நவீன வசதிகளைக் கொண்டதாக நெடுந்தீவு மாற்றமடைந்து வருகிறது

சமீபத்தில் நடந்து முடிந்த நெடுந்தீவு பிரதேச சபை தேர்தல் பிர சாரத்தில் கலந்துகொண்ட ஜனாதிபதி மஹிந்த ராஜபக்ஷ, நெடு ந்தீவை நான் சகல வசதிகளைக் கொண்ட ஒரு நவீன தீவாக மாற்றுவேன் என்று வாக்குறுதி அளித்திருந்தார். சொல்வதைச் செய் வேன், செய்வதை சொல்வேன் என்ற யதார்த்தத்தில் அசையாத நம்பிக்கையுடைய நம்நாட்டு ஜனாதிபதி இப்போது நெடுந்தீவின் அபிவிருத்திக்கான நடவடிக்கைகளை உடனடியாக ஆரம்பிக்கு மாறு அத்தீவின் மேம்பாட்டில் அதிக ஆர்வம் கொண்டிருக்கும் பாரம்பரிய கைத்தொழில் மற்றும் சிறு தொழில்துறை அபிவிருத்தி அமைச்சர் டக்ளஸ் தேவானந்தாவுக்கு தெரிவித்துள்ளார்.

சமீபத்தில் வேலணை பிரதேச செயலகத்தில் நடைபெற்ற பிரதேச அபி விருத்தி குழுக் கூட்டத்தில் உரையாற்றிய அமைச்சர் டக்ளஸ் தேவானந்தா நெடுந்தீவுக்கு தேவையான வசதிகளையும் செய்து கொடுக்குமாறு ஜனாதிபதி அவர்கள் தமக்கு அறிவித்திருப்பதாக கூறினார்.

கடந்த உள்ளூராட்சிமன்ற தேர்தலில் நெடுந்தீவில் அரசாங்க கட்சி அதிக வாக்குகளைப் பெற்று மகத்தான வெற்றியீட்டியது. அம்பாந் தோட்டை மாவட்டத்தில் அரசாங்க கட்சி அடைந்த வெற்றியின் போது கிடைத்த விகிதாசார வாக்குகளை விட நெடுந்தீவில் அரசா ங்க கட்சிக்கு கூடுதலான விகிதாசார வாக்குகள் கிடைத்திருப்பது இங்கு பாராட்டுக்குரிய விடயமாகும்.

நெடுந்தீவின் சகல பிரதான வீதிகளும், அங்குள்ள மக்களின் பூரண பங்களிப்புடன் நவீன பாதைகளாக திருத்தி அமைக்கப்படவுள் ளன. நெடுந்தீவுக்கும் யாழ். குடாநாட்டிற்கும் இடையிலான கப்பல் சேவையை மேலும் சிறந்த முறையில் நடத்துவதற்கும் அமைச்சர் தேவானந்தா இப்போது நடவடிக்கை எடுத்திருப்பதனால், ‘நோர் தன் ஸ்ரார்’, ‘குமுதினி’ ஆகிய இரண்டு கப்பல் சேவைகளை நாளொன்றுக்கு கூடுதலாக நடத்துவதற்கும் வசதிகள் செய்யப்பட் டுள்ளன. அதுபோன்று இலங்கை போக்குவரத்து சபையும் நெடுந் தீவின் பஸ் சேவையை இப்போது சிறப்பாக நடத்தி வருகிறது.

நெடுந்தீவு மாவட்ட ஆஸ்பத்திரிக்கு ஒரு வைத்தியரும், இரண்டு தாதி மாரும் அங்குள்ள கழிவறைகள் போன்றவற்றை சுத்தம் செய்வதற் கான தொழிலாளர்களும், நெடுந்தீவு ஆஸ்பத்திரிக்கு இருக்கும் அம் புலன்ஸ் வண்டிக்கான சாரதியும் இப்போது நியமிக்கப்பட்டுள்ள னர்.

