நாட்டின் அபிவிருத்தி பணிகளுக்கு ஊடகத்துறையின் பங்களிப்பு அவசியமாகும்

பயங்கரவாதம் மற்றும் ஜே.வி.பி. யினர் நாட்டில் மேற்கொண்ட அராஜ கங்கள் விஸ்வரூபம் எடுத்து, நம்நாட்டு மக்களை அச்சுறுத்தி வந்த கடந்த காலத்தில் வெகுஜன ஊடகங்கள் பக்கசார்பற்ற முறையில் தங்கள் கடமைகளை செய்து, அவை பற்றிய செய்திகளை வெளியிட்டு வந்தன. நாட்டில் அதுபோன்ற அச்சுறுத்தல்கள் நீங்கி இன்று மீண்டும் அமைதி யும், சமாதானமும் மக்களிடையே பரஸ்பர நல்லுறவும், ஐக்கியமும் நிலைகொண்டிருப்பதனால் தான் ஜனாதிபதி மஹிந்த ராஜபக்ஷ அவர்கள் இப்போதைக்கு நாட்டில் அவசரகால சட்டம் தொடர்ந்தும் நீடிப்பது அவசியம் இல்லை என்ற பாராளுமன்ற ஜனநாயகத்திற்கு வலுவூட்டும் ஒரு நல்ல தீர்மானத்தை அறிவித்தார்.

முன்னர் ஜனாதிபதி பதவியில் இருந்தவர்கள் பாராளுமன்றத்தை உதா சீனம் செய்து, தாங்களே அதிகாரம் படைத்தவர்கள் என்ற இரு மாப்புடன் இருந்த போதிலும், இன்றைய ஜனாதிபதி மஹிந்த ராஜ பக்ஷ தன்னை அரசியல் துறைக்கு அறிமுகப்படுத்திய பாராளு மன்றத்தை மறக்காமல் அதற்கு முக்கியத்துவம் வழங்குவதற்காக மாதம் ஒரு தடவையாவது பாராளுமன்றத்திற்கு சமுகமளித்து, அங்கு உறுப்பினர்கள் கேட்கும் கேள்விகள் மற்றும் சந்தேகங்களுக்கு பதிலை அளிக்கும் ஒரு பண்பாளராகவும் இருந்து வருவது இந்நாட்டின் பாராளுமன்ற ஜனநாயகம் அடைந்த பெரும் வெற்றியாகும்.

பொதுவாக, அவசரகால சட்டத்தை அமுலாக்குதல், அதனை நீக்குதல் போன்ற அறிவிப்புக்கள் அரசாங்க வர்த்தமானியின் மூலம் விடுக் கப்படும். இந்த தடவை ஜனாதிபதி அவர்களே, பாராளுமன்றத்திற்கு நேராக சென்று, அவசரகால சட்டத்தை நீக்கிவிடுவது என்ற அர சாங்கத்தின் தீர்மானத்தை அறிவித்து, உள்ளூரிலும், வெளிநாடுகளி லும் பெரும் பாராட்டை பெற்றுக்கொண்டார்.

ஒரு நாட்டில் ஜனநாயகம் தழைத் தோங்குவதற்கு அந்நாட்டின் வெகு ஜன ஊடகங்களுக்கு பாரிய பொறுப்பு இருக்கிறது. அந்த நாட்டில் அரசியல்வாதிகள், அரசாங்க உயரதிகாரிகள், தனியார் துறையைச் சேர்ந்தவர்கள் ஆகியோர் மேற்கொள்ளும் ஊழல்கள், மோசடிகள் மற்றும் தேசத்துரோக செயற்பாடுகள் பற்றி தகவல் எட்டியவுடன், அவற்றை முதலில் இரகசியமான முறையில் விசாரணை செய்து, அவை உண்மையானவை என்று தெரிந்துகொண்ட பின்னர், ஊட கங்கள் அந்த செய்திகளை வெளியிட்டு அரசாங்கத்திற்கும் நீதிபரி பாலன துறையினருக்கும், நாட்டு மக்களுக்கும் விழிப்புணர்வை ஏற்படுத்தும் கடப்பாட்டினை ஊடகங்கள் கொண்டுள்ளன.

இதனால்தான் எழுத்துருவில் நடைமுறைப்படுத்தாமல், சம்பிரதாயமாக இருந்து வரும் பிரிட்டனின் அரசியல் சாசனத்தில் வெகுஜன ஊட கங்களுக்கு முக்கியத்துவம் பல நூற்றாண்டுகளுக்கு முன்னரே அளிக்கப்பட்டிருந்தது.

பிரிட்டிஷ் அரசியல் சாசனத்தின் படி நான்கு பிரிவினர் அந்நாட்டின் நல்லாட்சிக்கு பொறுப்புடையவர்களாக இருக்கிறார்கள். முதலில் நாட்டின் மன்னர் அல்லது மகாராணியார், அடுத்து நீதித்துறை, மூன்றாவதாக பாராளுமன்றம், நாலாவது இடம் வெகுஜன ஊடகத் துறைக்கு கொடுக்கப்பட்டுள்ளது. வெகுஜன ஊடகத்துறையை பிரி ட்டிஷ் அரசியல் சாசனம் Fourth Estate அதாவது நாளாவது பலம் வாய்ந்த அமைப்பாக சேர்த்துக்கொள்ளப்பட்டுள்ளது.

