அச்சுவேலி கைத்தொழில் பேட்டை யாழ் மக்களுக்கு வரப்பிரசாதம்

யாழ்ப்பாணம் மாவட்டத்திலுள்ள அச்சுவேலியில் பாரியதொரு கைத்தொழில் பேட்டை நேற்று முன் தினம் சம்பிரதாயபூர்வமாக அங்குரார்ப்பணம் செய்து வைக்கப்பட்டுள்ளது. பொருளாதார அபிவிருத்தி அமைச்சர் பசில் ராஜபக்ஷ, இந்திய உயர்ஸ்தானிகர் வை. கே. சின்ஹா ஆகியோர் இணைந்து கைத்தொழில் பேட்டையைத் திறந்து வைத்தனர். இந்நிகழ்வில் அமைச்சர் டக்ளஸ் தேவான ந்தா, பிரதியமைச்சர் வீரக்குமார திசாநாயக்க. வட மாகாண ஆளுநர் ஜீ. ஏ. சந்திரசிறி, முதலமைச்சர் சி. வி. விக்னேஸ் வரன் உட்பட முக்கியஸ்தர்கள் பலர் பங்கேற்றிருந்தனர்.

அச்சுவேலி கைத்தொழில் பேட்டையை மீளக்கட்டியெழுப்புவதில் பெருந்தொகை நிதி செலவிடப்பட்டுள்ளது. இந்திய அரசின் சிறிய நன்கொடை அபிவிருத்தி நிகழ்ச்சித் திட்டத்தின் கீழ் இதற்கென 225 மில்லியன் ரூபா உதவியாகக் கிடைத்திருந்தது. இலங்கை அரசாங்கம் ஐம்பது மில்லியன் ரூபா நிதியை ஒதுக்கியிருந்தது. பாரம்பரிய கைத்தொழில்கள் மற்றும் சிறு தொழில் முயற்சி அபிவிருத்தி அமைச்சின் கீழ் அச்சுவேலி கைத்தொழில் பேட்டை முழுமையாகப் புனரமைக்கப்பட்டு நேற்றுமுன்தினம் அதன் செயற்பாடுகள் ஆரம்பித்து வைக்கப் பட்டுள்ளன.

இலங்கையில் உள்நாட்டு யுத்தம் முடிவுக்குக் கொண்டு வரப்பட்ட பின்னர் வடக்கு, கிழக்கு மாகாணங்களை மீளக்கட்டியெழுப்பும் அரசாங்கத்தின் பாரிய வேலைத் திட்டங்களுக்கு இந்தியா வழங்கி வருகின்ற உதவிகளைப் பாராட்ட வேண்டிய கடமை எமது மக்களுக்கு உண்டு. யாழ்ப்பாணம் ரயில் பாதை நிர்மாணம், வீடமைப்புத் திட்டம் உட்பட பல்வேறு உதவிகள் இந்திய அரசின் உதவித் திட்டத்தின் கீழ் அடங்குகின்றன. இரு நாடுகளுக்குமிடையே தொன்றுதொட்டு நிலவி வரும் தொன்மை மிகுந்த நல்லுறவுகளின் அடிப்படையில் இந்தியா இவ்வாறான பாரிய உதவிகளை இலங்கைக்கு வழங்கி வரு கிறது.

இதற்கெல்லாம் மேலாக இலங்கையில் யுத்தம் முடிவடைந்த பின் னர் வடக்கு. கிழக்கை மீளக் கட்டியெழுப்புவதில் எமது அரசு க்கு தோள் கொடுத்து உதவுவதில் இந்தியா பாரிய பங்களிப்பு செய்து வருவதை இங்கே விசேடமாகக் குறிப்பிடுவது பொருத்தமாகும். இலங்கையின் ஜனநாயகம் இறைமை, ஒருமைப்பாடு ஆகியவற்றுக்கு பங்கம் ஏற்படாத வகையில் எமது நாட்டின் மீள்கட்டுமான நடவடிக்கைகளில் இந்தியா பங்களிப்பு செய்து வருகிறது.