நெடுந்தீவு பிரதேச சபையின் கட்டுப்பாட்டில் உள்ள குடிநீர் பெறும் கிணறுகளை புனரமைப்பு செய்வதற்கும் அரசாங்கம் ஒரு லட்ச ரூபாவை வழங்கியுள்ளது. இதனைவிட, அங்குள்ள மூன்று நீர்த் தேக்கங்களையும், 53 சிறிய குளங்களையும் புனரமைப்பு செய்வது டன், நெடுந்தீவிலுள்ள கால்நடைகள், குறிப்பாக கோவேரி கழுதை களின் நல்வாழ்வுக்கும் இப்போது நிர்வாக ரீதியில் நடவடிக்கை எடுக்கப்பட்டுள்ளன.

நெடுந்தீவில் கடற்படையின் உதவியுடன் 329 நவீன வீடுகளை அமைக்கும் திட்டமும் இப்போது வெற்றிகரமான முறையில் நடை பெற்று வருகின்றது. அங்குள்ள வீடுகளற்ற குடும்பங்களுக்கு மாதா ந்தம் இத்திட்டத்தின் அடிப்படையில் 10 வீடுகள் நிர்மாணித்து கொடுக்கப்படுகின்றன. நெடுந்தீவு மக்களின் வாழ்வாதாரத்திற்கு உறுதுணை புரிவதற்காக அவர்கள் காய்கறிகளை வளர்ப்பதற்காக வும், 3 ஏக்கர் காணியை அரசாங்கம் ஒதுக்கீடு செய்துள்ளது.

நெடுந்தீவின் மேம்பாட்டிற்கு அமைச்சர் டக்ளஸ் தேவானந்தா கடந்த பல்லாண்டு காலமாக மேற்கொண்டு வரும் சேவை பாராட்டுக்குரி யதாகும். அமைச்சரின் முயற்சியினால் இலங்கையிலிருந்து பல மைல் தூரத்தில் இருக்கும் நெடுந்தீவு மீண்டும் எங்கள் நாட்டின் ஒரு பகுதியாக கருதக் கூடியளவுக்கு பொருளாதாரத் துறையிலும் முன்னேற்றம் அடைந்திருப்பதுடன், நவீன வசதிகளையும் உடைய ஒரு தீவாக அது மாற்றமடைந்து வருகிறது.

கடல் பிரயாணத்தில் ஆர்வமிக்க உள்ளூர் மற்றும் வெளிநாட்டு உல் லாசப் பயணிகளை ஈர்ந்தெடுக்கக் கூடிய வகையில் நெடுந்தீவின் இயற்கை சுற்றாடல் அமைந்திருப்பதனால், கூடிய விரைவில் நெடு ந்தீவு உல்லாசப் பயணிகளின் ஒரு சொர்க்கப் பூமியாக மாறுவதற் கான வாய்ப்புகளும் அதிகரித்துக் கொண்டிருக்கிறது.

வட பகுதியின் அபிவிருத்தியில் அதிக ஆர்வத்துடன் பணிகளை மேற்கொண்டு வரும் பொருளாதார அபிவிருத்தி துறை அமைச்சர் பசில் ராஜபக்ஷ அவர்களும், நெடுந்தீவின் அபிவிருத்திக்காக இப்போது 50 மில்லியன் ரூபாவையும் ஒதுக்கீடு செய்துள்ளார்.

நான் நாட்டின் வடக்கு, கிழக்கு, தெற்கு, மேற்கு, மலையகம் ஆகிய சகல பகுதிகளிலும் உள்ள மக்களுக்கு, சாதி, மத, இன பேதங்களி ன்றி சேவை செய்யும் ஜனாதிபதியாக இருக்கின்றேன். நான் எல்லா மக்களுக்கும் நாட்டின் எல்லாப் பிரதேசங்களுக்கும் ஒரே அகப்பையின் மூலமே எனது பணிகளை சரிசமமாக பகிர்ந்து கொடுக்கிறேன். அதன் ஒரு அங்கமாகவே நெடுந்தீவின் அபிவி ருத்தியில் நான் இந்த அளவுக்கு ஆர்வத்தை காட்டி வருகிறேன் என்று ஜனாதிபதி மஹிந்த ராஜபக்ஷ சமீபத்தில் தெரிவித்த கரு த்தை நாம் ஞாபகப்படுத்துவது பொருத்தமாக இருக்கும்.

(தினகரன்)