மீண்டும் களைகட்டும் நல்லூர் திருவிழா

நல்லூர் கந்தசுவாமி கோவில் வருடாந்த திருவிழா இப்போது நடைபெறுகின்றது. கடந்த ஞாயிற்றுக் கிழமை ஆரம்பித்த திருவிழா இருபத்தைந்து நாட்கள் நடைபெறும். இலங்கையின் பிரசித்திபெற்ற இந்து ஆலயங்களுள் நல் லூர் கந்தசுவாமி கோவிலும் முக்கியமானது. திருவிழாக் காலங்களில் மாத்திரமன்றி எல்லா நாட்களிலும் ஏராளம் பக்தர்கள் நல்லூர் ஆலயத்துக்குச் சென்று வழிபடுவது வழக்கம். திருவிழாக் காலத்தில் பக்தர் கூட்டத்தால் அப் பிரதேசம் நிறைந்துவிடும். நல்லூர் திருவிழா நாட்களை யாழ்ப்பாண மாவட்டத்தில் வாழும் இந்துக்கள் அனைவரும் புனித நாட்களாகக் கருதுவார்கள். தென் னிலங்கையில் வாழும் இந்துக்களும் நல்லூர் திரு விழாவுக்காக வடக்கு நோக்கிச் செல்வது வழக்கம்.

இது மூன்று தசாப்தங்களுக்கு முந்தியகால வழமை நிக ழ்வு. அக்காலத்தில் வருடந் தவறாமல் இந்த நிகழ்வுகள் இடம்பெற்றன. புலிகளின் கை மேலோங்கி வடபகுதி மக்களின் இயல்பு வாழ்க்கை நிலைகுலைந்திருந்த முப் பது வருட காலப்பகுதியில் நல்லூர்க் கந்தனும் கல கலப்பும் சோபையும் இல்லாத நிலைக்கு உள்ளாகினார். திருவிழாக் காலங்களில் முன்னைய நாட்களைப் போலப் பக்தர்கள் வெள்ளம் கரைபுரளவில்லை. பிற இடங்களிலிருந்து வரும் பக்தர்களின் எண்ணிக்கை வெகுவாகக் குறைந்தது. சுருக்கமாகக் கூறுவதானால், முப்பது வருட காலமும் வெறும் சம்பிரதாயமாகவே நல்லூர் திருவிழா நடந்தேறியது எனலாம். மீண்டும் தொடங்கும் மிடுக்கு என்பது போல, இந்தத் தடவை நல்லூர் திருவிழா களைகட்டுகின்றது. கொடி யேற்ற நாளிலிருந்து ஒவ்வொரு நாளும் ஏராளம் பக்தர் கள் கோவிலுக்குச் செல்கின்றார்கள்.

கொழும்புக்கும் யாழ்ப்பாணத்துக்குமிடையே இப்போது பல தனியார் பஸ்கள் சேவையில் ஈடுபடுகின்றன. கொழும்பிலிருந்து யாழ்ப்பாணத்துக்குச் செல்லும் தனியார் பஸ்களில் கடந்த சில நாட்களாக நல்லூர் திருவிழாவுக்குச் செல் பவர்கள் கணிசமான எண்ணிக்கையினராக உள்ளனர். பல்வேறு பொருட்களை விற்பனை செய்யும் ஏராளம் தற்காலிக கடைகள் கோவிலை அண்டிய பிரதேசங் களில் அமைந்துள்ளன. மூன்று தசாப்தங்களுக்கு முந்திய திருவிழாக் கலகலப்பை மீண்டும் பார்க்கிறோம்.

முன்னர் இருந்த எல்லாத் தடைகளும் நீங்கி வடபகுதி உட்பட நாடு வழமை நிலைக்குத் திரும்புகின்றது என்பதற்கு இந்த வருட நல்லூர் கந்தசுவாமி கோவில் திருவிழா ஒரு எடுத்துக்காட்டு. புலிகளுக்கு எதிரான இராணுவ நடவடிக்கை வெற்றியீட்டியதன் உடனடிப் பின்விளைவு என்று இதைக் கூறலாம். நாடு வழமை நிலைக்குத் திரும்பிக்கொண்டிருக்கும் நிலை யைத் தலைவர்கள் சரியான முறையில் பயன்படுத் தினால் மக்களின் நியாயபூர்வமான சகல எதிர்பார்ப்பு களையும் விரைவில் நிறைவேற்ற முடியும். என்னென்ன வசதி வாய்ப்புகள் இப்போது உடனடியாகக் கிடைக் கின்றனவோ அவற்றை முழுமையாகப் பயன்படுத்திக் கொண்டு மேலும் பல வசதிகளையும் வாய்ப்புகளையும் பெறுவதற்கு முயற்சிக்க வேண்டும். மக்களின் நாளாந்த வாழ்க்கைக்கு மாத்திரமன்றி அரசியல் சார்ந்த அபிலாஷைகளுக்கும் இதுவே பொருத்தமான அணுகு முறை. நல்லூர் திருவிழா மாத்திரமன்றி மக்களின் வாழ்க்கையும் மீண்டும் களைகட்ட வேண்டும்.

(தினகரன்)