காற்றாலை மின்னுற்பத்தியை அதிகரிப்பதனால் உலகில் மின்சார நெருக்கடிக்கு தீர்வு காணலாம்

காற்றுத் திறன்  (Wind power)  அல்லது காற்று மின்சாரம் (wind electricity)  எனப்படுவது காற்றிலிருந்து மின்னாற்றலைப் பெறுவதைக் குறிக்கின்றது. அதாவது, காற்றுச் சுழலிகளைப் பயன்படுத்திக் காற்றிலிருந்து மின்னாற்றலை உற்பத்தி செய்யும் பொறிமுறையாகும். பெரிய காற்றாலைப் பண்ணைகளில் நூற்றுக்கணக்கான தனித்தனிக் காற்றுச் சுழலிகள் மின் திறன் செலுத்தல் தொகுதிகளில் இணைக்கப்படுவதன் மூலம் மின்சாரம் உற்பத்தி செய்யப்படுகின்றது. புதைபடிவ எரிபொருள் சக்தியின் மாற்றுச் சக்தி முறையொன்றாகக் காற்றுத் திறன் காணப்படுகின்றது

ஏனைய ஆற்றல் முதல்களுடன் ஒப்பிடும் போது காற்று ஆற்றலைப் பயன்படுத்தி மின்சாரம் பெறப்படுவதன் மூலம் சுற்றுச் சூழல் மாசடைதல் பெருமளவில் தடுக்கப்படுகின்றது. எனினும், காற்று மின்சாரத்தைப் பெறுவதற்குப் பயன்படுத்தப்படும் காற்றுச் சுழலிகளுடன் கூடிய தொகுதிக்கான உற்பத்திச் செலவு அதிகமாகும். 2011 ஆம் ஆண்டளவில் டென்மார்க் தனது மொத்த மின்சார நுகர்வின் கால்பகுதியைக் காற்று மின்சாரத்தின் மூலம் பெற்றுள்ளது.

மேலும், உலகின் 83 நாடுகள் காற்று மின்சாரத்தை வணிக நோக்கு அடிப்படையில் பயன்படுத்துகின்றன. 2010 ஆம் ஆண்டளவில் உலகின் மொத்த மின்சார நுகர்வின் 2.5 சதவீதம் காற்று மின்சாரத்தின் மூலம் பெறப்பட்டுள்ளதுடன், காற்று மின்சாரத்தை பயன்படுத்தும் அளவு ஆண்டுக்கு 25 சதவீதத்தால் உயர்வடைந்து செல்கின்றது.

காற்றில் இருந்து மின்சாரத்தை உற்பத்தி செய்யும் இயந்திரத்தை முதலாவதாக அமெரிக்கக் கண்டுபிடிப்பாளரான சார்ல் எப். புருஸ் 1888 இல் கண்டுபிடித்தார். அவரால் கண்டுபிடிக்கப்பட்ட இயந்திரம் 12 கிலோவாற்று நேர் ஓட்ட மின்சாரத்தை மதிப்பீடு செய்தது. 1920 நடுப்பகுதிகளில் அமெரிக்காவில் ஒன்று முதல் மூன்று கிலோவாற்று காற்று மின்பிறப்பாக்கிகள் பரிஸ்-டன்ஸ் போன்ற கம்பனிகளால் அபிவிருத்தி செய்யப்பட்டன.

1956 ஆம் ஆண்டில் டென்மார்க்கில் 200 கிலோவாற்று மின்சாரத்தை உற் பத்தி செய்யக்கூடிய மூன்று விசிறிக ளைக்கொண்ட காற்றுச் சுழலி யொக னீஸ் ஜூல் என்பவரால் உருவாக்கப்பட் டது. 1975 இல் அமெரிக்காவின் எரிசக்தி திணைக்களம் பயன்பாட்டு அளவு காற்றுச் சுழலிகளை அபிவிருத்தி செய்யும் திட்டத்தை ஆரம்பித்தது.

