தமிழருக்காக குரல் கொடுக்கும் குதியை இழந்துவிட்டாராம்!

உண்மையை வெளிப்படுத்திய சம்பந்தனுக்கு கிடைத்துள்ள பரிசு

தலைமைப் பதவியை மாவைக்கு வழங்குமாறு கடும் அழுத்தம்

டிசம்பர் 7ஆம் திகதி சம்பந்தன் நாடாளுமன்றத்தில் ஆற்றிய உரை, உலகெங்குமுள்ள பத்துக் கோடி தமிழ் மக்களிடையேயும் பெரும் சோகத்தை ஏற்படுத்தியுள்ளது. பலர் பெரும் அதிர்ச்சியினால் வாயடைத்துப் போயுள்ளனர். இனிமேலும் தமிழரின் உரிமையைப் பற்றிப் பேசும் தகுதியை சம்பந்தன் இழந்துவிட்டார். எனவே, அவர் கூட்டமைப்பிலிருந்து விலகி உபதலைவராக இருக்கும் மாவை சேனாதிராசாவை தலைவராக்குவதற்கு வழிவிட வேண்டும்.

“புரூட்டஸ் நீயுமா?” என்றொரு வரலாற்றுக் கேள்வி வழக்கிலுண்டு. அதைப் போல் “சம்பந்தன் நீங்களுமா?” என்ற கேள்வி உலகின் பெரும்பாலான தமிழர்களிடையே எழுந்துள்ளது. அவர் நாடாளுமன்றத்தில் டிசம்பர் 7 ஆம் திகதி ஆற்றிய ஒரு பகுதி உரை அவர்களின் இதயங்களில் ஈட்டியால் குத்தியதாக புலம்பெயர் தமிழ் ஊடகங்கள் சுட்டிக்காட்டியுள்ளன. தமிbழ விடுதலைப் புலிகளைப் பற்றிக் குறிப்பிட்டதுதான் உலகத் தமிழர்களின் கவலைக்குரிய காரணமாக அமைந்துள்ளது.

விடுதலைப் புலிகள் அமைப்பை ஒரு பயங்கரவாத அமைப்பு என தமிழ்த் தேசிய கூட்டமைப்பின் தலைவர், அதிலும் தமிழ்த் தேசிய விடுதலைக்காக புதல்வர்களை அள்ளிக் கொடுத்த திருகோணமலைத் தொகுதியைப் பிரதிநிதித்துவப்படுத்தும் சம்பந்தன் அவ்வாறு தெரிவிக்கலாமா?

இலங்கை பல்கலைக்கழக மாணவர் அமைப்பின் தலைவர், யாழ் பல்கலைக்கழகத்தினுள் இராணுவம் அத்துமீறி நுழைந்ததை, பயங்கரவாதம் என்று குறிப்பிட்டுள்ளார். ஆனால், சம்பந்தன் அதற்கு எதிர்மைறையாக விடுதலைக்காகப் போராடிய ஓர் அமைப்பை பயங்கரவாத அமைப்பு என்று எங்ஙனம் கூற முடியும்?

அவர் தமது நாடாளுமன்ற உரையில் முன்னாள் வெளிநாட்டமைச்சர் கதிர்காமரை புலிகள்தான் கொலை செய்தார்கள் என நாடாளுமன்ற உறுப்பினர்களின் பலத்த கைதட்டலுக்கும் மத்தியில் தெரிவித்தார். அவர் உண்மையை ஒத்துக்கொண் டுள்ளார்.

தமிழ்த் தேசியக் கூட்டமைப்பு நாடாளுமன்ற உறுப்பினர் சிறிதரன் இவருக்கு முன்பு நாடாளுமன்றத்தில் உரை நிகழ்த்தும்போது, யாசீர் அரபாத் பாலஸ்தீனர்களுக்கு தனிநாடொன்றைப் பெற்றுக்கொடுத்ததைப் போன்று, தமிbழத் தேசியத் தலைவரும் தமிழர்களுக்கு அவ்வாறு பெற்றுக்கொடுப்பார் எனத் தாம் நம்புவதாகத் தெரிவித்தார்.

