புலத்தில் ஒன்றும் புலம்பெயர்ந்த நாடுகளில் வேறொன்றும்!

(க. சிவராசா)

தமிழ்க் கூட்டமைப்பு அரசாங் கத்திற்குத் தமது நல்லெண் ணத்தைக் காட்டி வருவதாகவும், ஆனால் அரசாங்கம் அதனைப் புரிந்து கொள்ளவில்லை என்றும் அதன் பாராளுமன்ற உறுப்பினர்கள் சிலர் குற்றம் சாட்டி கருத்துத் தெரிவித்து வருகின்றனர். வரவு செலவுத் திட்டத்தின்போது எதிர்த்து வாக்களிக்காமை, அபிவிருத்தி மற்றும் நிவாரணப் பொருட்கள் விநியோகத்தில் பங்கேற்றமை எனத் தாம் அரசாங்கத்திற்கு ஒத்துழைப்பு வழங்கினாலும் அரசாங்கம் கைமாறாக எதுவுமே செய்யவில்லை என்பதே இவர்களது குற்றச்சாட்டாக உள்ளது. தமது நல்லெண்ணத்திற்கு அரசு என்ன கைமாறைச் செய்ய வேண்டுமென இவர்கள் எதிர்பார்க்கிறார்களோ தெரியவில்லை. ஆனால் மாறாக தாம் இவ்வாறு அனுசரணையாகச் செயற்படுவதால் தம்மை ஒன்றும் குறைத்து மதிப்பிட வேண்டாம் எனவும், இதனைத் தமது பலவீனமாக அரசாங்கம் கருதக் கூடாது எனவும் சவால் விடுத்துள்ளனர்.

தமிழ்க் கூட்டமைப்பின் பாராளுமன்ற உறுப்பினர்கள் சிலர் முகவரி இல்லாத பல இணையத் தளங்களுக்கு வெளியிட்டுவரும் கருத்துக்களும், கானாளிக் காட்சி பேட்டிகளும் அரசாங்கத்தை வசை பாடுவதாகவும், அரசின் நல்ல அபிவிருத்திப் பணிகளை விமர்சிப்பதுமாகவே உள்ளது. அதிலும் வேடிக்கையான விடயம் யாதெனில் இவர்களில் சிலர் தமது கட்சியின் நிலைப்பாடு என்ன என்று தெரியாமலே பல அறிக்கைகளை விட்டு வருவதுதான்.

உண்மையில் தமிழ்க் கூட்டமைப்பின் உண்மையான நிலைப்பாடு என்ன என்பதை அறியாத தமிழ் மக்கள் குழம்பிப் போயுள்ளனர். புலத்தில் அதாவது உள்நாட்டில் அரசாங்கத்திற்கு நல்லெண்ணத்தைக் காட்டுவது போல நடிப்பதும், வெளிநாடுகளிலுள்ள புலம்பெயர் சமூகத்திற்கு தாம் அரசாங்கத்திற்கு எதிரானவர்கள் எனக் காட்டுவதுமாக இரட்டை முகத்துடனேயே கூட்டமைப்பு இன்று செயற்பட்டு வருகின்றதோ என்று எண்ணத்தோன்றுகிறது.

எனவே கூட்டமைப்பின் தலைவர் என்ற வகையில் பாராளுமன்ற உறுப்பினர் இரா. சம்மந்தன் ஊடகங்கள் மூலமாகத் தமது நிலைப்பாட்டை மக்களுக்குத் தெளிவுபடுத்தலாம், தெளிவுபடுத்த வேண்டும். ஏனெனில் கூட்டமைப்பிலுள்ள சிலர் அரசின் செயற்பாடுகளை ஆதரிப்பதாகவும், சிலரோ எதிர்ப்பதாகவுமே இன்றைய நிலை உள்ளது. இரா. சம்மந்தன் அவர்களின் மெளனத்தின் அர்த்தம் தான் என்ன? மாவை சேனாதிராஜா எம்.பி. அரசாங் கத்தின் பாராபட்சமற்ற நிவாரணப் பொருட்களின் விநியோகம் வடக்கிற்கும் கிடைத்தபோது வெளிப்படையாகவே அந்நிகழ்வில் கலந்துகொண்டு பாராட்டும் தெரிவித்தார்.

