புரிந்துணர்வுடன் தீர்க்கப்படவேண்டிய இந்திய - இலங்கை மீனவர் பிரச்சினை

இந்திய - இலங்கை மீனவர்கள் தொடர்பான பிரச்சினை இன்றைய பேசு பொருளாக உள்ளது. இலங்கை மீனவர்களும் இந்திய மீனவர்களும் ஒரே கடற்பரப்பில் மீன் பிடிக்கின்றனர். இரு நாட்டினருக்குமான கடல் எல்லை தீர்மானிக்கப்பட்டு தத்தம் கடற் பிரதேசத்திலே மீன்பிடிக்க வேண்டுமென்ற நிலைப் பாடே இருந்தபோதும் சில சந்தர்ப்பங்களிலே கடல் எல்லை தெரியாது அடுத்தவரின் கடற் பிரதேசத் துக்குள் பிரவேசிக்க வேண்டிய சந்தர்ப்பங்கள் ஏற்பட்டு விடுகின்றன. இரவிலே கடல் எல்லை தெரியா மல் ஏற்படும் இத்தகைய சம்பவங்களை பொறுத்துக்கொள்ளலாம்.

எனினும் இலங்கைக் கடற்பரப்பில் இந்திய மீனவர்கள் அத்துமீறி நுழைந்து மீன்பிடிக்க வரும்போதே பிரச் சினைகள் எழுகின்றன. அத்துடன் இலங்கை மீனவர்களுக்கு இதனால் ஏற்படும் நஷ்டங்கள் கொஞ்ச நஞ் சமல்ல. கடற்றொழிலையே சீவனோபாயமாகக் கொண்ட இலங்கை மீனவர்களின் வலைகள் அறுத் தெறியப்படுகின்றன. பவளப்பாறைகள் சிதைவடைகின்றன. மீன்வளம் குறைகின்றது. கடல்வளம் அள்ளிச் செல்லப்படுகின்றது. இத்தகைய நஷ்டங்கள் தொடர்பாக இலங்கை மீனவர்கள் முறையிடும்போதுதான் அரசு நடவடிக்கைகளை மேற்கொள்ள முயல்கின்றது.

கடந்த 15ம் திகதி 112 மீனவர்கள் இழுவைப் படகுகளோடு இலங்கை எல்லைக்குள் பிரவேசித்து மீன்பிடித் தனர். இலங்கை மீனவர்கள் அவர்களை மடக்கிப் பிடித்து பொலிஸில் ஒப்படைத்தனர். பொலிஸார் அவ ர்களை பருத்தித்துறை நீதிமன்றில் ஆஜர்படுத்தினர். அதேபோன்று அதற்கடுத்த நாள் இந்திய மீனவர்கள் 26 பேர் மாதகல் கடற்பரப்பில் மீன்பிடித்துக்கொண்டிருந்தபோது படையினரால் கைது செய்யப்பட்டு இள வாலை பொலிஸில் ஒப்படைக்கப்பட்டனர். பின்னர் இவர்கள் நேற்று முன்தினம் நீதிமன்றத்தால் விடுவிக் கப்பட்டனர்.

மீனவரின் பிரச்சினை தொடர்பாக இரண்டு வாரங்களுக்கு முன் இலங்கைக்கு விஜயம் செய்த இந்திய வெளி யுறவுச் செயலர் நிருபமா ராவுடன் பேசப்பட்டபோது இந்திய- இலங்கை அதிகாரிகளின் கூட்டுச் செயற் றிட்டக் குழுவொன்றை அமைத்து தீர்வு காணவேண்டுமென அவர் தெரிவித்தார். இலங்கை அரசும் அவ் வாறே கருதுகின்றது. இரு அரசுகளின் கூட்டு முயற்சியினாலேயே தீர்வு காணப்பட வேண்டுமென வெளிநாட்டமைச்சரின் செயலாளர் ரொமேஷ் ஜயசிங்க தெரிவிக்கின்றார்.

இந்திய மீனவர்கள் கைது செய் யப்பட்ட உடனேயே அமைச்சர் டக்ளஸ் தேவானந்தா அந்த இடத்துக்குச் சென்றார். பிடித்தவர்களும் பிடிபட்டவர்களும் ஒரே மொழியைப் பேசுபவர்கள். ஒரே தொழிலைச் செய்பவர்கள். ஒருவரொடொருவர் முரண்படுவது அழகல்ல. இலங்கை மீனவர்கள் வன்முறையில் ஈடுபடாது அடிதடியில் இறங்காது இந்திய மீனவர்களைப் பாதுகாப்பாக கொண்டு வந்து ஒப்படைத்ததையிட்டு தான் மகிழ்ச்சி அடைவதாகக் கூறி னார்.

