சிவில் பாதுகாப்பு குழுக்களை மீண்டும் செயற்படுத்த பாதுகாப்பு அமைச்சு முடிவு

தற்போது நாட்டில் எழுந்திருக்கும் மர்ம மனிதன் அச்சுறுத்தல் தொடர்பாக மக்கள் பீதி அடைந்து, ஆர்ப்பாட்டங்கள் செய்வ தையும் சட்டத்திற்கு மாறாக நடந்துகொள்வதையும் உடனடி யாக தடுத்து விடுவதற்காக தற்போது செயலிழந்து இருக்கும் சிவில் பாதுகாப்பு குழுக்களுக்கு புத்துயிர் அளித்து, அவற்றை இம்மாதம் 30ஆம் திகதியன்று அல்லது அதற்கு முன்னர் செயற்படுத்த வேண்டும் என்று, பாதுகாப்பு செயலாளர் கோத்தாபய ராஜபக்ஷ அவர்களும், பொலிஸ் மா அதிபர் இளங்ககோனும் சம்பந்தப்பட்ட உத்தியோகஸ்தர்களுக்கு அவசர உத்தரவைப் பிறப்பித்துள்ளார்கள்.

பயங்கரவாத யுத்தம் நடைபெற்றுக் கொண்டிருந்த கடைசி சில வரு டங்களின் போது, சிவில் பாதுகாப்பு குழுக்கள் கொழும்பிலும், நாட் டின் நாலாபக்கங்களிலும் பாதுகாப்பை பலப்படுத்தி, பயங்கரவாத நடவடிக்கைகளை முளையிலேயே கிள்ளியெறிவதற்கு மகத்தான சேவையாற்றியமை குறிப்பிடத்தக்கது.

இந்த சிவில் பாதுகாப்புக் குழுவினர் நகரங்களில் மட்டுமன்றி, வடக்கு, கிழக்கு மற்றும் வடமத்திய பிரதேசங்களிலுள்ள எல்லைக் கிராமங் களுக்கும் பூரண பாதுகாப்பு அளிப்பதில், பாராட்டுக்குரிய வகை யில் பணியாற்றியமை குறிப்பிடத்தக்கது. ஆயுதப் படையினர் எல். ரி. ரி. ஈ. பயங்கரவாதிகளுடன் போர் முனையில் யுத்தம் புரிந்து கொண்டிருந்த போது, இந்த சிவில் பாதுகாப்பு குழுக்கள் நாட்டின் ஏனைய பிரதேசங்களில் பொதுமக்களுக்கு பூரண பாதுகாப்பு அளி க்கும் பணியை நிறைவேற்றின.

யுத்தம் உச்சகட்டத்தில் நடந்துகொண்டிருந்த காலத்தில், நாடெங்கிலும் 14 ஆயிரம் சிவில் பாதுகாப்பு குழுக்கள் கிராமங்களுக்கு பூரண பாது காப்பை பெற்றுக் கொடுத்தன. ஒவ்வொரு கிராமத்திலும் தெரிவு செய்யப்பட்ட இளைஞர்களும், யுவதிகளுமே இந்த சிவில் பாது காப்பு குழுவில் சேர்க்கப்பட்டார்கள். யுத்தம் ஆயுதப்படையினரால் வெற்றிகரமாக முடிவுக்கு கொண்டு வரப்பட்டதை அடுத்து, நகரங்க ளையும் கிராமங்களையும் முழுமையாக பாதுகாக்கும் பணியை பொலிசாரும், முப்படைகளும் பொறுப்பேற்றதை அடுத்து, சிவில் பாதுகாப்பு குழுக்கள் செயலிழந்தன.

தற்போதைய சூழ்நிலையில் சிவில் பாதுகாப்பு குழுக்களின் சேவையும் பெற்றுக் கொடுப்பது அவசியம் என்று அரசாங்கம் கருதுகின்ற கார ணத்தினால், பாதுகாப்பு அமைச்சும் பொலிஸ் திணைக்களமும், நாடெ ங்கிலுமுள்ள சகல பொலிஸ் நிலையங்களுக்கும் மீண்டும் சிவில் பாதுகாப்பு குழுக்களை ஒழுங்கு செய்து அவற்றை செயற்படுத்து வதற்கு நடவடிக்கை எடுக்க வேண்டும் என்று உத்தரவு பிறப் பித்துள்ளது.

