இலங்கை இந்திய அரசுகள் மீண்டுமொரு ஒப்பந்தம் செய்யும் நிலைமை உருவாகுமா?

(சானக)

தற்போதைய இலங்கை அரசு ஜனாதிபதி ஜே.ஆர்.ஜயவர்தன காலத்தில் இடம்பெற்ற துக்ககரமான தவறுகளை நோக்கி செல்வதாகவும் மீண்டும் இலங்கையும் இந்தியாவும் ஒப்பந்தம் ஒன்றை செய்யலாம் எனவும் அவுஸ்திரேலியா சிட்னி மெக்யூரி பல்கலைக்கழகத்தின் பயங்கரவாத தடுப்பு புலனாய்வு தொடர்பான பேராசிரியர் சானக பெரேரா தெரிவித்தார்.

அவர் மேலும் தெரிவித்திருப்பதாவது, இந்திய ஆதிக்கத்திலிருந்து வெளியேறி மாற்று வெளிநாட்டு கொள்கைகளையே ஜே.ஆர். கடைப்பிடித்தார். இந்தியா அணிசேரா நாடாக இருந்தாலும், ரஷ்யாவோடு நட்புறவு ஒப்பந்தம் மூலம் பிணைக்கப்பட்டிருந்தது. அமெரிக்க ஜனாதிபதி ரீகனும் ஜே. ஆர்.ஜயவர்தனவை அமெரிக்காவுக்கு அழைத்து கௌரவித்தார். இதன் பின்னர் திருமலையிலுள்ள எண்ணெய் குதங்கள் மற்றும் வொயிஸ் ஒவ் அமெரிக்க ஒலிபரப்பு நிலையம் திறப்பது சம்பந்தமாகவும் அமெரிக்காவுடன் பேச்சு இடம் பெற்றது. அயல் நாடுகளின் உள்விவகாரங்களில் தலையிடுவதில்லை. ஆனால், வெளிநாட்டவர் தலையிடுவதை சகிக்கவும் முடியாது என்ற இந்தியாவின் கோட்பாட்டு கொள்கையை ஜே.ஆர்.சரியாக புரிந்து கொள்ளவில்லை.

1987 ஆம் ஆண்டு ஜூன் 4 ஆம் திகதி இந்திய விமானப்படை விமானங்கள் உணவு பொட்டலங்களை இலங்கை வான் பரப்பு மீது வீசியபோது வடமராட்சி இராணுவ நடவடிக்கை நிறுத்தப்பட்டதுடன் இலங்கைக்கு மேற்குலகத்துடன் ஒரு ஒப்பந்தமும் இல்லையென்ற உண்மை நிலையும் தெரியவந்தது.

எந்த ஒரு வல்லரசும், இந்தியாவுடனான தனது வர்த்தக, பொருளாதார உறவுகளை ஒரு சிறிய நாடான இலங்கைக்காக இழக்க விரும்பாது. இதன் காரணமாக ஏற்பட்டது தான் இலங்கை இந்திய ஒப்பந்தம் . ஈழ யுத்தமும், கேரள மும்மூர்த்திகளும் இலங்கை இந்தியாவுடனான, விவேகமான உறவுக்கு 2006 ஆம் ஆண்டு கொழும்பில் பதவி வகித்த நிருபமராவ் அடித்தளம் இட்டார். 3மாதத்திற்கு ஒரு முறை இலங்கை அரசில் செல்வாக்கு நிறைந்த மூவர் கேரள மும்மூர்த்திகளான எம்.கே. நாராயணன், சிவசங்கர் மேனன், நிருபமராவுடன் அடிக்கடி பேச்சுவார்த்தை நடத்தி வந்தனர். இந்திய பாதுகாப்பு செயலர் விஜே சிங்கும் இந்த சந்திப்பில் ஈடுபட்டார். இராணுவ நடவடிக்கை இந்தியாவின் ஈடுபாட்டை கவரவும் கவனம் செலுத்தப்பட்டது.

தி.மு.க தலைவர் கருணாநிதியின் உண்ணாவிரதமும் விவேகமான ராஜதந்திர முயற்சியால் சமாளிக்கப்பட்டது. 13.05.2009 இந்திய பொது தேர்தல் காரணமாக முள்ளிவாய்க்கால் மீதான இறுதி இராணுவ நடவடிக்கையும். மே17 19 க்கு பிற் போடப்பட்டது.

யுத்தம் முடிவடைந்ததும் வெற்றி கொண்டாட்டங்கள் நடந்தேறின. மூவர் அடங்கிய குழுவினரின் புதுடெல்லி கூட்டங்களும் சடுதியாக நிறுத்தப்பட்டன. ஆனால் இலங்கை இந்திய உறவுகளில் இவர்கள் ஏற்படுத்திய உறவுகள் பின்னணியில் செயல்படுகின்றன.

