தேசத்துரோக சக்திகளின் சதிமுயற்சிகள் மக்களால் முறியடிக்கப்படும்

எல்.ரி.ரி.ஈ.யிற்கு எதிரான யுத்தம் நிறைவுபெற்று இரண்டரை வரு டங்கள் முடிவடைந்து, நாட்டில் மீண்டும் சமாதானமும், அமைதியும் திரும்பியிருப்பதனால் மக்கள் தங்கள் கடந்த கால துன்பங்களை மறந்து, நிம்மதியான வாழ்க்கையை மேற்கொண்டு வரும் இவ்வேளையில், மீண்டும் இலங்கைக்கு எதிரான தேசத்துரோக சக்திகள் தங்கள் சதி வேலைகளை சர்வதேச ரீதியில் மேற்கொண்டு வருகின்றன.

இதற்கு பின்னணியில் இருந்து எதிர்க்கட்சியினரும் உறுதுணை புரிந்து வரு வது குறித்து நாம் உண்மையிலேயே வேதனைப்படுகின்றோம். எதிர்க் கட்சித்தலைவர் ரணில் விக்கிரமசிங்க, சமீபத்தில் பாராளுமன்றத்தில் கற் றுக் கொண்ட பாடங்கள் மற்றும் நல்லிணக்க ஆணைக்குழுவின் அறிக் கையை ஆதரிப்பது போன்ற ஒரு கருத்தை தெரிவித்து, தனது முழு உரையையும் பேசாமலேயே பாராளுமன்றத்தில் சமர்ப்பித்து அதனை ஹன்சாட்டில் இணைத்துக் கொள்ள எத்தனித்த போது, இதற்கான முன் அறிவித்தல் கொடுக்காத காரணத்தினால் இதனை ஏற்றுக்கொள்ள முடி யாது என்று சபாநாயகர் அறிவித்திருந்தார்.

அதையடுத்து எதிர்க்கட்சித்தலைவர் தமது அறிக்கையை பாராளுமன்றத்தி ற்கு வெளியில் செய்தி நிருபர்களிடம் கையளித்தார். பிரதம மந்திரி என்ற முறையில் 2002ல் ரணில் விக்கிரமசிங்க, எல்.ரி.ரி.ஈ. தலைவர் வேலு ப்பிள்ளை பிரபாகரனுடன் செய்து கொண்ட புரிந்துணர்வு உடன்படிக் கையை ஏற்றுக் கொள்ள முடியாது என்று நல்லிணக்க ஆணைக்குழு தனது அறிக்கையில் குறிப்பிட்டிருந்தது. இந்த நல்லிணக்க ஆணைக் குழு அறிக்கை தவறான ஒருதலைப்பட்சமான அறிக்கை என்றும், சனல் 4 பிரிட்டிஷ் தொலைக்காட்சி சேவை வெளியிட்ட செய்தி படங்கள் உண்மையானவை என்ற நிலைப்பாட்டுக்கு ஒப்பான கருத்தையும் ரணில் விக்கிரமசிங்க இவ்வறிக்கையில் சேர்த்திருப்பதை உண்மையிலேயே தேசப்பற்றுடைய மக்கள் ஏற்றுக் கொள்ளவே மாட்டார்கள்.

அதேபோன்று ரணில்விக்கிரமசிங்க யுத்தம் நடந்து கொண்டிருந்த போதிலும் எமது நாட்டின் இராணுவவீரர்களை கொச்சைப்படுத்தக்கூடிய வகையில் கருத்துக்களை வெளியிட்டு கிண்டலும் செய்திருக்கிறார். தொப்பிகலை என்று சிங்களத்தில் அழைக்கப்படும் குடும்பிமலையை எமது இராணு வத்தினர் எல்.ரி.ரி.ஈ.யிடம் இருந்து கைப்பற்றிய போது ரணில் விக்கிரம சிங்க இந்த குடும்பி மலை மக்கள் சஞ்சரிக்காத ஒரு அடர்ந்த காடு என்று உண்மைக்கு புறம்பான கருத்தை வெளியிட்டார்.

அது போன்று ரணில்விக்கிரமசிங்கவின் சேனாதிபதிகளில் ஒருவரைப் போன்று இருக்கும் கொழும்பு மாவட்ட பாராளுமன்ற உறுப்பினர் ரவி கருணாநாயக்க, இராணுவத்தினர் அலிமன்கடவுக்கு, அதாவது ஆனையி றவுக்கு போகிறது என்று எங்களை ஏமாற்றி அவர்களை பாமன்கடைக் கும், கிளிநொச்சிக்கு அனுப்புகிறோம் என்று கூறி மதவாச்சிக்கும் இரா ணுவத்தினரை அனுப்பி போலி யுத்தத்தை மேற்கொண்டார்கள் என்று பாராளுமன்றத்தில் அன்று கிண்டல் செய்தார். இவ்விதம் எதிர்க்கட்சி யினர் அரசாங்கத்தைப் பார்த்து கடந்த காலத்தில் கேலி கிண்டல் செய்த போதிலும், அஞ்சா நெஞ்சமும், மன உறுதியும் கொண்ட ஜனாதிபதி மஹிந்த ராஜபக்ஷ அவர்கள், வெளிநாடுகளின் அழுத்தங்களை பொரு ட்படுத்தாமல் தொடர்ந்தும் எல்.ரி.ரி.ஈக்கு எதிரான யுத்தத்தை மனிதாபி மான முறையில் அப்பாவி பொதுமக்களுக்கு ஏற்டக்கூடிய உயிராபத்தை தவிர்த்துக் கொண்டு, வெற்றிகரமாக நடத்தி நாட்டு மக்களை பயங்கர வாத பிடியில் இருந்து மீட்டெடுக்கும் சாதனையை ஏற்படுத்தி சர்வதேச ரீதியில் பாராட்டைப் பெற்றார்.

