உள்வீட்டு மோதல்களினால் சிக்கித் தவிக்கும் கட்சிகள்

மனைவிக்கு ஆசனம் வழங்கப்படாமையால் UNP யுடன் மேயர் கடும் சீற்றம்
தலைவர் மாற்றத்தினால் JVP கட்சி இரண்டு குழுக்களாகப் பிளவு
மனோ தம்மை பலிக்கடாவாக்குவதாக ஜ. ம. மு. வீரர்கள் மெளன யுத்தம்
தன்னிச்சையான கருத்துக்களால் தமிழ்க் கூட்டமைப்புக்குள் குத்துவெட்டு

மேல் தென் மாகாண சபைத் தேர்தல் களுக்கான வேட்பு மனுத் தாக்கல் செய்ததிலிருந்து பிரதான எதிர்க்கட்சிகள் சகலவற்றுக்குள்ளும் பாரிய உட்கட்சி மோதல்கள் ஆரம்பித்துள்ளது அவதானிக்க முடிகிறது. ஐக்கிய தேசியக் கட்சி, ஜே.வி.பி. ஜனநாயக மக்கள் முன்னணி மற்றும் தமிழ்த் தேசிய கூட்டமைப்பு ஆகிய கட்சிகளிடையே இந்த உட்கட்சி மோதலைக் காணக் கூடியதாகவுள்ளது.

மேல் மாகாணத்தில் ஐ.தே.க. வில் போட்டியிட தனது மனைவிக்கு இடமளிக்கப்படாமையினால் கொழும்பு மாநகர மேயரும், ரணில் விக்கிரமசிங்கவின் நெருங்கிய சகாவும், கட்சியின் முக்கியஸ்தருமான முஸம்மில் கட்சியிலிருந்து விலகும் நிலை ஏற்பட்டுள்ளது. தனது மனைவி புறக்கணிக்கப்பட்டமைக்கு ரவி கருணாநாயக்க எம்.பியை இவர் நேரடியாகவே குற்றம் சாட்டியுள்ளதாக தெரிய வருகிறது. முஜிபுர் ரஹ்மான், பைரூஸ் ஹாஜி ஆகியோரின் ஆலோசனையின் பேரிலேயே ரவி இத்துரோகத்தைச் செய்துள்ளதாக மேயர் தரப்பு தெரிவித்துள்ளது.

இதேபோன்று ஜே.வி.பி.யின் திடீர் தலைமை மாற்றத்தினால் முன்னாள் தலைவர் சோமவன்சவிற்கு ஆதரவாக கட்சிக்குள் முக்கிய பதவிகளிலுள்ள பலரும் புதிய தலைவர் மீது அதிருப்தி கொண்டுள்ளனர். இதனால் எதிர்வரும் தேர்தலில் தாம் முனைப்புடன் ஈடுபடப் போவதில்லை என இவர்கள் தெரிவித்துள்ளனர். ஜே.வி.பி. இப்போது பழைய தலைவர், புதிய தலைவர் என இரண்டு குழுக்களாகப் பிளவு பட்டுள்ளதாகவும் தெரிய வருகிறது.

இதேவேளை ஜனநாயக மக்கள் முன்னணிக்குள்ளும் வெளித் தெரியாத மெளனமான உட்கட்சிப்பூசல் வெடித்துள்ளதாக நம்பகரமாகத் தெரிய வருகிறது. தனது வெற்றிக்காக தம்மை பலிக்கடாவாக்கத் தலைவர் முற்பட்டுள்ளதாக வேட்பாளர் பட்டியலில் பெயரிடப்பட்டுள்ள கொழும்பு மாநகர சபை உறுப்பினர்கள் பலரும் தெரிவித்துள்ளனர். தாம் வெற்றிபெறாவிடின் தமது பெயர் தோல்வியடைந்தவர்கள் பட்டியலில் மக்கள் மனங்களில் பதிந்து விடும் என போட்டியிடும் சிலர் தெரிவித்துள்ளனர். எனினும் தலைவருக்குப் பயத்தினால் எதையும் வெளியே கூற முடியாத நிலையில் சகலவற்றையும் மனதிலேயே பூட்டிவைத்திருப்பதாகவும் அவர்கள் தெரிவிக்கின்றனர்.

