இலங்கையில் விவசாய புரட்சி ஆரம்பமாகியுள்ளது

கடந்த 30 ஆண்டு கால பயங்கரவாத யுத்தத்தினால் சீர் குலைந்து போயிருக்கும் இலங்கையின் இயற்கை வளங்க ளான பாரிய வாவிகளையும் நீர்த் தேக்கங்களையும் கால் வாய்களையும் மீண்டும் புனரமைத்து, வடக்கு, கிழக்கு மாகாணங் கள் உட்பட, நாட்டின் நாலா பக்கங்களிலும் விவசாயத் துறையில் மீண்டும் மறுமலர்ச்சியை ஏற்படுத்தி, எங்கள் நாட்டின் பண்டைய பாரம்பரியத்திற்கு அமைய, ஆசியாவின் நெற்களஞ்சியம் என்ற பெருமையை இலங்கைக்கு மீண்டும் பெற்றுத் தருவதற்கு நீர்ப்பா சன மற்றும் நீர்வள முகாமைத்துவ அமைச்சர் நிமால் சிறிபாடி டி சில்வா இப்போது துரித கதியில் நடவடிக்கைகளை எடுத்து வரு கிறார்.

ஜனாதிபதி மஹிந்த ராஜபக்ஷவின், மஹிந்த சிந்தனை எண்ணக்க ருவை சரியான முறையில் நிறைவேற்றும் முகமாக, இவ்வமைச்சு 2011 ஆம் ஆண்டிற்கான வரவு செலவுத் திட்டத்தில் ஒதுக்கப்பட் டிருக்கும் 24,263 மில்லியன் ரூபாவை நேர்த்தியான முறையில் செலவிட்டு, வாவிகள், நீர்த்தேக்கங்கள், கால்வாய்களை மட்டு மன்றி, பாரிய அணைகளையும் திருத்தும் பணிகளை மேற்கொள் ளவுள்ளது. 2010 ஆம் ஆண்டில், இத்தகைய பணிகளை நிறை வேற்றுவதற்காக 15,325 மில்லியன் ரூபா மாத்திரமே ஒதுக்கீடு செய்யப்பட்டிருந்தமை குறிப்பிடத்தக்க அம்சமாகும்.

ஒம ஓயாவை திசை திருப்பும் அபிவிருத்தி திட்டத்திற்காக 5,450 மில் லியன் ரூபாவும், அணைகளை பாதுகாத்தல் மற்றும் நீர் வளங் களை திட்டமிட்டு செயற்படுத்துவதற்காக 2,755 மில்லியன் ரூபா வும், மகாவலி கி புனரமைப்பு திட்டத்திற்காக 500 மில்லியன் ரூபாவும், தெதுறு ஓயா அபிவிருத்தி திட்டத்திற்காக 2,170 மில்லி யன் ரூபாவும், ரம்பக்கன் ஓயா திட்டத்திற்காக 800 மில்லியன் ரூபாவும், அனுராதபுரம் குளங்கள், நீர்த்தேக்கங்களை புனரமைப்பு திட்டத்திற்காக 1,100 மில்லியன் ரூபாவும் அடுத்த ஆண்டில் செல விடப்படும்.

இவற்றை விட வடக்கில் உள்ள பாரிய விஸ்வமடுகுளம், மன்னார் பிர தேசத்தில் உள்ள கட்டுக்கரைக் குளம் உட்பட வட மாகாணத்தில் இருக்கும் சகல குளங்களையும், நீர்த்தேக்கங்களையும் புனரமை ப்பு செய்வதற்கு அரசாங்கம் இப்போது நடவடிக்கைகளை எடுத்து வருகிறது.

கடந்த காலத்தில் நெற் செய்கைக்கு தேவையான நீரை இந்த நீர்த் தேக்கங்கள் ஏரிகள் மூலம் பெறுவதற்கு இருந்த வாய்ப்புக்கள் பய ங்கரவாத செயற்பாடுகள் உச்ச கட்டத்தில் இருந்த காரணத்தினால் சீர்குலைந்திருந்தன. வடக்கிலும், கிழக்கிலும் நெற்காணிகளில் பய ங்கரவாதிகளினால் கண்ணிவெடிகள் புதைக்கப்பட்டிருந்ததனால் அப் பிரதேசங்களில் பல்லாண்டு காலம் நெற்செய்கை கைவிடப்பட்ட நிலையில் இருந்தது.

