சிரியா

அஸாத்தின் ஆட்சிக்கு விரைவில் முற்றுப்புள்ளி?

ஏறத்தாழ 17 மாதங்களுக்கு முன்னர் பஷீர் அல் அஸாத்தின் அரசுக் கெதிரான போராட்டங்கள் சிரியாவில் ஆரம்பித்திலி ருந்து, தினந்தோறும் செய்திகளை ஆக்கிரமித்தது சிரியா. ஒவ்வொரு நாளும் சிரியா பற்றிய செய்திகளை வாசிப்பவர்களுக்கும் இது எதில் போய் முடியப்போகின்றது என்ற எண்ணத்தைத் தவிர்க்க முடியாது. சிரிய மோதல்களில் வெளித்தலையீடுகள் அவசியம் என்று மேற்குலக ஊடகங்கள் வலியுறுத்தி வருகின்ற வேளையில், வெளித் தலையீடுகள் சிரியர்களை பரம்பரை பரம்பரையாக இருண்டயுகத்துக்குள் தள்ளி விடும் என்று சர்வதேச அவதானிகள் எச்சரிக்கை விடுக்கின்றனர். சிரியாவில் இடம்பெற்றுவரும் மோதல்கள் யுத்தமாக வெடிக்குமானால், அது சிரியாவுக்கு அப்பாலும் பரவும் ஆபத்திருப்பதாகவும் எச்சரிக்கப்பட்டிருக்கிறது.

17 மாதங்களுக்கு முன்னர் சிரியாவில் கிளர்ச்சிகள் வெடித்தபோது அது, சர்வாதிகார ஆட்சியாளர்களுக்கெதிரான உண்மையான போராட்டமாகவே ஆரம்பித்தது. இருப்பினும் அதன்பின்னரான மேற்குலக மற்றும் பிராந்திய தலையீடுகளால் அவை பாரிய மோதல்களாக வெடிக்க ஆரம்பித்தன. அதனால், சிரிய அரசுக்கெதிராகப் போராடும் போராளிகளுக்கு வெற்றிகளைக் குவித்ததோடல்லாமல், மனித உயிரிழப்புகளும் எண்ணிக்கையற்றுப் பெருக ஆரம்பித்தன. ஒபாமா அரசும்,வளைகுடா நாடுகளும் சிரிய அரச எதிர்ப்பாளர்களுக்கு பல வழிகளிலும் உதவி வருகின்றன. இவ்வுதவிகள் ஆரம்பத்தில் தங்களின் மக்களுக்காகப் போராட ஆரம்பித்தவர்களை , மேற்குலகநாடுகளின் கைக்கூலிகளாக மாற்றியுள்ளன.

சிரியாவில் உள்நாட்டு கலவரத்தை தூண்டிவிட்டு அந்நாட்டில் உள்ள அரசுக்கு எதிரான ஆயுதக்குழுவினருக்கு அனைத்து வகைகளிலும் உதவி செய்ய வேண்டும் என்று அமெரிக்க ஜனாதிபதி ஓபாமா ரகசிய உத்தரவிட்டிருப்பது அண்மையில் அம்பலமாகியிருக்கிறது. ரொய்ட்டஸ், ஏபிசி உட்பட பல்வேறு உலக செய்தி நிறுவனங்கள் வெள்ளை மாளிகையில் இருந்து வெளிவந்திருக்கும் தகவல் என்ற அடிப்படையில் செய்திகளை வெளியிட்டிருக்கின்றன. இதன் மூலம் இதுவரை ரகசியமாக செய்த பல்வேறு சதிவேலைகள் வெளிப்படையாக தெரியவந்திருக்கிறது.

அரபு நாடுகளில் ஒன்றான சிரியாவில் மதச்சார்பற்ற ஆட்சி நடைபெற்று வருகிறது. மேலும் அமெரிக்காவின் எடுபிடிபோல் செயல்பட அந்நாட்டு அரசு மறுத்து வருகிறது. இதையடுத்து சிரியா அதிபர் பசார் அல் அசாத்தை அதிபர் பதவியில் இருந்து அகற்ற வேண்டும். தனக்கு சாதகமான அதிபரை அதிகாரத்தில் அமர்த்த வேண்டும ;என அமெரிக்கா தொடர்ந்து முயன்று வருகிறது. அதன் ஒரு பகுதியாக சிரியா மீது பொருளாதார தடை விதிக்க வேண்டும் என்று ஐநா பாதுகாப்பு சபையில் அமெரிக்கா தீர்மானம் ஒன்றை கொண்டு வந்தது. ஆனால் இந்த தீர்மானத்திற்கு எதிராக சீனாவும், ரஷ்யாவும் தங்களது ரத்து அதிகாரத்தை பயன்படுத்தின. இதனால் தீர்மானம் தோல்வியுற்றது.

