அரசசார்பற்ற அமைப்புக்கள் குறித்து அவதானமாக இருத்தல் அவசியமாகும்

இங்கு வந்து மக்களுக்கு பல்வேறு துறைகளில் பணிபுரிந்து நாட்டின் மேம்பாட்டிற்காக உழைக்கிறோம் என்ற போர்வை யில் இயங்கி வரும் சில அரச சார்பற்ற அமைப்புக்கள் உண்மை யிலேயே இலங்கைக்கு சர்வதேச ரீதியில் அவப்பெயரை ஏற்படுத் தக் கூடிய முறையில், செயற்பட்டு வருவது குறித்து, அரசாங்கத் தின் அவதானம் இப்போது திரும்பியுள்ளது. சுனாமி அனர்த்தத்தின் போதும் இத்தகைய சர்வதேச அரச சார்பற்ற அமைப்புக்கள் காளான்களைப் போன்று நூற்றுக்கணக்கில் நாடெங் கிலும் தோன்றின.

இவ்வமைப்புக்கள் இலங்கையில் நூற்றுக்கணக் கானோருக்கு ஓரளவு நல்ல வருமானத்தைத் தரக்கூடிய தொழில் வாய்ப்புகளைக் கொடுத்து, அன்று, சுனாமியினால் பாதிக்கப்பட்ட மக்களுக்கு நிவாரண நடவடிக்கைகளும் வேதனையில் மூழ்கியி ருந்த மக்களுக்கு உளவியல் ரீதியில் ஆலோசனைகளும் வழங்கு தல் போன்ற பணிகளை மேற்கொண்டதும் உண்மைதான். இம்மக்க ளுக்கு கழிவறைகளை, கிணறுகளை அமைத்து சில மாதங்களாக உலர் உணவுகளையும், சமைத்த உணவையும் பெற்றுக் கொடுத்த தையும் நாம் மறுக்க முடியாது.

ஆனால், இவை மேற்கொண்ட இத்தகைய பொதுப்பணிகள் சரியான முறையில் இந்தப் பாதிக் கப்பட்ட மக்களை சென்றடைந்ததா அதனால், அவர்கள் மீண்டும் தங்கள் வாழ்க்கையை மகிழ்ச்சியுடன் ஆரம்பித்தார்களா? என்பது கேள்விக்குறியாகவே இருக்கிறது.

இதில் ஒரு கசப்பான உண்மையை நாம் புரிந்து கொள்வது அவசியம். இந்த சர்வதேச அரச சார்பற்ற அமைப்புக்கள் இத்தகைய பணி களை செய்வதற்காக, வெளிநாடுகளிலுள்ள அவைக்கு உதவி செய்யும் அமைப்புகளிடமிருந்து கோடான கோடி டொலர்களை உதவியாகப் பெற்ற போதிலும், அந்த நிதியிலிருந்து, சுமார் 25 வீதத்தை மாத்திரமே இப்பணிகளை மேற்கொள்ளுவதற்கும் உள் ளூரில் அவர்கள் சேர்த்துக் கொண்ட ஊழியர்களுக்கு சம்பளத் தைக் கொடுப்பதற்கும் செலவிட்டன.

எஞ்சிய 75 வீத பணமும், இந்த அரச சார்பற்ற நிறுவனங்களில் வெளிநாட்டிலிருந்து வந்த உயர் அதிகாரிகளுக்கு கொழும்பிலும், ஏனைய நகரங்களிலும் ஆடம்பரமான மாடமாளிகைகளை வாடகைக்கு, எடுப்பதற்கும் அதிக விலையுயர்ந்த வாகனங்களை அவர்களின் பாவனைக்காக தருவிப்பதற்கும் செலவிடப்பட்டன.

எல். ரி. ரி. ஈ. யுடனான யுத்தம் நடந்து கொண்டிருந்த கால கட்டத்தில் சுனாமியினாலும், ஏனைய இயற்கை அனர்த்தங்களினாலும் பாதிக் கப்பட்ட மக்களுக்கு நிவாரணத்தை பெற்றுக்கொடுக்கிறோம் என்று போர்வையின் கீழ் நாட்டின் வடக்கு, கிழக்கு பிரதேசங்களுக்கு இவ்வமைப்புக்கள் எடுத்துச் சென்ற வாகனங்கள் குறிப்பாக, டபிள் கப் வாகனங்கள் மற்றும் அரிசி, மா போன்ற பாவனைப் பொருட் கள் மூடை, மூடைகளாக மிகவும் இரகசியமான முறையில் எல். ரி. ரி. ஈ. யிடம் கையளிக்கப்பட்டதாகவும் புகார்கள் கிடைக்கப் பெற்றன. இவ்விதம் நாட்டை பிளவுப்படத்துவதற்காகவும் சில வெளிநாட்டு தீயசக்திகளின் கைப்பொம்மைகளாக சில சர்வதேச அரச சார்பற்ற அமைப்புக்கள் இலங்கையில் இயங்கி வந்தன.

ஒரு சில சர்வதேச அரச சார்பற்ற அமைப்புக்களும் ஏனைய சில அரச சார்பற்ற அமைப்புகளும் மிகவும் நேர்மையான முறையில் நாட்டின் மேம்பாட்டிற்கும், மக்களின் நல்வாழ்வுக்காகவும் உழை த்து வருவதை நாம் மகிழ்ச்சியுடன் ஏற்றுக்கொண்டே ஆக வேண்டும்.

பெரும்பான்மையான சர்வதேச அரச சார்பற்ற அமைப்புக்கள், இலங் கைக்கு உதவி செய்வதை விட தீங்கிழைப்பதிலேயே ஆர்வம் காட்டி வருகின்றன. ஜனாதிபதி மஹிந்த ராஜபக்ஷ அவர்கள், சில மாதங்களுக்கு முன்னர் லண்டன் சென்று ஒக்ஸ்போர்ட் பல்கலைக்கழகத்தில் நிகழ்த்தவிருந்த உரைக்கும் முட்டுக்கட்டை செய்து, பிரச்சினைகளை செய்வதற்கும் பின்னணியில் இலங்கை அரசாங்கத்திற்கு எதிரான சதி முயற்சிகளில், இவை ஈடுபட்டதும், இப்போது ஆதாரபூர்வமாக தெரியவந்துள்ளது.

காலியில் சமீபத்தில் நடைபெற்ற ஆங்கில இலக்கிய விழாவை பகிஷ்கரிப்பதற்கும் சில அரச சார்பற்ற அமைப்புக்கள் மேற்கொண்டு வந்த முயற்சிகளும் சில தினங்களுக்கு முன்னர் படுதோல்வியடைந்தன. எனவே, இலங்கை மக்களுக்கு, அரசாங் கமும் எதிர்காலத்தில் இவ்விதம் இலங்கைக்கு நன்மை செய்கி றோம் என்ற போர்வையில் வரும் பசுத்தோல் போர்த்த புலிகள் போன்ற சர்வதேச அரச சார்பற்ற அமைப்புக்கள் குறித்து, மிகவும் அவதானமாக இருந்து நேர்மையான இத்தகைய அமைப்புக் களுக்கே தங்கள் அனுசரணையை அளிப்பது மிக மிக அவசிய மாகும்.