யுத்தத்தினால் பாதிக்கப்பட்ட மக்களுக்கு புனர்வாழ்வு பணிகள் துரிதப்படுத்தப்பட்டுள்ளன

எல்.ரி.ரி.ஈ. இயக்கத்துக்கும், ஆயுதப்படைகளுக்கும் இடையில் நடைபெற்ற இறுதி யுத்தத்தின் போது சின்னாபின்னமாகி அழிவை எதிர்நோக்கியிருந்த முல்லைத்தீவு மாவட்டத்தில் இப்போது, சகஜ நிலை திரும்பிக் கொண்டிருக்கிறது. இம் மாவட் டத்தில் உள்ள 127 கிராம சேவை உத்தியோகஸ்தர் பிரிவுகளில், 100 பிரிவுகளில் மக்களை மீள்குடியேற்றம் செய்யும் நடவடிக்கை கள் பூர்த்தியடைந்துள்ளன. இது பற்றி தகவல் தெரிவிக்கும் முல்லைத்தீவு மாவட்டத்தின் அரசா ங்க அதிபர், இன்னும் 27 கிராம சேவை உத்தியோகஸ்தர் பிரிவுக ளில் மக்களை குடியேற்றுவதற்கான ஏற்பாடுகள் துரித கதியில் நடைபெறுவதாகவும் இராணுவத்தினரும், அரச சார்பற்ற அமை ப்புக்களும் ஒன்றிணைந்து இந்த 27 பிரிவுகளில் நிலக்கண்ணி வெடிகளை அகற்றும் பணியில் இப்போது ஈடுபட்டு வருவதாக தெரிவித்தார். இப்பிரதேசங்களிலிருந்து நிலக்கண்ணிவெடிகள் முற் றாக அகற்றப்பட்டுவிட்டன என்ற சான்றிதழ் தமக்கு கிடைத்த வுடன் அங்கு மக்கள் மீள்குடியேற்றப்படுவார்கள் என்று கூறினார்.

மீன்பிடித் தொழிலை தங்கள் வாழ்வாதாரமாக கொண்டிருக்கும் 202 குடும்பங்களை கருநாட்டுக்கேணியில் குடியமர்த்துவதற்கு தாம் நடவடிக்கை எடுத்து வருவதாகவும், அப்பிரதேசத்தில் நிலக் கண்ணிவெடிகள் இப்போது முற்றாக அகற்றப்பட்டு இருப்பதா கவும் அவர் தெரிவித்தார்.

இவ்விதம் தங்கள் சொந்த கிராமங்களில் போய் குடியேறும் குடும் பங்களுக்கு உடனடியாக தற்காலிக வசிப்பிடங்களை அரச சார்ப ற்ற அமைப்புக்களின் உதவிகளுடன் அரசாங்கம் நிர்மாணித்து கொடுக்கும் என்றும், மீள்குடியேறும் மக்களுக்கு சமைத்த உணவை அங்கு குடியேறிய சில தினங்களுக்கு அரசாங்கம் கொடுக்கும். அதற்கு பின்னர் இந்த மக்களுக்கு உலர் உணவுகள் சில காலத்திற்கு கொடுப்பதற்கும் அரசாங்கம் தீர்மானித்துள்ளது என்று அவர் தெரிவித்தார்.

குமுழமுனை கிழக்கு, குமுழமுனை மத்திய பகுதியிலும் இப்போது நிலக்கண்ணிவெடிகளை முற்றாக அகற்றும் பணிகள் பூர்த்தி செய்யப்பட்டுள்ளன. குமுழமுனை கிழக்கில் 193 குடும்பங்களும், குமுழமுனை மத்திய பகுதியில் 237 குடும்பங்களும் குடியமர்த்தப் படுவார்கள்.

