Contact us at: sooddram@gmail.com

 

இலங்கை அரசு போரில் வெற்றிபெற உதவிய மூலோபாயங்கள் எவை

ஐக்கிய அமெரிக்கா, பிரித்தானியா மற்றும் இந்தியா போன்ற நாடுகளின் அழுத்தங்களுக்குப் பணிந்துகொண்டு புலிகள் தங்களை மீளொழுங்குபடுத்துவதற்காக வாய்ப்பினை ஏற்படுத்தக்கொடுக்ககூடாது என்பதில் நாங்கள் உறுதியுடன் இருந்தோம்"

இவ்வாறு 'THE NATION' என்னும் ஆங்கில ஊடகத்தில் Gagani Weerakoon எழுதிய செய்திக் கட்டுரையில் தெரிவிக்கப்பட்டுள்ளது. அதன் (மொழியாக்கம்)
கட்டுரையின் விபரமாவது,

அபிவிருத்திசார் செயற்பாடுகளை திறனுடன் முன்னெடுப்பதற்குத் தேவையான உறுதியான தலைமைத்துவத்திற்கு தொடர்புடைய ஒவ்வொரு தனி நபரதும் காத்திரமான ஈடுபாடு மற்றும் சுய ஒழுக்கம் என்பனதான் பிரதானமானவை என பாதுகாப்புச் செயலாளர் கோத்தாபய கூறுகிறார்.

இலக்கு தொடர்பான சரியான பார்வை மற்றும் ஆரம்பம் முதல் இறுதிவரை ஐயம் எதுவுமற்ற கொள்கைப் பிடிப்பு என்பன அபிவிருத்திப் பாதையினை இலகுவாக்கும் என மேலும் விளக்குகிறார் கோத்தாபய.

நாட்டினது அபிவிருத்திக்கு வழிசெய்த போரின் வெற்றிகரமான முடிவு' என்ற தலைப்பிலமைந்த பிலிக்ஸ் ஆர் டயஸ் பண்டாரநாயக்க நினைவுப் பேருரையினை ஆற்றியபோதே பாதுகாப்புச் செயலாளரும் அதிபர் மகிந்தவின் சகோதரருமான கோத்தாபய ராஜபக்ச இந்தக் கருத்தினை முன்வைத்திருக்கிறார்.

சிறிய அலகுகள் முதல் நாட்டினது பிரதான கட்டமைப்புக்கள்வரை அனைத்திலும் நாட்டினை வெற்றிப் பாதையில் இட்டுச் செல்லக்கூடியவகையில் தகுந்த, பொருத்தமான மூலோபாயங்களைக் கைக்கொள்ளவேண்டும். நாட்டினது வளர்ச்சியினைப் பின்னோக்கித் தள்ளிய கொடூரம் நிறைந்த போர் முடிவுக்கு வந்துவிட்டது. இருப்பினும் பொருளாதாரப் போரில் நாங்கள் வெற்றி பெற்றாக வேண்டும்".

தங்களது பணி தொடர்பான தெளிவான பார்வையினையும், சரியான தருணத்தில் தகுந்த முடிவுகளை உறுதியுடன் எடுக்கும் திறனையும், சுய ஒழுக்கத்தினையும், வலுவான கொள்கைப் பற்றையும், வெற்றி பெற்றே தீரவேண்டும் என்ற அசையாத உறுதியினையும் அடி மட்டத்திலிருந்து உயர் மட்டம் வரை அனைவரும் கொண்டிருந்ததே போரில் நாங்கள் வெல்லுவதற்கு வழிசெய்தது.

இந்த ஒவ்வொரு கட்டமைப்புக்கும் தேவையான போதிய நிதி தங்குதடையின்றி வழங்கப்பட்டதோடு தொடர்புடைய அனைத்துக் கட்டமைப்புக்களுக்குத் தேவையான மனித வளம் பெற்றுக்கொடுக்கப்பட்டது.

இதுவே போரில் நாம் பெற்ற வெற்றியின் சூட்சுமம். போரின் போது நாங்கள் எவ்வாறு செயலாற்றினோமோ அதுபோல தெளிவான, உறுதியான திட்டங்களின் அடிப்படையில் எமது பணிகளை முன்னெடுத்தால் சிறந்ததொரு தேசத்தினை எம்மால் கட்டியெழுப்ப முடியும்".

