ஏ.ரீ.எம்.(ATM)  இயந்திரம் உருவான வரலாறு

ஒவ்வொரு கருவிக்கும் ஒவ் வொரு வரலாறு இருக்கிறது. எனினும் ஏ. ரீ. எம். இயந்திரங்கள் உருவான கதை கொஞ்சம் ரொமான்டிக்கானது. ஸ்கொட்லாந்தைச் சேர்ந்த ஜான் ஷெப்பர்ட் பாரோன் தன் மனைவிக்கு பிறந்தநாள் பரிசளிக்க விரும்பி பணத்தை எடுக்க வங்கியில் வரிசையில் நின்றார். தன் முறை வந்த போது பணத்தைக் கொடுக்க வேண்டிய காசாளர், நேரம் முடிந்துவிட்டது என்று கருமபீடத்தை பூட்டிவிட்டுச் சென்றுவிட்டார். ஜான் வெறுங்கை யோடு மனைவியைப் பார்க்க விரும்பவில்லை. கையில் இருந்த கொஞ்சநஞ்ச சில்லறையை வைத்து, கொஞ்சம் சொக்லேட்களை வாங்கிக் கொடுத்து மனைவியை சமாதானப் படுத்தலாம் என்று நினைத்து சொக்லெட் வெண்டிங் இயந்திரத்தை தேடிச் சென்றார். அப்போதைக்கு அவர் மனைவியை சமாதானப் படுத்தினாலும், சாத்திய வங்கி கருமபீடமும் காசு போட்டால் உதிர்ந்த சொக்லேட்களும் அவர் மனதில் திரும்பத் திரும்ப வந்து போனது. அதன் விளைவுதான் முதல் ஏ. ரீ. எம். உருவாக்கத்துக்கான வித்து.

ATM  இயந்திரத்தின் செயல்பாட்டு முறையை விவரிக்கும் எனது முய்றசியின் விளைவுதான் இந்த பதிவு என்றாலும் முதலில் நாம் தெரிந்துகொள்ள வேண்டியது ATM  (Automatic Teller Machine) என்பது ஒரு வெற்றுக் கணனி மட்டுமே (dumb system)  உங்கள் அட்டை யினை உள்வாங்கிக் கொண்டதும், அட்டையின் தகவல்களைப் படித்து உங்கள் வங்கிக் கணக்கு விவரங்கள் அடங்கிய வலையமைப்பின் வழங்கி யினைத் தொடர்புகொண்டு உங்கள் அட்டை எண் மற்றும் உங்கள் கடவுச்சொல் ஆகியவை சரிதானா என்று உறுதி செய்யும்.

பின்னர் நம் பணப்பறிமாற்றத்தினை உங்கள் வங்கிக் கணக்கின் பண இருப்பினை வைத்து உறுது செய்து பணத்தினை வழங்கும். இந்த மொத்த நடவடிக் கைகளும் முடியும் வரை மட்டுமே உங்கள் அட்டை எண் மற்றும் உங்கள் கடவுச் சொல் தற்காலிகமாக ATM  கணனியில் சேமிக்கப்பட் டிருக்கும்.

அதன்பின் அவை அழி க்கப்பட்டு விடும். பணத்தாள்களை வெளியிடும் போது அவற்றின் தடிமனை வைத்தே பணத்தை கணக்கிடுகிறது. கணக்கில் வராத தடிமன்னில் பணம் ஏதும் இருந்தால் அதாவது, தடிமன் கூடுதலாகவோ அல்லது குறைவாகவோ இருந்தால் அவை தனியே ஒதுக்கப்பட்டு பாதுகாக்கப்படும். பராமரிப்பு மற்றும் பணத்தாள்களை வைப்பதற்காக வரும் அதிகாரிகள் அவ்வாறு ஒதுக்கப்பட்ட தாள்களை சேகரித்து மறுஆய்வுக்கு எடுத்துச் செல்வர்.

