நாளைய வெற்றிக்காக இளைஞரை தயார் செய்வதே புதிய கல்வித் திட்டத்தின் இலக்கு

தொழில் நுட்பக் கல்வி யானது கணிதத் தையும் விஞ்ஞானத் தையும் பிரயோகித்துப் பணிகளைத் திறமையாகவும், வேகமாகவும், திருத்தமான முறையிலும் சிக் கனமாகவும் செய்து முடிக்கக் கூடிய அறிவை வழங்குகிறது. இதை உத்தேசித்தே கலைப்பிரிவு என்று ஒதுக்கி வைக்கப்படும் மாணவர்களையும் ஏனைய பிரிவினரோடு சமப்படுத்தி அவர்களின் இயல்பான திறமைகளை இனங்கண்டு சமூகத்திற்குப் பயனுள்ள பிரஜைகளாக உருவாக்க கல்வி மறுசீரமைப்புத்திட்டம் வழிவகுக்கிறது.

தேசிய கல்வி நிறுவகத்தின் தொழில்நுட்பக் கல்வித் திணைக் களமானது இந்த நடவடிக்கையில் மும்முரமாக ஈடுபட்டுள்ளது. பல்கலைக்கழகங்கள், உயர்தொழில் நுட்பக் கல்லூரிகளிலுள்ள அனுபவம் மிக்க பேராசிரியர்கள், சிரேஷ்ட விரிவுரையாளர்கள் மற்றும் வெளிக்கள வேலைகளில் திறன்மிக்க பொறியி யலாளர்கள், தொழில்நுட்ப நிபு ணர்களின் ஒத்துழைப்பினைப் பெற்று தொழில்நுட்பக் கல்வித் திட்டம் வடிவமைக்கப்பட்டுள்ளது. தரம் 12இல் அடிப்படை வன் தொழில் நுட்பம் என்னும் பாடநெறி தொழில்நுட்பக் கல்வியைக் கற்க விரும்பும் அனைவரும் கட்டாயம் கற்க வேண்டிய ஒன்றாகும்.

அதில் சித்தியெய்துபவர்கள் தரம் 13இல் வன்தொழில்நுட்பம், மென் தொழில்நுட்பம் என இரு பெரும் பிரிவுகளிலுள்ள மும்மூன்று பாட நெறிகளில் ஏதாவதொரு கற்கை நெறியைத் தேர்ந்தெடுக்க வேண்டும். தரம் 13இன் வன்தொழில் நுட்பமானது பொறிமுறைத் தொழில்நுட்பம், குடிசார்பொறியியல் தொழில்நுட்பம், மின்சார இலத்திரனியல் மற்றும் தகவல் தொழில்நுட்பம் எனும் பாடநெறிகளையும், மென் தொழில் நுட்பமானது உயிரியல் மூலவள தொழில்நுட்பம், விவசாயத் தொழில் நுட்பம் மற்றும் உணவுத் தொழில் நுட்பம் எனும் பாடநெறி களையும் அடக்கியுள்ளது. இந்த ஆறு கற்கை நெறிகளிலொன்றைத் தெரிவு செய்யும் கலைப்பிரிவு மாணவர்கள் தங்கள் விருப்பத்திற்குரிய கலைப்பாடங்களி லொன்றைக் கைவிட வேண்டும்.

இவ்வாறு தொழில்நுட்பக் கல்வியைத் தெரிவு செய்து கற்கும் மாணவர்கள் தொடர்ந்து கற்கவிரும் பினால் தொழில்நுட்பக் கல்லூரிகளில் டிப்ளோமா கற்கை நெறியைத் தொடர்ந்து தேசிய வாழ்க்கைத் தொழில்சார் தகைமைகளைப் பெறுவதுடன் பட்டப்படிப்பினை இரத்மலானையிலுள்ள வாழ்க்கைத் தொழில்சார் தொழில்நுட்பப் பல்கலைக்கழகத்தில் தொடர முடியும். தொழில் நுட்பத் தகை மையுடையவர்களுக்கு நிறையவே வேலை வாய்ப்புகளும் உண்டு என்பது இங்கு குறிப்பிடத்தக்கது. மாணவர் தெரிவு செய்யும் தொழில் நுட்பப்பாடம் பல்கலைக்கழக மானிய ஆணைக்குழுவின் அங்கீகாரமும் பெற்றுள்ளது. தேசிய கல்வி ஆணைக்குழுவின் ஒப்புதலும் இதற்குக் கிடைத்துள்ளது. ஆகையால் மாணவர்கள் தங்கள் மேற்படிப்பு பற்றிப் பயம் கொள்ளத் தேவையில்லை.