உலகில் சரியானதொரு இடத்திற்கு நம் தேசத்தினை வழிநடத்திச் செல்வதற்கான அரியதொரு சந்தர்ப்பம் தற்போது கிடைத்திருக்கிறது. நமக்குக் கிடைத்திருக்கும் இந்தத் தனித்துவமான வாய்ப்பினை பற்றிப்பிடிப்பதற்கு நான் அனைவரும் ஒன்றிணைந்து கடுமையாக உழைக்கவேண்டியது காலத்தின் கட்டாயம்".

போரை வெற்றிகரமான முடிவுக்குக் கொண்டுவருவதற்கு ஏதுவாக எத்தகைய அணுகுமுறையினை அரசாங்கம் கடைப்பிடித்தது என்பதை பாதுகாப்புச் செயலாளர் கோடிட்டுக் காட்டினார்.

அதிபர் மகிந்த ராஜபக்சவின் அசையாத உறுதி, சிறந்த தலைமைத்துவம், முப்படைகளின் மீது அவர் வைத்திருந்த அதீத நம்பிக்கை மற்றும் தேவையான அரசியல் உறுதிப்பாடு, இவைதான் நாங்கள் பெற்றிருக்கும் வெற்றியின் இரகசியம் என பாதுகாப்புச் செயலாளர் கூறுகிறார்.

2005ம் ஆண்டு இலங்கை அரசு தலைவராக மகிந்த ராஜபக்ச பொறுப்பேற்றபின்னர், நாட்டினது போரை முடிவுக்குக் கொண்டுவருவதற்கு இராணுவ வழியிலமைந்த முனைப்பினை நாங்கள் எடுக்க முனைந்தபோது அதனைப் பலரும் எதிர்த்தனர்.

ஆனால் ஒரு முறை முழுமையாக முயன்று பார்ப்போமே என அதிபரும் படைத்தளபதிகளும் எண்ணினர். சோரவிடாது போரை உறுதியுடன் இடைவிடாது முன்னெடுப்பதற்கு அரசியல் உறுதிப்பாடு அவசியமானதொன்று" என அவர் தொடர்ந்தார்.

அத்துடன் போர் எவ்வாறு முன்னெடுக்கப்படுகிறது என்ற முழுமையான புரிந்துணர்வு மற்றும் நிலைமையினைப் படைத்துறைசார் பார்வையில் ஆராயும் திறன் போன்றவற்றினை நாட்டினது அரசியல் தலைமைத்துவம் கொண்டிருக்கவேண்டியது அவசியமானது. இதுபோன்ற திறன்களை அரச தலைவர் கொண்டிருப்பது அவர் போர் தொடர்பான உறுதியான முடிவுகள் எடுப்பதற்கு வழிசெய்கிறது".

உதாரணமாக, போரின் போது நாங்கள் கைக்கொண்ட உத்திகள் மற்றும் உபாயங்கள் பற்றிய தெளிவு நாட்டினது அரசியல் தலைமைத்துவத்திடம் இல்லாது இருந்திருந்தால், நிலைமைகளை படைத்துறை சார் பார்வையில் ஆராயும் திறன் அவரிடம் காணப்பட்டிருக்காவிட்டால், நாங்கள் அனைத்துலக அழுத்தங்களுக்கு அடிபணிந்து விடுதலைப் புலிகளிடம் தோற்கும் நிலை ஏற்பட்டிருக்கும். நாட்டின் முன்னைய ஆட்சியாளர்கள் விட்ட தவறு இதுதான்".

கடந்த காலத்தில் நாம் தோல்விகளைச் சந்திப்பதற்கு வழிவகுத்த காரணங்கள் எவையோ அவற்றினைச் சரியாக விளங்கி வைத்திருந்தால் மாத்திரமே எங்களது எதிர்கால நடவடிக்கைகளில் இதுபோன்ற தவறுகள் இடம்பெறாமல் பார்த்துக்கொள்ளலாம் என்றார் அவர்.

