நிலைத்திட வேண்டும். இதன் மூலம் இனங்களுக்கிடையிலான நல்லுறவு பலமடைய வேண்டும் என்பதே எமது அவா ஆகும்.

(தினகரன்)