அத்துடன் இத்தேர்தலில் நேரடியாகச் சம்பந்தப்படாவிடினும் இத்தேர்தல் தொடர்பில் தமிழ்த் தேசியக் கூட்டமைப்பிற்குள்ளும் உட்கட்சிபூசல்கள் இடம்பெற்று வருவதாகத் தெரியவருகிறது. மேல் மாகாணத்தில் ஐ.ம. முன்னணிக்கு ஆதரவு வழங்குவதாகச் சிலர் தன்னிச்சையாகத் தெரிவித்துள்ள கருத்தினால் கட்சிக்குள் முரண்பாடு ஏற்பட்டுள்ளது. மேல் மாகாணத்தில் எக்கட்சியையும் வெளிப்படையாக ஆதரிப்பதில்லை எனும் முடிவிலேயே தமிழ்க் கூட்டமைப்பு உள்ள நிலையில் சிலர் தமது ஆதரவு குறித்து கருத்து வெளியிட்டு வருகின்றனர். அவ்வாறு தெரிவிக்கப்படும் கருத்துக்கள் அவர்களது தனிப்பட்ட கருத்தே தவிர கட்சியின் நிலைப்பாடு இல்லையெனவும் அக்கட்சி வட்டாரங்கள் தெரிவித்துள்ளன.

(எஸ். சுரேஷ்)

உனக்கு நாடு இல்லை என்றவனைவிட நமக்கு நாடே இல்லை என்றவனால்தான் நான் எனது நாட்டை விட்டு விரட்டப்பட்டேன்.......

ராஜினி திரணகம

MBBS(Srilanka)

Phd(Liverpool, UK)

'அதிர்ச்சி ஏற்படுத்தும் சாமர்த்தியம் விடுதலைப்புலிகளின் வலிமை மிகுந்த ஆயுதமாகும்.’ விடுதலைப்புலிகளுடன் நட்பு பூணுவது என்பது வினோதமான சுய தம்பட்டம் அடிக்கும் விவகாரமே. விடுதலைப்புலிகளின் அழைப்பிற்கு உடனே செவிமடுத்து, மாதக்கணக்கில் அவர்களின் குழுக்களில் இருந்து ஆலோசனை வழங்கி, கடிதங்கள் வரைந்து, கூட்டங்களில் பேசித்திரிந்து, அவர்களுக்கு அடிவருடிகளாக இருந்தவர்கள்மீது கூட சூசகமான எச்சரிக்கைகள், காலப்போக்கில் அவர்கள்மீது சந்தேகம் கொண்டு விடப்பட்டன.........'

(முறிந்த பனை நூலில் இருந்து)

(இந் நூலை எழுதிய ராஜினி திரணகம விடுதலைப் புலிகளின் புலனாய்வுப் பிரிவின் முக்கிய உறுப்பினரான பொஸ்கோ என்பவரால் 21-9-1989 அன்று யாழ் பல்கலைக்கழக வாசலில் வைத்து சுட்டு கொல்லப்பட்டார்)

Its capacity to shock was one of the L.T.T.E. smost potent weapons. Friendship with the L.T.T.E. was a strange and self-flattering affair.In the course of the coming days dire hints were dropped for the benefit of several old friends who had for months sat on committees, given advice, drafted latters, addressed meetings and had placed themselves at the L.T.T.E.’s beck and call.

From: Broken Palmyra

வடபுலத் தலமையின் வடஅமெரிக்க விஜயம்

(சாகரன்)

புலிகளின் முக்கிய புள்ளி ஒருவரின் வாக்கு மூலம்

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத்தில் தப்பியவரின் வாக்குமூலம்

தமிழகத் தேர்தல் 2011

திமுக, அதிமுக, தமிழக மக்கள் இவர்களில் வெல்லப் போவது யார்?

(சாகரன்)

என் இனிய தாய் நிலமே!

தங்கி நிற்க தனி மரம் தேவை! தோப்பு அல்ல!!

(சாகரன்)

இலங்கையின் 7 வது பாராளுமன்றத் தேர்தல்! நடக்கும் என்றார் நடந்து விட்டது! நடக்காது என்றார் இனி நடந்துவிடுமா?