21.12.2012 உலகம் அழியாது!

• மாயன் இன வழித் தோன்றல்களே நம்பிக்கை
• வதந்திகளை நம்புவோரால் இலாபம் - மெக்சிக்கோ

மாயன் நாட்காட்டி இன்றுடன் (டிசம்பர் 21) முடிவடைவதையொட்டி அதனை எதிர்கொள்வதற்கு சீனா, அமெரிக்கா முதல் மெக்சிகோவரை பலர் தயாராகியுள்ளனர். இந்த நாட்காட்டி முடிவதனால் உலகம் அழியும் என்ற வதந்தி உலகெங்கும் பரவி இருப்பதால் அசம்பாவிதங்கள் நிகழாமல் தடுக்க ஒவ்வொரு நாட்டு அரசும் உஷார் நிலையில் உள்ளன. மெக்சிகோவை பூர்வீகமாக கொண்டதாக கூறப்படும் மாயன் இனத்தினரின் 5,125 ஆண்டு சுழற்சியை கொண்ட நாட்காட்டி இன்றுடன் முடிவடைகிறது. எனினும் இந்த நாட்காட்டியின் முடிவுக்கு பின்னர் என்ன நிகழும் என்பது குறித்து மாயன் இனத்தவர் எந்த தகவலும் விட்டுச் செல்லவில்லை. ஆனால இதுகுறித்து ஊடகங்கள், இணையதளங்கள் என நவீன உலகில் பல ஊடகங்களும் வதந்திகளும் பரவியுள்ளன. இதில் நாட்காட்டி முடிவுடன் உலகம் அழியும் என்ற வதந்தி அனைத்து ஊகங்களை விடவும் முன்கொண்டு வரப்பட்டுள்ளது.

இதில் 2009 ஆம் ஆண்டு எடுக்கப்பட்ட 2012 என்ற ஹொலிவுட் திரைப்படம் இந்த வதந்திக்கு மேலும் மெருகூட்டியது. லொஸ் ஏஞ்சல்ஸ் நகரம் கடலுக்குள் செல்வது, பாரிய சுனாமி அலை, இமய மலையை மூடுவது என்ற பயங்கர காட்சிகள் அந்த திரைப்படத்தை வர்த்தக ரீதியல் வெற்றி பெறச் செய்ததோடு உலகம் அழிவதை நாம்புபவர்களுக்கு ஆதாரமாக அமைந்தது. இந்த திரைப்படத்தைத் தொடர்ந்து மாயன் நாட்காட்டி தொடர்பிலான விவாதங்கள் தொலைக்காட்சி பத்திரிகை மற்றும் இணையதளங்கள் எங்கும் பரவின. ஆயிரக் கணக்கானோர் மாயன் இன அடையாளத்தைத் தேடி மத்திய அமெரிக்க நாடான மெக்சிகோவை நோக்கி படையெடுக்க ஆரம்பித்தனர்.

ந்நிலையில் மாயன் நாட்காட்டி முடிவடையும் தறுவாயையொட்டி அசம்பாவிதங்களை தவிர்க்க அரசுகளும் விஞ்ஞானிகளும் அவதானமாக உள்ளதோடு அமெரிக்க விண்வெளி ஆய்வு மையமான நாஸா இம்மாத ஆரம்பத்திலேயே இது குறித்து விளக்கம் அளிக்கும் வகையில் ஒரு மணி நேரம் கொண்ட வீடியோவை யூடியுப் இணைய தளத்தில் வெளியிட்டது.

அதில் உலகம் அழிவதாக கூறும் காரணிகளை பொய்யாக்கும் வகையில் அவை அனைத்துக்குமான விளக்கங்களை வெளியிட்டது.