பிரிட்டிஷ் அரசியல் சாசனத்தின் சம்பிரதாயப்படி அந்நாட்டின் நல் லாட்சிக்கு ஆலோசனைகள் கூறும் பெரும் பங்களிப்பு ஊடகங் களுக்கு வழங்கப்பட்டுள்ளது. ஊடகங்கள் பிரிட்டனில் நடைபெறும் ஊழல்கள், மோசடிகள், அரசாங்கம் எடுக்கும் தவறான தீர்மானங் கள் போன்றவற்றை சுட்டிக்காட்டும் ஒரு முக்கிய பங்கை நிறை வேற்றிக் கொண்டிருக்கின்றன. பல நூற்றாண்டுகளுக்கு முன்னர் பிரிட்டனிலும், ஏனைய உலக நாடுகளிலும் பத்திரிகைகளே பலம் வாய்ந்த வெகுஜன ஊடகமாக விளங்கின.

பத்திரிகைகளுடன் இலத்திரனியல் ஊடகங்களான வானொலி, தொலைக் காட்சி மற்றும் இணையத்தளங்களும் இன்றைய நவீன உலகில் இணைந்து கொண்டுள்ளன. இலங்கையில் இன்று ஊடகங்களின் பங்களிப்பு நாட்டின் அபிவிருத்தி நடவடிக்கைகளுக்கு ஈடு இணையற் றது என்ற கருத்து அனைவர் மத்தியில் வலுப்பெற்று வருகின்றது.

ஊடகங்கள் ஏதாவது குறைபாட்டை எடுத்துக்காட்டினால் அவை குறி த்து ஜனாதிபதி அவர்களும் அவரது அமைச்சர்களும் உடனடி யாக விசாரணை செய்து அந்த செய்திகள் உண்மை என்று ஊர் ஜிதம் செய்யப்பட்டால் அவற்றை நிவர்த்தி செய்வதற்கு உடனடி நடவடிக்கை எடுக்கவும் சிறிதளவும் தயக்கம் காட்டுவது இல்லை.

அரசாங்கம் மேற்கொண்டு வரும் அபிவிருத்தி திட்டங்களின் முக் கியத்துவத்தையும் அவை எவ்விதம் நாட்டிற்கும், மக்களுக்கும் எதிர் காலத்தில் நன்மை பயக்கும் என்பதை மக்களிடையே விழிப்பு ணர்வுகளை ஏற்படுத்தி, அறிவிக்கும் பொறுப்பும் ஊடகங்களிடம் இருக்கின்றது.

அரசாங்கத்தில் இடம்பெறும் ஊழல்கள்,மோசடிகள் பற்றிய செய்தி களை அறிவிப்பதைப் போன்று, ஊடகங்கள் அரசாங்கத்தின் நற் பணிகளையும் பொதுமக்களுக்கு அதுபோன்று எடுத்துரைப்பது அவசியமாகும்.

பிரிட்டிஷ் ஆட்சியாளர்கள் இலங்கையை ஆக்கிரமித்த பின்னர் எங்கள் நாட்டின் செல்வத்தை சூறையாடி விட்டு, வெளியேறி விட்டபோதி லும், அவர்கள் எங்கள் நாட்டின் கல்வித்துறையையும், நீதித்துறை யையும் ஜனநாயக பாராளுமன்ற அமைப்பையும் ஏற்படுத்துவதற்கு செய்த மகத்தான பணியை நாம் பாராட்டாமல் இருக்க முடியாது.

ஒரு வலுவான வெகுஜன ஊடகத்துறையை எங்கள் நாட்டில் ஏற்படுத் துவதற்கும் பிரிட்டிஷ் ஆட்சியாளர்கள் ஒரு வகையில் எங்களு க்கு உதவி செய்திருக்கிறார்கள். ஒரு நூற்றாண்டுக்கு முன்னர் பெரும் மதிப்புக்குரிய டி.ஆர் விஜயவர்தன போன்ற ஊடகத்துறை யின் முன்னோடிகளும் தமிழ் பத்திரிகை துறையில் பி. ஆர். சுப் பிரமணியம் செட்டியார் போன்றவர்கள் வீரகேசரி பத்திரிகையை யும், யாழ்ப்பாணத்தில் இன்னும் ஒரு பெரியவர் ஈழகேசரி பத்திரி கையையும் ஆரம்பிப்பதற்கும் அச்சு இயந்திரங்களையும் தருவிப் பதற்கு அன்றைய பிரிட்டிஷ் ஆட்சியாளர்கள் உதவி செய்ததை நாம் மறந்துவிட முடியாது.

அதி உன்னதமான ஊடக சுதந்திரத்தை பேணிப் பாதுகாத்து, இன்றைய ஊடகவியலாளர்கள் எங்கள் நாட்டில் நல்லாட்சிக்கும், அபிவிருத்தி பணிகளுக்கும் பூரண ஒத்துழைப்பை வழங்குவது அவசியமாகும்.

(தினகரன்)