கிராண்ட்பாஸ் பள்ளிவாசல் மீதான தாக்குதலின் பின்னர் நடந்தது என்ன?

ஜனா­தி­பதி புனித நோன்புப் பெருநாள் வாழ்த்துச் செய்­தி­களை ஊட­கங்கள் மூலம் முஸ்­லிம்­க­ளுக்குத் தெரி­வித்­தி­ருந்த மறுதினம் கொழும்பு நகரில் பள்­ளி­வா­ச­லொன்று தாக்­கப்­பட்­டு­விட்­டது என்ற செய்­தியை அறிந்­ததும் ஜனா­தி­பதி நிலை தடு­மாறிப் போய்­விட்டார். கடந்த 10 ஆம் திகதி முஸ்­லிம்கள் மஃரிப் தொழு­கையை ஆரம்­பிக்க முற்­பட்­ட­போது பெளத்த தேரர் ஒரு­வ­ரது தலை­மையில் வந்த குழு­வினர் கிராண்ட்பாஸ் மஸ்­ஜிதுல் தீனுல் இஸ்லாம் பள்­ளி­வா­சலைத் தாக்­கி­னார்கள். கண்­ணா­டிகள் உடைந்து சித­றின. இந்­நி­லை­யிலும் அங்கு இரண்டாம் மாடியில் தொழுகை நடை­பெற்­றது. தாக்­குதல் சம்­ப­வத்­தை­ய­டுத்து ஜனா­தி­பதி, பாது­காப்புச் செய­லாளர்,  முஸ்லிம் அமைச்­சர்­க­ளுக்கு செய்­திகள் பர­வின. சுமார் இரவு 7 மணி­ய­ளவில் தாக்­குதல் சம்­ப­வத்தை ஜனா­தி­பதி அறிந்து கொண்டார். பள்­ளி­வாசல் தாக்­குதல் சம்­பவம் உட­ன­டி­யாக கட்­டுப்­பாட்­டிற்குள் கொண்­டு­வ­ரப்­ப­டா­விட்டால் நாட்டில் ஏற்­ப­டப்­போகும் அசா­தா­ரண நிலை­மையை ஜனா­தி­பதி நன்கு உணர்ந்­தி­ருந்தார். முஸ்லிம் அமைச்­சர்­களும், ஜனா­தி­ப­தியின் முஸ்லிம் நண்­பர்­களும் நிலை­மையை ஜனா­தி­ப­திக்கு விளக்­கி­னார்கள்.

சம்­ப­வத்தின் நிலைமையை பாது­காப்பு தரப்­பி­ன­ரி­ட­மி­ருந்து பூர­ண­மாக அறிந்து கொண்ட ஜனா­தி­பதி பாது­காப்புச் செய­லா­ள­ருடன் கலந்­து­ரை­யா­டினார். அத­னை­ய­டுத்து அவர் உட­ன­டி­யாக சிரேஷ்ட அமைச்சர் ஏ.எச்.எம் பெள­ஸியின் இல்­லத்­துக்கு விஜயம் செய்தார். நிலை­மையை கட்­டுப்­ப­டுத்­து­வது தொடர்பில் அமைச்சர் பெள­ஸி­யுடன் கலந்­து­ரை­யா­டினார். சம்­பவம் தொடர்­பாக பாது­காப்புத் தரப்­பி­ன­ரி­ட­மி­ருந்து அறிக்­கை­யொன்­றினைப் பெற்­றுக்­கொள்­வ­தா­கவும் நிலை­மையைச் சமா­ளிக்க உத­வி­பு­ரியும் படியும் பெள­ஸியை வேண்டிக் கொண்டார்.

