நெல் அறுவடைக்கு இந்திய தொழிலாளர்கள் இங்கு வந்து உதவி செய்கின்றார்கள்

வடக்கு, கிழக்கில் உள்ள நெற்காணிகளில் அறுவடை செய்வதற்கு ஆளணிப் பற்றாக்குறை இருந்து வருவதனால் இந்தியப் பிரஜைகள் இங்கு வந்து அறுவடைப் பணிகளை மேற்கொள்வதற்கு அரசாங்கம் அவர்களுக்கு 3 மாதகால விசா வழங்க இருப்பதாக கமநலசேவை அமைச்சர் மஹிந்த யாப்பா அபேவர்தன தெரிவித்தார். இலங்கையர் இன்று மேற்காசிய நாடுகளுக்கும் சிங்கப்பூர் தென்கொரியா, இத்தாலி போன்ற நாடுகளுக்கும் வேலை வாய்ப்பைத் தேடி செல்வதனால் எமது நெற்காணிகளில் அறுவடை செய்யும் பணியை மேற்கொள்வதற்கு ஆளணிப் பற்றாக்குறை நிலவி வருகின்றது. இதனால் அரசாங்கம் இந்தியப் பிரஜைகளுக்கு 3 மாதகால உல்லாசப் பயணிகளுக்கான விசாவை வழங்கி இலங்கையின் வடக்கு, கிழக்கு மாகாணங்களில் உள்ள நெற்காணிகளில் பணியாற்றுவதற்கு அனுமதி அளித்துள்ளது.

வடக்கு, கிழக்கு மாகாணங்களில் இருந்துவரும் நெற்காணிகளில் பணிபுரிவதற்கான ஆளணிப் பற்றாக்குறை இப்போது வட மத்திய மற்றும் தென் மாகாணங்களுக்கும் பரவி இருப்பதாக அறிவிக்கப்படுகின்றது. குடிவரவு குடியல்வு திணைக்களத்தின் கட்டுப்பாட்டாளரும் அவரது உயர் அதிகாரிகளும் கிழக்கு மாகாணத்துக்கு விஜயம் செய்து நிலைமையை நேரில் கண்டறிந்த பின்னரே இந்த முடிவு எடுக்கப்பட்டிருப்பதாக அறிவிக்கப்படு கின்றது.

இதையடுத்து குடிவரவு குடி அகல்வு திணைக்களத்தினர் நாட்டில் உள்ள சகல மாவட்ட செயலாளர்களுக்கும் விடுத்துள்ள அறிக்கை யில் சம்பந்தப்பட்ட சகல மாவட்டங்கலும் உள்ள ஆளணித் தட்டுப்பாடு குறித்து தகவல்களைச் சேர்த்து தமக்கு அறிவிக்க வேண்டும் என்று கேட்டுக்கொண்டுள்ளார்.

இந்தியர்களை இங்கு குறுகிய கால ஒப்பந்தத்தின் அடிப்படையில் நெற் காணிகளில் பணியாற்றச் செய்வதற்கான யோசனையை கமநலசேவை அமைச்சும் தொழில் அமைச்சும் கலந்துரையாடிய பின்னர் இதற்கான இறுதி அங்கீகாரத்தை பாதுகாப்பு அமைச்சிடம் இருந்து பெறுவதற்கும் தீர்மானிக்கப்பட்டுள்ளது.

இதேவேளையில் அம்பாறை, மட்டக்களப்பு, கிளிநொச்சி, பொலன் னறுவை, திருகோணமலை, வவுனியா மாவட்டங்களைச் சேர்ந்த விவசாயிகள் தென்னிந்தியாவில் இருந்து தொழிலாளர்களை இங்கு அழைத்து வந்து நெற் காணிகளில் வேலை செய்ய அனுமதிப்பது தங்களுக்கு பொருளாதார ரீதியில் லாபகரமாக அமையும் என்றும் எனவே அது குறித்து அரசாங்கம் சாதகமான முடிவை எடுக்க வேண்டும் என்றும் கேட்டுள்ளார்கள்.

