அரசாங்கம் தேர்தல் இலாபத்தை எதிர்பாராமல் மக்கள் சேவையை தொடரும்

சமீபத்தில் நாட்டில் ஏற்பட்ட இயற்கை அனர்த்தங்கள் எமது சமூக, பொருளாதார கட்டமைப்பில் பெரும் தாக்கத்தை ஏற் படுத்தியிருக்கிறது. இந்த நெருக்கடியிலிருந்து மீண்டும் நாட்டை பொருளாதார ரீதியில் பழைய நிலைக்கு முன்னெடு த்துச் செல்வதற்கு கோடிக்கணக்கான பணத்தை அரசாங்கம் வெளிநாட்டு உதவியாகப் பெற்று செலவிட வேண்டிய பெரும் பொறுப்பை இப்போது ஏற்றுக் கொண்டு, ஜனாதிபதி மஹிந்த ராஜபக்ஷ அவர்களின் நெறியான தலைமைத்துவத்தின் கீழ் நிறைவேற்றும் பணியில் இறங்கியுள்ளது.

கடந்த 60 வருடங்களில் இவ்வாண்டு ஜனவரி மாதத்தில் இலங்கையில் இந்தளவிற்கு பெருமழையும், பெரு வெள்ளமும், மண்சரிவுகள் போன்ற அனர்த்தங்களும் ஏற்பட்டிருக்கின்றது. இந்தக் காலப்பகுதியில் என்றுமில்லாதவாறு இலங்கை முழு வதும் உஷ்ண நிலை நுவரெலியா மாவட்டத்தை விட குறைந் திருந்தமை இந்த அனர்த்தம் ஏற்படுத்தியிருக்கும் பெரும் தாக்கத்திற்கு சான்று பகர்கின்றது.

2004ம் ஆண்டு சுனாமி அனர்த்தம் ஏற்படுத்திய அழிவுகளுக்கு அடுத்தபடியாக பெருமளவு அழிவு இந்தத் தடவை ஏற்பட்டு ள்ளது. இதனால் 50இற்கும் மேற்பட்டவர்கள் மரண மடைந்துள்ளார்கள். மேலும் 16 பேர் காணாமல் போயுள்ளா ர்கள். இலங்கையில் இந்த வெள்ள அனர்த்தத்தினால் 123,740 ஹெக்டயர் நெற்காணிகள் முழுமையாக அழிந்துள்ளன. இது இந்நாட்டின் மொத்த நெற்காணி பரப்பளவில் 40 சதவீதமாகும்.

இந்த வெள்ள அனர்த்தம் 400 ஏரிகளையும், நீர்த்தேக்கங்களையும் சேதப்படுத்தியுள்ளது. இத்துடன் பல்லாயிரக்கணக்கான கால்நடைகளும், இலட்சக்கணக்கான கோழிகளும் வெள்ளத்தினால் அழிந்து போயுள்ளன.

தற்போதைய சீரற்ற காலநிலை இலங்கையை மட்டுமல்ல, ஆசிய பசுபிக், அவுஸ்திரேலிய மற்றும் ஐரோப்பிய நாடுகளையும், அமெரிக்கா, ஆபிரிக்க கண்டங்களைச் சேர்ந்த பல நாடு களையும் பாதிப்பிற்குள்ளாக்கி இருப்பதனால் இவ்வாண்டில் முதல் ஆறு மாதங்களுக்குப் பின்னர் உலகெங்கிலும் உணவுத் தானியங்களுக்கும், காய்கறி வகைகளுக்கும் பெரும் பற்றாக் குறை ஏற்படுமென்றும் அதனால் அவற்றின் விலைகளும் உயர்ந்துவிடும் என்று பொருளாதார நிபுணர்கள் அபாய அறிவித்தலொன்றை விடுத்துள்ளார்கள்.

உணவுத் தட்டுப்பாடு விரைவில் ஏற்படும் என்பதை முன்கூடியே மதி நுட்பமாக சிந்தித்து, ஜனாதிபதி மஹிந்த ராஜபக்ஷ அவர்கள் 2005ம் ஆண்டிலேயே இலங்கையில் விவசாய உற்பத்தியை பெருக்கி இலங்கையை உணவில் தன்னிறை வடையும் ஒரு நாடாக மாற்றுவதற்கான நல்ல பல திட்டங்களை உருவாக்கி அவற்றினை வெற்றிகரமான முறையில் நிறைவேற்றியும் வந்தார்.

இதனால் தான் 2007ம் ஆண்டு முதல் 2010ம் ஆண்டு வரையில் முழு உலகையே பொருளாதார நெருக்கடி ஆட்டிப்படைத்துக் கொண்டிருந்த காலகட்டத்திலும் இலங்கையில் உணவுப் பொருளுக்கு தட்டுப்பாடோ அல்லது விலை அதிகரிப்போ ஏற்பட்டு குறிப்பிடத்தக்க அளவுக்கு பாதிப்பை ஏற்படுத்தவில்லை.

2008- 2009 காலப் பகுதியில் இலங்கையில் பயங்கரவாத யுத்தம் உச்சகட்டத்தில் நடந்து கொண்டிருந்த போதிலும், அரசாங்கம் இந்நாட்டு மக்களுக்கு தங்குதடையின்றி உணவை போதிய ளவில் நியாய விலைக்குப் பெற்றுக்கொடுத்து வந்தது.

இலங் கையில் யுத்தம் முடிவடைந்து மீண்டும் சமாதானமும், அமைதியும், சகஜ நிலையும் திரும்பிக் கொண்டிருக்கும் இவ்வேளையில் இத்தகைய இயற்கை அனர்த்தங்கள் ஏற்பட்டி ருப்பது எமது பொருளாதாரத்தை ஓரளவிற்கு பின்னடையச் செய்துள்ளது.

ஜனாதிபதி அவர்களின் சிறந்த ஆளுமையின் கீழ் விரைவில் நாட்டில் உணவுப் பற்றாக்குறை, உணவுக்கான விலையேற்றம் ஆகிய முக்கிய பிரச்சினைகள் வெற்றிகரமான முறையில் தீர்த்து வைக்கப்படும் என்று நாம் அசையாத நம்பிக்கை கொண்டுள்ளோம்.

அரசாங்கம் தேர்தல்களில் சுயலாபம் அடைய வேண்டும் என்ற எண்ணத்துடன் எந்தவொரு நடவடிக்கையையும் மேற்கொள்ள மாட்டாது என்று ஜனாதிபதி மஹிந்த ராஜபக்ஷ அவர்கள் சமீபத்தில் அறிவித்திருந்தமை குறிப்பிடத்தக்கது.

(தினகரன்)