உள்ளூராட்சி தேர்தலில் சிறுபான்மைக் கட்சிகள்

உள்ளூராட்சிக் மன்றங்களுக்கான தேர்தல்கள் நடைபெறப் போகிறது என்ற அறிவிப்புக் கிடைத்ததும் அரசியல் கட்சிகள் பலவும் மக்களுக்கான தமது வாக்குறுதி மட்டைகளைத் தூசு தட்டித் துப்பரவு செய்ய ஆரம்பித்துள்ளன. தேர்தல் முடியும்வரை இவர்களுக்கு ஓய்வில்லாத வேலைகள் நிச்சயம் இருக்கும்.

பிரதான கட்சிகளை விடுத்து எமது சிறுபான்மையினக் கட்சிகளை உற்று நோக்கினால் அவை மக் களுக்குத் தமது வாக்குறுதிகளையும், வீரவசனங்களையும் அள்ளி இறைப்பதற்கு முன்னதாகத் தமக்கிடையே பனிப்போரை நடத்த ஆரம்பித்துள்ளன. தமிழ்க் கூட்டமைப்பு, முஸ்லிம் காங்கிரஸ், இலங்கைத் தொழிலாளர் காங்கிரஸ் மற்றும் பல சிறு சிறு தமிழ்பேசும் கட்சிகள் வாய் வீச்சுக்களில் ஈடுபட்டுள்ளன. எனினும் பிரதான சிறுபான்மைக் கட்சிகள் அனைத்தும் இப்போது அரசாங்கத்துடனேயே இருக்கின்றன.

அரசாங்கத்துடன் இணைந்து தேர்தலில் போட்டியிடுவதையே இவற்றில் பெரும்பாலான கட்சிகள் விரும்புகின்றன. ஆனாலும் ஒரு கட்சி அதற்கு விருப்பம் தெரிவித்தால் அடுத்த கட்சி அதைச் சாடுவதும், அதன் பின்னர் அந்தக் கட்சி இதைச் சாடுவதுமாக உள்ளது. வெளியே இவ்விடயங்கள் பெரிதாக வராவிட்டாலும் கட்சி வட்டாரங்கள் இதைப் பெரிதாக்கி அரசியல் இலாபமடைய முனைகிறது.

ஐக்கிய தேசியக் கட்சியில் அதிருப்தி அடைந்துள்ள சிறு சிறு சிறுபான்மைக் கட்சிகள் பலவும் அரசாங்கக் கட்சியுடன் கூட்டுச் சேர்வதில் ஆர்வம் காட்டியுள்ளன. தமிழ் மக்களுக்கு எதிராக ஐ. தே. க. தலைவர்கள் தெரிவித்துவரும் கருத்துக்கள் கட்சிக்கு ஆதரவளித்து வந்த ஒருசில தமிழ் பேசும் மக்களையும் வெறுப்படைய வைத்துள்ளது. இந்நிலையில் அந்தச் சிறு சிறு தமி ழ்க் கட்சிகளும் தமது மக்களின் ஆதரவின்றித் தவித்து வருகின்றன.

ஜனாதிபதி அதிகாரம், பாராளுமன்றத்தில் மிகப் பெரும்பான்மை, சகல மாகாண சபைகளினதும் அதிகாரம் என்பன ஜனாதிபதி மஹிந்த ராஜபக்ஷவின் அரசாங்கத்தின் கைகளில்தான் உள் ளது. அத்துடன் நூற்றுக்குத் தொண்ணூற்று ஒன்பது வீதமான உள்ளூராட்சி மன்றங்களின் அதிகாரம் அரசாங்க கட்சியின் கைகளில்தான் இருந்தது. இனியும் அவ்வாறுதான் இருக்கும்.

இந்நிலையில் ஒருசில சிறுபான்மைக் கட்சிகள் தனித்துப் போட்டியிட்டு ஏதோ சாதனையை நிலை நாட்டத் துடிப்பதன் மர்மம் என்னவென்று தெரியவில்லை. அரசாங்கக் கட்சியுடன் இணைந்து போட்டியிடுவதன் மூலமாக ஒவ்வொரு சபைகளிலும் பலம் மிக்க அதிகாரம் கொண்ட ஆட் சியை ஏற்படுத்த முடியும். அதன் மூலமாக அராசங்கத்தின் உதவியை அதிகளவில் பெற்றுத் தமது மக்களுக்குச் சேவையாற்ற முடியும்.

