முதல்வருக்கும் தெரிந்துவிட்டுதோ ?..

இராணுவத்துடன் இணைந்து மிகவும் கச்சிதமாக யாராலுமே கண்டுபிடிக்க முடியாத அளவிற்கு உதயன் பத்திரிகையும் ஈசுவரபாதம் சரவணபவனும் இயங்கி யாழ்ப்பாணத்தை அடக்கி ஆளுகின்ற அராஜகத்தையும் அந்த சங்கதி..யையும். வைகாசி (May) 18 ,2014 அன்று தான் நான் இந்த உண்மையை சரியாக..confirm.மாக கண்டு பிடித்ததேன். அன்று நடந்த பிதிர்க்கடன், ஆத்மசாந்தி ஹோமயாகம், அன்னதானம் ஆகியவற்றை நடாத்த விடாமல் பலவிதமான முறைகளில் முதல்நாளான 17-5-2014அன்று தடுக்க முற்பட்டது, பின்பு இராணுவத்திற்கு தவறான தகவல்களை சொல்லி, பொய்கூறி தடுப்பதற்கு அவர்களுடன் சேர்ந்து எமக்கெதிராக செயற்பட்டது அதில் உதயன் ஆசிரிய பீடத்தை சேர்ந்த பிரேம் முக்கிய பங்கு வகித்திருந்தார். பின்பு திலீப் என்பவரும் தலையிட்டிருந்திருந்தார். அப்படியிருந்தும் பாதுகாப்புக்கு எந்தவித பங்கமும் ஏற்படாதென்றும் அரசியல்வாதிகளோ, பத்திரிகையாளர்களையோ உள்வாங்கமாட்டோம் என்றும் அன்றையதினம் உயிரிழந்த உறவுகளின் உறவுகள் மட்டும் தான் கலந்து கொள்வார்கள் என்றும் அதற்கு தான் பொறுப்பு என்றுகூறி எழுத்து மூலமான உறுதிமொழி தியாகராசா துவாரகனால் வழங்கப்பட்டதன் பேரிலும் நகுலேசுவர ஆலய பிரதம குருக்களின் திறமையாலும் அவரது உறுதியினாலும் தான் ஒப்புதல் வழங்கப்பட்டது. (இன்னும் பற்பல திறமைமிகுந்த முயற்சிகளும்)

அதன்பின்னர் அடுத்த நாளன்று May 18ம் திகதியன்று நாங்கள் நிகழ்வு நடக்கவிருந்த கீரிமலை நகுலேசுவரர் ஆலயத்தடிக்கு செல்லமுற்பட்டு இராணுவத்தால் தடுக்கப்பட்ட நிலையில் நாம் ஆலயக்குருக்களுக்கு தெரியப்படுத்தி எம்மால் எடுத்துச்செல்லப்பட்ட
பாலை ஆலயத்திற்கு எடுத்துச்செல்வதற்காக குருக்களால் சொல்லப்பட்ட கடையில் வைத்துவிட்டு யாகத்தை நாமில்லாமலே நடத்துமாறு கூறி உள்ளே செல்லுவதற்கான முயற்சிகளில் ஈடுபட்டுக்கொண்டிருந்தோம்.

பகல் போல் பாராளுமன்ற விசேஷ அதிகாரத்தை பயன்படுத்தி ஆலயத்தடிக்கு சென்றிருந்த MP ஈசுவரபாதம் சரவணபவனும் அவருடன் மாகாணசபை உறுப்பினர் கஜதீபனும் தீபம் ஏற்றவுமில்லை ஆண்டவனைக் கும்பிடவுமில்லை இதை குருக்களும் உறுதிப்படுத்துயிருந்தார். ஆனால் அங்கு யாகத்தில் பங்குபற்றி அன்னதானத்தில் பங்குபற்றியவர்களுடன் சேர்ந்து இவர்களும் சாப்பிட்டுவிட்டு சரவணபவனின் பாதுகாப்பு அதிகாரிகள் மூவருக்கு பார்சல் கட்டிக்கொண்டு மட்டும் போய்விட்டார்கள் அங்கே மிகுதியாகவிருந்த கிட்டத்தட்ட 800 பேருக்கான மேலான உணவை கொடுப்பதற்குரிய ஒழுங்குகள் எதுவுமே செய்யாமல் சென்றுவிட்டார்கள். பின்னர் அந்த உணவுகளை Land Masterஇல் கொண்டுபோய் ஊர்மக்களுக்கு கொடுப்பதற்குரிய ஒழுங்குகளைச் செய்திருந்தோம்.

அன்று பிற்பகல் 5 மணிபோல் மாட்டின் றோட்டிலுள்ள தமிழரசுக்கட்சி காரியாலயத்தில் ஒருங்கு செய்யப்பட்டிருந்த நிகழ்விற்கு நான் இராணுவத்தை தந்திரமாக ஏமாற்றிவிட்டு 3மணிபோல் அங்கு சென்றிருந்தேன் யாரையும் காரியாலயத்தில் காணாதபடியால் பக்கத்திலுள்ள குலநாயகம் ஐயா வீட்டிற்கு சென்றபோது அவர் ஆச்சரியப்பட்டார் அங்கே வரமுற்பட்ட சிவஞானம் ஐயாவையும், பரஞ்சோதியரையும் ஆமிக்காரர் திருப்பி அனுப்பிவிட்டதாகவும் நான் எப்படி ஆமியிடம் கூறி வந்ததை கூறியபோது கெட்டிக்காரன் என்று என்னைப்பற்றி கூறி தனது இளைஞர் கால கதைகள் சிலவற்றைப் பகிர்ந்து கொண்டார் 4.45 மணிபோல் தீபம் ஏற்றுவோமா என்று கேட்டபோது 15, அல்லது 20 பேர் இருந்தால் ஏற்றலாம் என்றும் நாங்கள் மூவரும் ஏற்றமுடியாது ஏனெனில் தானும் மனைவியும் மகனும் மட்டும் தான் இருக்கின்றோம் ஏதாவது நடந்தால் யாரும் வரமாட்டார்கள் ஆகவே நான் விளக்கேற்றவிடமாட்டேன் கூறியபோது அந்த சூழ்நிலையை உணர்ந்து நானும் அங்கு வந்திருந்த ஊடகவியலாளரும் திரும்பி சென்றுவிட்டோம். ஆனால் விசேஷ அதிகாரத்தைப் பயன்படுத்தி கீரிமலைக்கு சென்றிருந்த ஈசுவரபாதம் சரவணபவனோ அவருடன் சென்றிருந்த கஜதீபனோ, அல்லது மற்ற எந்தவொரு MP மாறோ வரவில்லை. தமிழரசுக்கட்சி பாராளுமன்ற உறுப்பினர்கள் தமது தலைமைக் காரியாலயத்திற்கு போவதற்கு கூட அதிகாரத்தை உபயோகிக்க முடியாதவர்களாக இருக்கின்றார்களா? அல்லது தமது உரிமைப்போரில் உயிர்களை, பொருளாதாரத்தை அனைத்து வசதிகள் அனைத்தையுமே இழந்தும். சற்றுமே சளைக்காத எம்மினத்தை நம்பவைத்து ஏமாற்றுகின்ற நாடகத்தை சிறப்பாக அரங்கேற்றுகின்றார்களா?

(Thampi Mu Thambirajah)