மின்னஞ்சல், கணனி மற்றும் இதர இணைய வசதிகளுக்கே கடவுச் சொல்லை அப்படி வை, இப்படி வை என்று ஏகத்துக்கு கட்டுப்பாடுகள் விதிக்கும் கணனியுலகம், ஒருவரது வங்கிக் கணக்கினை கையாளும் ATM  இயந்திரங்களுக்கு வெறும் நான்கு இலக்கங்கள் மட்டுமே வைத்திருப்பது ஏன் என்று யோசித்திருக்கிaர்களா? நான்கு இலக்கங்கள் பாதுகாப்பானவையே அல்ல, மொத்தம் பத்தாயிரம் கடவுச் சொற்களே கோடிக்கணக்கான வாடிக்கையாளர்களால் பாவிக்கப்படுகிறது. அதனால் தான் முதல் மூன்று முறை தவறான கடவுச் சொல்லை உள்ளிட்டால் உங்கள் வங்கிக் கணக்கு முடக்கப்படுகிறது. மேலும் ஒரு நாளைக்கு எடுக்கப்படும் பணத் திற்கென்று அளவுமுறை வைத் திருக்கிறார்கள்.

ஒவ்வொரு வங்கியும் அவர் களுக்கென்று ஒரு ஆரம்பக் கடவுச்சொல் வைத்திருப்பார்கள் (0000, 1234), முதல் முறை உங்களிடம் அட்டை வழங்கப்படும் போது அந்த கடவுச்சொல் தான் இருக்கும். பின்பு நாம் அதனை நம் விருப்பத்திற்கேற்ப மாற்றிக்கொள்ள வேண்டும். அப்படி நாம் மாற்றும் எண்ணுக்கும், ஆரம்பக் கடவுச்சொல் எண்ணுக்கும், உள்ள வித்தியாசம் (Offset value), , உங்கள் வங்கிக் கணக்கு விவரங்கள் உள்ள வழங்கியில் சேமிக்கப்படும் ஒவ்வொரு முறை நீங்கள் ATM  உப யோகிக்கும் போதும் உங்கள் கடவுச்சொல் மற்றும் வங்கியின் ஆரம்பக் கடவுச்சொல் ஆகிய இரண்டும் இடையே உள்ள வித்தியாசம் தான் சரிபார்க்கப்படுகிறதே தவிர நேரடியாக உங்கள் கடவுச் சொல் சரி பார்க்கப்படுவதில்லை என்பது உபரித் தகவல்.

சர்வதேச, தரக்கோட்பாட்டின் படி 4 முதல் 12 இலக்கங்கள் வரை கடவுச் சொல்லாக பயன்படுத்தலாம் என்று நிர்ணயிக்கப்பட்டுள்ளது. இருந்தாலும் இத்தொழில் நுட்பத்தின் முன்னோடிகளில் ஒருவரான ஷெப்பர்ட் பரன், தன் சோதனை முயற்சிகளின்போது தன் மனைவியின் உதவியினை நாடினார்.

ஷெப்பர்டின் மனைவியோ ‘என்னால் 4 தான் ஞாபகத்தில் வைத்துக்கொள்ள முடியும் என்று வெட்டு ஒன்று துண்டு நான்காக சொல்லிவிட்டதால், வேறுவழியின்றி தலையாட்டிய ஷெப்பர்டின் மனைவி விசுவாசத்தினைப் பாதுகாக்கும் பொருட்டு இன்றும் நான்கு இலக்கங்களே பயன்படுத்தப்பட்டு வருகிறது. விதிவிலக்காக சுவிஸ் மற்றும் சில ஐரோப்பிய நாடுகளில் ஆறு இலக்கங்கள் கொண்ட கடவுச் சொற்கள் பயன்படுத்தப்படுவதாக கூறப்படுகிறது.

1969ல் இவர் உருவாக்கிய முதல் ஏ. ரீ. எம். இயந்திரம் வடக்கு லண்டனின் பார்க்லேஸ் வங்கியில் வைக்கப்பட்டது. அன்றிலிருந்து இன்று வரை பெரிய அளவில் எந்த மாற்றத்தையும் சந்தித்திருக்காத இந்த சிறப்புமிக்க தொழில்நுட்பத்தை கண்டறிந்து ஜான் ஷெப்பர்ட் பரோன் 20.05.2010 அன்று மருத்துவமனையில் மரணமடைந்தார்.

ஸ்கொட்லாந்தைச் சேர்ந்தவராக இருந்தாலும் இவர் பிறந்தது எங்கு தெரியுமா? இந்தியாவின் ஷில்லாங்கில். ஆச்சரியமான விடயம் தானே இது.