பின்னர் வெளியுறவு செயலராக நிருபமராவ் நியமிக்கப்பட்டு எம்.கே. நாராயனணும் மாற்றப்பட்டுள்ளார். இந்த நிலையில் இந்தியா வட மாகாணத்திற்கு அதிகாரங்களை பகிரக்கூடிய அரசியல் தீர்வு திட்டத்தை வழங்குமாறு ஜனாதிபதி மஹிந்த ராஜபக்ஷவை கோருகிறது.

இது ஜனாதிபதி ராஜபக்ஷ அடிக்கடி கூறிவரும் 13+ ஆக இருக்கலாம். எப்படி இருந்தாலும் பல ஆலோசனை கூட்டங்கள் இடம் பெற்று அனைத்து கட்சிகளின் வட்டமேசை மாநாடு, திஸ்ஸ வித்தாரன கூட்டம், இப்போது பிரேரிக்கப்பட்டுள்ள நாடாளுமன்ற தெரிவுக் குழு சம்பந்தமாக இந்தியா, இலங்கையுடன் தனது பொறுமையை இழந்து வருகிறது.

தமிழ் நாட்டில் ஒரு கட்சி ஆட்சி தமிழ் நாட்டில் ஏற்பட்டுள்ள அரசியல் மாற்றங்களை இலங்கை அரசு உணரவில்லை. தி.மு.க ஆட்சியில் ஏற்பட்ட ஊழல் காரணமாக தமிழ் நாட்டு அரசியல் களம் மாற்றமடைந்துள்ளது. 13.04.2011 நடந்தேறிய தேர்தலில் அ.இ.அ.தி.மு.க ஜெயலலிதா தலைமையில் 203 தொகுதிகளில் மாபெரும் வெற்றியீட்டியுள்ளது. ராஜீவ் காந்தி மே 1991 கொல்லப்பட்ட பின்னர். தமிழ் நாட்டில் புலிகளுக்கு ஆதரவு குறைந்த நிலையில் நெடுமாறன், வை.கோ., சீமான் போன்றோரே இலங்கை தமிழருக்காக குரல் கொடுத்து வந்தனர். புலிகள் தோற்கடிக்கப்பட்ட பின்னர் தமிழர்களைப் பாதுகாப்பதற்காக தமிழ் நாடு மீண்டும் உயிர்த் தெழுகிறது. தமிழ் தேசியத்திற்கான முயற்சியில் கோரிக்கைகளை முன்னெடுத்து ஒருங்கிணைத்து தமிழ் நாட்டின் பெண் முஜிபூராக வர நினைக்கிறார் ஜெயலலிதா.

இந்தியா இலங்கை ஒப்பந்தம் 2 இந்தியாவில் 2014 ஆம் ஆண்டு நடைபெறவுள்ள பொது தேர்தலில் பா.ஜ.கட்சியும் காங்கிரஸ் கட்சியும் மாநில ஆட்சியாளரின் ஆதரவினை நாட வேண்டிய நிர்ப்பந்தம் ஏற்பட்டுள்ளது. இதன் காரணமாக தமிழக ஆட்சியாளர்கள் டில்லியிலுள்ள மத்திய அரசின் மீது அழுத்தங்களை பாவிக்க வாய்ப்புள்ளது. இலங்கை விவகாரம் குறித்து தமிழக அரசு பிரயோகிக்கும் அழுத்தங்கள் மத்தியில் அரசையும் பாதிக்கும்.

இன்று ஜெயலலிதாவின் கொள்கையில் இலங்கை விவகாரமே முன்னுரிமை வகிக்கிறது. இந்திய அரசு இலங்கையில் வெளிநாட்டு தலையீடு பற்றி கவலைப்படுவதாக தெரிகிறது. சர்வதேச மனித உரிமை மீறல் தொடர்பான அழுத்தங்களும் தமிழக அரசின் அழுத்தங்களும் மத்திய அரசின் இலங்கை தொடர்பான நிலைப்பாட்டில் மாற்றத்தை ஏற்படுத்தலாம்.

ஆகவே இலங்கை தமிழர் பிரச்சினைக்கு அரசியல் தீர்வு வழங்குவதில் முட்டுக்கட்டை தொடர்ந்து இருக்குமானால் இலங்கை மீது இந்தியா நடவடிக்கை எடுக்க நிர்ப்பந்திக்கப்படும். ஆகவே தமிழர் பிரச்சினைக்கு ஒரு ஆக்கபூர்வமான தீர்வினை இலங்கை அரசு வழங்குவதற்கு இன்னும் காலம் கடந்துவிடவில்லை. உரிய தீர்வு வழங்கப்படாதவிடத்து ஒரு தீர்வினை இந்தியா திணிக்க வேண்டிய கட்டாயத்திற்குள் தள்ளப்படும் போலவே தெரிகிறது.