தற்போது இலங்கையில் சுனாமி என்று அழைக்கப்படும் அறுவடை இயந்திரத்தை இயக்குவதற்கு ஆட்களுக்குத் தட்டுப்பாடு இருப்ப தனால் இந்தியர்களை இப்பணிகளுக்காக வரவழைப்பது அவசி யம் என்ற கருத்து வலியுறுத்தப்படுகின்றது. ஆனால் இவ்வியந் திரத்தை இயக்குவதில் இந்தியத் தொழிலாளிகள் வல்லவர்கள் என்ற காரணத்தினால் தான் அவர்களிடம் இப்பணி பெரும்பாலும் ஒப்படைக்கப்படுகின்றது.

சமீபத்தில் ஒரு மாதகால விசாவைப் பெற்று இலங்கை வந்து பணிபுரிந்தவர்கள் 20க்கும் மேற்பட்டோர் விசா காலக்கெடு முடி வடைந்த பின்னரும் இங்கு இருந்தார்கள் என்ற குற்றச்சாட்டின் பேரில் கைது செய்யப்பட்டார்கள். இவர்களில் 9 பேர் பெண்கள் ஆவர். இவர்கள் கடந்த ஆண்டு இறுதியில் இந்தியாவுக்கு திருப்பி அனுப்பப்பட்டார்கள்.

இவர்கள் நாடுகடத்தப்படாத காரணத்தினால் மீண்டும் மீண்டும் இங்கு வந்து பணிபுரிவதற்கு அனுமதிக்கப்படுவது குறிப்பிடத்தக்கது.

இதேவேளையில் முதலீட்டு ஊக்குவிப்பு அமைச்சர் லக்ஸ்மன் யாப்பா அபேவர்தன இன்று விவசாயம் கட்டட நிர்மாணத்துறை உட்பட பல்வேறு துறைகளில் ஆளணிக்கு பெரும் தட்டுப்பாடு இருக்கின்றது என்று தெரிவித்தார். எமது நாட்டுத் தொழிலாளர்கள் உருக்குத் தொழிற்சாலைகளில் உஷ்ணமான சூழ்நிலையில் பணிபுரிய முடியாத நிலையில் இருப்பதனால் இப்பணிகளை நிறை வேற்றுவதற்காக இந்தியத் தொழிலாளர்களை 6 மாதகால விசா கொடுத்து, இங்கு அழைத்து வரவேண்டி இருக்கின்றது என்று அவர் தெரிவித்தார்.

இதேவேளையில் இந்திய, சீன மற்றும் மாலைதீவு நிர்மாணக் கம்பனிகள் குறைந்த வேதனத்தை உடைய இந்தியத் தொழி லாளர்களை பெருமளவில் இலங்கைக்கு அழைத்து வந்து தங்கள் கட்டடப் பணிகளில் வேலை செய்ய வைப்பது குறிப்பிடத்தக்கது.

கமநல சேவை அமைச்சின் செயலாளர் டபிள்யூ. சகலசூரிய இங்கு வந்து பணிபுரியும் இந்தியத் தொழிலாளர்கள் குறைந்த வேத னத்தைப் பெற்றாலும் கூடிய வேலைப் பளுவை மேற்கொள் கின்றார்கள் என்று எமது நாட்டு விவசாயிகள் நம்பிக்கை கொண்டிருப்பதனாலும் அவர்கள் நெற்சாகுபடி தொடர்பான சகல இயந்திர உபகரணங்களையும் இயக்குவதில் வல்லமை பெற்றவர்களாக இருக்கின்றார்கள் என்று நம்நாட்டு விவசாயிகள் கூறுகின்றார்கள்.

இத்தகைய இலங்கை இந்திய கூட்டு முயற்சியினால் எமது நாட்டின் விவசாயத்துறை வளமடையும் என்று நாம் அசையாத நம்பிக்கை கொண்டுள்ளோம்.