வடஇலங்கையின் பொருளாதாரம் வளர்ச்சியடைந்து வருகிறது

ஆனையிறவு உப்பளத்தின் பணிகளை துரிதகதியில் ஆரம் பிப்பதற்கான நடவடிக்கைகளை பாரம்பரிய கைத்தொழில் மற்றும் சிறு கைத்தொழில் அபிவிருத்தி அமைச்சு, இப் போது எடுத்து வருவதாக அவ்வமைச்சின் செயலாளர் வி. சிவ ஞானசோதி தெரிவித்துள்ளார். ஜனாதிபதி மஹிந்த ராஜபக்ஷ அவர்கள் ஆனையிறவு உப்பளத்தின் பணிகளை கூடியவிரைவில் ஆரம்பிப்பதற்கு முன்னுரிமை அளிக்க வேண்டும் என்று விடுத்த உத்தரவை அடுத்தே இப்பணிகள் இப் போது வேகமாக ஆரம்பிக்கப்பட்டுள்ளன. பயங்கரவாத யுத்தம் உச்சக் கட்டத்தை அடைந்திருந்த காலகட்டத்தில் ஆனையிறவு உப்பளத்தின் வேலைகள் கைவிடப்பட்டு செயலிழ ந்து இருந்தன. ஆனையிறவு உப்பளம் அமைந்துள்ள பிரதேசத்தில் நிலக்கண்ணிவெடிகள் பெருமளவில் புதைக்கப்பட்டிருந்த காரணத்தி னால், அவை முற்றாக அகற்றப்படும் வரையில் உப்பளத்தின் உற் பத்தி பணிகளை ஆரம்பிக்க முடியாத ஒரு சிக்கல் முன்பு தோன் றியிருந்தது.

இப்போது இலங்கை இராணுவத்தின் பொறியியல் படைப்பிரிவினர் உப் பளத்தை சார்ந்த சகல பிரதேசங்களிலும் புதையுண்டு இருந்த கண் ணிவெடிகளை அகற்றும் பணிகளை வெற்றிகரமான முறையில் நிறை வேற்றி இருப்பதனால், உப்பளத்தின் பணிகளை ஆரம்பிப்பதற்கான பச்சை கொடி காண்பிக்கப்பட்டுள்ளது. 1800 ஏக்கருக்கும் கூடுத லான நிலப்பரப்பில் அமைந்திருக்கும் ஆனையிறவு உப்பளங்களிலி ருந்து வருடாந்தம் பல்லாயிரக்கணக்கான தொன் உப்பை தயாரிக்க முடியும் என்று மதிப்பீடுகள் செய்யப்பட்டுள்ளன.

இந்த உப்பளம் செயற்பட ஆரம்பிக்கும் போது அதனால், தேசிய பொருளாதாரம் வளம்பெறுவதுடன் வடபகுதியின் பொருளாதாரமும் வளர்ச்சியடையும் என்று எதிர்பார்க்கப்படுகின்றது.

வடபகுதியில் பயங்கரவாத நடவடிக்கைகள் அதிகரிக்க ஆரம்பித்திரு ந்த காலகட்டத்தில் 1980 ஆம் ஆண்டு தசாப்தத்தின் நடுப்பகுதியில் ஆனையிறவு உப்பளத்தின் உற்பத்தி பணிகள் முற்றாக கைவிடப் பட்டன. அன்று, இந்த உப்பளம் சிறப்புற செயற்பட்டுக் கொண் டிருந்த காலகட்டத்தில் அங்கிருந்து வருடாந்தம் 60 ஆயிரம் முதல் 80 ஆயிரம் தொன் வரையிலான உப்பு அறுவடை செய்யப்பட்டது.

இது நாட்டின் உப்புத்தேவையின் 40 சதவீதத்தை ஈடுசெய்வதாக அமை ந்திருந்தது. இதுபற்றி கருத்து தெரிவித்திருக்கும் வட மாகாண ஆளுநர் மேஜர் ஜெனரல் ஜி.ஏ. சந்திரசிறி பயங்கரவாதிகளினால் முற்றாக அழிக்கப்பட்ட ஆனையிறவு உப்பளத்திற்கு ஜனாதிபதி அவ ர்களின் பணிப்புரையின் கீழும், அமைச்சர் டக்ளஸ் தேவானந்தா வின் ஆலோசனைக்கு அமையவும் இப்போது புத்துயிரூட்டும் நட வடிக்கைகள் துரிதமாக மேற்கொள்ளப்படுகிறது என்றும் இதற்கு எதிர் காலத்தில் வட மாகாண சபையின் பூரண ஆதரவும் ஒத்துழைப்பும் கிடைக்கும் என்றும் கூறினார்.