தனது முதல் முயற்சி தோல்வியடைந்த உடன் ஓபாமா இவ்வாண்டின் ஆரம்பத்தில் சிரியாவில் அரசிற்கு எதிராக செயல்படும் ஆயுதக்குழுக்களுக்கு ஆயுத உதவி உட்பட அனைத்து உதவிகளையும் செய்து, அதன் மூலம் சிரியாவில் அரசு படைகளுக்கும், ஆயுதக்குழுக்களுக்கும் இடையே மிகப்பெரிய அளவில் போர் ஏற்பட்டு அமைதியற்ற சு+ழலை உருவாக்க வேண்டும் என அமெரிக்க புலனாய்வு நிறுவனங்களுக்கு உத்தரவிட்டிருக்கிறார்.

இதற்கு உதவும் வகையில் துருக்கி, சவுதிஅரேபியா, கத்தார் உள்ளிட்ட நாடுகளையும் இணைத்து சிரிய எல்லை பகுதிகளில் தகவல் பரிமாற்ற மையத்தோடு இணைந்த ரகசிய உத்தரவு மையத்தை அமைத்தது. அங்கிருந்து அரசு எதிர்ப்பு ஆயுதக் குழுவினருக்கு ராணுவபயிற்சி அளிப்பது, ஆயுதங்களை கொடுத்தனுப்புவது, சிரிய அரசு படைகள்

குறித்த தகவல்களை பரிமாறுவது உட்பட வேலைகள் நடைபெற்றிருக்கிறது.

இதே போல் அமெரிக்க விமானப்படை, ராணுவம் மற்றும் உளவு பிரிவு இணைந்து சிரியாவில் கலவரத்தை இயக்கும் நரம்பு மண்டலமாக தெற்கு துருக்கியில் உள்ள அடானா நகரில் ஒரு மையத்தை அமைத்து செயல்படுத்தி வருகிறது. இதற்கிடையே அமெரிக்கா, சிரிய அரசுக்கு எதிரான ஆயுத குழுவினருக்கு 250 லட்சம் அமெரிக்க டாலர்மதிப்பினலான பேரழிவை ஏற்படுத்தாத ஆயுதங்கள் வழங்கப்படும் வெளிப்படையாக அறிவித்திருக்கிறது. இதனையடுத்தே சிரியாவுடனான நிழல் யுத்தமொன்றை அமெரிக்h ஏறகனவே ஆரம்பித்து விட்டதாக ஊடகங்கள் குறிப்பிட்டன.

சிரியா மீது பொருளாதார தடை விதிக்க வேண்டும் என அமெரிக்கா இதுவரை மூன்று முறை ஐ.நா.சபையில் தீர்மானம் கொண்டு வந்திருக்கிறது . சிரியாவுக்கு எதிராக ஐ.நா.வில் கொண்டு வரப்பட்ட 3 தீர்மானங்களை ரஷ்யாவும், சீனாவும் வீட்டோ அதிகாரத்தைப் பயன்படுத்தித் தடுத்து விட்டதால், அடுத்தகட்ட ஆலோசனையில் அமெரிக்கா இறங்கியது.இது குறித்து ஆராய்வதாகவே அமெரிக்க வெளியுறவு அமைச்சர் ஹிலரியின் துருக்கி விஜயம் அமைந்திருந்தது.

சிரியாவில் கிளர்ச்சிப் படையிடமிருந்து வர்த்தக நகரமான அலெப்போவை மீட்பதற்காக் அசதின் அரசுப் படையினர் உக்கிரமான தாக்குதல் நடத்தி வந்தனர்;. இதனால் கடும் உயிர்சேதம் ஏற்பட்டது. இது மிகப்பெரிய மனிதப் பேரழிவை ஏற்படுத்தும் என்று ஐ.நா. ஏற்கெனவே எச்சரிக்கை விடுத்திருந்தது.