மறுநாள் ஞாயிற்­றுக்­கி­ழமை அதி­காலை நீதி­ய­மைச்சர் ஹக்கீம்இ சிரேஷ்ட அமைச்சர் ஏ.எச்.எம். பெள­ஸியின் இல்­லத்­துக்கு விஜயம் செய்தார். சிரேஷ்ட அமைச்சர் பெளஸி அனு­பவம் வாய்ந்­தவர் என்­பதால் அவரைச் சந்­தித்து கலந்­து­ரை­யாடி மஸ்­ஜிதுல் தீனுல் இஸ்லாம் பள்­ளி­வாசல் விவ­கா­ரத்­துக்கு தீர்வு காணு­வ­தற்கே அதி­காலை விஜ­யத்­தினை மேற்­கொண்­ட­தாக அமைச்சர் ஹக்கீம் தெரி­வித்தார்.

சிரேஷ்ட அமைச்சர் பெள­ஸி­யுடன் அமைச்சர் ரவூப் ஹக்கீம் நீண்ட நேரம் கலந்­து­ரை­யா­டிய பின் அறிக்­கை­யொன்­றினைத் தயா­ரித்து ஜனா­தி­ப­தி­யிடம் கைய­ளிப்­ப­தெ­னவும் பள்­ளி­வாசல் தாக்­கு­தல்­க­ளுக்கு முடிவு கட்­டப்­ப­ட­வேண்­டு­மெ­னவும் சுயா­தீன விசா­ர­ணைக்­கு­ழு­வொன்று நிய­மிக்­கப்­ப­ட­வேண்­டு­மென கோரு­வதா­கவும் தீர்­மா­னிக்­கப்­பட்­டது.

ரவூப் ஹக்கீம் பெள­ஸி­யுடன் கலந்­து­ரை­யா­டலில் ஈடு­பட்­டி­ருந்­த­போது பாது­காப்பு செய­லாளர் கோத்­த­பாய ராஜ­பக் ஷ நான்கு தட­வைகள் அமைச்சர் பெள­ஸி­யுடன் தொலை­பே­சி­யூ­டாக தொடர்பு கொண்டு நிலைமை தொடர்­பாக வின­வி­ய­துடன் பாது­காப்பு ஏற்­பா­டு­களை மேற்­கொண்­டுள்­ள­தா­கவும் நிலைமை சீராகும் வரை பாது­காப்பு நட­வ­டிக்­கை­களைப் பலப்­ப­டுத்­து­வ­தற்கு உத்­த­ர­விட்­டுள்­ள­தா­கவும் தெரி­வித்தார்.

கோத்­த­பாய ராஜ­பக் ஷ பெள­ஸியை தொலை­பே­சி­யூ­டாக தொடர்பு கொண்­ட­போது அமைச்சர் ஹக்­கீமும் என்­னுடன் இருக்­கிறார் அவ­ருடன் பேசு­கி­றீர்­களா என்று வினவி தொலை­பே­சியை ஹக்­கீ­மிடம் கைய­ளிக்க முயற்­சித்­த­போதும் ஹக்கீம் பாது­காப்புச் செய­லா­ள­ருடன் உரை­யா­டு­வதைத் தவிர்த்துக் கொண்டார்.

முஸ்லிம் அமைச்­சர்­க­ளினால் கையொப்­ப­மிட்ட அறிக்கை ரவூப் ஹக்­கீ­மி­னாலே தயா­ரிக்­கப்­பட்­டது. முஸ்லிம் அமைச்­சர்­க­ளுடன் அறிக்­கையில் மேல் மாகா­ண­சபை ஆளுநர் அலவி மெள­லா­னாவும் கையொப்­ப­மிட்டார்.

முஸ்லிம் அமைச்­சர்­க­ளினால் தயா­ரிக்­கப்­பட்ட அறிக்கை ஜனா­தி­ப­தி­யிடம் கைய­ளிக்­கப்­பட்­ட­துடன் புத்­த­சா­சன சமய விவ­கா­ரங்­க­ளுக்­கான அமைச்சில் கிராண்ட்பாஸ் பள்­ளி­வாசல் விவ­காரம் தொடர்­பாக கூட்­ட­மொன்று நடை­பெற்­றது. முஸ்லிம் அமைச்­சர்கள்இ பாரா­ளு­மன்ற உறுப்­பினர்கள்இ எதிர்க்­கட்சி உறுப்­பி­னர்கள்இ முஸ்லிம் சமய கலா­சார பண்­பாட்­ட­லு­வல்கள் திணைக்­களப் பணிப்­பாளர்இ அகில இலங்கை ஜம்­இய்­யத்துல் உலமாஇ பள்­ளி­வாசல்இ விகாரை நிர்­வா­கிகள்இ பாது­காப்பு தரப்­பினர் கலந்து கொண்ட கூட்டம் சுமார் 4 மணி­நேரம் நீடித்­தது.