பாரம்பரிய கைத்தொழில் மற்றும் சிறுகைத்தொழில் அபிவிருத்தி அமை ச்சர் டக்ளஸ் தேவானந்தா, இது தொடர்பாக நடந்த வைபவமொன் றில் கலந்து கொண்டு உரையாற்றுகையில், ஆனையிறவு உப்பளம் நாட்டின் தேசிய பொருளாதாரத்திற்கு ஒரு பெரும் பங்களிப்பை வழங்கி வந்தது என்று கூறினார். அத்தகைய வளமான இந்த உப்ப ளம் பயங்கரவாதிகளின் அச்சுறுத்தல் காரணமாக 1990 ஆம் ஆண்டு முதல் செயலிழந்து இருக்கிறது என்று கவலை தெரிவித்திருக்கிறார்.

இந்த உப்பளத்தின் உற்பத்தி பணிகள் இடைநிறுத்தப்பட்ட காரணத்தி னால், அங்கு பணியாற்றிய சுமார் 4,000 ஊழியர்கள் கடந்த காலத் தில் பெரும் கஷ்டங்களை அனுபவித்து வந்தார்கள் என்று தெரிவி த்த அமைச்சர் டக்ளஸ் தேவானந்தா, இவர்களின் வேண்டுகோளை ஏற்று இவ்வாண்டு ஆரம்பம் முதல் இந்த ஊழியர்களுக்கு கடந்த காலத்தில் செலுத்தப்படாத சம்பளத் தொகையுடன் நஷ்டஈடுகளை யும் வழங்குவதற்கு நடவடிக்கை எடுக்கப்பட்டது என்று தெரிவித் தார்.

ஆனையிறவு உப்பளத்தைப் போன்று வடபகுதியில் பொருளாதாரத்தி ற்கு உறுதுணை புரிந்து வந்த மேலும் பல பாரிய தொழில் முயற்சி கள் பயங்கரவாதிகளினால் செயலிழக்கச் செய்யப்பட்டன. அரசாங் கம் இப்போது அவை அனைத்தையும் ஆரம்பித்து வடபகுதி மக்க ளின் வாழ்க்கையையும், அவர்களின் பொருளாதாரத்தையும் வளம் பெற வைக்கும் நல்ல பல திட்டங்களை மஹிந்த சிந்தனை எண் ணக்கருவுக்கு ஏற்புடைய வகையில் நிறைவேற்றி வருவது பாராட் டுக்குரிய செயலாகும்.

வடபகுதியின் பொருளாதாரத்தை வளர்ச்சியடையச் செய்ய வேண்டுமா யின், தென்னிலங்கையை வட இலங்கையுடன் இணைக்கும் பாரிய வீதிகளை திருத்தி அமைத்தல் அவசியம் என்பதனால், இன்று வட பகுதிக்கான பிரதான வீதிகள் மட்டுமல்ல, கிராமங்களை இணைக் கும் சிறிய வீதிகளும் வேகமாக புனரமைக்கப்பட்டு வருகின்றன. அத்துடன், வடபகுதியிலுள்ள சகல கிராமங்களுக்கும் மின்சார இணை ப்பை பெற்றுக் கொடுப்பதுடன், தரைக்கண்ணிவெடிகளை முற்றாக அகற்றி விளைச்சல் நிலங்களில் மீண்டும் விவசாயத்தை ஆரம்பிப் பதற்கான உரப்பசளை, உழவு இயந்திரங்கள் மற்றும் நீர்ப்பாசன வசதிகளையும் அரசாங்கம் இப்போது துரித கதியில் பெற்றுக் கொடுத்து வருகிறது.

இப்பணியை பொருளாதார அபிவிருத்தி துறை அமைச்சர் பசில் ராஜபக்ஷ அவர்களும், அம்பாந்தோட்டை தொகுதியின் இளம் பாராளுமன்ற உறுப்பினரான நாமல் ராஜபக்ஷவும் நெறியான முறை யில் இன்று நிறைவேற்றிக் கொண்டிருக்கிறார்கள்.

(தினகரன்)