இதற்கிடையே அங்கு அமைதியை நிலைநாட்டும் முயற்சியில் ஐ.நா.-அரபு நாடுகளின் சிறப்பு தூதர் கொபி அனான் ஈடுபட்டு வந்தார். போரை முடிவுக்கு கொண்டு வருவதற்காக புதிய திட்டத்தையும் அவர் வகுத்தார். ஆனால் அவரது திட்டத்தை இருதரப்பிலும் முழுமையாக பின்பற்றாததால் வன்முறை தொடர்கிறது. தனது முயற்சிக்கு உரிய பலன் கிடைக்காத நிலையில், கோபி அனான் தனது பதவியில் இருந்து விலகினார். கொபி அனானின் விலகல், அஸாத்தை சாத்வீகமான முறையில் பதவியில் இருந்து நீக்குவதற்கான முயற்சிகளுக்கு முற்றுப்புள்ளி வைத்துள்ளது.

இதன் மூலம் ஜனாதிபதி அஸாத்தை சாத்வீகமானமுறையில் பதவி நீக்க அமெரிக்கா மேற்கொண்ட முயற்சிகளும் முடிவுக்கு வந்தள்ளன. அனானின் பதவிக்காலம் இம்மாத இறுதியில் முடிவடையவுள்ள நிலையிலும், அவரது இடத்துக்கு புதிய தூவராக அல்ஜPரிய ராஜதந்திரி ப்ராஹிமி நியமிக்கப்பட்டுள்ள நிலையிலும் அனானின் ராஜpனாமா சிரிய சமாதான முயற்சிகளில் பாதிப்பை ஏற்படுத்தாது என்று பல ஊடகங்கள விமர்சிக்கின்றபோதும் , சிரியாவில் இடம்பெற்று வரும் மோதல்கள் அதற்கப்பாலும் பரவும் அபாயத்தை எதிர்நோக்கியிருப்பதையே அண்மைய சம்பவங்கள் எடுத்துக் காட்டுகின்றன.

சிரியா தலைநகர் டமாஸ்கஸில் உள்ள ராணுவ விமான தளத்தில் ராணுவத்தினருக்கும், அரசு எதிர்ப்புப் படையினருக்கும் இடையே வெள்ளிக்கிழமை கடும் மோதல் ஏற்பட்டிருக்கிறது.நாட்டின் முக்கிய இடங்களிலும் இரு பிரிவினரும் கடும் சண்டையில் ஈடுபட்டுள்ளனர். பீரங்கி, ரொக்கெட் குண்டு வீச்சு, துப்பாக்கிச்சு+டு என உள்நாட்டுப் போர் மிகவும் உக்கிரமடைந்துள்ளது. சில இடங்களில் ஹெலிகாப்டரில் இருந்தும் குண்டுகள் வீசப்பட்டன.

வெள்ளிக்கிழமை தொழுகைக்குப்பின் ஏற்பட்ட மோதலில் மட்டும் சுமார் 180-க்கும் மேற்பட்டோர் உயிரிழந்துள்ளனர். இவர்களில் அப்பாவி பொதுமக்கள் பலரும் அடங்குவர். நாட்டின் பல்வேறு பகுதிகளில் போரிட்டு வரும் அரச எதிர்ப்பு கிளர்ச்சியாளர்கள் விரைவில் ஒன்று திரண்டு, ஒட்டுமொத்தமாக டமாஸ்கஸ்ஸை தாக்க இருக்கின்றனர். எனவே இன்னும் சில தினங்களில் சிரியாவில் அஸாத்தின் ஆதிக்கம் முற்றிலுமாக முடிவுக்குக் கொண்டு வரப்படும் என்று கிளர்ச்சியாளர்கள் தெரிவித்துள்ளனர்

கடந்த 17 மாதங்களாக சிரியாவில் நிகழ்ந்து வரும் உள்நாட்டுப் போரில் இதுவரை 23 ஆயிரத்துக்கும் மேற்பட்டோர் கொல்லப்பட்டுள்ளனர்

சிரியாவில் அஸாதின் ஆட்சி விரைவில் அகற்றப்படும் என்று பிரான்ஸ் மறைமுகமாகக் கூறியிருக்கிறது. எதிர்வரும் நாட்களில் சிரியாவில் மேலும் பல முக்கிய இடங்களை கிளர்ச்சியாளர்கள் கைப்பற்றுவர் என்றுமபல ஆச்சரியங்கள் காத்திருப்பதாகவும்; பிரான்ஸ் தெரிவித்திருகிறது.பிரான்ஸில் ஆட்சிமாற்றம் விரைவில் சாத்தியமாகுமா என்பதை வரும் வாரங்களில் தெரிய வரும்.