இன்று முழு உலகத்தையே ஆட்டிப் படைத்துக் கொண்டிருக்கும் சர்வதேச பயங்கரவாத இயக்கங்களில் மிகவும் கொடுமையான இயக்கமாக கருதப் பட்ட எல்.ரி.ரி.ஈ.யை படுதோல்வியடையச் செய்ததைப் பார்த்து சில நாடு கள் மறைமுகமாக மகிழ்ச்சியடைந்தாலும், பல்வேறு அரசியல் காரணங் களுக்காக அவை இந்த யுத்தத்தின் போது மனித உரிமைகள் மீறப் பட்டன என்ற போலிக் குற்றச்சாட்டுகளை சுமத்தி வருகின்றன. இந்தக் குற்றச்சாட்டுகளின் அடிப்படையிலேயே நவனீதம்பிள்ளையின் அறி க்கை, தருஸ்மன் அறிக்கை மற்றும் சனல் 4 செய்தி வீடியோ காட்சிகள் போலி ஆதாரங்களை மேற்கோள் காட்டி தயாரிக்கப்பட்டமை குறிப் பிடத்தக்கது.

கடந்தாண்டில் இலங்கைக்கு எதிராக இதே தேசத்துரோக சக்திகள் எல்.ரி. ரி.ஈ.யின் அடிவருடிகளாகி அவ்வியகத்தின் பணபலத்திற்கு அஞ்சி, இல ங்கைக்கு எதிராக எடுத்த முயற்சிகள் படுதோல்வியடைந்தன. இந்தத் தடவை மீண்டும் எதிர்வரும் மார்ச் மாதத்தில் ஜெனீவாவில் நடைபெ றும் சர்வதேச மனித உரிமைகள் மகாநாட்டில் இதே பிரச்சினையை இல ங்கைக்கு எதிராக கிளப்பி அரசாங்கத்திற்கு அழுத்தங்களை கொண்டு வர இந்த தேசத்துரோக சக்திகள் மீண்டும் சதித்திட்டங்களை வகுத்துக் கொண்டிருக்கின்றன.

ரணில் விக்கிரமசிங்கவின் சமீபத்திய இந்த அறிக்கையும் அந்தத் திட்டத் தின் ஓர் அங்கமாகவே இருக்கும் என்று அரசியல் வட்டாரங்களில் இப் போது சந்தேகம் எழுந்துள்ளது. 1971ம் ஆண்டில் இருந்து நாட்டை சீர் குலைப்பதற்காக வன்முறைகளை மேற்கொண்டு வந்த ஜே.வி.பியினரும் இந்த தேசத்துரோக முயற்சிகளுக்கு இப்போது தங்களின் பூரண ஒத்து ழைப்பை நல்கி வருகிறார்கள்.

தேர்தல் மூலம் மஹிந்த ராஜபக்ஷ அரசாங்கத்தை அடுத்த பல்லாண்டுகளு க்கு தோல்வியடையச் செய்ய முடியாது என்ற உண்மையை உணர் ந்திருக்கும் ஐக்கிய தேசியக் கட்சி, ஜே.வி.பி. போன்ற அரசியல் கட்சி கள் நாட்டில் அரசாங்கத்திற்கு எதிராக மக்களை தூண்டிவிட்டு அரசாங் கத்தின் அபிவிருத்தி பணிகளுக்கு குந்தகம் செய்வதற்கு எடுத்து வரும் முயற்சிகள் இலகுவில் வெற்றிபெறப் போவதில்லை. அரசாங்கம் நாட் டின் முன்னேற்றத்திற்கு மேற்கொண்டு வரும் அபிவிருத்தி பணிகள் தங் கள் எதிர்கால சந்ததியினரின் மேம்பாட்டுக்கு சிறந்த அடித்தளமாக அமையும் என்பதை உணர்ந்திருக்கும் இந்நாட்டு மக்கள் அனைவரும் இந்த சதி முயற்சிகளை முறியடித்து அரசாங்கத்தின் பலத்தை மேலும் அதிகரிப்பதற்கு தங்களின் பூரண ஒத்துழைப்பையும் ஆதரவையும் அர சாங்கத்திற்கு அளிப்பது திண்ணம்.

(தினகரன்)