நச்சு வாயுவை வெளியேற்றும்
வாகனங்களுக்கு தடை விதிக்க வேண்டும்

வாகனங்களிலிருந்து வெளியேறும் நச்சுவாயு கலந்த புகை சுற்றாடலை அசுத்தப்படுத்தி தீங்கிழைப்பதனால், உலகில் வருடாவருடம் சராசரியாக 40 இலட்சம் மக்கள் மரணிக்கிறார்கள். இது இலங்கையிலும் பொது மக்களுக்கு பெரும் அச்சுறுத்தலாக இருந்து வருகிறது. நச்சு வாயு கலந்த கரும்புகையை வெளியேற்றும் வாகன உரிமையாளர்களுக்கு எதிராக கடும் சட்ட நடவடிக்கை எடுப்பதற்கு எமது நாட்டின் வாகன போக்குவரத்து சட்டங்கள் போதியளவு அதிகாரத்தை பொலிஸாருக்கு வழங்குகின் றன. என்றாலும், இது விடயத்தில் பொலிஸாரோ, வாகனங்களுக்கு அனுமதிப்பத்திரம் வழங்கும் அரசாங்க திணைக்களமோ இச்சட்டங் களை கடுமையாக கடைப்பிடிப்பதில் அந்தளவுக்கு ஆர்வமோ, அக்கறையோ காட்டி வருகிறார்கள் என்று கூறுவதற்கு இல்லை.

போக்குவரத்து பொலிஸார் வீதிகளில் வாகனங்களை ஓட்டிச் செல் லும் சாரதிகள் மதுபோதையில் இருந்தால், அவர்களுக்கு எதிராக உடனடியாக சட்ட நடவடிக்கை எடுத்து நீதிமன்றங்களின் மூலம் கடுமையான தண்டனைகளையும் விதிப்பதற்கு தயக்கம் காட்டுவது இல்லை.

ஆனால், மதுபோதையில் வாகனத்தை ஓட்டும் ஒரு சாரதி விபத்தில் ஒரு சிலரை பலிகொள்ளும் பாரதூரமான குற்றத்தை செய்கிறான் என்பதை நாம் அனைவரும் ஏற்றுக்கொள்கிறோம்.

ஆயினும், தனது வாகனத்தின் இயந்திரம் பழுதடைந்து அதன் மூலம் நச்சுவாயு கலந்த கரும்புகை வெளியேற்றப்படுவதனால், ஒரு நாளை க்கு ஒரு வாகனத்தின் மூலம் நூற்றுக்கணக்கானோர் குறிப்பாக, வள ர்ந்து வந்தவர்கள் மட்டுமின்றி, பாடசாலை மாணவ, மாணவிகளும் சுவாசம் தொடர்பான பல்வேறு உபாதைகளுக்கு ஆளாகிறார்கள். இதனால், அவர்களுக்கு ஏற்படக்கூடிய இருமல், காய்ச்சல் மற்றும் சுவாசப்பையில் ஏற்படக்கூடிய சளிச்சுரம் போன்ற நோய்களினால் நாளாந்தம் ஆயிரக்கணக்கானோர் பாதிப்புக்குள்ளாகி பல சந்தர்ப் பங்களில் மரணத்தையும் தழுவிக் கொள்கிறார்கள்.

இதனால்தான், நல்ல சுகதேகிகளாக பாடசாலைக்கு சென்று விளையா டிக் கொண்டிருக்கும் சில சிறுவர், சிறுமியர்கள் திடீரென்று சுவாசம் தொடர்பான நோய்களினால் பாதிக்கப்பட்டு, எவரும் எதிர்பாராத நேர த்தில் மரணமடையும் சம்பவங்களையும் எத்தனையோ சந்தர்ப்பங்க ளில் நாம் அவதானித்தும், வேதனை பட்டிருக்கிறோம்.

இதற்காக, தற்போது, வைத்தியர்களுக்கு விழிப்பூட்டுவதற்கான பயிற் சிப் பாசறை ஒன்று கடந்த 15ம் திகதி கொழும்பில் நடத்தப்பட்டது. ரோமாபுரியின் வைத்திய கல்லூரியின் சுவாசம் தொடர்பான நோய் களுக்கு சிகிச்சை அளிக்கும் பிரிவின் தலைவர் மரியோ கசோலா இந்த பயிற்சி பாசறையை வெற்றிகரமான முறையில் நடத்தினார். இவ்விதம் சுகாதார அமைச்சு இந்நோயினால் பாதிக்கப்படுபவர்க ளுக்கு சிகிச்சை அளித்து, அவர்களை சுகதேகிகளாக மாற்றும் பணியை மிகவும் சிரமப்பட்டு நிறைவேற்றி வருகிறது.