காற்றுச் சக்தியைப் பயன்படுத்தி மின்சாரம் உற்பத்தி செய்யும் முறை பல நூற்றாண்டுகளாக விருத்தியடைந்து வந்துள்ளது. 21 ஆம் நூற்றாண்டில் காற்று மின்சார உற்பத்தி உலகம் முழுதும் பாரியளவில் வளர்ச்சியடையும் என எதிர்பார்க்கப்படுகின்றது.

காற்றுச் சக்தியானது வளியின் அசைவின் இயக்க சக்தியாகும். ஓரலகு நேரத்தில் குறித்த கற்பனைப் பரப்பை வாரிச் செல்லும் மொத்த காற்று சக்தி சமன்பாட்டினால் தரப்படுகின்றது.

ஒரு பிரதேசத்தில் பல காற்றுச் சுழலிகள் ஒன்று சேர்ந்து மின்சாரம் உற்பத்தி செய்வதற்காக காற்றாலை பண்ணைகள் உருவாக்கப்படுகின்றன. பெரும் காற்றாலைப் பண்ணை ஒன்று நூற்றுக் கணக்கான தனித்தனி காற்றுச் சுழலிகளைக் கொண்ட பரந்துவிரிந்த நிலப்பரப்பில் காணப்படலாம். மேலும், காற்றுச் சுழலிகள் அமைக்கப்பட்டுள்ள பகுதிகளுக்கு இடைப்பட்ட நிலம் விவசாய மற்றும் ஏனைய நோக் கங்களுக்காக பயன்படுத்தப்பட முடியும்.

காற்றாலை பண்ணைகள் தொலைதூரங்களிலும் அமைக்கப் படலாம். பொதுவாக எல்லாப் பெரிய காற்றுச் சுழலிகளும் ஒத்த வடிவத்தைக் கொண்டுவடிவ மைக்கப்படுகின்றன. காற்றுச் சுழலியொன்றின் கிடை அச்சு மேல் காற்று சுழற்றகம் மற்றும் மூன்று விசிறிகளை கொண்டதுடன் இது நேஸல் (Nacelle) ஒன்றுடன் இணைக்கப்பட்டு உயர்ந்த குழாய் கோபுரத்தின் மேல் முனையில் பொருத்தப்படுகின்றது.

காற்றாலை பண்ணைகளில தனித்தனியான காற்றுச் சுழலிகள், மத்திய தர மின்னழுத்த (பொதுவாக 34.5 கிலோவோல்ட்) சக்தி சேமிப்பக அமைப்புடனும், தொடர்பாடல் வலையமைப்பு ஒன்றுடனும் சேர்ந்து காணப்படுகின்றது. ஒரு மின்நிலை யத்தில், உயர் மின்னழுத்த மின்சார பரிமாற்ற அமைப்புடன் நிலைமாற் றியொன்று இணைக்கப்படுவதன் மூலம் இம்மத்திய தர மின்னழுத்த மின்னோட்டம் மின்னழுத்தத்துடன் அதிகரிக்கின்றது.

பல பெரிய செயல்பாட்டு கடல் சார்ந்த காற்றாலைப் பண்ணைகள் ஐக்கிய அமெரிக்காவில் அமைந்துள் ளன. 2012 இல், உலகின் மிகப்பெரிய கடல்சார் காற்றாலைப் பண்ணையாக அல்டா காற்று எரிசக்தி நிலையம் 1020 மெகாவாற்று உடன் காணப்பட்டது. இதற்கு அடுத்ததாக சேப்ஹேட்ஸ் பிளட் காற்றாலைப் பண்ணை (845 மெகாவாற்று), ரோஸ்கோகாற்றாலைப் பண்ணை (781.5 மெகாவாற்று) என்பன பெரிய காற்றாலைப் பண் ணைகளாக காணப்பட்டன.

