சனசமூக நிலையத் தலைவரையே எங்களால் மாற்ற முடியவில்லை!

மக்கள் புரட்சிக்கு மதிப்பளித்து எகிப்திய அதிபர் கொஸ்னி முபாரக் தனது பதவியை இராஜினாமாச் செய்துள்ளார். மக்களின் புரட்சிக்கு மதிப்பளித்து அதிபர் முபாரக் தனது பதவியை இராஜினாமாச் செய்ததன் மூலம் எகிப்தில் மனித உயிரிழப்புகள் தவிர்க்கப்பட்டன.

இந்தத் தலைவர் நமக்கு வேண்டாம் என்று மக்கள் எதிர்ப்புத் தெரிவித்தால் அதனைப் பெருந்தன்மையோடு ஏற்றுக்கொள்வதே மனிதர்க்கு அழகு. பதவி ஆசை மிகவும் கொடூரமானது. எனினும் பதவிக்காக மனித உயிர்களைப் பறிப்ப தென்பது இராட்சதத்தனமாகிவிடும்.

அவ்வகையில் மக்கள் தொடர்ச்சியாக நடத்திய எதிர்ப்புக்கு மதிப்பளித்துப் பதவியை இராஜினாமாச் செய்த எகிப்திய ஜனாதிபதி முபாரக்கைப் பாராட்டலாம்.

முப்பது ஆண்டுகள் தொடர்ச்சியாக எகிப்தின் ஜனாதிபதியாக இருந்த முபாரக் தனக்கு எதிராக மேற்கொள்ளப்பட்ட மக்கள் புரட்சியை இராணுவப் பலத்தின் மூலம் அடக்கியிருக்கலாம். ஆனால் அவர் அதனைச் செய்யவில்லை. அது மனித உயிர் மீது அவர் காட்டிய இரக்கம் என்று கூறலாம். அதேநேரம் மக்களின் புரட் சிக்கு எகிப்திய இராணுவம் மதிப்பளித்ததென்பதை நினைக்கும் போது நெஞ்சம் நெகிழ்ந்து போகிறது.

நாட்டின் தலைவர் விடுக்கும் உத்தரவை ஏற்றுச் சுட்டுத் தள்ளும் இராணுவ உலகில், எகிப்திய இராணுவம் மக்களின் புரட்சிக்கு மதிப்பளித்த பெருந்தன்மையை, கொடூரமான போக்கைக் கடைப்பிடிக்கும் இராணுவங்கள் உணர்ந்து கொள்ள வேண்டும்.

இதற்கு மேலாக ஆட்சியை மாற்றி நாட்டிற்கு மீட்சியைப் பெற்றுக் கொடுக்க எகிப்திய மக்கள் தொடர்ச்சியாக நடத்திய போராட்டம் தூய்மையானது. அவர்களின் ஒற்றுமை உலகிற்கு நல்லதோர் எடுத்துக்காட்டு. எகிப்திய மக்கள் நடத்திய போராட்டம் பற்றி நினைக்கும் போது நாம் எம்மட்டு.

ஊரில் உள்ள சனசமூக நிலையத்தின் தலைவரையே மாற்ற முடியாமல் ‘பயம்’ என்ற போர் வைக்குள் பதுங்கிக் கொண்டிருக்கும் எங்களால் எதுவுமே செய்ய முடியாது. ஆக, நாங்கள் அண்டல் போடவும் ஒற்றுமையைக் குலைக்கவும் எங்கள் பதவியைத் தக்க வைப்பதற்காக மக்களைப் படுகுழியில் விழுத்தவும் பலமுள்ளவர் பக்கம் நின்று அவர்களிடம் பெறவேண்டிய அனைத்தையும் பெற்று அவர்கள் வீழ்ந்த பின் – அவர்களை வீழ்த்திய பின் அவர்கள் பற்றி குறைபாடுவதுமே எங்கள் குணம். வாழ்க எகிப்திய மக்கள்.

(ரீவடை)