வாழ்க சுதந்திரம்!  வாழ்க நிரந்தரம்!

(ஆகஸ்ட் 15 இந்திய சுதந்திர தினம் இதனையொட்டி இக்கட்டுரை பிரசுரமாகின்றது )

இந்தியத்திருநாடு 66வது சுதந்திரத் திருநா ளை பெருமகிழ்வுடன் இன்று கொண்டாடுகிறது. நம் தாய்த்திருநாட்டின் மக்கள் அனைவரும் சுதந்திரமாக வாழ தங்களது இன்னுயிரை ஈந்த தியாகிகள் ஆயிரமாயிரம். சிறைச்சாலை சித்ர வதை, அடக்குமுறைகளை இன்முகத்துடன் ஏற்றுக்கொண்டோர் லட்சோபலட்சம். அவர்கள் அனைவருக்கும் வீர வணக்கம் செலுத்துவோம், அவர்களது லட்சியத்தை முழுமையாக நிறை வேற்ற சூளுரைப்போம். சும்மா கிடைத்துவிடவில்லை இந்த சுதந் திரம். மகாகவி பாரதி பாடியதுபோல, கண்ணீர் விட்டு அல்லவோ வளர்த்தோம் சுதந்திரப்பயிரை. இந்திய மக்கள் அனைவரும் சாதி, மதம், இனம், மொழி, நிறம் என அனைத்து வேற்றுமைகளையும் மறந்து ஒற்றுமையாக போராடியதன் காரணமாகவே இந்திய விடுதலை சாத்தியமாயிற்று. அத்தகைய மகத்தான மக்கள் ஒற்றுமையை இப்போதும் முன்னெடுத்துச்செல்ல வேண்டியுள்ளது.

வேற்றுமையில் ஒற்றுமை என்ற மகத்தான கோட்பாட்டின் அடிநாதமாக விளங்குவது மதச் சார்பின்மை தத்துவமேயாகும். மதவெறிசக்திகள் இதை சீர்குலைக்க தொடர்ந்து முயன்று வருகின் றன. இதை ஒருபோதும் அனுமதிக்கக் கூடாது.

நாடு சுதந்திரம் பெற்றால் மட்டும் போதாது; சுதந்திர விளைச்சலின் பயன் அனைவருக்கும் கிடைக்க வேண்டுமென்று விடுதலைக்காக போராடியகம்யூனிஸ்ட்டுகள்கனவுகண்டார்கள். விடுதலைப்போரின்போது, பூரண விடுதலை என்ற முழக்கத்தை முதன்முதலாக முன்வைத்த பெருமை பொதுவுடைமை இயக்கத்திற்கே உண்டு. சுதந்திரம், ஜனநாயகம், மதச்சார்பின் மை ஆகிய மாண்புகளை பாதுகாக்க தொடர்ந்து போராடும் அதே வேளையில், எல்லோருக்கும் எல்லாமும் கிடைப்பதற்கான போராட்டத்தை யும் இடதுசாரிகள் நடத்தி வருகிறார்கள்.

ஆனால், இந்தியா போன்ற வளர்முக நாடு களின் இறையாண்மையை அமெரிக்கா போன்ற ஏகாதிபத்திய நாடுகள் கொஞ்சம் கொஞ்சமாக கைப்பற்றி வருவதை கண்கூடாக பார்த்துக் கொண்டிருக்கிறோம். இந்தியாவின் அயல் துறைக் கொள்கைகளில் அத்துமீறி தலையிடு வதன் மூலம் உள்நாட்டு கொள்கையையும் மறைமுகமாக தீர்மானிக்க முயல்கிறது அமெரிக் கா. கூட்டுச்சேராக் கொள்கை எனும் பாரம்பரிய பெருமையை கைவிட்டு, அமெரிக்காவின் இளைய கூட்டாளியாக இந்தியாவை மாற்ற முயல்கிறது ஐக்கிய முற்போக்குக் கூட்டணி அரசு. இதன் ஒருபகுதியாகவே தாராளமயக் கொள்கைகளை தாராளமாக திணித்துவருகின் றனர். இந்தியாவின் கோடானுகோடி மக்கள் வாழ்க்கை சார்ந்த சில்லரை வர்த்தகத்தையும் விழுங்கத் துடிக்கின்றன வால்மார்ட் போன்ற பன்னாட்டு நிறுவனங் கள்.தாராளமய கொள்கை யையும் பன்னாட்டு நிறுவனங்களின் கொள்ளை யையும் எதிர்த்து நடைபெறும் போராட்டங்கள் சுதந்திரப் போராட்டத்தின் தொடர்ச்சியே ஆகும்.

பொழுதெல்லாம் எங்கள் செல்வம் கொள்ளை கொண்டு போகவோ என்று அடிமை இந்தியா வின் அறச்சீற்றத்துடன் கொந்தளித்தார் பாரதி. ஆனால் இன்று உள்நாட்டு இயற்கை வளங்கள் முழுவதையும் கொள்ளையர்கள் ஆக்கிரமித்துக் கொண்டுள்ளனர். நாட்டின் பல பகுதிகளில் வெளியாகியுள்ள சுரங்கக்கொள்ளை, தமிழ்நாட் டில்பரபரப்பாகபேசப்படும்கிரானைட்கொள்ளை என மக்களின் சொத்து சூறையாடப்படு கிறது. நாட்டின் இயற்கை வளம் முழுவதும் மக்களின் சொத்தாக வேண்டும்.

போராடிப்பெற்ற சுதந்திரத்தை பேணிக்காக்க தொடர்ந்து போராட இந்நந்நாளில் உறுதியேற்போம்.

(நன்றி: தீக்கதிர்)