விவசாயத்துறை விஞ்ஞானிகள்
பல்கலைக்கழகங்களில் உருவாக்கப்படுவார்கள்

வட பகுதியின் பசுமையான சிவப்பு மண்ணை மேலும் வள ப்படுத்தி, விவசாய புரட்சி ஒன்றை ஏற்படுத்தி, நாட்டின் பொருளாதாரத்தை வளப்படுத்துவதற்கு ஏற்புடைய வகை யில் விவசாயத் துறையில் கற்றறிந்த விஞ்ஞானிகளை உருவாக் கும் எண்ணத்துடன் உயர்கல்வி அமைச்சர் எஸ். பி. திஸாநாய க்க, யாழ்ப்பாண பல்கலைக்கழகத்தில் விவசாயப்பீடம் ஒன்றை ஆரம்பிப்பதற்கு தீர்மானித்துள்ளார்.

விஞ்ஞான, கணித துறையில் கல்விமான்களை உருவாக்கும் அதே வேளையில் நாட்டு மக்களின் பசிப்பிணியை போக்குவதற்காக நவீன விஞ்ஞான ரீதியில் விவசாயத்தை மேம்படுத்துவதற்கு விவ சாயத்துறையில் உயர்கல்வி அவசியம் என்ற ஜனாதிபதி மஹிந்த ராஜபக்ஷவின், மஹிந்த சிந்தனை லட்சியக்கனவை நிறைவேற்று வதற்காகவே, இந்த தீர்மானத்தை அரசாங்கம் எடுக்கவுள்ளது.

ஏற் கனவே, பேராதனை பல்கலைக்கழகத்திலும், ஏனைய பல்கலைக் கழகங்களிலும் விவசாயப் பட்ட கல்வி மேற்கொள்ளப்படுகின்ற போதிலும், அவற்றை உயர்கல்வி பீடங்களாக மாற்றுவதில் இது வரையில் எந்தவொரு பல்கலைக்கழகமும் செயற்படவில்லை என்பது குறிப்பிடத்தக்கது.

யாழ்ப்பாண பல்கலைக்கழகத்தில் கடந்த வாரம் நடைபெற்ற விழிப் புணர்வு நிகழ்ச்சியில் கலந்துகொண்ட உயர்கல்வி அமைச்சர், அடுத்த ஆண்டு முடிவுக்குள் எமது நாட்டிலுள்ள பல்கலைக் கழகங்களில் கற்கைநெறி முற்றாக மாற்றப்படும் என்று அறி வித்தார்.

எங்கள் நாட்டை பொறுத்தமட்டில், இன்றைய உலகில் முதன்மை இடத்தை வகிக்க வேண்டுமாயின் சுதேச மொழிக ளான சிங்களம், தமிழ் உடன் சர்வதேச மொழியான ஆங்கில அறிவு முக்கியத்துவம் பெறுகின்றது என்றும், பல்கலைக்கழகங்க ளுக்கு சேர்த்துக்கொள்ளப்படும் மாணவ, மாணவிகளுக்கு முத லில் ஆங்கில கல்விப் போதனை மேற்கொள்ளப்படும் என்றும் தெரிவித்தார்.

ஆங்கில மொழியில் திருப்திகரமான அளவுக்கு தகுதிபெற்ற பின் னரே, பல்கலைக்கழக மாணவர்கள் தாங்கள் கற்பதற்கு தெரிவு செய்துகொண்ட துறைகளில் அவர்களுக்கு கல்வி புகட்டும் செயற்பாடுகள் ஆரம்பமாகும். இனிமேல் நாட்டின் பொருளாதார உற்பத்திக்கும், அபிவிருத்திக்கும் ஏற்புடைய வகையில் பல்க லைக்கழக கல்வி அமையும் என்று அமைச்சர் திஸாநாயக்க மேலும் சுட்டிக்காட்டினார்.

