வெள்ளத்தினால் பாதிக்கப்பட்ட மக்களுக்கு நிவாரணங்களை அரசாங்கம் வழங்கும்

இந்நாட்டு மக்களை தேக ஆரோக்கிய சீலர்களாக நீண்ட ஆயுளுடன் நிம்மதியான வாழ்க்கையை நடத்துதவதற்கு உறுதுணை புரியக்கூடிய தேசிய போஷாக்கு கொள்கையொன்றை சுகாதார பராமரிப்பு மற்றும் போஷாக்குத் துறை அமைச்சு தயாரித்துள்ளது. நாட்டின் பொருளாதார விருத்தி மற்றும் அபிவிருத்திக்கு பயன்வாய்ந்த பங்களிப்பொன்றை பெற்றுக்கொடுக்கக்கூடிய வகையில் இலங்கையில் போஷாக்கு நிலையை உறுதி செய்வதே இத்திட்டத்தின் இலக்காகும். சமீப காலமாக இலங்கையில் இடம்பெற்று வரும் பெருமழை, பெருவெள்ளம் போன்ற அனர்த்தங்களினால் பாதிக்கப்பட்டிருக் கும் பல்லாயிரக்கணக்கான மக்கள் இன்று தற்காலிக இடைத்தங்கல் இருப்பிடங்களிலேயே வாழ்ந்து வருகிறார்கள்.

இவர்கள் மட்டுமன்றி வறுமை கோட்டுக்கு கீழ் துன்பத்தில் மூழ்கியிருக்கும் மக்களும் இத்தகைய இயற்கை அனர்த்தங்களின் தாக்கத்தினால் ஏற்படக்கூடிய தொற்று நோய்களினால் அடுத்த சில வாரங்களில் பெரும் பாதிப்புக்குள்ளாவார்கள் என்று வைத்திய நிபுணர்கள் அபாய அறிவித்தல் ஒன்றை விடுத்துள்ளார்கள்.

இதற்கமைய சுகாதார அமைச்சர் மைத்திரிபால சிறிசேன ஏற்கனவே இந்த தொற்று நோய் தடுப்பு மருந்துகளையும் நோய் எதிர்ப்பு மருந்துகளையும் பெருமளவில் நாட்டிற்கு தருவிப்பதற்கு நடவடிக்கை மேற்கொண்டு வருகிறார்.

உலகில் இன்று சீரற்ற காலநிலை கோரத்தாண்டவம் ஆடிக் கொண்டிருக்கின்றமையினால் வல்லரசு நாடுகளான அமெரிக்கா, ஜேர்மனி போன்ற பல்வேறு ஐரோப்பிய நாடுகளும் ஆசிய நாடுகளும் அதிகமான இயற்கை அனர்த்தங்களை எதிர்நோக்கி கொண்டிருக்கின்றன.

இலங்கையில் கடந்த 6 மாத காலமாக பெரு மழையும், பெரு வெள்ளமும் தொர்ந்தும் மக்களின் வாழ்க்கைக்கு பெரும் அச்சுறுத்தல்களை ஏற்படுத்திக் கொண்டிருக்கிறது. மலையகத்தில் நாளாந்தம் மண் சரிவுகள் ஏற்படுவதனால் பல வீடுகள் தரை மட்டமாகின்ற அதே வேளையில் நூற்றுக்கணக்கான மக்கள் அங்கிருந்து பாதுகாப்பான இடங்களுக்கு எடுத்துச் செல்லப்பட் டுள்ளனர்.

இந்த மண் சரிவுகளினால் மலையகப் பாதைகள் பெரும் பாதிப்பிற்குள்ளாகி இருக்கின்றது. இரயில் சேவை மற்றும் வாகன சேவைகளும் அடிக்கடி சீர்குலைந்த வண்ணம் இருக் கின்றது.

