தமிழர் நாங்கள் விழித்தெழுவோம்.

புலம்பெயர்ந்து வாழும் தயாகத்தமிழர்களே!

தமிழீழம் பெற்றுத்தருவதாக சொல்லி இன்று வரை எங்களை ஏமாற்றி வந்தவர்கள் தொடர்ந்தும் எங்களை ஏமாற்ற நினைக்கிறார்கள்.இதை நாங்கள் ஏற்போமா?திரண்டு வாருங்கள் தமிழர்களே என்று எங்களை அழைத்த போது நாங்கள் அதற்கு ஒரு போதும் மறுத்திருந்ததில்லை.ஜெனீவா மன்றை நோக்கி எத்தனை தடவைகள் நாங்கள் ஆர்ப்பாட்டப்பேரலையாக சென்றிருக்கின்றோம்.இறுதியில் எங்களுக்கு என்னத்தை அவர்கள் பெற்றுத்தந்தார்கள்?உறவுகளை இழந்தோம்.எங்கள் உறவுகளின் சொத்துக்களை இழந்தோம்.

பேரழிவு ஒன்றுதான் அவர்கள் எங்களுக்கு பெற்றுத்தந்த மிச்சம்.தமிழீழ தாயகம் நோக்கி எங்களை வழிகாட்டி சென்றவர்கள் துண்டு துண்டாக பிரிந்து போய் தமக்குள் சண்டையிடுகின்றார்கள். பிரித்தானியாவில் இருந்து உருத்திரகுமாரன் தலமையிலும் பெல்ஜியத்தில் இருந்து நெடியவன் தலைமையிலும் இரண்டு குழுக்களாக போட்டி போட்டு ஜெனீவா மன்றம் நோக்கி தமக்குள் ஒற்றுமை இன்றி நடைப்பயணம் வருகிறார்கள். தமிழர்களாகிய நாங்கள் மட்டும் ஒற்றுமையின் பலத்தை உலகுக்கு காட்ட ஜெனீவா நோக்கி வரவேண்டுமாம்.

முன்னர் எங்களை ஆர்ப்பாட்டம் நடத்த வருமாறு கேட்டவர்களும் எங்களிடம் மாதாந்தம் பணம் கறந்தவர்களும் இன்று சிறீலங்கா அரசுடன் உறவுகளை பேணி வருகின்றார்கள். கொழும்பு சென்று கே. பி யை சந்தித்து கை குலுக்கி கொண்டாட்டம் நடத்துகின்றார்கள்.

இன்று நீதிக்கான போராட்டம் என்று சொல்லி எம்மை ஜெனீவா மன்று நோக்கி அழைப்பவர்களும் நாளை சிறீலங்கா அரசுடன் சேர்ந்து விடுசவார்கள். கே.பி யோடு உறவு வைப்பார்கள். அப்பாவித்தமிழர்கள் நாங்கள் மட்டும் இவர்களை நம்பி நடுத்தெருவில் நிற்பதா? ஆர்ப்பாட்டம் நடத்த வாருங்கள் என்று கூறிவிட்டு எங்களை போட்டோ எடுத்து ஊடகங்களில் இவர்கள் விளம்பரப்படுத்துவார்கள். எங்களுக்கு பின்னால் ஒளிந்து நின்று கொண்டு தங்களது முகங்களை மறைத்து எங்களது முகங்களை மட்டும் இவர்கள் ஊடகங்களுக்கு காட்டுவார்கள். இவர்களது பிரச்சாரங்களுக்கு நாம் பலியாக வேண்டுமா?

சமர் விடுமுறைக்கு நாங்கள் தாயகத்திற்கு சொல்ல வேண்டும். எங்கள் உறவுகளை சந்தித்து அவர்களோடு சிறிது காலம் சந்தோசமாக நாங்கள் வாழவேண்டும். நாங்கள் விரும்பும் எங்களது சந்தோசத்தை கெடுப்பதற்காகவா இவர்கள் இன்று ஜெனீவா நோக்கி ஊர்வலத்திற்கு அழைக்கிறார்கள்?

நாங்கள் வங்கிக்கடன் எடுத்து எங்கள் பணத்தை இவர்களுக்கு இலட்சம் இலட்சமாக கொடுத்திருந்தோம். திருப்பித்தருவதாக சொன்ன பணத்தை ஏன் இன்னும் தரவில்லை. எங்கள் பணத்தை எங்களிடம் இருந்து பறித்தவர்கள் தாயகத்தில் சொத்துக்களை வாங்கி குவித்துள்ளனர். நாங்கள் மட்டும் இவர்களுக்கு எடுத்து கொடுத்த வங்கிக்கடனை மாதாந்தம் செலுத்துவதற்கு கஷ்டப்பட்டு உழைக்கின்றோம். வங்கிக்கடன் எடுத்துத்தந்த எங்கள் பணம் எங்கே? அதற்கு நீங்கள் பதில் சொல்லுங்கள். எங்கள் பணத்தை கொள்ளையடித்து நீங்கள் சேர்த்த சொத்துக்களை விற்று எங்கள் வங்கிக்கடன்களை செலுத்த முன்வாருங்கள்.

நாங்கள் யாரையும் நம்பி ஊர்வலம் வரமாட்டோம். எங்களை நிம்மதியாக வாழவிடுங்கள். எங்கள் பாதுகாப்புக்கு கேடு விளைவிக்காதீர்கள். எங்கள் உறவுகளை சந்திக்க நாங்கள் தாயகம் சொல்ல விரும்புகின்றோம். எந்த விமோசனமும் இல்லாத ஜெனீவா ஆர்ப்பாட்டத்தை புறக்கணிப்போம்.விரைவில் நாங்கள் யார் என்று சொல்வோம். நாங்களும் ஆர்ப்பாட்டம் நடத்துவோம்.எதற்காக என்று அப்போது புரிந்து கொள்ளுங்கள்.

புலம்பெயர்ந்து வாழும்

புதிய தாயக தமிழர்கள்.

(samthuvam)