அரசாங்கத்தின் அழைப்பிதழ்களை ஏற்கமாட்டோம் என்ற பிடிவாதத்திலிருந்து கூட்டமைப்பு அரசுடன் இணைந்து அபிவிருத்திப் பணிகளில் ஈடுபட முன்வந்தபோது தமிழ் மக்கள் விருப்பம் தெரிவித்தனர். ஆனால் அது கூட்டமைப்பு இதய சுத்தியுடன் தெரிவித்த கருத்து அல்ல என்பது அவர்களது அரசாங்கத்திற்கெதிரான அறிக்கைகள், பேட்டிகள் மூலமாகத் தெளிவாகியுள்ளது.

தமிழ் மக்களின் நலனுக்காக என்று இவர்கள் கூறி அரசுக்கு நல்லெண்ணத்தை வெளிப்படுத்த விரும்பினால் அது குறித்து ஒரு ஊடக வியலாளர் மாநாட்டை நடத்தி தாம் எடுத்த முடிவுக்கான காரணத் தையும் தெளிவாக விளக்கியிருக்கலாம். தமிழ் மக்களும் அதனை ஏற்றுக்கொண்டிருப்பார்கள். ஆனால் இவர்களின் இன்றைய செயலானது புலிக்குத் தலையையும் பாம்புக்கு வாலையும் காட்டுவதாகவே உள்ளது.

தமிழ்க் கட்சிகளின் அரங்கத்திலுள்ள மூத்த அரசியல்வாதி ஒருவர் தனது இணையத்தள காணொளிப் பேட்டியில் கேட்டது போன்று தமிழ்க் கூட்டமைப்பு உண்மையிலேயே தமது நிலைப்பாட்டை மாற்றிக்கொண்டு விட்டதா? அது உண்மையாக இரு ந்தால் வரவேற்கத்தக்கது என்று குறிப்பிட் டுள்ளார். சித்தார்த்தனுக்கு எழுந்த ‘இது உண்மையாக இருந்தால்’ என்ற சந்தேகம் பலருக்கும் உள்ளது. ஏனெனில் இவர்கள் போடும் இரட்டை வேடம். இவ்வாறு இரட்டை வேடத்தைப் போட்டுக் கொண்டு எவ்வாறு இவர்களால் அரசாங்கத்திடமிருந்து கைமாறை எதிர்பார்க்க முடியும். ஒன்று இவர்கள் புலிகள் இருந்த போது செய்த வேலையை அதாவது அரசாங்கத்தை முடிந்தளவு எதிர்த்து விமர்சிப்பது என்ற கொள்கையிலிருந்து கொண்டு எந்தவிதமான அரசின் சலுகைகளையும் தமிழ் மக்களைச் சென்றடையவிடாது தடுப்பதில் குறியாக இருக்க வேண்டும். அல்லது வெளிப் படையாகவே அரசிற்கு ஆதரவை வழங்கி தமிழ் மக்களுக்கு அரசின் அபிவிருத்திப் பணிகள் சென்றடைய உதவி புரிய வேண்டும்.

இப்போது புலிகள் இல்லாததனால் இவர்கள் இதனைப் பயமின்றிச் செய்ய லாம். கடந்த கால ங்களில் சில தமிழ்த் தலைவர்கள் தமது மக்களின் நலன் கருதி அரசாங்கத் துடன் இணைந்து துணிந்து செயற்பட் டது போன்று ஒவ்வொருவராக அல்லது கூட்டாக களத்தில் இறங்க வேண்டும். ஆனால் சில விடயங்களில் அரசிற்கு ஆதரவாக இருப்போம் என இவர்கள் கூறுவது, தலையில் தடவிக் கொடுப்பது போலவும், அதேசமயம் அரசிற்கு எதிராகப் பொய்ப் பிரசாரம் செய்வது முதுகில் குத்துவது போலவுமே உள்ளது.

புலம்பெயர் மக்களுக்காக அரசாங் கத்தை எதிர்ப்பதுபோல நடிப்பது அல்லது உண்மையாகவே எதிர்ப்பதா னால் இவர்கள் அடையும் மறைமுக இலாபம் என்ன என்ற சந்தேகம் மக்களுக்கு எழுந்துள்ளது. அரசை ஆதரித்தால் ஐரோப்பிய நாடுகளுக்குச் செல்வதில் சிக்கல் தோன்றும் என நினைக்கிறார்களா அல்லது அங்கு வசிக்கும் தமது உறவினர்களுக்கு அச்சுறுத்தல் நிலை ஏற்படும் எனப் பயப்படுகிறார்களா? என்பது புரியாத புதிராகவே உள்ளது.