அரசாங்கங்கள் எதிர்பாராத இத்தகைய இயற்கை அனாத் தங்களினால் இலங்கை உட்பட பல்வேறு நாடுகளில் தேசிய பொருளாதாரத்தின் பெரும் பகுதி மக்களின் மீட்பு பணிகளுக்காக வும் நிவாரண புனர்வாழ்வு நடவடிக்கைகளுக்காகவும் அவர்க ளுக்கு நஷ்ட ஈட்டை வழங்குவதற்காகவும் செலவிடப்படுகிறன.

பொதுவாக காட்டுத்தீயினால் பாதிக்கப்படும் அவுஸ்திரேலியா இந்தத் தடவை அந்நாட்டின் வரலாற்றில் என்றுமே இடம்பெறாத பெரும் வெள்ளப்பெருக்கினால் பாதிக்கப்பட்டுள்ளது. பொருளாதார ரீதியில் பலம்வாய்ந்த அவுஸ்திரேலியாவும் வெள்ளத்தினால் பாதிக்கப்பட்டவர்களுக்கு நிவாரண உதவியை பெற்றுக்கொடுக்குமாறு வெளிநாடுகளிடம் கையேந்தி நிற்கும் அளவிற்கு நிலைமை அங்கு மோசமடைந்துள்ளது.

இலங்கையும் இயற்கை அனர்த்தங்களினால் கடந்த சில மாதங்களாக பெரும் பாதிப்பிற்குள்ளானது. ஆயினும் அரசாங்கம் பாதிக்கப்பட்ட மக்களுக்கு நிவாரணம் அளிப்பதற்காக பெருமளவு பணத்தை இப்போது ஒதுக்கி அவர்களின் புனர்வாழ்வு நடவடிக்கைகளை துரிதப்படுத்தி உள்ளது.

பெரு வெள்ளத்தினால் கால்நடைகளையும் தங்கள் நெற்காணிகளையும், காய்கறி தோட்டங்களையும், வாழைத்தோட்டங்களையும் இழந்து பெரும் பணக்கஷ்டத்தில் மூழ்கியிருக்கும் மக்களுக்கு நிவாரணத்தையும், நஷ்டஈட்டையும் வழங்குவதற்கு ஜனாதிபதி மஹிந்த ராஜபக்ஷ அவர்கள் திறைச்சேரியில் இருந்து மேலதிக பணத்தை ஒதுக்கீடு செய்து அதனை அரசாங்க அதிபர்கள் மூலம் மக்களுக்கு பகிர்ந்து கொடுப்பதற்கும் உத்தரவுகளை பிறப்பித்துள்ளார்கள்.

இவ்விதம் இயற்கை அனர்த்தங்களினால் பல்வேறு பொருளாதார பிரச்சினைகளை அரசாங்கம் எதிர்நோக்கி வேண்டியிருந்தாலும் மக்களின் நல்வாழ்வுக்கே அரசாங்கம் முன்னுரிமை அளித்து செயற்பட்டு வருகின்றது. உள்ளூராட்சி மன்ற தேர்தல்கள் நெருங்கிக் கொண்டிருக்கும் இந்த சந்தர்ப்பத்தில் எதிர்கட்சியினர் தேசப்பற்றுடன் இந்தப் பிரச்சினையை எதிர்நோக்கி அரசாங்கத்திற்கு தங்கள் பூரண ஆதரவை அளிப்பது மிகவும் அவசியமாகும்.

அதற்கு மாறாக அரசாங்கத்திற்கு எதிராக இந்த இயற்கை அனர்த்தங்களை முன்வைத்து அரசியல் இலாபம் தேட எதிர்கட்சியினர் தேர்தல் காலத்தில் முயற்சி செய்தல் நிச்சியம் அவர்களுக்கு மக்கள் தங்கள் வாக்குப் பலத்தின் மூலம் மறக்க முடியாத பாடமொன்றை கற்பிப்பார்கள் என்று நாம் திடமாக நம்பிக்கை கொள்ள முடியும்.