ஐக்கிய தேசியக் கட்சி ஒரு வலுவான எதிர்க்கட்சியாக மாற வேண்டும்

ஒரு நாட்டின் பாராளுமன்ற ஜனநாயகம் தழைத்தோங்க வேண்டுமாயின், அந்நாட்டின் பிரதான எதிர்க்கட்சி வலுப்பெற்றிருக்க வேண்டும். ஒரு வலுவான எதிர்க்கட்சி அரசாங்கத்தின் நல்லாட்சியை சிறந்த முறையில் வழிநடத்துவதற்கு ஒரு நல்ல சட்டாம்பிள்ளையாக இருக்க முடியும். பாராளு மன்ற ஜனநாயகம் சிறப்புற்று விளங்கும் உலகின் மிகப் பெரிய ஜனநாயக நாடான இந்தியாவில் அந்நாட்டின் ஆட்சியாளர்கள் எந்நேரமும் பயந்து அவதானமான முறையில் நல்லாட்சியை மேற்கொள்வதற்கு அங்கு ஒரு சக்திவாய்ந்த எதிர்க்கட்சி இருப்பதே பிரதான காரணமாகும். சமீபத்தில் இந்தியா எங்கும் பெரும் சர்ச்சையையும் எதிர்ப்பையும் ஏற்படுத்திய எரிபொருள் விலையேற்றத்தின் போது இந்திய எதிர்க்கட்சிகள் நாடெங்கி லும் மக்களின் பூரண ஆதரவுடன் மேற்கொண்ட வெற்றிகரமான எதிர்ப்பு ஆர்ப்பாட்டங்கள் காரணமாக இந்திய அரசாங்கம் எரிபொருள் விலையை உயர்த்திய தனது தீர்மானத்தை வாபஸ்பெற்று எரிபொருளின் விலையை முன்பிருந்ததை விட சிறிதளவு குறைத்து விடுவது என்ற தீர்மானத்தை எடு த்தது.

இந்திய பொது மக்களுக்கு இந்த சலுகையை பெற்றுத் தருவதற்கு இந்தியாவில் வலுவான எதிர்க்கட்சி ஒன்று இருப்பதே பிரதான காரணமாகும். இந்திய அரசியலிலும் நிர்வாகப் பீடத்திலும் ஊழல்களும், மோசடிகளும் தலைவிரி த்து ஆடுகின்றன. ஆகவே, அரசாங்கம் இத்தகைய மோசடிகள், ஊழல் களை தடுப்பதற்கு லோக்பால் சட்டமூலத்தை கொண்டுவர வேண்டும் என்று சமூக சீர்த்திருத்தவாதியான அன்னா ஹசாரே மகாத்மா காந்தியடிகளின் வழியில் உண்ணாவிரதம் என்ற சாத்வீக போராட்டத்தை நடத்திய போது இந்திய அரசாங்கமே சில தினங்களுக்கு ஆட்டம் காணுமளவுக்கு பலவீன மடைந்திருந்தது. அதற்கும் இந்திய எதிர்க்கட்சிகளின் ஆதரவு ஒரு பிரதான காரணமாக அமைந்தது.

இந்த எதிர்ப்பை சமாளிப்பதற்காக ஊழல்கள், மோசடிகள் பொது வாழ்க்கையில் இடம்பெறுவதை தடுப்பதற்கு சட்டம் இயற்றுவதற்கு இந்திய அரசாங்கம் கொள்கை அளவில் இணக்கம் தெரிவித்தமை குறிப்பிடத்தக்கது. அதுபோ ன்று, இலங்கையில் ஒரு வலுவான எதிர்க்கட்சி இல்லாதிருப்பது குறித்து நாம் வேதனைப்பட வேண்டும்.

இலங்கையில் பிரதான எதிர்க்கட்சியான ஐக்கிய தேசியக் கட்சி ஒரு வலுவான எதிர்க்கட்சியாக பாராளுமன்றத்தில் அமர்ந்து, அரசாங்க கட்சியை சரியான முறையில் ஜனநாயக தாற்பரியங்களை பாதுகாக்கக்கூடிய வகையில் தனது பங்களிப்பை வழங்கத் தவறிவிட்டது. குறிப்பாக ஒரு நாட்டில் வருடா வரு டம் பாராளுமன்றத்தில் நிறைவேற்றும் வரவு செலவுத் திட்டம் எந்தளவு அந் நாட்டிற்கு முக்கியத்துவம் பெற்றிருக்கிறது என்பதை உணராமல், இன்றைய ஐக்கிய தேசிய கட்சி செயற்பட தவறிவிட்டது.

நிதியமைச்சர் ஒருவர் வரவு செலவுத் திட்ட உரையை பாராளுமன்றத்தில் நிகழ்த் தும் போது, எதிர்க்கட்சியினர் தாங்கள் விரும்பினாலும், விரும்பா விட்டா லும் பாராளுமன்றத்தில் அமர்ந்து அவரது உரைக்கு பாதகம் இழைக்கக் கூடிய வகையில் வெறுமனே கத்தி கூச்சல் போட்டு முட்டுக்கட்டை விதிக் கலாகாது. நிதியமைச்சர் தெரிவிக்கும் கருத்தை அமைதியாக இருந்து, செவி மடுத்த பின்னர் வரவு செலவுத்திட்டத்தின் இரண்டாவது வாசிப்பு மீதான விவாதத்தை ஆரம்பித்து வைத்து எதிர்க்கட்சித் தலைவரோ அல்லது அக் கட்சியின் சிரேஷ்ட தலைவர் ஒருவரோ வரவு செலவுத்திட்டத்திலுள்ள குற் றங் குறைகளை சுட்டிக் காட்டி அவற்றை மக்களுக்கு ஏற்புடைய முறையில் திருத்தியமைப்பதற்கு அரசாங்கக் கட்சிக்கு நல்ல ஆலோசனைகளை கூறும் தங்களின் பொறுப்பையும் இந்த தடவை எதிர்க்கட்சி நிறைவேற்ற தவறி விட்டது.

