நிவாரணப் பணிகளுக்கு மக்களின் பங்களிப்பு அவசியம்

ஆழிப் பேரலை இலங்கை மாதாவின் கடற்கரையின் பெரும் பகுதியை சின்னாபின்னப்படுத்தி, பல்லாயிரக் கணக்கான மனித உயிர்களை பறித்துதம், வீடுகள், கட்டடங்கள் போன்ற வற்றை முற்றாக அழித்தும் பேரழிவையும், பொருள் நஷ்டத்தை யும் ஏற்படுத்தி, இப்போது ஆறாண்டுகள் நிறைவு பெற்றுள்ளது. இந்தப் பேரழிவிலிருந்து மீண்டும் நாட்டு மக்கள் தங்கள் அழிவுகளை சரி செய்து சகஜ வாழ்க்கையை இன்றைய சுதந்திர இலங்கையில் ஆரம்பித்து, பொருளாதார வளர்ச்சிக்கு சிறந்த ஒரு அடிதளத்தை அமைத்துக் கொண்டிருக்கும் இவ்வேளையில் இயற்கை அன்னை இலங்கையின் மீது மட்டுமல்ல உலக நாடுகள் அனைத்தின் மீதும், ஏதோ ஒரு காரணத்திற்காக தனது ஆத்திரத்தை வெளிப்படுத்தி கடல் கொந்தளிப்பு சூறாவளி காற்று, எரிமலை வெடிப்பெடுத்தல், மண் சரிவுகள், பூமியதிர்ச்சிகள், பெருமழை மற்றும் பாரிய வெள்ள ங்களின் மூலம் தனது சீற்றத்தை கட்டவிழ்த்து விட்டுள்ளாள்.

30 ஆண்டு கால யுத்தத்தை வெற்றிகரமாக நிறைவுக்கு கொண்டு வந்த ஜனாதிபதி மஹிந்த ராஜபக்ஷ அவர்களின் அரசாங்கம் தனது நெறியான கொள்கைகள் மூலம், பாரிய அபிவிருத்தி திட்டங் களையும், மாகம்புர துறைமுக அபிவிருத்தி போன்ற நாட்டின் தேசிய வருமானத்தை பெருக்கி, பல்லாயிரக் கணக்கானோருக்கு வேலைவாய்ப்பை பெற்றுக் கொடுக்கும் திட்டங்களையும், பெருஞ்சாலைகளை நாடெங்கிலும் அமைக்கும் இலங்கையின் வரலாற்றில் என்றுமே இடம்பெறாத அபிவிருத்தி பணிகளை இன்று, நிறைவேற்றி வருகிறது.

பயங்கரவாதிகளிடமிருந்து விடுவிக்கப்பட்ட நாட்டின் வடக்கு, கிழக்கு மாகாணங்களில் வடக்கின் வசந்தம், கிழக்கின் உதயம் போன்ற பாரிய அபிவிருத்தி திட்டங்களும், யுத்தத்தினால் இடம்பெயர்ந்த ஆயிரக்கணக்கானோரை அவர்களின் சொந்த ஊர்களில் மீள் குடியமர்த்துவதற்காக அப்பிரதேசங்களில் எல். ரி. ரி. ஈ. பயங்கர வாதிகள் புதைத்திருந்த நிலக் கண்ணி வெடிகளையும் அரசாங்கம் அகற்றி, அம்மக்களுக்கு மீண்டும் நிம்மதியான வாழ்க்கையை பெற்றுக் கொடுக்க நடவடிக்கை எடுத்து வருகிறது.

இவ்விதம் நாடு அபிவிருத்திப் பாதையில் முன்னேற்றம் அடைந்து வரும் இவ்வேளையில் மீண்டும் இயற்கை அன்னையின் சீற்றம் எங்கள் நாட்டில் பெருவெள்ளத்தையும் பேரழிவையும் ஏற்படுத்தி யிருப்பது உண்மையிலேயே வருத்தத்திற்குரிய ஒரு இயற்கை அனர்த்தமாகும்.

