காலநிலைமாற்ற இரகசியத்தை கண்டறியும் முயற்சியில் விஞ்ஞானிகள்...

உலக நாடுகள் உட்பட, இந்து மாசமுத்திரத்தில் அமைந்துள்ள இலங்கை, இந்தியா, பங்களாதேஷ், பாகிஸ்தான் உட்பட பல்வேறு நாடுகளில் எவரும் எதிர்பாராதவாறு கடந்த 6 மாத காலமாக நிலைபெற்று வரும் காலநிலை மாற்றம் இந்நாடுகளில் வாழும் மக்களுக்கு பாரிய பொருள் இழப்பையும், உயிர் இழப் பையும் ஏற்படுத்துவதுடன் அந்நாடுகளின் பயிர்ச் செய்கையையும், பொருளாதார வளர்ச்சியையும் சீர்குலைத்து, மக்கள் வாழ்க்கையை சின்னா பின்னப்படுத்தி வருகிறது.

முன்னைய ஆண்டுகளில் இலங்கையில் பருவ காலங்கள் குறிப்பிட்ட மாதங்களில் மாத்திரம் ஏற்படுவதுண்டு. அதனால் மக்கள் எந் தெந்த மாதங்களில் வட கீழ் பருவ பெயர்ச்சி மழைவீழ்ச்சி கிடை க்கும், எந்தெந்த மாதங்களில் தென் மேற்கு பருவபெயர்ச்சி மழை வீழ்ச்சி கிடைக்கும் என்று நன்கு அறிந்திருந்து அதற்கு ஏற்பு டைய வகையில் தங்களின் பிரதான நெற் செய்கையை மேற் கொண்டு, எந்த மாதங்களில் நெல்லை விதைக்க வேண்டும், எந்த மாதங்களில் பெரும்போக, சிறுபோக அறுவடைகளை செய்ய வேண்டும் என்பதை எல்லாம் நன்கு தெரிந்து வைத்திருந்தார்கள்.

அதன் மூலம் எமது விவசாய பெருமக்கள் நாட்டிற்கு தேவை யான அரிசி உணவை தங்குதடையின்றி மக்களுக்கு பெற்றுக் கொடுத்தார்கள். மழை காலத்தில் ஒரு குறிப்பிட்ட அளவு நாட்க ளுக்குள் மழையோ, அடை மழையோ பெய்தாலும் அது கொழு ம்பு மாநகரம் போன்ற பிரதான நகரங்களில் எவ்வித திட்டமு மின்றி, சதுப்பு நிலங்களில் வீடுகளை கட்டி வந்த காரணத்தினால் மாத்திரம் சிறு வெள்ள பெருக்குகளை ஏற்படுத்துவதுண்டு.

இத்தகைய வெள்ளப்பெருக்குகள் கிராமப்புறங்களில் அரிதாகவே ஏற்படுவதுண்டு. ஒரு சில வருடங்களில் அளவுக்கதிகமான மழை வீழ்ச்சியினால் வெள்ளப் பெருக்குகள் நாட்டின் பல பகுதிகளில் ஏற்படுவதுண்டு.

காலநிலையை எவ்வளவு நவீன காலநிலை ஆய்வு உபகரணங்களை வைத்து, இன்று ஆய்வு நடத்தினாலும், காலநிலை அவதானி களுக்கு எப்போது மழை பெய்யும் என்று சரியான முறையில் முன்கூட்டியே அறிவிக்க முடியாத அளவுக்கு காலநிலை திடீர் திடீரென்று மாறிக்கொண்டிருக்கிறது.

இந்த எதிர்பாராத சீரற்ற காலநிலை அடுத்தடுத்த வருடங்களில் தொடர்ந்தும் இடம் பெற்றால், இலங்கை போன்ற பொருளாதார ரீதியில் வளர்ந்து வரும் இந்து சமுத்திரத்தில் அமைந்துள்ள நாடுகளுக்கு எதிர்கால த்தில் பாரதூரமான விளைவுகளை ஏற்படுத்தும் என்று, காலநிலை பற்றிய நிபுணர்கள் அபாய அறிவித்தலை விடுத்துள்ளார்கள்.