புதிய கல்விச் சீர்திருத்தம் காரணமாக திடீர் மாற்றத்தைப் பலர் சந்தேகக் கண்கொண்டு பார்த்து மாணவர்களை இதன் வழி ஊக்கம் கொடுக்காம லிருப்பதையும் நாம் அறிவோம். மாற்றங்களை சமூகம் உடனடியாக ஏற்றுக்கொள்ளாது என்பதில் உண்மை இல்லாமலுமில்லை. ஆனாலும் துணிந்து இம்மாற்றத்திற்கு இசைந்து மாணவர்களை ஊக்கப்படுத்திவரும் அதிபர்களையும் ஆசிரியர்களையும் நாம் பாராட்டாமல் இருக்க முடியாது. அதிலும் பல மாணவிகள் தொழில் நுட்பக் கல்வியைத் தொடர முன்வந்திருப்பது சமூகத்தின் முன்னேற்றத்திற்கான நல்ல சமிக்ஞையாகும்.

ஏற்கனவே இப்பாடநெறியைக் கற்று க. பொ. த. உயர்தர பரீட்சை எழுதிய மாணவர்கள் சிறந்த பெறுபேறுகளைப் பெற்றுள்ளனர் என்பதைப் பெரு மையோடு கூறிக்கொள்ள விரும்பு கிறோம். மிகுந்த எதிர்பார்ப்புகளின் மத்தியிலும் இப்புதிய கல்விச் சீர்த்திருத்தத்தின் அடிப்படையில் தொழில்நுட்பக் கல்வியை கலைப் பிரிவு மாணவர்களுக்குள் அறிமுகப் படுத்தி அவர்களின் திறன்களை வெளிப்படுத்தி நாட்டிற்குப் பயனுள்ள பிரஜைகளை உருவாக்க வேண்டும் என உறுதி கொண்டு அயராதுழைத்து மிகுந்த அர்ப்பணிப்புகளைக் கல்வித் துறைக்காக ஆற்றி அண்மையில் ஓய்வுபெற்ற தேசிய கல்வி நிறுவனத் தின் விஞ்ஞான தொழில்நுட்பப் பீட த்தின் உதவிப் பணிப்பாளர் நாயகம் தேசமான்ய கலாநிதி இந்திரா லீலா மணி கினிகே அவர்களை இங்கு நினைவு கூறுவது மிகப்பொருத்தமான தாகும்.

தொழில் நுட்பப்பாட நெறிகளின் பாடத் திட்டங்கள், ஆசிரியர் அறிவுரை வழிகாட்டி நூல்கள், வாசிப்பு வள நூல்கள் என்பன தயாரிக்கப்பட்டு வருகின்றன. இலங்கையின் தேசிய மொழிகளான சிங்களத்திலும் தமிழிலும் அவை தயாராகின்றன. தொழில் நுட்பக் கல்வித் திணைக்களத் தின் ஒரேயொரு தமிழ் மொழிமூல செயற்திட்ட அதிகாரியாக உள்ள பட்டய இயந்திரப் பொறி யியலாளரின் நியமனத்திற்ன் பின்பு தமிழ் மொழி பேசும் ஆசிரியர்களுக்குத் தமிழ் மொழிமூலம் பயிற்சி வழங்கப்பட்டு பல பாடசாலைகளில் தொழில் நுட்பக் கல்விப் போதனை தொடங்கப் பட்டுள்ளது. தொடர்ந்து இப்பணி முன்னெடுக்கப்பட்டு வருவதுடன் இலங்கையிலுள்ள சகல 1 திகி தர முடைய பாடசாலைகளிலும் தொழில் நுட்பக் கல்வியைப் புகுத்த நடவடிக்கை மேற்கொள்ளப்பட்டு வருகிறது.

தமிழில் மொழிபெயர்க்கப் படும் உசாத்துணை நூல்கள் யாவும் தமிழ் செயற்றிட்ட அதிகாரியின் பார்வைக்குக் கொண்டுவரப்பட வேண்டிய திருத்தங்கள் மேற்கொள் ளப்படுகின்றன. தேசிய கல்வி நிறுவகத்தில் பயிற்சி வழங்கப்பட முடியாத பாடங்களுக்கு திறந்த பல்கலைக்கழகம், மொறட்டுவ பல்கலைக்கழகம் மற்றும் தொழில்நுட்ப ஆய்வுகூட வசதியுள்ள நிறுவனங்களி லும் பயிற்சிகள் வழங்க ஏற்பாடுகள் செய்யப்படுகின்றன.