நாட்டிலுள்ள 14 மாவட்டங்களில் சுமார் 7 லட்சம் மக்கள் தங்கள் இருப்பி டங்களை இழந்து முகாம்களிலும், தற்காலிய வசிப்பிடங்களிலும் தங்கியிருக்கிறார்கள். இந்த மக்களுக்கு அரசாங்கம் சமைத்த உணவையும், உலர் உணவுகளையும், சுத்தமான குடிநீரையும் வழங்கி, இப்போதைக்கு தற்கால பாதுகாப்பை பெற்றுக் கொடுத் துள்ளது. சில கிராமங்கள் வெள்ளத்தில் மூழ்கியிருப்பதனால், அப்பிரதேசங்களுக்கு எமது விமானப்படை ஹெலிகொப்டரில் சமைத்த உணவும், குடிநீரும் வழங்கப்படுகிறது.

வடமத்திய மாகாணத்தில் உள்ள ஹொரொவப்பொத்தானையில் நேற்று, வெள்ளத்தினால் பாதிக்கப்பட்ட மக்களை ஏற்றிச் சென்ற ஹொலிகொப்டரில் இருந்த ஒரு கர்ப்பிணிப் பெண் ஆகாயத்தி லேயே ஒரு அழகான பெண் குழந்தையை பெற்றெடுத்த மகிழ்ச்சி க்குரிய அபூர்வமான சம்பவமும் நேற்று இடம்பெற்றுள்ளது.

இவ்விதம் இயற்கை அனர்த்தங்கள் ஏற்படும் போது இலங்கைக்கு பல வெளிநாடுகள் உதவி செய்கின்ற போதிலும், பெருமளவு பணத்தை இந்த பாதிக்கப்பட்ட மக்களுக்கு நஷ்டஈடு வழங்குவ தற்கும், அவர்களின் சிதைந்து போன வீடுகளையும் நிர்மாணிப் பதற்கும், உணவுப் பண்டங்களையும் பெற்றுக் கொடுப்பதற்கும் அரசாங்கமே தனது தேசிய வருமானத்தின் பெரும்பகுதியை செலவிட்டு வருகிறது.

வெள்ள நீர் வடிந்து சென்ற பின்னர், அப்பிரதேசங்களில் புனர் நிர்மாண, புனர்வாழ்வு நடவடிக்கைகளை உடனடியாக ஆரம்பிப்ப துடன், அப்பிரதேசங்களிலுள்ள வீதிகளை மீண்டும் செப்பனிட வேண்டும் என்று ஜனாதிபதி அவர்கள் அதிகாரிகளுக்கு உத்தரவு பிறப்பித்துள்ளார்.

சுனாமி அனர்த்தம் ஏற்பட்ட போது அதனால் பாதிக்கப்பட்ட அப் பாவி மக்களுக்கு புனர்வாழ்வு அளிப்பதற்கான உதவிகளை மன முவந்து இந்நாட்டு மக்கள் என்ற நல்லெண்ணத்துடன் பொது மக்கள் செய்த உதவிகளை நாம் என்றும் மறக்கலாகாது.

அதுபோன்று, தற்போதைய வெள்ள அனர்த்தத்தினால் பாதிக்கப்பட்ட மக்களுக்கு அரசாங்கம் மாத்திரமே உதவிகளையும் நிவாரணப் பணிகளையும் செய்ய வேண்டும் என்று ஒதுங்கியிருக்காமல், இந் நாட்டு பிரஜைகள் எல்லோரும் நல்லெண்ணத்துடன் மனமுவந்து உதவி செய்ய முன்வர வேண்டும். அதன் மூலமே சுனாமி அனர்த்த த்திலிருந்து மீண்டது போன்று, இந்த வெள்ள அனர்த்தத்தி லிருந்தும் எமது நாட்டு மக்களை காப்பாற்றி அவர்களின் எதிர்கால வாழ்க்கை சிறப்பாக துன்பம், துயரமின்றி இருப்பதற்கு மக்கள் உதவி செய்ய வேண்டும்.