இந்த ஆபத்தை நன்கு உணர்ந்துள்ள இலங்கை- இந்தியா மற்றும் அமெரிக்கா ஆகிய நாடுகளின் விஞ்ஞானிகள் கடந்த வியாழன் அன்று, கொழும்பில் கூடி, காலநிலை சமீபகாலமாக எதிர் பாராதவாறு மாற்றமடைவதற்கு என்ன காரணம் என்பதை ஆராய் வதற்கான மகாநாடு ஒன்றை நடத்தினார்கள்.

இந்து சமுத்திரத் திலிருந்து குறிப்பாக, வங்காள விரிகுடாவிலிருந்து உருவாகும் தாழ் அமுக்கமே இந்நாடுகளில் சீரற்ற காலநிலை ஏற்படுவதற்கு பிரதான காரணம் என்று முன்னர் வானிலை ஆய்வாளர்கள் நம்பிக்கை வைத்திருந்தார்கள்.

இன்று, அதைவிட ஏதோ ஒரு வினோதமான இயற்கை மாற்றமே இதற்கான காரணம் என்று வானிலை ஆய்வு விஞ்ஞானிகள் தெரிவிக்கின்றார்கள். கொழும்பில் நடைபெறும் இந்த விஞ்ஞானி களின் மாநாட்டில், இந்து சமுத்திர நாடுகளில் காலநிலை இவ்விதம் பாரதூரமான வகையில் மாற்றமடைவதற்கான காரணம் என்ன என்பதை கண்டறிவதில் விஞ்ஞானிகள் தங்கள் முழுக் கவனத்தையும் திருப்பியுள்ளார்கள்.

அதன் மூலம் எதிர்காலத்தில் ஏற்படக்கூடிய காலநிலை மாற்றங்களை வானிலை ஆய்வாளர்கள் எவ்விதம் சரியான முறையில் ஆய்வு செய்வதற்கும், உதவக் கூடிய வழிமுறைகளையும் இந்த விஞ்ஞானிகள் கண்டறிவார்கள். இந்த ஆய்வுக்கு ஆசிரி என்று பெயர் சூட்டப்பட்டுள்ளது. இந்து சமுத்திரத்தின் வட பகுதியில் ஆகாயத்திலும், கடலிலும் ஏற்படும் காலநிலை மாற்றம் என்று இந்த ஆய்வுக்கு பெயரிடப்பட்டுள்ளது.

காலநிலை மாற்றம் எவ்விதம் கடற் பிரயாணத்திற்கும், கடல் தொழிலா ளர்களுக்கும் தாக்கத்தை ஏற்படுத்தும் என்றும் இவர்கள் ஆராய்ந் தார்கள். இந்த மகாநாட்டில் அமெரிக்கா மற்றும் இலங்கை கடற் படையின் உயரதிகாரிகளும் கலந்துகொண்டார்கள். இதில் இலங்கையைச் சேர்ந்த இந்து சமுத்திரம் பற்றிய நிபுணத்துவம் பெற்ற அமெரிக்க பல்கலைக்கழக பேராசிரியர் அரேந்திர ஜோசப் பெர்ணான்டோவும் கலந்துகொண்டார்.

இந்த சமுத்திரவியல் காலநிலை விஞ்ஞானிகளின் ஆய்வு இலங்கை போன்ற இந்து சமுத்திர நாடுகள் அடுத்து வரும் ஆண்டுகளில் காலநிலை மாற்றத்திற்கு இப்போது இருப்பதை விட உரிய தயார் நிலையில் முகம் கொடுத்து, பாதிக்கப்படும் மக்களுக்கு உதவும் என்று நம்புகிறோம். மகாநாட்டில் கலந்துகொண்ட விஞ்ஞானிகள் விரைவில் தங்கள் ஆய்வறிக்கையை வெளியிடவுள்ளார்கள்.