அதுவே சிறந்த முடிவாக இருக்கும். மக்களுக்காகச் சேவை செய்வோர், மக்கள் ஆதரவில் கட்சி களை நடத்துவோர் அந்த மக்களின் கருத்துக்களைப் புறந்தள்ளுவது உகந்ததல்ல. இன்றைய அரசாங்கத்தின் செயற்பாடுகள் மக்களை வெகுவாகக் கவர்ந்துள்ளது. நேரடியாக மக்களுடன் அரசாங்கம் தொடர்புகளைப் பேணி வருகின்றது.

தனித்துப் போட்டியிடுவது பற்றி ஆலோசித்து வருகிறோம். தனித்துத்தான் போடியிடுவோம், மக் களின் விரும்பத்தை அறிந்துதான் நடப்போம், மத்திய குழுவின் தீர்மானம்தான் எமது முடிவு. என்றெல்லாம் அறிக்கைகளை ஊடகங்களுக்கு விடுவதன் மூலம் யதார்த்தத்தை மூடிமறைக்க முடியாது. சிறுபான்மை மக்கள் இன்று அரசாங்கத்துடன் வெளிப்படையாகவே நிற்கின்றனர். எனவே கட்சிகள் தமது எண்ணத்தைக் கைவிட்டு மக்களின் விருப்பத்தைக் கேட்டறிய வேண்டும்.

முப்பது வருட கால யுத்தம் முடிவிற்கு கொண்டுவரப்பட்ட பின்னர் மக்களுக்கான அரசாங்கத்தின் சேவை இரட்டிப்பாக உள்ளது. பொருட்களின் விலைகள் ஏற்றம் கண்டாலும் அவை ஒரு தற் காலிகமானதே. அதற்குக் கூட இந்தியாவிலிருநது தேவையான சில அத்தியாவசியப் பொருட் களை இறக்குமதி செய்து மக்களது அன்றாட வாழ்வில் சுமையைக் கொடுக்காது அரசு நட ந்து வருகிறது.

நாடு இன்று துரித வளர்ச்சி கண்டு வருகிறது. குறிப்பாக தமிழ் பேசும் மக்கள் வாழும் வடக்கு, கிழக்குப் பகுதிகள் என்றுமில்லாத வகையில் துரித வளர்ச்சி கண்டு வருகிறது. இந்நிலையில் அரசாங்கத்துடன் கைகோர்த்து தாம் சார்ந்த கட்சிகள் செயற்படுவதையே சிறுபான்மை மக்கள் விரும்புவார்கள்.

இல்லையேல் தாமே அரசாங்கக் கட்சியுடன் இணைந்து செயற்படுவதை மாற்றுத் தீர்வாகக் கொள் வார்கள். தற்போதே பெரும்பாலான சிறுபான்மை மக்கள் அரசாங்கக் கட்சியுடன் இணைந்து செயற்பட்டு வருகின்றனர். இதனாலேயே வடக்கு, கிழக்கு பகுதிகளிலும் அரசாங்கக் கட்சி யான ஸ்ரீலங்கா சுதந்திரக் கட்சியில் இணைந்து கொள்வதில் மக்கள் ஆர்வம் காட்டி வரு கின்றனர்.

ஜனாதிபதி மஹிந்த ராஜபக்ஷவினால் இந்நாட்டில் இனி சிறுபான்மையின மக்கள் என்ற ஒரு பிரிவினர் இல்லை என்ற கருத்து அரசாங்கத்தின் இன, மத, மொழி, பிரதேச வேறுபாடுகளற்ற சேவையினால் வலுப்பெற்றுள்ளது. ஜனாதிபதியின் கூற்று முழுமையாக நிஜமாக இன்னும் மிகச் சிறிது காலமே உள்ளது. 

(தினகரன்)