கூட்­டத்தில் பொலிஸ் மா அதி­ப­ருக்கும்இ அமைச்சர் ரிசாத் பதி­யுதீ­னுக்­கு­மி­டையில் முறுகல் நிலை உரு­வா­கி­யது. பள்­ளி­வாசல் தாக்­குதல் சம்­ப­வத்­தின்­போது பொலிஸார் நியா­ய­மாக நடந்து கொள்­ள­வில்லை என ரிசாத் பதி­யுதீன் பொலி­ஸாரைக் குற்றம் சுமத்­தி­ய­துடன் பொலிஸ் மா அதிபர் பதவி விலக வேண்­டு­மெ­னவும் வாதிட்டார்.

இச்­சந்­தர்ப்­பத்தில் அமைச்சர் ரிசாத் பதி­யுதீ­னுக்கு ஜனா­தி­பதி தொலை­பேசி தொடர்­பினை ஏற்­ப­டுத்தி விவா­தங்­களில் ஈடு­ப­ட­வேண்­டா­மெ­னவும் பொலிஸ் மா அதிபர் தன்னால் நிய­மிக்­கப்­பட்­ட­வ­ரெ­னவும் கூறி­ய­தாக தெரி­விக்­கப்­ப­டு­கி­றது. இத­னை­ய­டுத்து ரிசாத் பதி­யுதீன் கூட்டம் முடி­வு­றும்­முன்பே அங்­கி­ருந்து வெளி­யே­றினார்.

ரிசாத் பதியுதீனை ‘கேசரி’ தொடர்புகொண்டு வினவியபோது ஜனாதிபதியிடமிருந்து எதுவித உத்தரவும் தனக்குப் பிறப்பிக்கப்படவில்லை எனத் தெரிவித்தார்.

கூட்­டத்தில் பழைய பள்­ளி­வாசல் திறந்து அங்கு முஸ்­லிம்கள் சமயக் கட­மை­களை நிறை­வேற்­று­வ­தற்கும் பள்­ளி­வா­ச­லுடன் கூடிய அரச மரத்­தினை அகற்­று­வ­தற்கும் இணக்கம் காணப்­பட்­டது. புதி­தாக திறக்­கப்­பட்டஇ தாக்­கு­த­லுக்­குள்­ளான பள்­ளி­வா­சலை மூடி­வி­டு­வ­தற்கும் இரு தரப்­பி­னரும் இணக்கம் கண்­டனர்.

மஸ்­ஜிதுல் தீனுல் இஸ்லாம் பள்­ளி­வாசல் விவ­கா­ரத்தில் ஆரம்­பத்­தி­லி­ருந்தே ஈடு­பாடு கொண்­டி­ருந்த சிரேஷ்ட அமைச்சர் ஏ.எச்.எம். பெள­ஸியை தொடர்பு கொண்டு விவ­காரம் தொடர்­பாக வின­வி­ய­போது அவர் பின்­வ­ரு­மாறு தெரி­வித்தார்.

மஸ்ஜிதுல் தீனுல் இஸ்லாம் பள்­ளி­வாசல் முஸ்லிம் சமய கலா­சார அலு­வல்கள் திணைக்­க­ளத்தின் அனு­ம­தி­யு­டனே புதிய கட்­டி­டத்­துக்கு இட­மாற்­றப்­பட்­டது. என்­றாலும் அதற்கு எதிர்ப்பு தெரி­விக்­கப்­பட்­டதால் தவிர்க்­க­மு­டி­யாத கார­ணத்­தினால் அந்த அனு­மதி வாபஸ் பெறப்­பட்டு நோன்பு முடியும் வரை அதா­வது கடந்த 10 ஆம் திகதி வரை புதிய கட்­டி­டத்தில் பள்­ளி­வாசல் இயங்க திணைக்­களம் அனு­மதி வழங்­கி­யி­ருந்­தது.