நச்சுவாயு கலந்த கரும்புகையை வாகனங்கள் வெளியேற்றும் போது, அதனால் நோய்வாய்ப்படும் ஆயிரக்கணக்கானோருக்கு சிகிச்சைய ளிப்பதற்கு சுகாதார அமைச்சு நடவடிக்கை எடுத்து வருகின்ற போதிலும், இவ்விதம் நச்சுவாயுவை வெளியேற்றி எமது நாட்டு மக்களுக்கு தீங்கிழைக்கும் வாகன சொந்தக்காரர்களுக்கு எதிராக பொலிஸாரோ, வாகன போக்குவரத்து திணைக்களமோ தீவிர நடவ டிக்கைகளை எடுப்பதில் அசமந்தப் போக்கை கடைப்பிடித்து வரு கிறார்கள்.

இந்தப் பிரச்சினைக்கு முடிவு கட்டும் நல்ல நோக்கத்துடன், கிளின் கோ லங்கா சுற்றாடலுக்கு பாதுகாப்பு அளிக்கும் திட்டத்தின் கீழ் வாக னங்கள் புகையை வெளியேற்றுகின்றனவா என்பதை கண்காணிப்ப தற்காக, இப்போது நாட்டின் பல பகுதிகளில் வாகன சோதனை நிலையங்கள் ஏற்படுத்தப்பட்டுள்ளன.

இந்த நிலையங்களில் சம்பந் தப்பட்ட வாகனங்கள் வீதி போக்குவரத்துக்கு உகந்தவை என்ற சான்றிதழை அளித்தால் மாத்திரமே, அவற்றை வீதிகளில் ஓட்டிச் செல்வதற்கு இனிமேல் அனுமதியளிக்கும் புதிய நடைமுறையும் இப்போது ஆமை வேகத்தில் அமுலாக்கப்பட்டு வருவது குறித்து, நாம் ஓரளவு மகிழ்ச்சியடையத் தான் வேண்டும்.

கடந்த ஆண்டின் ஜூன் மாதம் அளவில் இப்பணியை செய்யும் இர ண்டு நிறுவனங்கள் தங்கள் நிலையங்கள் மூலம் 37 இலட்சம் வாக னங்களை பரிசோதித்து, அவற்றிற்கு சான்றிதழ் வழங்கியிருப்பது குறிப்பிடத்தக்கது.

மக்களுக்கு பாதுகாப்பு அளிப்பதற்கான சட்டதிட்டங்களை அரசாங்கங் கள் பாராளுமன்றத்தில் நிறைவேற்றி, அவற்றை அமுல்படுத்தும் பொறுப்பை சில அரச நிறுவனங்களுக்கு குறிப்பாக, பொலிஸாருக் கும், வாகனபோக்குவரத்து திணைக்களத்திற்கும் கொடுத்துள்ள போதி லும், இவ்விரு ஸ்தாபனங்களில் உள்ள விரல் விட்டு எண்ணக் கூடிய சில உத்தியோகஸ்தர்களின் நேர்மையற்ற, நடத்தையினால், இந்த சட்டதிட்டங்கள் நூற்றுக்கு நூறு வீதம் நடைமுறைப்படுத் தப்படுவதில்லை. இதற்கு ஒருவகையில் கைலஞ்சமும், முக்கிய காரணமாக அமைந்திருக்கின்றது.

எனவே, இனிமேலாவது அரசாங்க உத்தியோகஸ்தர்கள் தங்கள் கட மைகளை நாட்டுப்பற்றுடன் நிறைவேற்றி அப்பாவி மக்களுக்கு சில பொறுப்பற்ற சுயநலவாதிகளின் தவறான போக்கினால் ஏற்படக் கூடிய இத்தகைய உபாதைகளிலிருந்து பாதுகாப்பதற்கு முன்வர வேண்டும் என்ற வேண்டுகோளை நாம் வேதனையுடன் விடுக்க விரும்புகிறோம்.