இடம்பெயர்ந்தோரின் துயரத்தை அரசியலாக்கக் கூடாது

மீள் குடியேற்றம் தொடர்பாக நேற்றைய பத்திரிகை களில் வெளியாகிய இரண்டு செய்திகள் இவ்விட யத்தில் அக்கறை உள்ளவர்களின் முக்கிய கவனத் துக்குரியவை. கிளிநொச்சி மாவட்டத்தின் ஆறு கிராம சேவகர் பிரிவு களில் நேற்று மீள்குடியேற்றம் நடைபெற்றதென்பது ஒரு செய்தி. இடம்பெயர்ந்தவர்களில் தொண்ணூறு வீதமா னோர் மீள்குடியேற்றப்பட்டுவிட்டனர் என்று ஐக்கிய நாடுகள் சபையின் இலங்கைக்கான வதிவிடப் பிரதிநிதி கூறியிருப்பது மற்றைய செய்தி.

இடம் பெயர்ந்தவர்களின் மீள்குடியேற்ற விவகாரத்தை அர சாங்கத்துக்கு எதிரான பிரதான பிரசார ஆயுதமாகச் சில அரசியல் கட்சிகள் பயன்படுத்துகின்ற பின்னணியில் இவ் விரு செய்திகளும் வெளியாகியிருப்பது அப் பிரசாரம் அரசியல் நோக்கம் கொண்டது என்று அரச தரப்பினர் கூறுவதை உறுதிப்படுத்துவதாக உள்ளது. இடம் பெயர்ந் தவர்களின் மீள்குடியேற்றம் உடனடியாகச் சில வீடுக ளைக் கட்டி மக்களைக் குடியமர்த்தும் அளவுக்கு இலகு வானதல்ல. உக்கிரமான சண்டை நடைபெற்ற பகுதியி லேயே மீள்குடியேற்றம் நடைபெற வேண்டியிருப்பது அனைவரும் கவனத்தில் கொள்ள வேண்டிய பிரதான விடயம்.

கற்றுக்கொண்ட பாடங்கள் மற்றும் நல்லிணக்கம் பற்றிய ஆணைக்குழு முன்னிலையில் சாட்சியமளித்த பாதுகாப் புச் செயலாளர், யுத்தத்தில் ஆறாயிரம் படையினர் மர ணமடைந்ததாகவும் கிட்டத்தட்ட முப்பதாயிரம் படையி னர் காயமடைந்ததாகவும் கூறியிருக்கின்றார். யுத்தம் எவ் வளவு உக்கிரமாக நடைபெற்றது என்பதை இதிலிருந்து விளங்கிக்கொள்ளலாம். அதேபோல், எத்தனை கண்ணி வெடிகள் புதைக்கப்பட்டிருக்கலாம் என்பதையும் உட்கட் டமைப்பு வசதிகளில் எவ்வளவு சேதம் ஏற்பட்டிருக்க லாம் என்பதையும் விளங்கிக்கொள்ள முடியும்.

வகைதொகையின்றிக் கண்ணிவெடிகள் புதைக்கப்பட்டிருக் கின்றன. ஏறக்குறைய எல்லா உட்கட்டமைப்பு வசதிக ளும் சேதமாகிவிட்டன. இந்த நிலையில் உடனடியாக மீள்குடியேற்றத்தைச் செய்வதென்பது இயலாத காரியம். கண்ணிவெடிகளை அகற்றுவதும் உட்கட்டமைப்பு வசதி களை மீளக் கட்டியமைப்பதும் மீள் குடியேற்றத்துக்கு அத்தியாவசியமான முன்தேவைகள். இந்த முன்தேவை களைப் பூர்த்தி செய்துகொண்டே மீள்குடியேற்றம் மேற் கொள்ளப்படுகின்றது. இதனால் சிறிதளவு தாமதம் ஏற் படுவது தவிர்க்க முடியாதது.

இடம் பெயர்ந்தவர்களில் தொண்ணூறு வீதத்தினர் மீளக் குடியமர்த்தப்பட்டுவிட்டனர் என்று ஐக்கிய நாடுகள் சபையின் வதிவிடப் பிரதிநிதி கூறுவது மீள்குடியேற்றச் செயற்பாடு திருப்திகரமாக நடைபெறுகின்றது என்பதை உறுதிப்படுத்துவதாக உள்ளது. கிளிநொச்சியில் ஆறு கிராம சேவகர் பிரிவுகளில் நேற்று நடைபெற்ற மீள்குடி யேற்றம் தொடர்ச்சியான செயற்பாட்டின் ஒரு அம்சமே. வன்னியில் பல கிராம சேவகர் பிரிவுகளில் ஏற்கனவே மீள்குடியேற்றம் இடம் பெற்றுவிட்டது.

அரசாங்கம் மீள்குடியேற்றத்தில் அக்கறை செலுத்தவில்லை என்று எதிரணிக் கட்சிகள் செய்யும் பிரசாரம் இடம் பெய ர்ந்த மக்கள் மீது கொண்டுள்ள அக்கறையை வெளிப் படுத்தவில்லை. இது இடம்யெர்ந்த மக்களைத் தவறாக வழிநடத்தி அரசியல் ஆதாயம் தேடும் நோக்கத்தையே வெளிப்படுத்துகின்றது.

இடம் பெயர்ந்திருக்கும் மக்கள் பல்வேறு இன்னல்களுக்கு உள்ளாகியவர்கள். அவர்களின் துயரத்தை அரசியல் ஆதாயத்துக்காகப் பயன்படுத்தாமல் மீள்குடியேற்றத்தை மேலும் துரிதப்படுத்துவதற்கு அரசாங்கத்துடன் ஒத்து ழைப்பது தான் அம் மக்கள் மீதுள்ள உண்மையான அக்கறையாகும்.

(தினகரன்)