நாட்டிலுள்ள ஒவ்வொரு வீட்டிலும் அடுத்த ஆண்டில் மின் ஒளி பரவும்

இலங்கையில் மின்சாரத் தட்டுப்பாடு மற்றும் மின்சார கட் டணத்தை உயர்த்துவதற்கான அடித்தளத்தை அமைத் துக் கொடுப்பவர்கள், எமது நாட்டின் மின்சார பாவனையாளர்களேயாவர்.

மாதம் ஒன்றுக்கு 90 அலகுக்கு கூடுதலான அளவில் மின்சார கட்டணத்தை பயன்படுத்துபவர் களுக்கு மாத்திரமே, அடுத்த ஆண்டு முதல் சற்று கூடுதலான மின்சார கட்டணத்தை அரசாங்கம் அறவிடும் என்று மின் சக்தி மற்றும் எரிசக்தி துறை அமைச்சர் பாட்டலி சம்பிக்க ரணவக்க அறிவித்திருக்கிறார்.

இந்த மின்சார கட்டண அதிகரிப்பு எங்கள் நாட்டில் உள்ள 78 சதவீதமான மின்சார பாவனையாளர்களை எவ்விதத்திலும் பாதிக்காது. அதற்குக் காரணம் அவர்கள் 90 அலகுக்கு குறைவான அளவிலேயே மாதாந்தம் மின்சாரத்தை தங்கள் வீட் டுத் தேவைகளுக்காக பயன்படுத்துவதே ஆகும்.

இது குறித்து ஊடகத்துறை அமைச்சின் செயலாளர் தீ. கி. கனேகல ஒரு யதார்த்த பூர்வமான யோசனையை தெரிவித் திருக்கிறார். ஒவ்வொரு வீட்டிலும் பாவனையாளர்கள் தங்கள் அன்றாட மின்சார பாவனையில் ஒரேயொரு அலகை மாத்திரம் குறைத்துக்கொள்வார்களே ஆனால், ஒரு மாதத்தில் அவர்கள் 30 அல்லது 31 அலகு மின்சார பாவனையை குறைத்துக்கொள்ள முடியும். அதுபோன்று, 120 அலகு வரை மின்சாரத்தை பயன்படுத்தும்.

மேலும் 10 முதல் 12 சதவீதமான மின்சார பாவனையாளர்களும் இந்த வழிமுறையை பயன்படுத்தி, மின்சார கட்டணத்தை மாதத்திற்கு 90 அலகு எல்லையை விட குறைவாக பயன்படுத்தினால், அவர்கள் அதிகரித்த மின்சார கட்டணத்தை செலுத்த வேண்டியிருக்காது. இதனால் அவர்களின் மாதாந்த மின்சார கட்டணமும் கணிசமான அளவுக்கு குறைந்துவிடும்.

இதற்கமைய, எங்கள் நாட்டின் மின்சார பாவனையாளர்களில் செல்வந்தர்களின் தரத்தைச் சேர்ந்த 10 சதவீதமானோர் மாத் திரமே, அதிகரித்த மின்சார கட்டணத்தை செலுத்த வேண்டியிருக்கும். இந்த தரத்தைச் சேர்ந்தவர்களுக்கு மிகக் கூடுதலான வருமானம் கிடைப்பதனால் அவர்கள் இந்த மின்சார கட்டண உயர்வினால் அந்தளவுக்கு பொருளாதார ரீதியில் பாதிக்கப்படமாட்டார்கள்.

அரசாங்கம் மின்சார கட்டணத்தை உயர்த்தி மக்கள் மீதான பொருளாதார பழுவை சுமத்தி அவர்களை மேலும் வேதனைக்குட்படுத்தி வருகிறது என்ற எதிர்க்கட்சியின் தவறான பிரசாரத்திற்கு பொதுமக்கள் இவ்விதம் தக்க பதிலடியும் கொடுக்கக் கூடியதாக இருக்கும்.

நாட்டிலுள்ள 90 சதவீதமான மின்சார பாவனையாளர்கள் தங் கள் மின்சார பாவனையை மாதத்திற்கு 90 அலகுக்கு குறைவாக வைத்துக்கொள்ளும்போது, மின்சார சபை மின்சக்தியை சேமிக்கக் கூடிய ஒரு சாதகமான சூழ்நிலையும் உருவாகும். அதன் மூலம் இலங்கையில் அடுத்த 10, 15 வருடங் களுக்கு மின்சார தட்டுப்பாடு ஏற்படுவதையும் தடுக்க முடியும்.

அமைச்சர் பாட்டலி சம்பிக்க ரணவக்க, நாட்டில் உயர்ந்த மலை ப்பிரதேசத்தில் மின் விநியோகத்தை வழங்கக் கூடிய மின் சார கம்பங்களை நாட்டுவதில் இருக்கும் பிரச்சினைகள் காரணமாக மலையகத்தில் உள்ள பல பின்தங்கிய கிராமங்களுக்கு, மின்சார விநியோகத்தை பெற்றுக்கொடுக்க முடியாத சிக்கல் நிலை, பல்லாண்டு காலமாக தோன்றியிருக்கிறது என்று சுட்டிக்காட்டி, மின்சார சபையிடம் போதியளவு மின்சாரம் கையிருப்பில் இருந்தாலும் கூட, இப்பிரதேசங்களுக்கு மின் விநியோகத்தை பெற்றுக்கொடுக்க முடியாத நிலை இருந்து வருகிறது என்றும், அதற்கு தாம் ஒரு மாற்று வழியை விரைவில் அமுலாக்கப் போவதாகவும் கூறினார்.

நாடெங்கிலும் உள்ள 320 பிரதேச செயலகங்களுக்கு கீழ் வரும் 14,000 கிராமசேவக பிரிவுகளில் உள்ள மக்களின் வீடுகளுக்கு, இலங்கை மின்சார சபை அடுத்த ஆண்டு முதல் சூரியசக்தி, காற்று சக்தியின் மூலம் அந்தந்த பிரதேசங்களில் பெற்றுக்கொள்ளக்கூடிய மின்சாரத்தை விநியோகித்து, இலங் கையிலுள்ள ஒவ்வொரு வீட்டிலும் பின்தங்கிய கிராமங்களிலுள்ள ஏழை மக்களின் குடிசைகளுக்கும் மின்சார ஒளியை பரப்புவதற்கு அரசாங்கம் துரித கதியில் நடவடிக்கைகளை எடுத்து வருவது மஹிந்த சிந்தனை எண்ணக்கருவை நன வாக்கும் ஒரு செயற்பாடாக அமைந்துவிடும் என்பது திண் ணம்.

(தினகரன்)