பத்திரிகையாசிரியர்களையும், இலத்திரனியல் ஊடகங்களின் செய்திப் பிரிவு பணிப்பாளர்களையும் அலரிமாளிகையில் சந்தித்த ஜனா திபதி மஹிந்த ராஜபக்ஷ அவர்கள், யுத்தம் முடிவடைந்தவுடன் எல்.ரி.ரி.ஈ. பயங்கரவாதிகளின் பிடியிலிருந்து விடுவிக்கப்பட்ட பிர தேசங்களுக்கு வந்த மக்களுக்கு அரசாங்கம் உடனடியாக முகாம் களை அமைத்து அவர்களை பாதுகாப்பாக இருப்பதற்கு வகை செய்தது என்றும், இப்போது இந்த மக்களை மீண்டும் அவர்களின் சொந்த ஊர்களில் கண்ணிவெடிகளை முற்றாக அகற்றிய பின்னர் பாதுகாப்பாக குடியேற்றும் பணிகளை துரிதப்படுத்தி வருகிறது என்றும் சொன்னார்.

இவ்விதம், மீள்குடியேறும் மக்களில் பெரும்பாலானோர் விவசாயத் தையும் மீன்பிடித் தொழிலையும், தங்கள் வாழ்வாதாரமாக கொண் டிருக்கிறார்கள். அவர்களுக்கு விவசாயத்தில் ஈடுபடுவதற்கு விதை நெல், உரப்பசளை, மற்றும் உழவு இயந்திரங்களை அரசாங்கம் பெற்றுக்கொடுக்கும். இலங்கை வங்கியின் மூலம் சலுகை அடிப் படையில் கொடுக்கப்படும் கடன் உதவியை இந்த மக்கள் பயன் படுத்தலாம் என்றும், ஜனாதிபதி அவர்கள் தெரிவித்தார். அதே அடிப்படையில் மீன்பிடித் தொழிலில் ஈடுபடுவோருக்கு படகுகள், வலைகள் போன்ற அத்தியாவசிய தேவைகளை பெற்றுக்கொடுக் கும் என்றும் ஜனாதிபதி கூறினார்.

யுத்தத்தினால் பாதிக்கப்பட்ட வடபகுதி மக்களுக்கு தங்கள் பிறப்புரி மையான சுதந்திரத்தையும், அமைதியான வாழ்க்கையையும் அனு பவிப்பதற்கு இப்போது அரசாங்கம் உத்தரவாதம் அளித்திருக் கிறது. தன்னை சந்தித்த இந்த மக்கள் “ஜனாதிபதி அவர்களே, நாங்கள் சகல உரிமைகளுடன் நிம்மதியாக வாழ்ந்து கொண்டிருக் கிறோம். எங்களை எமது சொந்த ஊர்களில் சென்று, குடியேறுவத ற்கு உதவும் முகமாக சிதைந்து போன எங்கள் வீடுகளை மீள் நிர்மாணம் செய்து கொடுங்கள்” என்று, விடுத்த கோரிக்கைகளு க்கு செவிமடுத்த நான், அவர்களுக்கு வசதியான இருப்பிடங் களை நிர்மாணித்து கொடுத்து வருகிறேன் என்று ஜனாதிபதி கூறி னார்.

இலங்கைக்கு வருகை தந்துள்ள சர்வதேச அபிவிருத்திக்கு பொறுப் பான பிரிட்டிஷ் அமைச்சர் அலிஸ்டர் பேர்ட், பொருளாதார அபி விருத்தி துறை அமைச்சர் பசில் ராஜபக்ஷவை ஜனாதிபதி செய லகத்தில் சந்தித்த போது, வடபகுதியில் கண்ணிவெடிகளை அகற் றும் பணிக்கு பிரிட்டிஷ் அரசாங்கம் 3 மில்லியன் பவுன்ஸ் ஸ்ரே லிங்கை அன்பளிப்பாக வழங்கும் என்றும் அறிவித்தார்.

யுத்தத்தினால் பாதிக்கப்பட்ட மக்களுக்கு இவ்விதம் அரசாங்கம் செய் துவரும் புனர்வாழ்வு, புனரமைப்பு நடவடிக்கைகள் விரைவில் அவர்கள் தங்களின் அமைதியான சகஜ வாழ்க்கையை தொடரு வதற்கு பேருதவியாக இருக்கும் என்று நாம் நம்புகிறோம்.

(தினகரன்)