எனினும் உலகம் அழிவதை நம்புவோர் அதற்கு தயாராகி வருகின்றனர். குறிப்பாக பிரான்ஸில் உள்ள பைரனீஸ் என்ற மலையில் வேற்று கிரக வாசிகளின் விண்கலம் வந்து மக்களை காப்பாற்றுவதாக நம்பும் பலர் அந்த மலையை நோக்கி குவிய ஆரம்பித்தனர். இதனால் ஏற்படும் அசம்பாவிதத்தை தடுக்க அந்த மலைக்குச் செல்வதற்கு பிரான்ஸ் அரசு கடந்த டிசம்பர் 17 முதல் 23 ஆம் திகதி வரையான காலப் பகுதிக்கு தடை விதித்தது. அந்த மலைப் பகுதியில் வசிக்கும் 200 கிராம வாசிகளின் முறைப்பாட்டை அடுத்தே பிரான்ஸ் நிர்வாகம் இந்த தடையை விதித்தது.

‘தற்போதைய சூழல் எம்மைப் பற்றித்தான் சொல்கிறது. குறிப்பாக மேற்கு உலகின் நிலைப்பாட்டை வெளிப்படுத்துவதே ஒழிய பண்டைய மாயர்கள் பற்றியல்ல’ என்று கலிபோர்னியா பல்கலைக்கழகத்தின் மனித இன சாஸ்திரம் தொடர்பான விரிவுரையாளரும் மாயா நாகரிகம் தொடர்பான ஆய்வாளருமான ஜெப்ரி பிரெஸ்வெல் குறிப்பிட்டார் ‘உலகம் விரைவில் அழியும் என்ற நம்பிக்கையை மேற்குலகம் உறுதியாக நம்புகிறது. ஆனால் மாயர்கள் உலகம் அழிவதை நம்பினார்களா என்பது பற்றி எனக்கு உண்மையில் தெரியாது’ என்றும் அவர் குறிப்பிட்டார்.

இதில் சூரியனுக்கு பின்புறமாக ஒளிந்திருக்கும் நிப்ரு என்ற கிரகம் திடீரென வெளிப்பட்டு பூமியுடன் மோதும் என நம்பும் ஒரு சிலரும் உள்ளனர். அத்துடன் பிரபஞ்சத்தின் மத்தியில் இருக்கும் கருந்துளை பூமியை விழுங்கி துண்டு துண்டாக்கிவிடும் என்று நம்புபவர்களும் இருக்கிறார்கள்.

ஆனால் பாரிய வெள்ளம் காரணமாக உலகம் அழியும் என்று நம்பும் ஒரு சீன நாட்டவர் அதிலிருந்து தப்ப பேழைகளை தயாரித்துள்ளனர். லியு சென்காய் என்பவர் 160,000 டொலர்கள் செலவு செய்து 70 கீ 50 கன அளவு கொள்கலன் கொண்ட மூன்று டீசல் என்ஜின் சக்தி வாய்ந்த தாக இந்த பேழை அமைக்கப்பட்டுள்து.

‘உலகம் அழியும்போது எனது வீடு மூழ்குவதையிட்டு நான் பயப்படுகிறேன்’ என்று முன்னாள் இராணுவ வீரரான 44 வயது சென்காய் சீன அரச ஊடகத்திற்கு கூறியுள்ளது.

அதேபோன்று கிழக்கு சீனாவைச் சேர்ந்த 32 வயது தொழிலதிபரும் உலகம் அழிவதிலிருந்து தப்புவதற்கு கப்பல் ஒன்றை தயாரித்துள்ளார். அட்லான்டிஸ் என பெயரிடப்பட்டுள்ள இந்த கப்பல் 13 அடி விட்டம் கொண்ட மூன்று தொன் மஞ்சள் இரும்பினால் தயாரிக்கப்பட்டுள்ளது. இது சுனாமி, பூமியதிர்ச்சி, வெடிப்பு போன்ற அனர்த்தங்களில் இருந்து பாதுகாக்கும் வகையில் தயாரிக்கப்பட்டிருப்தாக சீன அரச ஊடகமான லியோ வாங் சஞ்சிகை செய்தி வெளியிட்டுள்ளது.

எனினும் மாயா இனத்தின் வழித்தோன்றல்களான மெக்சிகோவின் யுகடன் தீபகற்பத்தில் இருக்கும் ஜொஸ் மன்ரிக் எஸ்குவல், உலகம் அழியும் இத்தனைக்கு எதிராக கடும் கண்டனம் வெளியிட்டார். அன்றைய தினத்தில் இனச் சுத்திகரிப்பு மற்றும் துன்புறுத்தல்களில் இருந்து தமது இனம் தப்பி வாழ்வதை கொண்டாடப்போவதாக கூறினார்.