இம்மாதம் தென்னாபிரிக்காவில் நடைபெற இருக்கும் இளைஞர்கள் மற்றும் உயர் கல்வி மாணவர்கள் கலந்துகொள்ளும் 17 வது உலக மகாநாட்டில், சுமார் 35 ஆயிரம் இளைஞர்களும் யுவதிக ளும் உலகின் பல்வேறு நாடுகளிலிருந்து கலந்துகொள்ள இருக்கி றார்கள். இம்மகாநாட்டில் இந்தியாவிலிருந்து 750 பேரும், இலங் கையிலிருந்து 200 பேரும் கலந்துகொள்வர்.

இம்மகாநாட்டில் கல ந்துகொள்வதற்காக யாழ்ப்பாணத்திலிருந்து இளைஞர்களும், யுவ திகளும் தெரிவுசெய்யப்படுவார்கள் என்றும் அமைச்சர் அறிவித்தார்.

இந்த உலக மகாநாட்டின் தொனிப்பொருளாக “ஏகாதிபத்தியத்தை தோற்கடித்து உலகில் சமாதானம், சகோதரத்துவம், மற்றும் சமூக நல்வாழ்வுக்கு வித்திடுவோம்” என்ற எண்ணக்கரு முன்வைக்கப் பட்டுள்ளது.

சர்வ பல்கலைக்கழக மாணவ நிலையம் ஒழுங்கு செய்துள்ள இம் மகாநாட்டில், 26 பல்கலைக்கழக மாணவ, மாணவிகள் கலந்து கொள்வார்கள்.

தற்போது இலங்கை பல்கலைக்கழகங்களின் அமைதியான வளர்ச்சி க்கு பெரும் முட்டுக்கட்டையாக இருக்கும் ஒரு சில அரசியல் அமைப்புக்களின் கைம்பொம்மைகளாக விளங்கும் மாணவ அமை ப்புக்களின் செயற்பாடுகளும், அவற்றின் தூண்டுதலின் பேரில் விஸ்வரூபம் எடுத்து இருக்கும் தரக்குறைவான பகிடிவதை துன் புறுத்தல்களும் கூடிய விரைவில் முற்றாக ஒழித்துக் கட்டப்படும்.

இனிமேல் 1940ஆம், 1950ஆம் ஆண்டு தசாப்தங்களில் பேரா தனை, கொழும்பு பல்கலைக்கழகங்களில் இருந்தது போன்று, எமது பல்கலைக்கழகங்களில் ஒழுக்கத்திற்கு முன்னுரிமை அளிக் கப்படும் என்றும் அமைச்சர் அறிவித்தார்.

ஆரம்ப கட்டத்தில் ஒரு மாணவரின் மனோநிலையை பாதிக்காத வகையில், புதிய மாணவர்களுக்கும், பழைய மாணவர்களுக்கும் இடையில் நட்புறவை வளர்க்கும் உன்னத நோக்கத்துடன், பகிடி வதை என்ற பாரம்பரியம் ஆரம்பமாகியது. அதனால், அன்றைய காலகட்டத்தில் பல்கலைக்கழகங்களிலிருந்து பட்டம் பெற்று வெளி யேறியவர்கள் உன்னத குணம் படைத்த கனவான்களாக விள ங்கி, எங்கள் நாட்டில் அரசியல், நீதித்துறை, கல்வித்துறை, வைத் தியம், பொறியியல்துறை ஆகியவற்றில் உயர் பதவிகளை வகித்து, நாட்டின் முன்னேற்றத்திற்கு அடிதளமாக அமைந்தார்கள்.

அது போல் மீண்டும் பல்கலைக்கழகங்களிலிருந்து கல்வி கற்ற நல்ல ஒழு க்க சீலர்களை சமூகத்திற்கு பெற்றுக்கொடுக்கும் எண்ணத்துடன் அரசாங்கம் மேற்கொண்டு வரும் முயற்சிகள் நிச்சயம் எதிர்பார்க்கும் வெற்றியை அளிக்கும்.

(தினகரன்)