நான் கடந்த 2 ஆம் திகதி இப்­பள்­ளி­வாசல் விவ­காரம் தொடர்­பாக ஜனா­தி­ப­தி­யுடன் கலந்­து­ரை­யா­டினேன். சம்­பந்­தப்­பட்ட பெளத்த குருக்­க­ளுடன் கலந்­து­ரை­யாடி ஒரு சுமு­க­மான தீர்­வினை பெற்றுக் கொள்­ளு­மாறு ஜனா­தி­பதி எனக்கு ஆலோ­சனை வழங்­கி­யி­ருந்தார். இத­ன­டிப்­ப­டையில் கடந்த 10 ஆம் திகதி நான் சம்­பந்­தப்­பட்ட தரப்­பி­னர்­க­ளுடன் சுமு­க­மான பேச்­சு­வார்த்தை நடத்தி தீர்­வு­காண திட்­ட­மிட்­டி­ருந்தேன். அதற்­கான ஏற்­பா­டு­க­ளையும் செய்­தி­ருந்தேன்.

ஆனால் கடந்த 7 ஆம் திகதி முஸ்லிம் அர­சி­யல்­வா­தி­யொ­ருவர் புத்­த­சா­சன மற்றும் சமய அலு­வல்­க­ளுக்­கான அமைச்சின் செய­லாளர் மூலம் கடி­த­மொன்­றினை சம்­பந்­தப்­பட்ட தரப்­பி­ன­ருக்கு அனுப்­பி­வைப்­ப­தற்­கான ஏற்­பா­டு­களைச் செய்­துள்ளார். குறிப்­பிட்ட கடிதம் தொடர்ந்தும் பள்­ளி­வாசல் புதிய கட்­டி­டத்தில் இயங்­கு­வ­தற்­கான அனு­மதிக் கடி­த­மாகும். இத­னா­லேயே பள்­ளி­வாசல் மீதான தாக்­குதல் நடத்­தப்­பட்­டி­ருக்­கி­றது.

குறிப்­பிட்ட கடிதம் அனுப்பப்பட்டிருக்கா விட்டால் இந்தப் பிரச்சினையை சுமுக­மாகத் தீர்த்திருக்கலாம். எந்தவோர் பிரச்சினை­­யையும் பேச்சுவார்த்தைகள் மூலமே சுமுகமாக தீர்க்கமுடியும். அதிகாரங்களைப் பிரயோகிப்பதைவிட மனம் விட்டுப் பேசுவதன் மூலம் எவ்வளவோ நன்மைகள் ஏற்படும். குறிப்பிட்ட கடிதம் அனுப்பப்பட்டதே பிரச்சினை திடீரென உருவாகியமைக்கு காரணமாகும்.

முஸ்லிம் அமைச்சர்கள் ஆகிய நாம் ஜனாதிபதிக்கு மகஜரொன்றினைச் சமர்ப்­பித்­துள­்ளோம். சம்பவத்துக்கு விசாரணைக்குழுவொன்றினை நியமிக்கும் படியும் கோரியுள்ளோம். ஜனாதிபதி ஏற்பாடு களைச் செய்வார் என்று நம்புகிறேன் என்றார்.

இதேவேளைஇ பள்ளிவாசலுக்கு ஏற்பட்டுள்ள சேதவிபரங்களுக்கான மதிப்பீட்டினை மேற்கொள்ளும்படி முஸ்லிம் சமய கலாசார திணைக்கள பணிப்பாளர் எம்.எச்.எம். ஸமீல் ஜனாதிபதியினால் பணிக்கப்பட்டுள்ளார்.

ஏ.ஆர்.ஏ. பரீல்