‘டிசம்பர் 21 இல் ஒரு சிறந்த சகாப்தம் முடிவடைகிறது. அதேபோன்று புதிய சகாப்தம் ,விu@தி!கிறது. நாம் எமது சிந்தனைகளை புதுப்பிக்கவுள்ளோம்.

மது சூழவுள்ளவை பற்றிய சிந்தனையை புதுப்பிக்கவுள்ளோம்’ என்று எஸ்குவல் குறிப்பிட்டார்.

இந்நிலையில் தெற்கு மெக்சிகோவுக்கு 2012 ஆம் ஆண்டில் 50 மில்லியன் சுற்றுலா பயணிகள் வருகை தருவார்கள் என மெக்சிகோ அரசு நம்பிக்கை தெரிவித்திருந்தது. அத்துடன் மாயன் நாட்காட்டி இருக்கும் சிச்சன் இட்சா பகுதிக்கு இன்றைய தினத்தில் 200,000 மக்கள் வருகை தருவார்கள் என எதிர்பார்க்கப்பட்டுள்ளது.

‘இது வியாபாரத்திற்கு நல்ல நாள். தனிப்பட்ட முறையில் எனக்கு வழமைபோன்று இன்னுமொரு தினமே’ என்று மெக்சிகோவின் குவைன்டனா மாநிலத்தைச் சேர்ந்த மாயன் இனப் பூர்விகம் கொண்ட 34 வயது ஜுலியன் நுஹிகப் குறிப்பிட்டார்.

சிச்சென் இட்சா பகுதியில் இருக்கும் ஹோடல்கள் ஓர் ஆண்டுக்கு முன்னரே முற்பதிவு செய்யப்பட்டு அவை தற்போது நிரம்பி வழிகின்றன.

எனினும் பெரும்பாலான மெக்சிகோ நாட்டவர்கள் இன்று உலகம் அழியும் என்ற வதந்தியை நம்பவில்லை. இன்று சுற்றுலா பயணிகளை கவரும் வகையில் மாயன் பூர்விக இனத்தவர்கள் ஆன்மீக மற்றும் கலாசார செயற்பாடுகளில் ஈடுபடவுள்ளனர்.

இதேபோன்று கியுபா, குவன்தனமோ உட்பட மாயன் நாகரீகத்தைச் சேர்ந்த கோவில்கள் இருக்கும் பகுதிகளிலும், ஆன்மீக மற்றும் கலாசார செயற்பாடுகள் இடம்பெறவுள்ளன.

எவ்வாறாயினும் இன்று உலகம் அழிவதாக நம்பும் ஒருசிலர் தற்கொலை முயற்சிகள் மற்றும் ஏனைய அசம்பாதவிதங்களில் ஈடுபட வாய்ப்பு இருப்பதாக அரசுகள் எச்சரித்துள்ளன. ஏற்கனவே சீனாவில் இந்த வதந்தியால் மனநிலை பாதிக்கப்பட்ட ஒருவர் ஆரம்பப் பாடசாலையின் 23 சிறுவர்களை கத்தியால் தாக்கியுள்ள செய்தி பரபரப்பை ஏற்படுத்தியது.

மறுபுறத்தில் இன்று உலகம் அழியும் வதந்தியை விஞ்ஞானிகள் 100 வீதம் நிராகரித்துள்ளனர்.

மாயன் இனத்தினரின் பூர்வீகமான மெக்சிகோவின் யூகாடன் நகரில் சமீபத்தில் நடந்த மாயன் நாட்காட்டி தொடர்பான கருத்தரங்கில் அகழ்வாராய்ச்சி துறை நிபுணர் தோமஸ் கால்ரெட்டார், விண்வெளி ஆய்வாளர் ஆர்காடியோ போவேடா ரிகால்டே பேராசிரியர் மார்டே டிரெஜோ உள்ளிட்டோர் மாயன் நாட்காட்டி தொடர்பான அனைத்து தவறான கருத்துக்களுக்கும் பதில் அளித்தனர். இந்தகருத்தரங்கின் முடிவில் வெளியிடப்பட்ட அறிக்கையில் பூமியின் இறுதி நாளை மாயன் நாட்காட்டி குறிப்பிடவில்லை. ஆனால் என்றாவது உலகம் ஒரு நாள் அழியக்கூடும். அறிவியலால் அனைத்தையும் கணித்துவிட முடியாது என்று கூறினார்.