2012 செப்டெம்பரில், ஐக்கிய இராச்சியத்தின் சிரிங்கம் சோல் தொலை கடல் காற்றாலைப் பண்ணை மற்றும் தேனட் காற்றாலைப் பண்ணை என்பன முறையே 317 மெகாவாற்று, 300 மெகாவாற்று என்ற அள வில் உலகில் மிகப்பெரிய தொலை கடல் காற்றாலை பண் ணைகளாக காணப்பட்டன. இதற்கு அடுத்ததாக டென்மார்க்கின் ஹோர் ன்ஸ் ரேவ் தொலைகடல் காற்றாலை பண்ணை (209 மெகாவாற்று) காணப் பட்டது.

தற்போது உலகம் முழுவதும் இருநூறாயிரத்துக்கும் அதிகமான 282,482 மெகாவாட்டு பெயர்பலகையுடன் மொத்த சக்தி உடைய காற்றுச் சுழலிகள் செயற்பாட்டில் உள்ளதாக கணிப்பொன்று தெரிவிக்கின்றது.

2012 செப்டெம்பரில் ஐரோப்பிய யூனியன் மாத்திரம் மொத்தம் 100,000 மெகாவாட்டு சக்தி பெயர்பலகையை தாண்டியது. ஐக்கிய அமெரிக்கா 2012 ஆகஸ்டில் 50,000 மெகாவாட்டை விஞ்சியதுடன, சீனாவும் அதே மாதத்தில் 50,000 மெகாவாட்டை தாண்டியது.

உலக காற்றுச் சக்தி கொள்ளளவானது 2000 - 2006 இடையில் நான்கு மடங்கிலும் மேலாக அதிகரித்தது. அதாவது மூன்று வருடங்களில் இரண்டு மடங்கால் அதிகரித்துள்ளது. 1980 - 1990 காலப் பகுதியில் உலகை நிறுவப்பட்ட கொள்திறனுக்கு இட்டுச் செல்லும் முன்னோடியாக ஐக்கிய அமெரிக்கா காற்றாலைப் பண்ணைகள் விளங்கின.

1997 இல் ஜேர்மனில் நிறுவப்பட்ட கொள்திறன் அமெரிக்காவை விஞ்சியது. 2008 இல் அமெரிக்காவில் நிறுவப்பட்ட கொள்திறன் மீண்டுமொரு தடவை ஜேர்மனை விஞ்சியது. சீனா 2000 ஆண்டு முதல் தனது காற்றுச் சக்தி கொள்திறனை விருத்திசெய்து வருகின்றது. 2010 இல் அமெரிக்காவின் காற்றுச்சக்தி கொள்திறனை சீனா தாண்டியதுடன் காற்றுச்சக்தி திறன் கொண்ட நாடுகளில் சீனா முன்னி லையில் உள்ளது.

2012 இன் இறுதியில் உலகம் முழுவதும் 282 ஜிகாவாட்டு கொள்ள ளவைக் கொண்ட காற்று சக்தி பிற ப்பாக்கிகள் காணப்பட்டதுடன், முந்திய வருடத்திலிருந்து அது 44 ஜிகா வாடினால் அதிகரித்துச் செல்கின்றது. ஒரு கைத்தொழில் நிறுவனம் 2010 இல் மொத்த உலக மின்சார நுகர்வின் 2.5 சதவீதம் காற்றுச் சக்தி வலுவின் மூலம் மின்சாரத்தை உற்பத்தி செய்துள்ளது என உலக காற்று எரிசக்தி சங்கம் குறிப்பிட்டுள்ளது. 1997 இல் 0.1 சதவீதமாக இருந்த உலக காற்று சக்தி நுகர்வு 2008 இல் 1.5 வரை அதிகரித்துள்ளது.

காற்று மின்சாரத்தை உற்பத்தி செய்வதில் பல நாடுகள் உயர்ந்த நிலையில் காணப்படுகின்றன. இவ்வரிசையில் டென்மார்க் 28%, போர்த்துக்கல் 19%, ஸ்பெயின் 16%, அயர்லாந்து 14%, ஜெர்மன் 8% உலகின் 83 நாடுகள் 2011 இல் வணிக அடிப்படைகளுக்காக காற்றுச் சக்தியை பயன்படுத்தியிருக்கின்றன.