மேலும் தடுத்து வைக்கப்பட்டிருப்பவர்களின் உணவு மற்றும் தேவைகளைக் கவனிக்க வேண்டி யிருப்பதாகக் குறிப்பிட்டபோது வடமராட்சி மீனவர் சம்மேளனம் அவர்களுக்கான உதவிகளைச் செய்ய முன்வந்ததும் இங்கு குறிப்பிடத்தக்கது. இந்திய மீனவர்களும் அமைச்சருடன் உரையாடியபோது தாம் அத்து மீறி வந்து மீன்பிடித்த தவறை ஒப்புக்கொண்டனர். தம்மை விடுதலை செய்யுமாறு கோரினர். அத ற்கான முயற்சிகளை எடுப்பதாக அமைச்சர் உறுதியளித்தார்.

நிலைமை இவ்வாறு சுமுகமாக இருக்க இந்தப் பிரச்சினையைப் பூதாகரமாக்கி மத்திய அரசுக்கும் இதனைத் தெரிவித்து நிலைமையை மேலும் சிக்கலாக்கினர் தென்னிந்திய அரசியல்வாதிகள்.

பொது மக்கள் ஆயிரத்துக்கு மேற்பட்டோரைத் திரட்டி இலங்கைத் தூதரகத்துக்கு முன்னால் பாரிய ஆர்ப்பாட் டத்தில் ஈடுபட்டுள்ளனர் இந்த அரசியல்வாதிகள். அரசியல் இலாபம் கருதிய செயலாகவே இதனைக் கருத வேண்டியுள்ளது. இரண்டு நாடுகளுக்குமிடையில் பாரிய விரிசலை ஏற்படுத்த இவர்கள் முயற்சிக் கின்றனர். இந்தியாவும் இலங்கையும் தொன்மை வாய்ந்த வரலாற்றுத் தொடர்புடையவை. கலை, கலாசாரத் தொடர்புகள் இரண்டு நாடுகளுக்கும் பொதுவானவை. இலங்கை எந்தக் காலத்திலும் இந்தியாவை மதி த்தே வந்துள்ளது.

இந்தியா பல்வேறு பொருளாதார உதவிகளை இலங்கைக்கு நல்கி வருகின்றது. இலங்கையின் தற்போதைய அபி விருத்தித் திட்டப் பணிகளில் இந்தியாவின் பங்களிப்பு மற்றும் இன்னோரன்ன உதவிகள் காத்திரமாகவுள் ளன. இந்திய உதவிகள் மறக்க முடியாதவை.

எனினும் தென்னிந்திய மண்ணிலே அரசியலில் ஆட்டம் காணும் நிலையிலுள்ள அரசியல் வங்குரோத்து சக் திகள் அப்பாவி மக்களை உணர்ச்சி வசப்படுத்தி ஆர்ப்பாட்டங்களையும் கண்டன ஊர்வலங்களையும் நடத்தி வருகின்றனர்.

மத்திய அரசுக்கும் இலங்கைக்குமிடையே உறவில் பாதிப்பை ஏற்படுத்தி அதில் குளிர்காய இந்த சக்திகள் நினைக்கின்றன. இதேவேளை கடந்த ஜனவரி 7ம் நாள் மீன்பிடிக்கச சென்ற 85 இலங்கை மீனவர்கள் இந்திய எல்லைக்குள் தவறுதலாகப் பிரவேசித்தபோது இந்தியக் காவற்படையினரால் கைது செய்யப்பட்டு இந்திய அரசால் தடுத்து வைக்கப்பட்டனர். இலங்கை மீனவர்கள் தடுத்து வைக்கப்பட்டதற்காக இந்திய அரசின் மீது கோபமுற்று ஆர்ப்பாட்டங்களையும் கண்டன ஊர்வலங்களையும் காட்டு மிராண்டித்தன மான முறையில் இலங்கை மக்கள் ஒருபோதும் நடத்தவில்லை என்பதை இவர்கள் தெரிந்துகொள்ள வேண்டும்.

இந்தியாவும் இலங்கையும் அண்டை நாடுகள். அத்துடன் நட்பு நாடுகளும் கூட, இந்த நிலையிலே இலங்கை யில் உண்மையாக என்ன நடந்தது என்பதை அறியாமல் கைது செய்யப்பட்டவர்கள் மனிதாபிமானத் தோடு நடத்தப்பட்டார்கள் என்பதைப் புரிந்துகொள்ளாமல் அவசரப்பட்டு நடவடிக்கைகளில் ஈடுபடுவது ஆரோக்கியமானதல்ல. ஒரே கடலில் இரு நாட்டு மீனவர்களும் தொழில் செய்வதால் நீண்டகாலமாக இந்தப் பிரச்சினை இடையிடையே ஏற்பட்டு வருகின்றது. எதிர்காலத்திலே இரு நாடுகளுக்குமிடையே இத்தகைய முறுகல் நிலை ஏற்படாமல் புரிந்துணர்வுடன் பிரச்சினையை அணுகவேண்டி இருக்கின்றது.

எனவே இலங்கை- இந்திய அரசுகள் ஒன்றிணைந்து நிலையான, நிரந்தரமான ஒரு தீர்வை ஏற்படுத்த வேண்டியது இன்றைய தேவையாகும்.

(தினகரன்)