ஈழத்துப் பெண் கவிஞர்களின் தொகுப்புகள் 

(ந. முருகேசபாண்டியன்)

யாழ்ப்பாணம் பெண்கள் ஆய்வு வட்டம் சார் பில் வெளியான ‘சொல்லாத சேதிகள்’ தான் தமி ழில் வெளியான முதல் பெண் கவிதைத் தொகுப்பு. எட்டுப் பெண் கவிஞர்களின் இருபத்து மூன்று கவிதைகள் தொகுப்பில் இடம்பெற்றிருந்தன. அதே நூல் சிறிய திருத்தமுடன் 1987ஆம் ஆண்டு சிலிக்குயில் பதிப்பகத்தினரால் தமிழகத்தில் வெளியிடப்பட்டது. இத்தொகுப்பில் இடம் பெற்ற சிவரமணியும் செல்வியும் உலகிலிருந்து அகற்றப் படவில்லை. ஏனையோர் வெவ்வேறு இடங்க ளில் உறைந்துள்ளனர். சிங்கள ராணுவத்துடன் முரண்பட்டுப் போராடும் சூழலில், அகப் போராளி இயக்கத்தினருடன் முரண்பாடு நிற்கும் நிலையை ‘சொல்லாத சேதிகள்’ சொல்ல முயன்றுள்ளன.

‘இடைவெளி’ கவிதையில் அ. சங்கரி, தனக் கும் தனது ஆண் நண்பருக்குமான இடைவெளி யைக் காட்சிப்படுத்தியுள்ளார். வழமையான பெண் மனத்திலிருந்து தன்னை விலக்கிப் பார்க்கும் சங்கரியின் குரல் தனித்துவமானது.

என்னை / மேகத்திற்குள்ளும் / மண்ணிற் குள்ளும் / மறைக்க எண்ணிய வேளையில் / வெளிச்சம் போட்டுப் பார்த்தனர் / அவர்களின் / குரோதம் நிறைந்த பார்வையும் / வஞ்சகம் நிறைந்த பார்வையும் / என்னை சுட்டெரித்தன

- என எழுதிய சிவரமணி, அரசியல் நெருக் கடி காரணமாக 1991ல் தற்கொலை செய்து கொண்டார்.

போராட்டத்தில் வீரத்துடன் போராடி ஆண் கள் இறந்து போகின்றனர். அத்துடன் அவர்களு டன் துயரம் நீங்குகின்றது. வீட்டில் குழந்தைகளு டன் காத்திருக்கும் ‘கணவனை இழந்த இளம் பெண்ணுக்கு ஒவ்வொரு நாளும் துயரம் தான். இராணுவத்தினரின் வன்புணர்ச்சிக்குள்ளாகும் பெண்ணுடல்கள் எதிர்கொள்ளும் வதைகள் வேறு. பெண்ணின் இருப்பே போராட்டமயமாகும் சூழலில், இதுவரை தமிழ்ச் சமூகம் புனைந்தி ருந்த பெண் பற்றிய பிம்பம் சிதிலமடைகின்றது. மாறிவரும் புதிய சமூகத்தை வரவேற்பதாகப் பெண் கவிஞர்களின் கவிதைகள் உள்ளன.

இயற்கைக் காட்சிகளைச் சித்தரிக்கும் ஊர்வசியின் கவிதைகள் வாசிப்பில் அதிர்வை ஏற்படுத்தக் கூடியன. அளவில் சிறியது எனினும் ‘சொல்லாத சேதிகள்’ தொகுப்பு, தமிழ்ப் பெண் கவிஞர்களின் கவிதை வரலாற்றில் தனித்து விளங்குகிறது.

