தமிழ் அறிஞர் கல்கி கிருஷ்ணமூர்த்தி செய்த பணியை மறந்து விடலாகாது

பிரபல தமிழ் எழுத்தாளரும், பத்திரிகை மற்றும் சஞ்சிகைகளின் ஆசிரியருமான கல்கி என்ற புனைப்பெயரில் தமிழ் பேசும் நல்லுலகில் கொடிகட்டிப் பறந்த ரா. கிருஷ்ணமூர்த்தியின் சிரார்த்த தினம் நேற்று (5ம் திகதி) உலகெங்கும் தமிழ் பேசும் மக்களால் நினைவு கூரப்பட்டது. பாமர மக்களையும், தமிழ் வாசிப்பதற்கு தூண்டிய இந்தப் பெரியார் 1899 ஆம் ஆண்டு டிசம்பர் 9ம் திகதி இவ்வுலகில் ஜனனித்தார். கல்கி கிருஷ்ணமூர்த்தி 1954 ஆம் ஆண்டு தனது 55 ஆவது வய தில் இயற்கை எய்தினார். அவர் வாழ்ந்த குறுகிய காலத்தில் 35 நாவல் கள் மற்றும் பல சிறுகதைத் தொகுதிகள், புதினக் கட்டுரைகள், பய ணக் கட்டுரைகள் மற்றும் வாழ்க்கை வரலாற்று நூல்களை எழுதி அழியாப் புகழை ஈட்டினார்.

கல்கி எழுதிய ‘பொன்னியின் செல்வன்’ காவியம் மிகவும் புகழ்பெற்று விளங்கியது. எழுத்தாளர் கல்கி தனது படைப்புகள் மூலம் இந்திய தேசிய விடுதலைப் போராட்டத்திற்கும் பங்களித்திருக்கிறார். ‘தியாக பூமி’ திரைப்படமாக வெளிவந்த போது அது அன்றைய ஆங்கி லேய ஆட்சியாளர்களால் தடை செய்யப்படும் என்ற அச்சுறுத்தல் இருந்த போதும் இந்தத் திரைப்படம் தமிழ் நாடெங்கும் காண் பிக்கப்பட்டு மக்களின் விடுதலை உணர்வை தூண்டி விடுவதற்கு ஓர் உந்து சக்தியாக அமைந்திருந்தது.

தென்னிந்தியாவில் தஞ்சாவூர் மாவட்டத்தின் பூட்டமங்களம் என்ற கிராமத்தில் ஒரு பிராமணக் குடும்பத்தில் பிறந்த கல்கி, பின்னர் திருச்சி தேசிய உயர் நிலைப் பள்ளியில் சேர்ந்து கொண்டார். 1921 ஆம் ஆண்டில் மகாத்மா காந்தியடிகள் ஒத்துழையாமை இயக்க த்தை ஆரம்பித்த போது அதனால் ஈர்க்கப்பட்டு, கல்கி தனது பள்ளிப்படிப்பை பாதியில் நிறுத்தி இந்திய தேசிய காங்கிரஸில் சேர்ந்தார்.

1922 இல் சுதந்திரப் போராட்டத்தில் பங்குபற்றியதற்காக ஓராண்டு சிறைத் தண்டனையும் அனுபவித்தார். 1923 அவர் ‘நவசக்தி’ எனும் பத்திரிகையின் துணை ஆசிரியராக விளங்கினார். அதை யடுத்து ‘ஆனந்த விகடன்’ பத்திரிகையில் ஆசிரியராக விளங் கிய அவர், பின்னர் ‘கல்கி’ என்ற வார சஞ்சிகையின் ஆசிரிய ராகி, அதனை ஒரு தரமான குடும்ப சஞ்சிகையாக உயர் நிலைப் படுத்தினார்.

சமஸ்கிருதம், தியாகராஜரின் தெலுங்கு கீர்த்தனைகளும் பிரபலமாக விளங்கிய காலத்தில், தமிழ் இசைக்காக சதாசிவம் மற்றும் எம்.எஸ். சுப்புலட்சுமியுடன் இணைந்து கல்கி பாடுபட்டார்.