கடந்தகாலத் தவறுகள் தொடர்பாக அரசாங்கம் தெளிவான விளக்கத்தினைக் கொண்டிருந்தமையின் விளைவாகவே அனுராதபுரம் வான்படைத் தளத்தின் மீதான தாக்குதல் மற்றும் முகமாலைப் படுதோல்வியின் பின்னரும் சோர்ந்து போகாது, விட்டுக்கொடுக்காது அரசாங்கம் படை நடவடிக்கையினைத் தொடர்ந்தும் முன்னெடுத்தது. அனுராதபுரம் வான்படைத் தளத்தின் மீதான தாக்குதலில் நாங்கள் பல வான் கலங்களை இழந்திருந்தோம். முகமாலையில் 125 படையினரை இழந்து நின்றோம்".

முப்படைகளின் தளபதி என்ற வகையில் நிலைமைகளைச் சரியாக மதிப்பிட்டு முடிவெடுக்கும் திறன் அதிபர் ராஜபக்சவிற்கு இல்லாதிருந்திருந்தால், சந்தித்த தோல்விகளைக் கண்டு துவண்டிருப்பதோடு போரை முடிவுக்குக் கொண்டுவந்து புலிகளைப் பேச்சு மேசைக்கு அழைத்திருப்பார். தங்களைப் பலப்படுத்துவதற்காக கால இடைவெளியாகவே பேச்சுக்களைப் புலிகள் பயன்படுத்துவது வேறுகதை. இதனை அதிபர் நன்கு விளங்கி வைத்திருந்தார்".

சரியான முடிவுகளை சரியான தருணத்தில் மேற்கொண்டதும் தங்களது படைத்துறை வெற்றிக்கு துணைநின்ற இன்னொரு அம்சம் எனக் குறிப்பிட்டார் கோத்தா.

எழுத்திலுள்ள கோட்பாடுகளுக்கும் வரையறைகளுக்கும் மாத்திரம் கட்டுப்பட்டு செயற்படமுடியாத சந்தர்ப்பங்களும் உண்டு. பார்ப்பதற்கு அழகாகத் தெரியும் உழுத்துப்போன சித்தாந்தங்களின் அடிப்படையில் மாத்திரம் முடிவுகளை எடுக்காது நடைமுறைச் சாத்தியமான நிலைமைக்கு ஏற்றால் போல முடிவுகளை எடுக்கவேண்டிய நிலைமையினை நாங்கள் முகம்கொடுத்தோம். வித்தியாசமான கோணங்களில் சிந்தித்து அதற்கேற்றால்போல் புதியவகை முடிவுகளை எடுக்கும் மன உறுதி உங்களிடம் இருக்கவேண்டும்".

கள நிலைமைகளின் தேவைகள் எவையோ அவற்றின் அடிப்படையில் படையணிகளைத் துரிதமாக நகர்ந்தி நாங்கள் சமரிட்டோம். இதன் விளைவுதான் நாங்கள் போரில் பெற்ற வெற்றி. இந்த வெற்றிதான் ஆட்சியாளர்கள் மீதான மக்களின் நம்பிக்கை வலுவடைவதற்கு வழிவகுத்தது. இந்த நம்பிக்கைதான் உறுதியான ஆட்சியினை நாம் அமைப்பதற்கான களத்தினை அமைத்துத் தந்தது".

இலங்கை முன்னைய ஆட்சியாளர்கள் தேவைக்கேற்றால்போல் நாட்டினது படைக்கட்டமைப்பினை விருத்தி செய்வதற்குத் தயங்கினர். இந்த நிலையில்தான் புலிகளைத் தோற்கடிக்கவேண்டும் என்ற உறுதியானதொரு நிலைப்பாட்டினை அதிபர் ராஜபக்ச எடுத்தார்" என்கிறார் கோத்தபாய.

புலிகள் மீதான இடைவிடாத தாக்குதல்களை நடாத்துவதற்கும் கைப்பற்றிய பிரதேசங்களைத் தொடர்ந்தும் தக்கவைப்பதற்கு வழிசெய்யும் வகையிலும் தேவையான வசதி வாய்ப்புக்கள் அனைத்தையும் தயக்கமின்றி அதிபர் ராஜபக்ச பெற்றுக்கொடுத்தார்.