இதேசமயம் அச்சுவேலி கைத்தொழில் பேட்டை மீள்கட்டமைப்பு செய்யப்பட்டமை யாழ். மாவட்ட மக்களுக்கான மிகப் பெரும் வரப்பிரசாதமாக விளங்குகிறது. 1970 ஆம் ஆண்டு அச்சு வேலியில் பாரிய எதிர்பார்ப்புகளுடன் 65 ஏக்கர் நிலப்பரப்பில் நிர்மாணிக்கப்பட்ட கைத்தொழில் பேட்டையானது வெற்றிக ரமான முறையில் இயங்கத் தொடங்கிய போதிலும் யுத்த சூழல் அதற்கு இடமளிக்காத காரணத்தினால் 1991 ஆம் ஆண்டு காலப் பகுதியில் அதன் செயற்பாடுகள் ஸ்தம்பிதமடைந்தன. அதன் பின்னர் வெறுமனே காடு மண்டிக் கிடந்த அப்பிரதேசம் இன்று புதுப்பொலிவுடன் காட்சியளிக்கிறது. நாட்டில் தற்போதுள்ள பதினெட்டு கைத்தொழில் பேட்டை களில் அச்சுவேலி கைத்தொழில் பேட்டை முன்னணியில் திகழ் கிறது. அங்கு எண்ணிலடங்காத கைத்தொழில் முயற்சிகளை ஆரம்பிப்பதற்கான நடவடிக்கைகள் முன்னெடுக்கப்பட்டுள்ளன.

இக்கைத்தொழில் பேட்டையானது முழுமையாக செயற்படும் பட்சத்தில் இரண்டாயிரம் மில்லியன் ரூபாவுக்கு மேற்பட்ட முதலீடுகளையும் 3500 இற்கு மேற்பட்ட இளைஞர்களுக்கான வேலைவாய்ப்புகளையும் எதிர்பார்க்க முடியுமென பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சின் செயலாளர் வே சிவஞானசோதி தெரிவித்திரு க்கிறார்.

யாழ். குடாநாட்டு மக்கள் விவசாயம், கைத்தொழில், வியாபாரம் சார்ந்த சுயதொழில் முயற்சிகளில் மிகவும் சுறுசுறுப்பும் தேர்ச்சி யும் மிக்கவர்களாவர். யாழ்ப்பாணத்தின் உற்பத்திப் பொருட்க ளுக்கு உள்நாட்டில் மட்டுமன்றி உலக நாடுகள் எங்குமே தனியான மதிப்புண்டு. எனினும் கொடிய யுத்தம் காரணமாக மூன்று தசாப்த காலமாக அம்மக்கள் சுயபொருளாதார முயற்சி களில் வெற்றியீட்ட முடியாதவர்களாகவே காணப்பட்டனர். உற்பத்திக்கான வாய்ப்பு வசதிகள் கிடைக்காதது ஒருபுறமிருக்க உற்பத்திப் பொருட்களுக்கான சந்தை வாய்ப்புகளும் காணப்படவில்லை. இதன் காரணமாக உள்ளூர் தொழில் முயற்சிகள் அனைத்துமே அங்கு முடங்கிப் போயிருந்தன.

அமைதிச் சூழ்நிலை திரும்பியிருக்கின்ற இவ்வேளையில் அரசின் அபிவிருத்தித் திட்டங்களுக்குச் சமாந்தரமாக உள்ளூர் சுயபொருளாதார முயற்சிகளையும் மீளக்கட்டியெழுப்பக் கூடிய வாய்ப்பு மக்களுக்கு இப்போது உருவாகியிருக்கிறது. இத்த கைய வாய்ப்புகளுக்கு பெரும் வரப்பிரசாதமாக அச்சுவேலி கைத்தொழில் பேட்டை அமைந்திருக்கிறது.

(தினகரன்)