கல்கி 1948 ஆம் ஆண்டில் எழுதிய ஆயிரத்திற்கும் மேற்பட்ட பக்கங்களைக் கொண்ட ‘அலையோசை’ இந்தியாவின் சமூகப் பிரச்சினைகளையும், விடுதலைப் போராட்டத்தையும் விளக்கும் ஒரு சிறந்த நாவலாக அமைந்தது. கள்வனின் காதலி, தியாகபூமி, பார்த்திபன் கனவு, சிவகாமியின் சபதம், தேவகியின் கணவர், ஒற்றை ரோஜா, தீப்பிடித்த குடிசைகள், கமலாவின் கல்யாணம், சாரதியின் சரித்திரம், ஜமின்தார் மகன், சிரஞ்சீவிக் கதை, இது என்ன சொர்க்கம், ரங்கூன் மாப்பிள்ளை, மாலதியின் தந்தை உட்பட சுமார் 75 நாவல்களை இவர் எழுதி புகழ் ஈட்டினார்.

கல்கி கிருஷ்ணமூர்த்தியின் தமிழ் இலக்கிய படைப்புகள் காலத்தை வென்று நிற்கின்றன. இன்றும் கூட ‘பொன்னியின் செல்வன்’ வர லாற்று நாவல் நூறு தடவைகளுக்கு மேல் மறுபதிப்பு செய்யப் பட்டாலும் மக்கள் அதனை விரும்பி வாங்கி படித்து, புளகாங் கிதம் அடைகிறார்கள். அந்தளவிற்கு அவரது உயர்ந்த கருத்துக் கள் இந்த நாவலில் தெளிவாக அமைந்துள்ளன.

தமிழில் நகைச்சுவையை மிகவும் சரளமாக கலந்து சிறுகதைகள், கட்டுரைகளை எழுதுவதில் கல்கி கிருஷ்ணமூர்த்தி வல்லவராக விளங்கினார். ஒரு தடவை அவர் எழுதிய கதையில் கதாநாயகன் தனது மனைவியை துரத்திவிட்டு வேறொரு பெண்ணுடன் இல்லற வாழ்க்கையை நடத்திய பின்னர் மீண்டும் மனைவியை நாடி வந்த போது அந்தப் பெண்ணின் தந்தை “மகளே, நீ உன்னுடைய உணர்வுகளை தியாகம் செய்துவிட்டு மீண்டும் உன் கணவனுடன் சேர்ந்து இல்லற வாழ்க்கையை நடத்து” என்று அறிவுறுத்தினார்.

அப்போது அந்தப் பெண் “அப்பா, சுதந்திரத்திற்காக நான் எந்தத் தியாகத்தையும் செய்யத் தயாராக இருக்கிறேன். ஆனால், அடி மைத் தனத்திற்காக தியாகம் செய்ய தயாராக இல்லை” என்று பதில் கூறுவதை தனது கதையில் புகுத்தி பெண்ணுரிமையின் மகத்துவத்தை கல்கி மிகவும் தெளிவாக விளக்கிக் கூறி யிருக்கிறார்.

கல்கியை விட பலமடங்கு உயர் நிலையில் இருந்த மகாகவி சுப் பிரமணிய பாரதியாரும் தான் வாழ்ந்த 39 வருடங்களில் பத்திரி கையாளராக, ஆசிரியராக, கவிஞராக செய்த சேவையை தமிழ் கூறும் நல் உலகம் என்றுமே மறந்துவிடாது.

இது போன்றே கல்கி அவர்களும் தான் வாழ்ந்த 55 வருடங்களில் தமிழ் மொழிக்கும், தமிழ் இலக்கியத்திற்கும், தமிழ் மக்களுக்கும் மகத்தான பணியாற்றி விட்டு மறைந்துவிட்டார். இவர்கள் போன்ற தமிழ் மொழிக்கும் இலக்கியத்திற்கும் தங்கள் வாழ்நாள் பூராவும் பாடுபட்ட பேரறிஞர்களை நாம் நினைவுகூர்ந்து அவர்களின் முன் மாதிரிப் பாதையில் தமிழ் தொண்டாற்ற வேண்டுமென்பது எமது விருப்பமாகும்.