காவல்துறை உள்ளிட்ட நாட்டினது பல்வேறுபட்ட படைக்கட்டமைப்புக்களுக்கு வெறும் 800 பேரையாவது புதிதாக இணைத்துக்கொள்ள முடியாததொரு நிலைமை அப்போதிருந்தது. முப்படைகளின் தளபதி என்ற வகையில் அதிபரின் அனுமதியின்றி நாங்கள் ஒருவரைக்கூட புதிதாகப் படையில் இணைக்க முடியாது. இராணுவத்திற்கு இருக்கும் ஆட்பற்றாக்குறையினைச் சுட்டிக்காட்டியபோது, புதிய ஆட்திரட்டல்களை மேற்கொள்வதற்கான அனுமதியினை அதிபர் ராஜபக்ச வழங்கினார்".

அத்துடன் இராணுவ வீரர்கள் என்றால் தவறானதொரு பார்வையே மக்கள் மத்தியில் இருந்தது. படையில் இணைந்தால் மரணமடைந்துவிடுவோம் அல்லது உடலுறுப்பிழந்தவர் ஆகிவிடுவோம் என்ற எண்ணம் மக்கள் மத்தியில் மேலோங்கிக் காணப்பட்டது. படையிலிணைந்தால் மரணமடைந்துவிடுவாய் அல்லது உடலுறுப்பிழந்தவராய் முடக்கப்பட்டுவிடுவாய் என்பதைக் காட்டும் பரப்புரைகள் மேற்கொள்ளப்பட்டதும் இது தொடர்பான ஆவணங்கள் தயாரிக்கப்பட்டு வெளியிடப்பட்டதுதான் இதற்குக் காரணம்".

எவ்வாறிருப்பினும் இளைஞர்களின் சிந்தனைப் போக்கினை மாற்றும் வகையிலும் அவர்கள் படையில் இணைவதைத் தூண்டும் வகையிலான சிறப்பு நிகழ்ச்சித்திட்டங்களை நாங்கள் முன்னெடுத்தோம். இது எங்களுக்குப் பெரு வெற்றியினைத் தந்தது. ஒவ்வொரு முறையும் படைக்கு ஆட்திரட்டும்போது ஆயிரக்கணக்கானவர்கள் இணைந்துகொண்டார்கள்" என்கிறார் கோத்தா.

நாட்டினது படைக்கட்டமைப்பின் எண்ணிக்கையினை அதிகரிப்பதுடன் மாத்திரம் நின்றுவிடாது படையினருக்கான நலவாழ்வுத்திட்டங்களை மேம்படுத்துவது என்ற முடிவும் அப்போது எடுக்கப்பட்டிருந்தது.

சரியான திட்டமிடல் மற்றும் காத்திரமான நடவடிக்கைகள் ஊடாக நாட்டினது படைத்துறைசார் வல்லமைகள் மற்றும் படை பலம் தொடர்பாகத் தொடுக்கப்பட்ட உளவியல் போரினை நாம் முறியடித்தோம். அத்துடன் கீழ்மட்டத்திலுள்ள படையினருக்குத் தங்களது பணி தொடர்பான சரியான விளக்கதினைக் கொடுத்து அவர்களைப் போருக்குத் தயார்ப்படுத்தவேண்டியதும் அவசியமானதொரு பணியாக இருந்தது.

படைவீரர்களின் நலவாழ்வுத் திட்டங்களை மேம்படுத்தும் வகையிலான பல செயற்பாடுகள் முன்னெடுக்கப்பட்டன. படையினரின் தேவைகளை மக்களின் கவனத்திற்குக் கொண்டுவரும் வகையில் பல பரப்புரைகளும் முன்னெடுக்கப்பட்டன.

போரில் மூர்க்கமுடன் போரிட்டுக்கொண்டிருந்த படையினரின் நலன்களைக் கவனிப்பது மிகவும் முதன்மையான பணியாக இருந்தது. உதாரணமாக வன்னியில் போர் தீவிரமடைந்தபோது களமுனைகள் பெரும்பாலும் வெள்ளத்தின் மத்தியிலேயே இருந்தன.