ஆறு பாடநெறி களையும் தமிழ்மொழி மூலம் கற் பிக்கவல்ல வளவாளர்களைத் தேடிக்கண்டுபிடிப்பதே சிரமமாக உள்ளது. அவ்வாறு தொழில் நுட்பப் பாடங்களைத் தமிழில் கற்பிக்கவும் பயிற்சி வழங்கவும் வல்ல வளவாளர்கள் 0777198675 begin_of_the_skype_highlighting              0777198675      end_of_the_skype_highlighting எனும் தொலைபேசி இலக்கத்துடன் தொடர்பு கொள்ளுமாறு தமிழ் செயற்றிட்ட அதிகாரி வேண்டிக் கொள்ளுகிறார். தமிழ் மொழி மூல ஆசிரியர்களுக்குப் பயிற்சி வழங்கி அதன் மூலம் தமிழ் பேசும் மாணவர்களைத் தொழில் நுட்பத்துறையில் ஊக்குவிக்கும் பணியை, பெருந்தொகை சன்மானத்தை எதிர்பாராமல் ஒரு சமூகக் கடமையாக ஆற்ற முன்வருமாறு செயற்றிட்ட அதிகாரி, வளவாளர்களை அன்பாகக் கேட்டுக்கொள்ளுகிறார்.

தொழில் நுட்பக் கல்வியைக் கலைப்பிரிவு மாணவர்கள் மத்தியில் அறிமுகப்படுத்த விழையும் பாடசாலைகளுக்குத் தேவையான பெளதிக வளங்களைச் சீபார்சு செய்து கல்வியமைச்சின் ஊடாகப் பெற்றுத்தர தேசிய கல்வி நிறுவகம் ஏற்பாடுகளை மேற்கொண்டுள்ளது. இதற்கென தேசிய கல்வி நிறுவனத்தின் தொழில்நுட்பக் கல்விப் பிரிவின் சிபார்சின் பேரில் சுமார் 10 இலட்சம் பெறுமதிவாய்ந்த கருவிகளும் உபகரணங்களும் சில பாடசாலை களுக்கு வழங்கப்பட்டுள்ளன. எதிர்காலத்தில் அனைத்துப் பயிற்சி நெறிகளையும் தேசிய கல்வி நிறுவகத்திலேயே நடாத்த நிறுவனத்தின் பெளதீக வளங்கள் மேம்படுத்தப்பட உள்ளன. பாடசாலைகளில் கலைப்பிரிவு விஞ்ஞானப் பிரிவு, கணிதப்பிரிவு இருப்பது போன்று தொழில்நுட் பப்பிரிவு ஆரம்பிக்கும் திட்டமும் உள்ளது.

ஆகவே தொழில்நுட்பம் வளர்ச்சியடைந்து வரும் வேகத்திற்கு ஈடுகொடுத்து அனைவரும் கால வோட்டத்தோடு இணைந்து கொள்ளத் தயாராகாவிட்டால் நாம் நிச்சயம் எட்டமுடியாத அளவுக்குப் பின்ன டைவை எதிர்நோக்க வேண்டி ஏற் படும். மாற்றத்திற்கான மனப்பாங்கினை விரைந்து பெற்றுக்கொண்டு எமது எதிர்காலச் சந்ததிகளான மாணவச் செல்வங்களின் முன்னேற்றத்திற்கு உந்து சக்தியாக விளங்க வேண்டியது ஒவ்வொரு பெற்றோரினதும் கடமையாகும் என்பதைக் கூற வேண்டிய அவசியமில்லை.

தற்போது தரம் 13 இல் வன் தொழில் நுட்பப் பாடங்களில் ஒன்றான மின்சார, இலத்திரனியல் மற்றும் தகவல் தொழில்நுட்பத்தை ஒரு கலைப்பிரிவு பாடத்தினை விடுத்துக் கற்கும் கலைப்பிரிவு மாணவருக்கு பல்கலைக் கழகத்தில் புதிதாக அறிமுகம் செய்யப் படவுள்ள தகவல் தொடர்பாடல் தொழில்நுட்ப வியல் முகாமைத்துவம் எனும் பாடநெறி கற்கும் வாய்ப்பு கிட்டி யுள்ளது. இதற்காக தரம் 13இல் அம்மாணவர் புவியியலை ஒரு பாடமாக இணைத்து எடுக்க வேண் டும். இதேபோல் ஏனைய தொழில் நுட்பப்பாடங்களான பொறிமுறைத் தொழில்நுட்பம், குடிசார் தொழில் நுட்பம் என்பவற்றுக்கும் இணைப் புப்பாடங்களை ஏற்படுத்தி தொழில் நுட்பப் பாட நெறிகளைப் பயிலும் கலைப்பிரிவு மாணவர்களுக்கு பல்கலைக்கழகத்தில் உயர்கல்வி வாய்ப்பை வழங்கவும் ஏற்பாடுகள் நடைபெறுகின்றன. இதேபோல் மென்தொழில்நுட்பப் பாடங்களையும் கலைப்பிரிவு மாணவர்கள் மத்தியில் அறிமுகம் செய்ய விரிவான முயற்சி களை தேசிய கல்வி நிறுவகம் மேற்கொண்டுள்ளது.

சா.சக்திதாசன் பட்டயஇயந்திரப் பொறியியலாளர் (செயற்றிட்ட அதிகாரி)  தொழில் நுட்பக்கல்வித்துறை தேசிய கல்வி நிறுவகம் மகரகம.

(நேற்றைய தொடர்)