சரத்பொன்சேகாவிற்கு ஆதரவு சந்திரசிறிக்கு மட்டும் எதிர்ப்பாம்!

தமிழ் தேசியக் கூட்டமைப்பு கடந்த செப்டெம்பர் மாதம் இடம்பெற்ற வடமாகாண சபை தேர்தலில் அமோக வெற்றி பெற்றது. இந்த வெற்றியை ஜனநாயகத்திற்குக் கிடைத்த வெற்றி என்றே குறிப்பிட வேண்டும். தமிழ் தேசியக் கூட்டமைப்பின் அதிகாரத்தின் கீழ் உள்ள வடமாகாண சபை மூலம் தமக்கு நல்ல பல சேவைகள் கிடைக்கும் என்று, வடமாகாண தமிழ் மக்கள் நம்பினர். ஆனால், அந்த விடயம் கைகூடவில்லை. இழவு காத்த கிளிபோல வடமாகாண தமிழ் மக்களின் நிலை மாறிவிட்டது. 2009ஆம் ஆண்டு மே மாதம் யுத்தம் முடிவிற்கு வந்தபின்னர் கடந்த நான்கரை வருடங்களாக வடமாகாணத்தில் பாரிய அபிவிருத்தி நடவடிக்கைகள் இடம்பெற்றன என்பதை எவரும் மறுக்க முடியாது. மீள்குடியேற்றம், கண்ணிவெடி அகற்றல், பாடசாலை புனர்நிர் மாணம், வீதி புனரமைப்பு, சுகாதாரம், வேலைவாய்ப்பு, பல்கலைக்கழக பிரவேசம், கலாசார விழுமிய மேம்பாடு உட்பட பல விடயங்களில் வடமாகாணம் முன்னேற்றம் அடைந்துள்ளது.

ஏனைய மாகாணங்களுடன் ஒப்பிடுமி டத்து, முன்னொருபோதும் இல்லாதவாறு மொத்தத் தேசிய உற்பத்தியில் வடமாகாணத்தின் பங்களிப்பு கணிசமான அளவு காணப்பட்டதாக 2012 - 2013 புள்ளிவிபரத் தகவல்கள் தெரிவிக்கின்றன. வடமாகாணத்தின் பிரதான வாழ்வாதார துறைகளாக விவசாயத்;துறை, கால்நடை அபிவி ருத்தி மற்றும் மீன்பிடித்துறைகள் காணப்படுகின்றன. இந்தத் துறைகளில் கடந்த இரண்டு வருடங்களாக பாரிய வளர்ச்சி ஏற்பட்டுள்ளது. இருந்தபோதிலும், மீன்பிடித்துறையில் சில குறைபாடுகள் உள்ளன. அதற்கு தமிழ்நாடு மீனவர்கள் இலங்கை கடற்பரப்பிற்குள் அத்துமீறி நுழைந்து மீன்பிடிப்பது ஒரு காரணமாகும். இந்த விடயத்தை நன்கு அறிந்து வைத்திருந்தாலும், தமிழ்த் தேசியக் கூட்டமைப்பு ஒருபோதும் மீனவர் பிரச்சினை தொடர்பாக தமிழ்நாடு அரசியல்வாதிகளுடன் கடுமையாக பேசியதில்லை. அதற்கு சில உள்நோக்கங்களும் உள்ளன. தமிழ்நாடு முதலமைச்சர் nஜயலலிதாவுடன் முரண்பட்டு;க்; கொள்ள விரும்பாத காரணத்தினால் தமிழ் தேசியக் கூட்டமைப்பு இந்த மிதவாத போக்கை கடைபிடிக்கிறது. தமது மாகாணத்தின் தமிழ் மீனவர்கள் பாதிக்கப்பபட்டாலும், அரசியல் நோக்கங்களுக்காக தமிழ் தேசியக் கூட்டமைப்பு இதுவிடயம் குறித்து அதிகமாக அலட்டிக்கொள்வதில்லை.