நாசா விஞ்ஞானிகள் உலகம் அழிவதற்கான காரணிகளாக எரிமலை சீற்றம், தீவிரவாதிகள் தாக்குதல், விண்வெளிப் பாறை தாக்குதல், சூரிய காந்தப் புயல், கோள்கள் மோதல் ஆகியவை கூறப்படுகிறது இதற்கு நாசா விஞ்ஞானிகள் அளித்துள்ள தெளிவான விளக்கம் வருமாறு :-

* கோள்கள் மோதலுக்கு இப்போதைக்கு வாய்ப்பில்லை. சூரிய குடும்பத்தில் வளர்ச்சிக் குன்றிய சில கோள்கள் இருப்பது உண்மைதான். ஆனால் அவை வெகு தொலைவில் உள்ளன. பூமியை நோக்கி வருவதுபோன்று கூட அதன் பாதை இல்லை. இதனால் கோள்கள் மோதலுக்கு இப்போதைககு 100 சதவீதம் வாய்ப்பில்லை.

* பூமியை நோக்கி மோதவருவது அல்லது அதற்கான வாய்ப்புகள் இருக்கும் விண்வெளிப் பாறைகள் குறித்து பல ஆண்டுகளாக சாசா ஆராய்ச்சி மேற்கொண்டுள்ளது. எந்த விண்வெளிப் பாறையும் இரண்டு நாளில் பூமிக்கு அருகில் வர வாய்ப்பே இல்லை.

* சூரிய காந்தப் புயலால் பூமிக்கு அதிகம் பாதிப்பு ஏற்பட வாய்ப்பில்லை. சூரிய காந்தப்புயல் என்பது வழக்கமான இடைவெளியில் நடந்து வருவதுதான் ஒவ்வொரு 11 ஆண்டுக்கு ஒருமுறை அது அதிகபட்சமாக இருக்கும் இதுபோன்ற சமயங்களில் விண் வெளியில் சுற்றி வரும் செயற்கைக் கோள்களுக்கு மட்டுமே பாதிப்பு ஏற்படும். அதேபோல், பூமியில் இலத்திரனியல் பொருட்களுக்கு பாதிப்பு ஏற்படலாம். ஆனால் மனித இனத்துக்கு பெரிய அளவில் பாதிப்பை ஏற்படுத்தாது. மேலும், 2012 ல் சூரிய காந்தப் புயலுக்கு வாய்ப்பு இல்லை.

* தீவிரவாதிகள் தாக்குதல் என்பது ஒரு குறிப்பிட்ட பகுதியில் மட்டும் வேண்டுமானால் நடக்கலாம் ஒட்டுமொத்த உலகத்தை அழிக்க வாய்ப்பில்லை. எரிமலையும் வெடிப்பும் இதுபோன்றதே.

* இதுதவிர துருவ மாற்றம் ஏற்படலாம் என்றும் சிலர் பீதி கிளப்புகின்றனர். துருவ மாற்றம் என்பது சராசரியாக 4 இலட்சம் ஆண்டுக்கு ஒருமுறை நடக்க வாய்ப்புள்ளது. இதனாலும், மனித இனத்துக்கு எந்த பெரிய பாதிப்பும் ஏற்படாது. இன்னும் சில நூற்றாண்டுகளுக்கு துருவ மாற்றத்துக்கும் வாய்ப்பில்லை.

இவ்வாறு விஞ்ஞானிகள் கூறியுள்ளனர். இப்படி இல்லை இல்லை என்று விஞ்ஞானிகள் அடித்து கூறினாலும், அழியப் போகிறது அழியப்போகிறது என்று ஒவ்வொரு வினாடியும் வதந்திகள் கிளப்பப்படுவதை தடுக்க முடியவில்லை.