படைவீரர்கள் கொண்டுசென்ற மேலதிக சீருடைகள் நனைந்துவிட்ட நிலையில் தங்களது சீருடைகளை மாற்றக்கூட முடியாத நிலையிலேயே அவர்கள் இருந்தார்கள். இதனைத் தொடர்ந்து படையினர் தங்களது சீருடைகளை வேகமாக உலர்த்தும் வகையில் ஒருதொகை மின் விசிறிகளை நாங்கள் களமுனைகளுக்கு அனுப்பிவைத்தோம்".

எது எவ்வாறிருப்பினும் புலிகளுக்கு எதிரான இறுதிப்போர் எந்தவிதப் பிரச்சினைகளும் இன்றி இடம்பெறவில்லை என்கிறார் கோத்தாபய. தவறுகள், எதிர்பார்க்காத தோல்விகள் மற்றும் பிரச்சினைகளையும் படையினர் சந்தித்திருந்தார்கள்" என்கிறார் அவர்.

தவறுகள் இடம்பெறும் போதெல்லாம் அதனைத் திருத்திக்கொண்டு மீளவும் அதே தவறு இடம்பெறமால் பார்த்தவாறு படை நடவடிக்கைகள் முன்னெடுக்கப்பட்டன. உதாரணமாக, புலிகள் வான் வழித்தாக்குதல்களை நடாத்தக்கூடும் என நாம் சந்தேகித்ததோடு அதனை முறியடிக்கும் வகையில் உசார் நிலையில் இருந்தோம். விடுதலைப் புலிகளின் வான்வழித் தாக்குதல்களை முறியடிக்கும் பலம்; விமானப்படையினரிடம் இருக்கிறது என்ற கருத்தையே அப்போதைய விமானப்படைத் தளபதியும் கொண்டிருந்தார்".

எவ்வாறிருப்பினும் புலிகளின் முதலாவது வான் வழித் தாக்குதல் இடம்பெற்றபின்னர்தான், தாழ்வாகப் பறந்து தாக்குதலை நடாத்தும் விமானங்களை முறியடிக்கும் திறன் எங்களிடம் இல்லை என்பதை நாம் விளங்கிக்கொண்டோம். இந்த உண்மையினை நாங்கள் தெரிந்துகொண்டவுடன் தாழ்வாகப் பறக்கும் எதிரி விமானங்களை இலக்குவைப்பதற்கு ஏதுவாக தாக்குதல் அபாயம் இருந்த பகுதிகளில் விமான எதிர்ப்புப் பீரங்கிகளை நிலைப்படுத்தினோம், என்கிறார் அவர்.

இதுபோன்ற இன்னொரு சம்பவத்தினையும் கோத்தபாய விபரித்தார். "படை நடவடிக்கை ஒன்று அதன் இறுதிக்கட்டத்தினை நெருங்கும் போது இந்திய அரசாங்கத்திடமிருந்து எழும் அழுத்தங்களில் விளைவாக குறிப்பிட்ட படை நடவடிக்கைகளை நாம் பலமுறை கைவிட்டிருக்கிறோம்.

உதாரணமாக, இந்தியாவின் தலையீட்டினைத் தொடர்ந்துதான் வடமராட்சி மீது முன்னெடுக்கப்பட்ட படை நடவடிக்கை இடைநிறுத்தப்பட்டது. ஆதலினால் இம்முறை இந்தியாவுடன் சிறந்த உறவினைப் பேணும் அதேநேரம் அவர்களது இதுபோன்ற அழுத்தங்களுக்குப் பணிந்துகொடுப்பதில்லை என்ற நிலைப்பாட்டினை நாம் எடுத்திருந்தோம்".

ஐக்கிய அமெரிக்கா, பிரித்தானியா மற்றும் இந்தியா போன்ற நாடுகளின் அழுத்தங்களுக்குப் பணிந்துகொண்டு புலிகள் தங்களை மீளொழுங்குபடுத்துவதற்காக வாய்ப்பினை ஏற்படுத்திக்கொடுக்ககூடாது என்பதில் நாங்கள் உறுதியுடன் இருந்தோம். இலங்கை அரசியல் நிலைமைகள் தமிழ்நாட்டின் மீது அதிக செல்வாக்கினைச் செலுத்தும் என்பதாலேயே இந்தியா தலையிட முனைந்தது".