எது எவ்வாறிருப்பினும் அரசாங்கத்திற்கு நல்லெண்ணம் காட்டுகிறோம் எனும் விடயத்தில் கூட்டமைப்பு இதய சுத்தியுடன் தமிழ் மக்களின் நலன் கருதிச் செயற்படவில்லை என்பது மட்டும் புலனாகிறது. இத்தகைய இரட்டை முகங்கள் உள்ளவர்கள் எப்படி தமிழ் கட்சிகளின் அரங்கத்துடன் இணைந்து பணியாற்ற முடியும்?

தமிழ்க் கட்சிக ளின் அரங்கம் தமிழ் மக்களின் நலனைக் கருத்திற்கொண்டு அரசுடன் இணைந்து செயற்பட முன் வந்துள்ளது. அவர்க ளிடையே ஒளிவு மறைவு கிடையாது. அரங்கத்தினர் ஊடகவியலாளர் மாநாட்டில் உள்நாட்டில் தெரிவிக்கும் அதே கருத்தையே புலம் பெயர் மக்கள் அதிகமாகப் பார்க்கும் இணையத் தளங்களிலும் தெரிவிக்கின்றனர். அரசாங்கம் அவர்களை நம்புகிறது. அவர்கள் மக்களுக்காக அரசிடமிருந்து கைமாறை எதிர்பாத்தால் தப்பில்லை என்று கூடக் கூறலாம்.

எனவே தமிழ்க் கட்சிகளின் அரங்கம் கூட்டமைப்பை நம்பி ஏமாறப் போகின்றதா அல்லது கூட்டமைப்பு அரங்கத்திரை நம்ப வைத்து ஏமாற்றப் போகின்றதா என்பதுவும் புரியாத புதிராகவே உள்ளது. இதில் எந்த விடயம் நடந்தாலும் பாதிக்கப்படப்போவது தமிழ் மக்கள் தான்.

இதனால் தான் தமிழ் மக்கள் குறிப்பாக வடக்கு வாழ் தமிழ் பேசும் தமிழ் மக்கள் மூன்றாவது ஒரு சக்தியைத் தமது தலைமையாக ஏற்கத் தயாராகி வருகின்றனர். பழம்பெரும் பரம்பரைத் தமிழ்க் கட்சியும் அல்லாத முன்னாள் போராட்ட ஆயுதக் குழு அணியுமல்லாத இளைஞர் படையணியை மக்கள் வரவேற்றுள்ளனர். இந்த இளைஞர் படையணியின் ஆதிக்கம் அடுத்துவரும் தேர்தல்களில் வடக்கில் தெரியவரும்.

உண்மையில் அரசாங்கம் வடக்கு, கிழக்கில் பாரிய அபிவிருத்திப் பணிகளை மேற்கொண்டு வருகின்றது. நிவாரணம், மீள் குடியேற்றம் ஒருபுறமிருக்க தமிழ் மக்களுக்கு அரசியல் தீர்வு ஒன்றினைப் பெற்றுக்கொ டுக்கவும் ஜனாதிபதி மஹிந்த ராஜபக்ஷ அவர்கள் திடசங்கற்பம் பூண்டுள்ளார். யுத்தம் காரணமாக இடம்பெயர்ந்த மக்கள் இப்போது தமது இயல்பு வாழ்க்கைக்குத் திரும்பிக் கொண்டிருக்கின்றனர். அவர்களுக்குத் தேவையான உதவிகள் பலவும் அரசாங்கத்தினால் நிறைவேற்றப்பட்டு வருகிறது.

இத்தகைய விடயங்களுக்கு கூட்டமைப்பி னர் தமது ஆக்கபூர்வமான கருத்துக்களையும் முன்வைத்து கலந்துரையாடி ஒரு நிலையான தீர்வினை எட்ட வழிசமைக்க வேண்டும். பத்திரிகைகளில் அறிக்கைகளை விடுவதன் மூலமோ அல்லது தொலை க்காட்சிகளில் தோன்றி வீர வசனம் பேசுவதன் மூலமோ பிரச்சினைகளுக்குத் தீர்வினைக் கண்டுவிட முடியாது. மாறாக இது மேலும் பிரச்சினைகளையே தோற் றுவிக்கும்.

உண்மையான நல்லெண்ணத்தை இதய சுத்தியுடன் கபடமில்லாது நாம் வெளிப் படுத்தினால் பதிலுக்கு அரசிடமிருந்து நாம் நல்லெண்ணத்தைக் கேட்டுப்பெற வேண்டிய நிலை ஏற்படாது. எல்லாம் தானாகவே எதிர்பார்ப்பதற்கு மேலாகக் கிடைக்கும்!