‘பெயல் மணக்கும் பொழுது’ என்ற தலைப் பில் அ.மங்கை தொகுத்த ஈழப் பெண் கவிஞர்க ளின் கவிதைகள் 2007 இல் வெளியாகியுள்ளது. தொண்ணூற்று மூன்று பெண் கவிஞர்களின் கவி தைகள் அடங்கிய பெரிய தொகுப்பு. இத்தனை பெண் கள் கவிதை எழுதுகின்றனரா என்ற வியப்பை ஏற்படுத்துகின்றது. ஈழப்போராட்டத்தில் போராளி கள் ஆயுதமேந்திய போது வெளிப்பட்ட பெண் கவி தைகள், கடந்த இருபதாண்டுகளில் அடைந் துள்ள வளர்ச்சி நிலையை இத்தொகுப்பில் காணவியலும். போரினால் ஏற்படும் இழப்பு ஒருபுறமும், புலம்பெயர்ந்த தேசத்தில் வாழும் அவலநிலை என இருவேறு போக்குகளும் பெண் எழுத்தில் பதிவாகியுள்ளன. தமிழ்ப் பெண் என இதுவரை மரபுரீதியாகப் புனையப் பட்டுள்ள பிம்பங்களைத் தகர்த்துவிட்டுப் பெண் தனக்கான புழங்கு வெளியை உருவாக் கிக் கொள்வதை இத்தொகுப்பின் மூலம் அறிய முடிகின்றது.

ஈழத்து எழுத்தாளர் சித்ரலோகா, தமிழகத் தைச் சார்ந்த வ.கீதா, தொகுப்பாளர் அ. மங்கை ஆகியோர் ‘பெயல் மணக்கும் பொழுது’ நூலின் தேவை பற்றியும், இத் தொகுப்பிலுள்ள கவிதைகள் பற்றியும் கருத் துரைத்துள்ளனர்.

சங்கரியின் ‘உயிர்வெளி’ மாறுபட்ட தொனி யில் பெண் மனத்தினையும் உடலையும் பதி வாக்கியுள்ளது. நள்ளிரவில் வானத்தைப் பார்த்தபடி புல்தரையில் கவிதை சொல்லி படுத்துள்ளார். தொலைவில் மத்தள ஒலியும் துப்பாக்கி வெடியொலியும், இந்நிலையில் பாடல் வரிகள்.

தென்றல் தடவும் / எனது தலைமயிரில் / காதின் மடலில் / காலின் பெருவிரலில் / மார்பகத்தின் மேட்டில் / இன்பம் கொப்பளிக்கும் / எனதுயிரும் / எனதுடலும் / இவ்விரவின் தேன் பருகும்.

இயற்கைப் பரப்பில் தன்னையிழந்து துயர் மறக்கும் சங்கரியின் மனம் காற்றில் மிதக்கிறது.

ஆண்குறி இருப்பதனால் ஆணாகச் சிலாகிக்கப்படுகிறவனைப் பற்றிய கல்யாணி யின் கவிதை, ஆண் மேலாதிக்கச் சூழலை நுட்பமாகப் பதிவாக்கியுள்ளது.

முத்தங்களாகிய கலவியில் மயங்கி

இறுக அணைத்து வியர்வையில் ஒட்டி

கரைந்து போகும் அடுத்த நிமிடமே

நீ ஆணாகி விடுகிறாய்

- என்ற ரஞ்சனியின் ‘புரிதல் அவலம்’ கவிதை, நவீனப் பெண் மனம் பற்றிய நுண் பதிவு.

லுணுகலை ஹஸீனா புஹார் என்ற பெண் கவிஞர் எழுதிய “ அம்மா வந்துவிட் டேன்” கவிதை, தாயைப் பிரிந்த இளம் பெண் ணின் மனத்தை வெளிப்படுத்தியுள்ளது.

“தனிப்பட்ட ரசனை மட்டங்கள் போன்ற வற்றை இதுபோன்ற தொகுதிக்குள் கொண்டு வர நான் விரும்பவில்லை. வாழ்வா சாவா என்ற போராட்டத்தில், மூச்சு விடத் திணறும் சூழலில் வெளிவரும் இக்கவிதைகளைக் கூறுபோட்டு கூவி விற்க நான் தயாராக இல்லை. அதற்கான மனம் என்னிடம் இல்லை” என்று தொகுப்பாளர் அ. மங்கை நூலின் பதிப் புரையில் குறிப்பிட்டிருப்பது வாசிப்பில் பதற் றத்தை ஏற்படுத்துகிறது.