ஆதலினால் நாங்கள் மூவர் அடங்கிய உயர்மட்டக் குழுவொன்றை நியமித்திருந்தோம். பதிலாக இந்திய அரசாங்கம் இந்திய வெளிவிவகார அமைச்சர் உள்ளிட்ட மூவர் அடங்கிய குழுவொன்றை நியமித்திருந்தது.

நாங்கள் முன்னெடுத்த படை நடவடிக்கைகள் தொடர்பான சந்தேகங்கள் புதுடில்லிக்கு எழுந்தபோதெல்லாம் எங்களது மூவர் அடங்கிய குழு இந்தியாவினது சிறப்புக் குழுவிற்கு தெளிவுபடுத்தல்களை மேற்கொண்டது.

தேவையேற்படும் போதெல்லாம் அதிபர் மகிந்த ராஜபக்சவை அவர்கள் சந்தித்து உரையாடுவதற்கு வழிசெய்து கொடுக்கப்பட்டது. இவ்வாறுதான் நாங்கள் முன்னெடுத்த மனிதாபிமானப் படை நடவடிக்கைக்கு புதுடில்லியின் ஆதரவினை வென்றோம்".

குழுவாக இணைந்து வேலைசெய்வதன் முக்கியத்துவத்தினை வலியுறுத்திக் குறிப்பிட்ட கோத்தா, இலங்கை இராணுவத்தின் குறித்ததொரு படையணியோ அன்றி படைக்கட்டமைப்போ இந்த வெற்றிக்குப் பொறுப்பல்ல. பயங்கரவாதிகளை வெல்லுவது என்ற பொதுவான இலக்கு நோக்கி ஒவ்வொரு படையினரும் குழுவாக இணைந்து பணிசெய்தார்கள் என்றார்.

கடந்த காலத்தில் இடம்பெற்ற சமர்களின்போது, புலிகளிடமிருந்து கைப்பற்றிய பகுதிகளைத் தொடர்ந்தும் தக்கவைக்கமுடியாத நிலையில் நாமிருந்தோம். எங்களின் இந்தப் பலவீனத்தினை புலிகள் நன்கறிவார்கள்".

எங்களிடமிருந்த இந்தப் பிரச்சினையினை நாங்கள் சரியாக விளங்கிக்கொண்டோம். நான்காவது கட்ட ஈழப்போரில் இராணுவத்தின் படையணிகள் நிலங்களைக் கைப்பற்றும் போதெல்லாம் அதனைப் பாதுகாக்கும் பொறுப்பினை கடற்படை, விமானப்படை, காவல்துறை மற்றும் சிவில் படைப்பிரிவு ஆகிய அணிகளுக்கு வழங்கினோம். காவல்துறையினர் இதுபோல முழு ஈடுபாட்டுடன் செயற்பட்டிருக்காவிட்டால் விளைவுகள் மோசமானதாக இருந்திருக்கும்".

இலங்கைத் திருநாட்டினை உலகின் சிறந்ததொரு இடத்தில் வைப்பதற்காக அரியதொரு சந்தர்ப்பம் தற்போது எங்களுக்குக் கிடைத்திருக்கிறது" என்கிறார் கோத்தா.

போரினை வென்றுகொடுப்பதில் நாங்கள் சந்தித்து நின்ற இமாலய இடர்கள் மற்றும் எங்களது படைவீரர்கள் புரிந்த அதியுச்ச தியாகம் என்பவற்றுடன் ஒப்பிடும்போது நாட்டினை அபிவிருத்திப் பாதையில் இட்டுச் செல்வது ஒன்றும் கடினமான பணியன்று.

