அரசாங்க கட்சி இந்த தேர்தலிலும் வெற்றிவாகை சூடும்

உள்ளூராட்சி மன்ற தேர்தலில் பொய் வதந்திகளை தொடர்ந்தும் பரப்பி, அரசாங்கத்திற்கு எதிராக மக்களின் எதிர்ப்பை வலுப்படுத்த வேண்டும் என்ற எண்ணத்தில் இப்போது, தங்களின் தேர்தல் பிர சாரங்களை முடுக்கிவிட்டிருக்கும் ஐக்கிய தேசிய கட்சி யும், ஜே. வி. பி. யினரும் உட்கட்சி பூசல்களினால் நிலைதடுமாறி இருப்பதாக அரசியல் அவதானிகள் கூறு கிறார்கள்.

சஜித் பிரேமதாஸாவுக்கும், ரவி கருணாநாயக்காவுக்கு மிடையில் சில வாரங்களுக்கு முன்னர் கட்சி தலை மையகத்தில் ஏற்பட்ட வாய்த்தர்க்கம் கைகலப்பாக மாற விருந்தது. அது தடுத்து நிறுத்தப்பட்ட போதிலும், அந்த பூசல் இப்போது கட்சியை இரண்டு அல்லது மூன்று அணிகளாக பிளவுபடுத்தி வருகிறது. ரவி கருணா நாயக்க முன்னாள் ஜனாதிபதி காலஞ்சென்ற ஆர். பிரேமதாஸாவுக்கு எதிராக தெரிவித்த சில கண்டனக் கருத்துக்களுக்கு எதிராக அவர் மீது ஒழுங்கு நட வடிக்கை எடுக்க வேண்டுமென்று சமீபத்தில், இளம் பாராளுமன்ற உறுப்பினரான சுஜீவ சேனசிங்க கட்சியின் தலைமைத்துவத்துக்கு வேண்டுகோள் விடுத்துள் ளார். சஜித் பிரேமதாஸாவும் எங்கு சென்றாலும், என்னால் மட்டுமே ஏழை மக்களுக்கு நல்வாழ்வை பெற்றுக் கொடுக்க முடியும் என்று பேசி வருவதனால் ரணில் விக்கிரம சிங்கவின் தலைமைத்துவத்துக்கு அவர் பகிரங்க சவால்களை விடுத்தும் வருகிறார்.

இவ்விதம், பிளவுபட்டு மக்கள் ஆதரவை படிப்படியாக இழந்துவரும், ஐக்கிய தேசிய கட்சியின் தலைவர் ரணில் விக்கிரமசிங்க, கட்சியில் ஏற்பட்டிருக்கும் தனது தலைமைத்துவத்திற்கு அச்சுறுத்தல் ஏற்படுத்தாதவாறு, தன்னை பலப்படுத்திக் கொள்வதில் ஆர்வம் காட்டி வருகிறாரே ஒழிய, உள்ளூராட்சி மன்ற தேர்தல்களில் வெற்றிபெற வேண்டும் என்ற எண்ணத்துடன் பிரசார கடமைகளில் ஈடுபடவில்லை என்று கட்சியின் முக்கியஸ்தர்கள் கவலை கொண்டுள்ளார்கள்.

இதே நிலையே மக்கள் ஆதரவை இழந்து வரும் ஜே. வி. பி. யினர் கடந்த பாராளுமன்ற பொதுத் தேர்தலில் இப் போது செல்லாக் காசாக மாறி, சிறைக் கைதியாகி இருக் கும் சரத் பொன்சேகாவின் செல்வாக்கைப் பயன்படுத்தி தங்களின் பாராளுமன்ற ஆசனங்களின் எண்ணிக் கையை அதிகரித்துக் கொள்ளலாம் என்ற முயற்சியில் வெற்றிக் கிண்ண சின்னத்தில் போட்டியிட்டும் படு தோல்விக்கு முகம் கொடுத்தனர். இதனால் ஜே. வி. பி.யினர் மீண்டும் தங்களின் பழைய மணி தேர்தல் சின்னத்துடன் இந்த தேர்தலில் போட்டியிடுகின்றனர்.

இரு தினங்களுக்கு முன்னர் கல்வி அமைச்சர் பந்துல குணவர்த்தன ஒரு வைபவத்தில் உரையாற்றும் போது, ராஜபக்ஷ அரசாங்கம் இன்று நாட்டை பல்வேறு துறைக ளில் அபிவிருத்தி செய்து வருகின்றது என்றும், எதிர்க் கட்சியினர் எவ்வளவு தான் முயன்றாலும், இந்த அரசாங் கத்தை அடுத்த 20 ஆண்டு காலத்திற்கு தோல்வியடையச் செய்ய முடியாது என்ற உண்மையை பகிரங்கப்படுத்தியுள்ளார்.

இதேவேளையில் ஜனாதிபதி அவர்கள் தனது ஸ்ரீ லங்கா சுதந்திரக் கட்சி அங்கத்தவர்களுக்கு ஒரு உண்மையை எடுத்துரை த்திருப்பது பாராட்டுக்குரிய ஒரு விடயமாகும். நானும் எனது அரசாங்கமும் மக்களின் பேராதரவுடன் புகழேணியின் உச்சத்தில் வீற்றிருக்கிறோம் என்பதனால், இந்த தேர்தலில் போட்டியிடும் அரசாங்க கட்சியினர், இத்தேர்தலில் கவனக்குறைவாக நடந்து கொள்ளலாகாது என்றும் எச்சரிக்கை செய்துள்ளார்.

உண்மையைச் சொல்வேன், சொல்வதை செய்வேன் என்ற கொள்கையுடன் நல்லாட்சியை நடத்திவரும் ஜனாதிபதி மஹிந்த ராஜபக்ஷவின் தலைமையின் கீழ், இந்த உள்ளூராட்சிமன்ற தேர்தல்களிலும் அரசாங்க கூட்டணி எதிர்க் கட்சிகளை படுதோல்வியடையச் செய்து தனது மக்கள் ஆதரவை மீண்டும் வலுவான முறையில் தக்க வைத்துக் கொள்ளும் என்பதில் எவ்வித சந்தேகமும் இல்லை.