இப்போது, இராணுவத்தினரும், அரச சார்பற்ற சர்வதேச அமைப்புக் களும் சுமார் 80 சதவீதத்திற்கும் கூடுதலான கண்ணிவெடிகள் பாது காப்பாக அகற்றப்பட்டு, அங்கு மீண்டும் விவசாயம் ஆரம்பிக்கப் பட்டுள்ளது. அந்த நெற்காணிகளுக்கு தேவையான பாசன வசதி களை அரசாங்கம் இப்போது வழங்குவதற்கான வசதிகளை துரிதப் படுத்திய வண்ணம் இருப்பது, இந்நாட்டின் விவசாய பெருமக் களை பெரும் மகிழ்ச்சியடையச் செய்துள்ளது.

அரசாங்கம் இப்போது நடைமுறைப்படுத்தி வரும் வடக்கின் வசந்தம், கிழக்கின் உதயம் அபிவிருத்தித் திட்டங்களுக்கு நீர்ப்பாசன வசதி முக்கியத்துவம் பெறுகின்ற காரணத்தினால் அங்கு நீர்ப்பாசன வச திகளை செய்து கொடுப்பதுடன், பொருளாதார அபிவிருத்தி அமை ச்சர் பசில் ராஜபக்ஷ, அம்பாந்தோட்டை மாவட்டத்தின் பாராளு மன்ற உறுப்பினர் நாமல் ராஜபக்ஷ, ஆகியோரின் தலைமையில் விவசாயிகளுக்கு நீர்ப்பாசன வசதிகளை பெற்று கொடுப்பதுடன், உழவு இயந்திரங்கள் நீர்ப்பாசனத்திற்கு தேவையான உரப்பசளை, விதை நெல் போன்றவற்றை சலுகை அடிப்படையில் வழங்கிக் கொடு ப்பதற்காக விசேட வங்கி கடன் திட்டங்களையும் அவர்களுக்காக இப்போதுபெற்றுக் கொடுக்கப்படுகின்றன.

இவ்விதம் நீர்ப்பாசன திட்டங்களை அபிவிருத்தி செய்து, விவசாயத் துறைக்கு புத்துயிர் அளிப்பதற்காக, உலக வங்கியும், சர்வதேச அபி விருத்தி ஸ்தாபனமும் இலங்கை அரசாங்கத்திற்கு 7 பில்லியன் ரூபாவை வட்டியில்லா கடனாக ஏற்கனவே வழங்கியிருக்கிறது. இதன் மூலம், நாட்டில் உள்ள 39 பாரிய நீர்த் தேக்கங்களையும், அணைகளையும் புனரமைப்பு செய்யும் பணி இப்போது ஆரம் பிக்கப்பட்டுள்ளது. பராக்கிராம சமுத்திரம், இன்கினிமிட்டிய நீர்த் தேக்கம் ஆகியவற்றை புனரமைக்கும் வேலைகள் 1.8 பில்லியன் ரூபா செலவில் ஆரம்பிக்கப்பட்டுள்ளது.

இந்த திட்டங்கள் இன்னும் ஓரிரு ஆண்டுகளில் வெற்றிகரமான முறையில் நிறைவேற்றப்பட்டவுடன், எங்கள் நாட்டு மக்கள் அனை வரும் உள்ளூரில் உற்பத்தியாகும். அரிசியை நியாய விலைக்கு பெற்றுக் கொடுப்பதற்கான வாய்ப்பு ஏற்படும். இதன் மூலம், பண் டைய காலத்தில் இருந்ததைப் போன்று நாம் மீண்டும் வெளி நாடுகளுக்கு அரிசியை ஏற்றுமதி செய்து எங்கள் தேசிய வருமா னத்தை பெருக்கிக் கொள்வதற்கும் ஒரு சாதகமான சூழ்நிலை உருவாகுவது திண்ணம்.

(தினகரன்)