1970ம் ஆண்டு தசாப்தத்தின் ஆரம்பத்தில் திருமதி ஸ்ரீ மாவோ பண்டாரநாயக்க தலைமையிலான ஸ்ரீலங்கா சுதந்திரக் கட்சி, லங்கா சமசமாஜ கட்சி மற்றும் இலங்கை கம்யூனிஸ்ட் கட்சி கூட்டரசாங்கம் பதவியேற்ற போது பிரதம மந் திரி திருமதி பண்டாரநாயக்க லங்கா சமசமாஜ கட்சித் தலைவர் டாக்டர் என்.எம். பெரேராவை நிதியமைச்சராகவும் கம்யூனிஸ்ட் கட்சியின் பலம் வாய்ந்த பொதுச் செயலாளர் பீற்றர் கெனமன் அவர்களை வீடமைப்பு துறை அமைச்சராகவும் நியமித்தார்.

பொருளாதார துறையில் இரட்டை கலாநிதிப் பட்டம் பெற்ற டாக்டர் என்.எம். பெரேரா ஒரு சிறந்த பொருளாதார நிபுணராக விளங்கினார். அவர் எங்கள் நாட்டின் பணம் பெருமளவில் பதுக்கி வைக்கப்பட்டு கறுப்பு பணமாக இரு ப்பதனால், தேசிய பொருளாதாரத்திற்கு பெரும் தாக்கம் ஏற்பட்டு இருக்கிறது என்பதை சுட்டிக்காட்டினார்.

அதையடுத்து, டாக்டர் என்.எம். பெரேரா தனது வரவு செலவுத்திட்டத்தில் அன்று புழக்கத்திலிருந்த 100 ரூபா கரன்சி நோட்டுக்களை இரத்து செய்து விட்டு, இந்த நோட்டுக்களை வைத்திருப்பவர்களை அவை சட்டப்பூர்வமாக உழைத்து சேர்க்கப்பட்டது என்பதை நிதியமைச்சின் அதிகாரிகளுக்கு நிரூபி த்து காட்டிய பின்னர் புதிய நோட்டுக்களை இலங்கை மத்திய வங்கி யிடமிருந்து பெற்றுக் கொள்ளலாம் என்ற ஒரு புரட்சிகரமான நிதி சீர்த்திருத் தத்தை அமுலாக்கினார்.

அதன் மூலம் சில அப்பாவிகள் பாதிப்புக்குள்ளானாலும், சட்டவிரோதமாக பது க்கி வைக்கப்பட்டிருந்த 100 ரூபா நோட்டுக்கள் புழக்கத்திற்கு வந்த காரண த்தினால் தேசிய பொருளாதாரம் அன்று வலுவடைந்தது. இந்த செயற்பா ட்டை அன்று எதிர்க்கட்சியில் வீற்றிருந்த ஐக்கிய தேசிய கட்சி வரவேற்று ஆதரித்து அதிலிருந்த சில குறைபாடுகளை திருத்தியமைப்பதற்கான யோச னைகளையும் முன்வைத்தது. அவ்விதம் தான் ஒரு நாட்டின் எதிர்க்கட்சி, அரசாங்கத்தின் நற்பணிகளுக்கு தனது ஆக்கபூர்வமான பங்களிப்பை வழ ங்க வேண்டும்.

ஆனால், இன்று அவ்விதம் ஒரு எதிர்க்கட்சியாக பாராளுமன்றத்திலும், நாட்டி லும் மக்களின் மேம்பாட்டிற்காக செயற்படுவதை அடியோடு மறந்துவிட்ட ஐக்கிய தேசிய கட்சி உட்பூசல்களினால், சீர்குலைந்து போகும் அவலநிலை க்கு தள்ளப்பட்டுள்ளது. இரண்டு சந்தர்ப்பங்களில் பிரதம மந்திரி பதவியில் வீற்றிருந்த திரு. ரணில் விக்கிரமசிங்கவை கட்சித் தலைவர் பதவியிலிருந்து தூக்கி ஏறிந்துவிட்டு, கட்சியை நற்றாற்றில் விட்டு, அரசாங்கத்தில் அமைச்சர் பதவியை எடுத்துவிட்டு, ஏதோ ஒரு காரணத்தினால், மீண்டும் கட்சியில் வந்து சேர்ந்து கொண்ட கரு ஜெயசூரியவை கட்சித் தலைவராக அமர்த்து வதற்கு இப்போது மேற்கொள்ளப்படும் முயற்சிகள் ஐக்கிய தேசிய கட்சியை ஒரு வலுவான எதிர்க்கட்சியாக மாற்றுவதற்கு பதில் வலுவிழந்த ஒரு சாதா ரண கட்சியின் நிலைக்கு பின்னடைவை ஏற்படுத்தி விடலாம் என்று, அக் கட்சியின் பல்லாண்டு கால ஆதரவாளர்கள் இன்று அங்கலாய்க்கிறார்கள்.

(தினகரன்)