சிறந்த மருத்துவத்தின் ஊடாக உளவியல் பிரச்சினைகளுக்கு தீர்வு

வடபகுதி இளம் சமுதாயத் தினரிடம் காணப்படும் மாறுபட்ட உளமாற்றங் களை சீர் செய்து, அவர்களை நல்வழிப்படுத்துவதற்கான செயற்பாடுகளை வடமாகாண சுதேச மருத்துவத் திணைக்களம் மேற்கொண்டு வருகிறது. இது தொடர்பாக சமூக மட்டங்களில் திட்டங்களை நடைமுறைப்படுத்து வதற்காக ஆயுர்வேத மருத்துவ உத்தி யோகத்தர்களுக்கான கலந்துரையாடல் ஒன்று வடமாகாண சுதேச மருத்து வத்துறை ஆணையாளர் தலைமையில் கடந்த ஜுன் மாதம் 4ம் திகதியன்று மாகாண சுகாதார சுதேச வைத் தியத்துறை அமைச்சின் கேட்போர் கூடத்தில் இடம்பெற் றிருந்தது.

இதன் தொடர்ச்சியாக உளவியல் சார் நிபுணத்துவம் பெற்றவர்கள் மூலமாக அறிவூட்டல் பயிற்சி ஊடாக நீண்ட கால நோக்கிலான திட்டவரைவொன்றை தயாரித்தல் தொடர்பிலான கருத்தமர்வு ஜூன் மாத இறுதியில் நடாத்தப்பட்டது. இதன் மூலம் பாடசாலை மாணவர்கள், ‘அரச உத்தியோகத்தர்கள், முதியோர் தொடர்பிலான உளநெருக்கீட்டுப் பிரச்சினைகளை இனம் காணுதல், தீர்த்தல் மற்றும் யோகாசனப் பயிற்சி நெறிகளை முன்னெடுத்தல் தொடர்பான நடவடிக்கைகளை மேற்கொள்ளவும் தீர்மானிக்கப்பட்டுள்ளது.

வடமாகாண சுதேச மருத்துவத் திணைக்கள ஆணையாளர் டாக்டர் (திருமதி) சி. துரைரட்ணம் “வடபகுதி யின் உளநெருக்கீடுகள் தொடர்பான பிரச்சினைகளும், அவற்றுக்கான தீர்வுகளும்” எனும் விடயத்தின் கீழ் விடுத்துள்ள செய்திக் குறிப்பில் மேற் படி தகவல்களை தெரிவித்துள்ளார்.

இந்தச் செய்திக் குறிப்பில் மேலும் தெரிவிக்கப்பட்டுள்ளதாவது,

வடபகுதி தமிழர்களின் பாரம்பரியம் மற்றும் கலை, கலாசாரம் என்பது உலகத் தமிழர்களால் மட்டுமன்றி, ஏனைய சமூகத்தவர்களாலும் விரும் பப்பட்டதுடன் பாராட்டப்பட்ட வகையிலும் இருந்து வந்தன. இன்றைய நவீனத்துவ மாற்றங்கள், முக்கியமாக போருக்குப் பின்னரான காலப்பகுதியில் இளம் சமுதாயத்தினரிடையே ஏற்பட்டு வரும் மாற்றங்கள் அதிர்ச்சியூட்டும் விதமாகக் காணப்படுகின்றன. இளம் வயதினரிடையே அதிகரித்து வரும் புகைத்தல், போதைப் பழக்கங்கள், இளவயதுக் கர்ப்பம், தற்கொலை, வன்முறைப் போக்கு, ஆசிரியர், பெற்றோரை மதிக்காத அலட்சிய மனப்பாங்கு என்பன சமூகத்தில் மிக மோசமான விளைவுகளை ஏற்படுத்தத் தொடங்கியுள்ளன.

இவ்வாறான விரும்பத்தகாத மாற்றங்கள் தொடர்பில் அரச மற்றும் அரச சார்பற்ற சமூகநல நிறுவனங்கள் கவனம் செலுத்துவதுடன், தங்கள் ஒத்துழைப்பையும் ஆதரவையும் வழங்கி, செயற்திட்டங்களை முன்னெடுத்துச் செல்ல உதவுமாறு கேட்டுக் கொள்கிறோம்.

இவ்வாறு வடமாகாண சுதேச மருத்துவ திணைக்கள ஆணையாளர் வேண்டுகோள் விடுத்துள்ளார்.

(அ. கணகசூரியர்)