அந்த உரையின் மீது எழுந்த அரச அழுத்தங்களின் பின்னணியில் சம்பந்தன் தமது உரையை நிகழ்த்தியதாகக் கருதினாலும், உண்மைக்கு மாறான தகவல்களை அவர் தவிர்த்திருக்கலாம்.

முள்ளிவாய்க்காலுக்கு முன்பு வரை தமிbழ விடுதலைப்புலிகளின் கட்டுப்பாட்டில் இருந்த பகுதிகளில் மேற்கொள்ளப்பட்ட அபிவிருத்தித் திட்டங்கள் குறித்து சம்பந்தன் மாத்திரமல்ல தமிழ்த் தேசியக் கூட்டமைப்பு மக்கள் பிரநிதிகள் எவரும் அறிந்து வைத்திருக்கவில்லை. அவ்வாறு ஆராய முற்பட்டால், தம்மையும் புலிகளுடன் இணைத்து இலங்கை அரசு கணித்துவிடும் என்ற அச்சமும் ஏழலாம்.

தமிழர்களின் நலனில் அக்கறை கொண்டு செயற்பட்ட அமைப்பை மிக எளிமையாக? தமிழ் மக்களுக்கு இதுவரை எவ்வித நன்மையும் செய்யாத சம்பந்தன், பயங்கரவாத அமைப்பு என நாடாளுமன்றத்தில் சர்வசாதாரணமாகக் குறிப்பிட்டது ஓர் இமாலயத் தவறு என்பதை இப்போது உணர்கின்றாரா?

விடுதலைப்புலிகள் இல்லாத வெற்றிடமொன்று முள்ளிவாய்க்காலின் பின் ஏற்பட்டபோது, அதனை முழுமையாக நிரப்ப தமிழ்த் தேசியக் கூட்டமைப்பினால் முடியாது என்பதை உலகத் தமிழர்கள் அறிவார்கள். தமிழரின் தேசியப் பிரச்சினைக்குத் தீர்வு ஒன்றைப் பெற்றுக்கொடுக்கவோ, போரினால் பாதிக்கப்பட்ட மக்களுக்கு நிவாரணம் ஒன்றைப் பெற்றுக்கொடுக்கவோ முடியாது என்பதை தமிழர்கள் அறிவர்.

ஆனால், தாயக நிலைமைகளை வெளிநாடுகளுக்கு அறிவிக்கும் பணியைத் தவிர வேறு எதனையும் தமிழ்த் தேசியக் கூட்டமைப்பினால் செய்ய முடியாது என்பதும் யதார்த்தமானது.

1977ஆம் ஆண்டு முதல் திருகோணமலைத் தொகுதி நாடாளுமன்ற உறுப்பினராக இருந்துவரும் சம்பந்தன், கடந்த 35 ஆண்டு காலமாக தமிழருக்கு குறிப்பிட்டுச் சொல்லக்கூடிய சேவைகள் எதனையும் செய்யவில்லை. அதேநேரத்தில், அவரின் நாடாளுமன்ற உரை கடந்த முப்பதாண்டு கால தமிழரின் விடுதலைப் போராட்டத்தை கொச்சைப்படுத்துவதாகவே அமைகின்றது.

எனவே, கடந்த டிசம்பர் மாதம் 7 ஆம் திகதியுடன் அவரின் அரசியல் வாழ்வு அஸ்தமனமாகி விட்டது என புலம்பெயர் ஊடகங்களும் சுட்டிக்காட்டியுள்ளன. அவர் தானாகவே தமிழ்த் தேசியக் கூட்டமைப்பி லிருந்து விலகி, தற்போது உபதலைவராக இருக்கும் மாவை சேனாதிராசாவை தலைவராவதற்கு வழிவிட வேண்டும்.

தமிழ்த் தேசியக் கூட்டமைப்பு தொடர்ந்தும் தமது போராட்டத்தை நடத்த முன்வர வேண்டும். நுணலும் தன் வாயால் கெடும் என்பதைப் போல, தமிழரின் விடுதலையைக் கேள்விக்குறியாக்கும் விதத்தில் உரையாற்றிய சம்பந்தன் இனிமேல் தமிழரின் உரிமைக்காக குரல்கொடுக்கும் தகுதியை இழந்துவிட்டார்.

க.சிவராஜா