ஆளுநருடன் முரண்பாடு

நிலைமை இவ்வாறிருக்க, வடமாகாணத்தை கைப்பற்றிய தமிழ் தேசியக் கூட்டமைப்பு தனக்கு விருப்பமான முறையில் வடமாகாண நிர்வாகத்தை கொண்டுசெல்ல ஆளுநர் தடையாக இருப்பதாக கூறிவருகிறது. இதன் ஒருகட்டமாகவே வடமாகாண சபையில் ஆளுநரை மாற்ற வேண்டுமென்று தீர்மானம் நிறைவே ற்றப்பட்டது. ஆனால், இத்தகைய ஒரு கோரிக்கையில் என்ன நியாயம் இருக்கிறது என்று வடமாகாணத்தைச் சேர்ந்த மக்களே கேள்வி எழுப்புகின்றனர். இந்நிலையில், ஜனாதிபதி மஹிந்த ராஜபக்'வும் இதுவிடயம் தொடர்பில் தெளிவான ஒரு கருத்தை வெளியிட்டிருந்தார். அதாவது, யுத்தகாலத்தில் கடு மையாக மற்றும் தீவிரமாக போரில் ஈடுபட்ட முன்னாள் இராணுவ தளபதி சரத் பொன்சேகாவிற்கு 2010ஆம் ஆண்டு பேராதரவு தெரிவித்து இணைந்து செயல்பட தமிழ் தேசியக் கூட்டமைப்பு விருப்பத்தை வெளியிட்டிருந்தது. அப்படியான அணுகுமுறையை பின்பற்றிய தமிழ் தேசியக் கூட்டமைப்பிற்கு நாட்டுக்காக அர்ப்பணிப்புடன் சேவையாற்றிய முன்னைநாள் சிரேஷ்ட இராணுவ அதிகாரியான ஜp.ஏ.சந்திரசிறி அவர்களுடன் ஏன் இணைந்து சேவையாற்ற முடியாது என்று ஜனாதிபதி கேள்வி எழுப்பியுள்ளார். இதற்கு பதில் கூறமுடியாமல் தமிழ் தேசியக் கூட்டமைப்பு திண்டாடிக்கொண்டி ருக்கிறது. இவ்வாறு இரட்டைவால் குருவி போல, சந்தர்ப்பத்திற்கு ஏற்ற வகையில் கருத்துக்களை மாற்றி கூறும் கூட்டமைப்பிற்கு இந்த கேள்வியில் இருந்து தப்ப வழியில்லாமல் தவிக்கிறது.

வட மாகாண பிரதம செயலாளருக்கு கடமையை செய்யவிடாது அச்சுறுத்தல்

நிலைமை இவ்வாறு இருக்க, நேர்மையான சிவில் நிர்வாக அதிகாரியான திருமதி விஜயலக்சுமி ரமேசுக்கு அச்சுறுத்தும் அனாமதேய தொலைபேசி அழைப்புக்கள்

வந்ததாக அண்மைக்கால பத்திரிகைச் செயதிகள் கூறுகின்றன. இது தொடாடபாக பொலிஸ் திணைக்களத்தில் முறைப்பாடு செய்யப்பட்டு விரிவான விசாரணைகளும் இடம்பெற்று வருவதாக பொலிஸ ஊடக பேச்சாளர் சிரேஸ்ட பொலிஸ் அத்தியட்சகர் அஜpத் ரோகன தெரிவித்துள்ளாh. திருமதி விஜயலட்சுமி ஏறத்தாழ 20 ஆண்டு காலமாக சிவில் நிர்வாகத்தில் இருந்து நேர்மையாக சேவையாற்றி வருபவர். மாகாணசபைகள் உள்ளுராட்சி மன்ற அமைச்சில் நீண்ட காலம் சேவையாற்றியவர்.முதுமாணி பட்டம் பெற்ற கல்விமான். செனட் பிரதிநிதி ஒருவரின்; பேத்தியும் ஆவார். இவர் 3 ஆளுநர்களின் நிர்வாகத்தில் கடமையாற்றியவர். இவ்வாறான சிறந்த நிர்வாக பரப்புரையை கொண்ட ஒரு சிரேஸ்ட அதிகாரிக்கு அச்சுறுத்தல் தொலைபேசி அழைப்புக்களை விடுத்தவர்கள் நிச்சயம் வட மாகாண நிர்வாக சேவையை குழப்புவதற்கு மேற்கொண்ட முயற்சியாகவே இதனை கருத வேண்டியிருக்கிறது. முதலில் வட மாகாண ஆளுநருக்கு அழுத்தங்கள் கொடுக்கப்பட்டன. இப்போது கணவனை இழந்த அப்பாவி பெண் உயர் அதிகாரிக்கு அழுத்தங்கள் கொடுக்கப்படுகின்றன.இத்தகைய கோழைத்தனமான செயல்பாடுகளை தமிழ் சிங்கள் முஸ்லிம் மக்கள் அனைவரும் கண்டிக்கின்றனர். இலங்கை ஏற்கெனவே 30 வருட பயங்கரவாதத்தில் பெரிதும் பாதிக்கப்பட்டது. அதிலிருந்து மெல்ல மீண்டெழுந்து சர்வதேச அரங்கில் தலை நிமிர்ந்து நடக்க முற்படும் இந்த சந்தர்ப்பத்தில், யுத்தத்தால் பெரிதும் பாதிக்கப்பட்ட வட மாகாண தமிழ் மக்களுக்கு அரும்பணியாற்றி வரும் வட மாகாண பிரதம செயலாளருக்கு இவ்வாறு அச்சுறுத்தல் விடுப்பது ஒரு இரண்டாந்தர, கீழ்த்தர செயலாகும். இவ்வாறான கோழைத்தனமான செயல்களை மேற்கொண்டு நேரத்தை வீணடிப்பதை விடுத்து, வட மாகாணத்தில் எமது மக்களுக்கு ஆக்கபு+ர்வமான மனிதாபிமான உதவிகளை செய்யும்படி பணிவாக கேட்டுக்கொள்கிறோம்.

(ஜெயரஞ்சன் யோகராஜ)