கொள்கை மாற்றமே  ஒரே வழி

2011-2012 ஆம் ஆண்டின் இரண்டாவது காலாண்டில்(ஜூலை-செப்டம்பர் 2011) இந்தி யாவின் மொத்த உள்நாட்டு உற்பத்தி வளர்ச்சி 6.9 விழுக்காடாக இருந்தது என்று மத்திய அரசு வெளியிட்டுள்ள புள்ளிவிபரங்கள் தெரிவிக் கின்றன. கடந்த நிதியாண்டின் இரண்டாவது காலாண்டில் இந்த வளர்ச்சி 8.4 விழுக்காடாக இருந்தது. அமெரிக்கா மற்றும் ஐரோப்பிய நாடு களின் பொருளாதார நெருக்கடிதான் இதற்குக் காரணம் என்று அரசுக்கு முட்டுக்கொடுக்க விரும்பும் பொருளாதார நிபுணர்கள் கருத்துக் கூறியுள்ளனர்.

ஆனால் அங்கு நெருக்கடி ஏற்பட்டால் இங்கும் பாதிப்பு ஏற்படுவதற்கு, 1991 ஆம் ஆண்டிலிருந்து ஆட்சிக்கு வந்த அனைத்து ஆட்சியாளர்களாலும் முன்னிறுத்தப்படும் உலக மய, தாராளமய மற்றும் தனியார்மயக்கொள்கை கள்தான் காரணம் என்பதை மறைக்க முடியாது. சர்வதேசப் பொருளாதார நெருக்கடி, தொடரும் பணவீக்கம் மற்றும் வட்டி விகித உயர்வு ஆகி யவை உள்நாட்டு வளர்ச்சி மீது பெரும் தாக் கத்தை ஏற்படுத்தியுள்ளன. இவற்றைக் கட்டுப் படுத்துவதற்கான வேலைகளில் ஈடுபடாமல், அடுத்தகட்ட சீர்திருத்தங்களைச் செய்தால் இதெல்லாம் சரியாகிவிடும் என்று, கூடுதல் நெருக்கடியை உருவாக்கும் வகையில் சில்லரை வணிகத்தில் அந்நிய நேரடி முதலீடு, காப் பீட்டுத்துறையைத் திறந்துவிடுதல் உள்ளிட்ட நடவடிக்கைகளில் அரசு ஈடுபட்டு வருகிறது.

நாட்டின் மக்கள் தொகையில் 60 விழுக்காட் டினர் விவசாயம் மற்றும் அது சார்ந்த தொழில் களில் உள்ளனர். மொத்த உள்நாட்டு உற்பத்தி யில் விவசாயத்தின் பங்கோ வெறும் 15 விழுக் காடாக மட்டுமே இருக்கிறது. இந்தத்துறை மீது மத்திய ஆட்சியாளர்களின் கண்கள் பதிவதே யில்லை. நாட்டிலேயே அதிகமான முதலீடு களை ஈர்க்கும் மாநிலங்கள் என்று அழைக்கப் படும் மகாராஷ்டிரா மற்றும் குஜராத் ஆகிய இரண்டு மாநிலங்களிலும் விவசாயிகள் தற் கொலைகள் தொடர்ந்து நடக்கின்றன. விவசாயத் துறையைப் பொறுத்தவரை, தேசிய அளவில் அதன் வளர்ச்சி வெறும் 3.2 விழுக்காடாகவே உள்ளது.

வேலைவாய்ப்பில் இந்த சரிவு பெரும் பாதிப்பை ஏற்படுத்தப்போகிறது. தேசிய மாதிரி ஆய்வின்படி, 2000 முதல் 2005 வரையிலான காலகட்டத்தில் 2.7 விழுக்காடாக இருந்த வேலைவாய்ப்பு வளர்ச்சி விகிதம், அதன்பிறகு 0.8 விழுக்காடாக சரிவடைந்தது. இந்த வேலை வாய்ப்பின்மை அதிகரித்த காலத்தில் நாட்டின் பொருளாதாரம் வளர்ந்தது. இந்த வளர்ச்சி வேலையின்மை வளர்ச்சி என்றழைக்கப் பட்டது. வளர்ச்சியடைந்த காலத்திலேயே வேலையின்மை அதிகரித்தது என்றால், நாட்டின் மொத்த உள்நாட்டு உற்பத்தியில் சரிவு ஏற்பட்டுள்ளதால் வேலையின்மைப் பிரச்சனை விஸ்வரூபம் எடுக்கும்.

அரசாங்கத்தின் இந்தப் புள்ளிவிபரங்கள் வெளியான அடுத்த நாளே, அக்டோபர் மாதம் பற்றிய விபரங்களும் வெளியாகியுள்ளன. நிலக் கரி, உருக்கு, மின்சாரம், சிமெண்ட், கச்சா எண் ணெய், இயற்கை எரிவாயு, பெட்ரோலிய சுத்தி கரிப்பு மற்றும் உரங்கள் ஆகிய எட்டு துறை களின் உற்பத்தி வளர்ச்சி 0.1 விழுக்காடாக கடும் சரிவைக் கண்டிருக்கிறது. நாட்டின் தொழில் உற்பத்தியில் இந்த எட்டுத்துறைகளின் பங் களிப்பு 38 விழுக்காடாகும். நெருக்கடி அதிகரிக் கிறது என்பதற்கே இது அறிகுறியாகும்.

கொள்கை திசைவழி மாற்றம் மட்டுமே தீர்வுக்கு ஒரே வழி என்பதைதான் கடந்த இரு பது ஆண்டுகால அனுபவம் காட்டுகிறது. அத் தகைய வழியைக் காட்டுபவர்கள் இடதுசாரிகள் மட்டுமே என்பதும் வெள்ளிடைமலை.

(தீக்கதிர்)