மஹரகம நகரசபை மண்டபத்தில் நடைபெற்ற நுகேகொட பொலிஸ் பிரிவின் கூட்டமொன்றில் பொலிஸ் உத்தியோகஸ்தர்களும், சிவில் பாதுகாப்பு குழுக்களின் அங்கத்தவர்களும் கலந்து கொண்டனர். அங்கு இந்த கருத்து வலியுறுத்தப்பட்டது. இந்த கூட்டத்திற்கு நுகேகொட பொலிஸ் அத்தியட்சகர் தேசபந்து தென்னகோன் தலைமை தாங்கினார்.

சிவில் பாதுகாப்புக் கடமைகளில் மட்டுமன்றி, தற்போது நாட்டில் அதி கரித்து வரும் டெங்கு நோயை கட்டுப்பாட்டில் கொண்டு வருவதற் கும் சிவில் பாதுகாப்பு குழுவினர் பொலிசாருக்கு பூரண ஒத்துழை ப்பை அளிக்க வேண்டும் என்ற கருத்தும் இந்த கூட்டத்தில் வலி யுறுத்தப்பட்டது.

இதையடுத்து, நுகேகொட பொலிஸ் பிரிவிலுள்ள சகல பொலிஸ் நிலையங்களுக்கும் வாரத்திற்கு ஒரு தடவையாவது டெங்கு ஒழிப்பு நடவடிக்கைகளை சிரமதான அடிப்படையில் சிவில் பாது காப்பு குழுவினருடன் இணைந்து மேற்கொள்ளுமாறு உத்தரவு இட ப்பட்டுள்ளது.

கடந்த மே மாதத்தில் டெங்கு நோயினால் பாதிக்கப்பட்டவர்களின் எண்ணிக்கை கொழும்பில் அதிகரித்ததை அடுத்து, டெங்கு நுள ம்புகள் இனவிருத்தி செய்யும் இடங்களை இனங்கண்டு கொழும்பு மாநகர சபை உத்தியோகஸ்தர்கள் பொலிசாரின் ஒத்துழைப்புடன் அவற்றை ஒழித்துக் கட்டுவதற்காக கிஹியி பற்aரியாவை தெளித்தார்கள். அப்படியிருந்தும் கொழும்பு மாநகரத்தில் டெங்கு நோயாளர்களின் எண்ணிக்கை குறைந்துவிட்டதாக கூறமுடியாது இருக்கிறது.

டெங்கு நுளம்புகளை ஒழிப்பதற்கு நடவடிக்கைகளை எடுத்த பின்ன ரும் கூட, கொழும்பில் 195 புதிய டெங்கு நோயாளிகள் பாதிப்புக் குள்ளாகி இருக்கிறார்கள். தற்போது எல்லாமாக 885 டெங்கு நோயாளர்கள் கொழும்பு நகரில் மாத்திரம் இருக்கிறார்கள். இதில் 50 சதவீதமான டெங்கு நோயாளிகள் கொழும்பிலுள்ள பாடசாலை பிள்ளைகளாவர்.

கொழும்பில் மட்டுமல்ல நாட்டின் சகல மாகாணங்களிலுமுள்ள பாடசா லைகளிலும் டெங்கு ஒழிப்பு நடவடிக்கைகள் மேற்கொள்ளப்பட்ட போதிலும், மேல் மாகாணத்திலுள்ள 75 சதவீதமான பாடசாலைக ளில் டெங்கு அச்சுறுத்தல் தொடர்ந்தும் நீடித்து வருவதாக அறி விக்கப்படுகிறது.

இவ்வாண்டில் டெங்கு நோயினால் 177 பேர் மரணித்திருக்கிறார்கள். டெங்கு நோயாளர்களின் எண்ணிக்கை இப்போது நாடெங்கிலும் 25,011 ஆக அதிகரித்துள்ளது. விரைவில் செயற்பட இருக்கும் சிவில் பாதுகாப்புக் குழுவினர் நாட்டின் பாதுகாப்புக்கு உத்தரவா தம் அளிக்கும் பணியுடன் டெங்கு நோய் ஒழிப்பு நடவடிக்கைகளி லும் தீவிரமாக ஈடுபடுவார்கள் என்று நாம் அசையாத நம்பிக்கை கொண்டிருக்கிறோம்.

(தினகரன்)