ஆதலினால், ஒவ்வொரு சந்தர்ப்பத்திலும் நாம் அனைவரும் கட்டுக்கோப்புடனும் சுய ஒழுக்கத்துடனும் செயலாற்றுவதோடு இந்தத் தேசத்திற்கு எங்களால் முடிந்த பங்களிப்பினை செய்யவேண்டும்.
அப்போதுதான் கடந்தகாலத்தில் நாங்கள் இழந்தது எதுவோ அதனை எங்களால் பெறமுடியும்" என பாதுகாப்புச் செயலார் கோத்தபாய ராஜபக்ச கூறுகிறார்.

(நன்றி: பூந்தளிர்)

 

உனக்கு நாடு இல்லை என்றவனைவிட நமக்கு நாடே இல்லை என்றவனால்தான் நான் எனது நாட்டை விட்டு விரட்டப்பட்டேன்....... 

 


rajaniThiranagama_1.jpg

ராஜினி திரணகம

MBBS(Srilanka)

Phd(Liverpool, UK)

'அதிர்ச்சி ஏற்படுத்தும் சாமர்த்தியம் விடுதலைப்புலிகளின் வலிமை மிகுந்த ஆயுதமாகும்.’ விடுதலைப்புலிகளுடன் நட்பு பூணுவது என்பது வினோதமான சுய தம்பட்டம் அடிக்கும் விவகாரமே. விடுதலைப்புலிகளின் அழைப்பிற்கு உடனே செவிமடுத்து, மாதக்கணக்கில் அவர்களின் குழுக்களில் இருந்து ஆலோசனை வழங்கி, கடிதங்கள் வரைந்து, கூட்டங்களில் பேசித்திரிந்து, அவர்களுக்கு அடிவருடிகளாக இருந்தவர்கள்மீது கூட சூசகமான எச்சரிக்கைகள், காலப்போக்கில் அவர்கள்மீது சந்தேகம் கொண்டு விடப்பட்டன.........'

(முறிந்த பனை நூலில் இருந்து)

(இந் நூலை எழுதிய ராஜினி திரணகம விடுதலைப் புலிகளின் புலனாய்வுப் பிரிவின் முக்கிய உறுப்பினரான பொஸ்கோ என்பவரால் 21-9-1989 அன்று யாழ் பல்கலைக்கழக வாசலில் வைத்து சுட்டு கொல்லப்பட்டார்)

Its capacity to shock was one of the L.T.T.E. smost potent weapons. Friendship with the L.T.T.E.  was a strange and self-flattering affair.In the course of the coming days dire hints were dropped for the benefit of several old friends who had for months sat on committees, given advice, drafted latters, addressed meetings and had placed themselves at the L.T.T.E.’s  beck  and call.

From:  Broken Palmyra

வடபுலத் தலமையின் வடஅமெரிக்க விஜயம்

(சாகரன்)

புலிகளின் முக்கிய புள்ளி ஒருவரின் வாக்கு மூலம்

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத்தில் தப்பியவரின் வாக்குமூலம்

 

தமிழகத் தேர்தல் 2011

திமுக, அதிமுக, தமிழக மக்கள் இவர்களில் வெல்லப் போவது யார்?

(சாகரன்)

என் இனிய தாய் நிலமே!

தங்கி நிற்க தனி மரம் தேவை! தோப்பு அல்ல!!

(சாகரன்)

இலங்கையின் 7 வது பாராளுமன்றத் தேர்தல்! நடக்கும் என்றார் நடந்து விட்டது! நடக்காது என்றார் இனி நடந்துவிடுமா?

(சாகரன்)

வெல்லப்போவது யார்.....? பாராளுமன்றத் தேர்தல் 2010

(சாகரன்)

பாராளுமன்றத் தேர்தல் 2010

தேர்தல் விஞ்ஞாபனம்  - பத்மநாபா ஈழமக்கள் புரட்சிகர விடுதலை முன்னணி

1990 முதல் 2009 வரை அட்டைகளின் (புலிகளின்) ஆட்சியில்......

நடந்த வன்கொடுமைகள்!

 (fpNwrpad;> ehthe;Jiw)

சமரனின் ஒரு கைதியின் வரலாறு

'ஆயுதங்கள் மேல் காதல் கொண்ட மனநோயாளிகள்.' வெகு விரைவில்...

