முன்னெச்சரிக்கை கொள்ள வேண்டிய விடயம்

நாட்டில் கடந்த காலத்தில் போலியான நிதி நிறுவன ங்களில் பணத்தை வைப்பிலிட்ட பலர் ஏமாந்து போயுள்ளனர். பாடுபட்டு உழைத்த பணத்தை தவ றான நிதி நிறுவனங்களில் வைப்பிலிட்டதால் இவர்கள் மீள முடியாத நஷ்டத்துக்கு உள்ளாகியுள்ளனர். ஏராளமான மக்களை ஏமாற்றியுள்ள நிதி நிறுவனமாக ‘சக் வித்தி’ என்ற நிதி நிறுவனம் விளங்குகிறது. இது தவிர ஏனைய சில நிதி நிறுவனங்களும் மக்களிடமிருந்து பெரு மளவு பணத்தை கடந்த காலத்தில் மோசடி செய்துள்ளமை மக்களுக்கு ஞாபகமிருக்கலாம்.

சக்வித்தி நிதிக் கம்பனியினால் மோசடி செய்யப்பட்டுள்ள பணம் கோடிக் கணக்கான ரூபாவாகும். இந்நிறுவனத்தில் பணத்தை வைப்புச் செய்தோரில் பெருமளவிலானோருக்கு அவர்களது பணம் திருப்பிக் கொடுக்கப்படவில்லை. அவர்கள் முழுமையாக ஏமாற்றப்பட்டுள்ளனர். இதேசம யம் அந்நிறுவனத்தினால் போலி உறுதிகள் தயாரிக்கப் பட்டு காணிகள் விற்கப்பட்டுள்ளதாகவும் தெரியவந்துள்ளது.

நாட்டின் வரலாற்றில் இதனையே மிகப்பெரும் நிதி மோசடி யென வர்ணிக்கக் கூடியதாக உள்ளது. முன்னொரு காலத் தில் வடபகுதியிலிருந்து ஆரம்பிக்கப்பட்ட நிதி நிறுவன மொன்றில் இது போன்றே ஏராளமான மக்கள் தங்களது பெருந்தொகைப் பணத்தை வைப்புச் செய்தனர். இறுதியில் அந்நிறுவனம் திடீரென மூடப்பட்டதும்தான் மக்கள் தாங் கள் ஏமாற்றப்பட்டதை உணர்ந்தனர். நிதி நிறுவனத்தை ஆரம்பித்தோர் நாட்டை விட்டே தலைமறைவாகியிருந்தனர்.

வடக்கில் பலர் தங்களது காணிகளை விற்றும் கூட இந் நிறுவனத்தில் பணத்தை வைப்புச் செய்திருந்தனர். பெண் பிள்ளைகளின் திருமணத்துக்காக கைவசம் சேர்த்து வைத் திருந்த அத்தனை பணத்தையும் இந்த நிறுவனத்தில் வைப் புச் செய்து விட்டு இறுதியில் ஏமாற்றம் தாங்காது சிலர் மனநோயாளியாகிப் போன பரிதாபமும் நடந்தது.

இது போன்றுதான் ‘சக்வித்தி’ என்ற நிதி நிறுவனத்திடமும் ஏராளமானோர் ஏமாந்து போயுள்ளனர். அரசாங்க மற்றும் தனியார் நிறுவனங்களில் தொழில் பார்த்து ஓய்வுபெற்ற பின்னர் தங்களது ஊழியர் சேமலாப நிதியை மொத்தமாக இந்நிறுவனத்தில் வைப்புச் செய்துவிட்டு நடுத்தெருவில் நிற்போரும் இதில் அடங்குகின்றனர். இவர்களது பரிதாப நிலைமை விபரிக்க முடியாதது.

இதில் மற்றொரு வேடிக்கையும் உண்டு. இந்நிறுவனத்தில் பெரும் பணத்தை வைப்பிலிட்டு ஏமாந்தோரில் டாக்டர்கள், சட்டத் தரணிகள், பொறியியலாளர்கள், கணக்காளர்கள், ஆசிரியர் கள் போன்றோரும் அடங்குகின்றனர். கல்வியறிவுள்ள மட் டத்தினரே இந்நிறுவனத்திடம் ஏமாந்து போயுள்ளனரெனில் பாமர மக்களைப் பற்றி நாம் கூறத் தேவையில்லை.

நிதி மோசடிக் குற்றச்சாட்டின் பேரில் சக்வித்தி ரணசிங்க தற் போது விசாரிக்கப்பட்டு வருகிறார். இவரது நிறுவனத்தி னால் இழைக்கப்பட்டதாகக் கூறப்படும் மேலும் பல மோசடி கள் பற்றிய தகவல்கள் இப்போது படிப்படியாக வெளி யாகிக் கொண்டிருக்கின்றன.

இத்தகைய பாரிய நிதி மோசடியைப் பொறுத்தவரை அந்நிறு வனத்தின் உரிமையாளரைக் குற்றம் கூறுவதைப் பார்க்கிலும் ஏமாந்து போனவர்கள் இழைத்த தவறுதான் இப்போது பெரிதாகத் தெரிகிறது.

அந்நிறுவனம் அறிவித்த கவர்ச்சிகரமான வட்டி மற்றும் சலு கைகள் காரணமாகவே இத்தனை தொகையான மக்கள் ஏமாந்து போயுள்ளனரென்பது மட்டும் உண்மை. மனித இயல்புகளில் இதுவும் ஒன்று...

தங்களது சேமிப்புக்கு கூடுதல் வட்டியும் சலுகையும் கிடை க்குமென்று மட்டுமே இவர்களெல்லாம் எதிர்பார்த்திருப்பர். அந்நிறுவனத்தின் நம்பகத்தன்மையை ஆராய்ந்து பார்ப்பத ற்கு இவர்களெல்லாம் தவறிவிட்டனர். மக்கள் மத்தியிலுள்ள இத்தகைய பலவீனத்தையும் சுபாவத்தையும் ஏமாற்றுப் பேர் வழிகள் தங்களுக்குச் சாதகமாக்கிக் கொள்கின்றனரென் பதற்கு சக்வித்தி நிறுவனத்தின் மோசடியை விட வேறு உதாரணம் தேவையில்லை.

பாடுபட்டு உழைத்த பணத்தை நம்பகத்தன்மையுள்ள நிதி நிறுவனத்தில் மட்டுமே வைப்பிலிட வேண்டும். வெறு மனே விளம்பர மாயைகளுக்குப் பலியாகிவிடக் கூடாது. ஏமாற்றுப் பேர்வழிகள் எங்கும் இருக்கக் கூடும். மக்களின் முன்னெச்சரிக்கையே இங்கு பிரதானம்.

(தினகரன்)

சப்ரா என்கிற நிதிக்கம்பனி நடாத்தி நூற்றுக்கணக்கனக்கான தமிழர்களின் பணத்தை மோசடி செய்த சரவணபவன் தற்போது தமிழ் மக்களின் எம்பி ஆகியிருக்கிறார். தமிழ் தேசிய கூட்டமைப்பு எம்பியாக யாழ்ப்பாணத்து மக்கள் தெரிவு செய்திருக்கின்றனர்.  - சாகரன்