மீசை வைச்ச சிங்களவனும் ஆசை வைச்ச தமிழனும்

(சாகரன்)

இலங்கையில்

'இராணுவ' ஆட்சி வேண்டி நிற்கும் மேற்குலகம்,  துணை செய்யக் காத்திருக்கும்; சரத் பொன்சேகா கூட்டம்

(சாகரன்)

ஜனாதிபதி தேர்தல்

எமது தெரிவு எவ்வாறு அமைய வேண்டும்?

பத்மநாபா ஈபிஆர்எல்எவ்

ஜனாதிபதித் தேர்தல்

ஆணை இட்ட அதிபர் 'கை', வேட்டு வைத்த ஜெனரல் 'துப்பாக்கி'  ..... யார் வெல்வார்கள்?

(சாகரன்)

சம்பந்தரே! உங்களிடம் சில சந்தேகங்கள்

(சேகர்)

அனைத்து இலங்கைத் தமிழர்களும் ஒற்றுமையான இலங்கை தமது தாயகம் என மனப்பூர்வமாக உரிமையோடு உணரும் நிலை ஏற்பட வேண்டும்.

(m. tujuh[g;ngUkhs;)

தொடரும் 60 வருடகால காட்டிக் கொடுப்பு

ஜனாதிபதித் தேர்தலில் தமிழ் மக்கள் பாடம் புகட்டுவார்களா?

 (சாகரன்)

 ஜனவரி இருபத்தாறு!

விரும்பியோ விரும்பாமலோ இரு கட்சிகளுக்குள் ஒன்றை தமிழ் பேசும் மக்கள் தேர்ந்தெடுக்க வேண்டும்.....?

(மோகன்)

2009 விடைபெறுகின்றது! 2010 வரவேற்கின்றது!!

'ஈழத் தமிழ் பேசும் மக்கள் மத்தியில் பாசிசத்தின் உதிர்வும், ஜனநாயகத்தின் எழுச்சியும்'

 (சாகரன்)

சபாஷ் சரியான போட்டி.

மகிந்த  ராஜபக்ஷ & சரத் பொன்சேகா.

(யஹியா வாஸித்)

கூத்தமைப்பு கூத்தாடிகளும் மாற்று தமிழ் அரசியல் தலைமைகளும்!

(சதா. ஜீ.)

தமிழ் பேசும் மக்களின் புதிய அரசியல் தலைமை

மீண்டும் திரும்பும் 35 வருடகால அரசியல் சுழற்சி! தமிழ் பேசும் மக்களுக்கு விடிவு கிட்டுமா?

(சாகரன்)

கப்பலோட்டிய தமிழனும், அகதி (கப்பல்) தமிழனும்

(சாகரன்)

சூரிச் மகாநாடு

(பூட்டிய) இருட்டு அறையில் கறுப்பு பூனையை தேடும் முயற்சி

 (சாகரன்)

பிரிவோம்! சந்திப்போம்!! மீண்டும் சந்திப்போம்! பிரிவோம்!!

(மோகன்)

தமிழ் தேசிய கூட்டமைப்புடன் உறவு

பாம்புக்கு பால் வார்க்கும் பழிச் செயல்

(சாகரன்)

இலங்கை அரசின் முதல் கோணல் முற்றும் கோணலாக மாறும் அபாயம்

(சாகரன்)

ஈழ விடுலைப் போராட்டமும், ஊடகத்துறை தர்மமும்

(சாகரன்)

அடுத்த கட்டமான அதிகாரப்பகிர்வு முன்னேற்றமானது 13வது திருத்தத்திலிருந்து முன்னோக்கி உந்திப் பாயும் ஒரு விடயமே

(அ.வரதராஜப்பெருமாள்)

மலையகம் தந்த பாடம்

வடக்கு கிழக்கு மக்கள் கற்றுக்கொள்வார்களா?  

 (சாகரன்)

ஒரு பிரளயம் கடந்து ஒரு யுகம் முடிந்தது போல் சம்பவங்கள் நடந்து முடிந்துள்ளன.!

(அ.வரதராஜப்பெருமாள்)

 

 

அமைதி சமாதானம் ஜனநாயகம்

www.sooddram.com