மீட்சி பெறுகிறதா உலகப் பொருளாதாரம்?

தபன்சென் எம்.பி.

உலகப் பெருமுதலாளிகள், பொருளாதார நெருக்கடி முற்றுப்பெற்றுவிட்டது என்றும், உலகப் பொருளாதாரம் நெருக்கடியிலி ருந்து மீட்சிபெற்று வருகிறது என்றும் கூறிக் கொண்டிருக்கிறார்கள். இந்தியப் பெரு முதலாளிகளோ, இந்தியாவை பொருளாதார நெருக்கடியின் தாக்கம் பெரிய அளவிற்கு பாதிக்கவில்லை என்று கூறிக்கொண்டிருக் கிறார்கள். உண்மையில் நெருக்கடியிலிருந்து உலகம் மீட்சிபெறத்துவங்கிவிட்டதா என்ற கேள்வியை இந்திய தொழிற்சங்க மையம் (சிஐடியு) பொதுச்செயலாளரும், மாநிலங்களவை உறுப்பினருமான தபன்சென்னிடம் முன்வைத்தோம். மதுரையில் நடைபெற்ற சிஐடியு 40ம் ஆண்டு விழாவிற்காக வந்திருந்த அவர் அளித்த பதிலின் முக்கிய அம்சங்கள் வருமாறு:-

நெருக்கடி தீர்ந்துவிட்டது என்று உலக முதலாளித்துவம் சொல்கிறது. அவர்கள் அப்படி சொல்லிக்கொண்டிருக்கும் போதே ஐரோப்பிய யூனியனைச் சேர்ந்த நாடுகள், நெருக்கடி எங்களை தாக்கிவிட்டது என்று அலறுகின்றன.

நெருக்கடி தீர்ந்துவிட வேண்டும் என்பது முதலாளித்துவத்தின் விருப்பம். ஆனால் அது மேலும் ஆழமான எல்லைகளைத் தொட்டிருக்கிறது என்பதே எதார்த்தம்.

உலகப் பொருளாதார நெருக்கடி அமெரிக் காவில் மையம் கொண்டது. அது ஐரோப்பிய நாடுகளுக்கும் பரவியுள்ளது. அமெரிக்காவில் மட்டுமின்றி ஐரோப்பிய நாடுகளிலும் பொரு ளாதாரம் மேலும் கடுமையான நெருக்கடிக் குள் சிக்கியுள்ளது என்பதே உண்மை. அமெ ரிக்காவில் மீட்சிக்கு வழிகாண சில முயற்சி களை மேற்கொண்டாலும், எதிர்பார்த்த பலனை அது தரவில்லை. அந்த உண்மைகளிலி ருந்து உலக மக்களின் கவனத்தை திருப்பும் விதமாக ஐரோப்பிய நாடுகளின் பொருளாதார நெருக்கடி முன்னுக்கு வந்துள்ளது.

இது நிதி மூலதனத்திற்கு ஏற்பட்டுள்ள நெருக்கடி. நிதி மூலதனத்திற்கு தேவை லாபம்; கொள்ளை லாபம். எனவே லாபம் கிடைக்காத இடத்திலிருந்து லாபம் கிடைக் கும் இடத்தை நோக்கி பாய்வதற்கு அது தயா ராகிறது. இதனால் ஏற்கெனவே நெருக்கடி யில் சிக்கியுள்ள அமெரிக்காவும் ஐரோப்பிய யூனியனும் மேலும் ஆழமான நெருக்கடிக்குள் சிக்கிக் கொண்டிருக்கின்றன.

உலகப் பொருளாதாரத்தின் இந்த இரண்டு பெரும் பிரதேசங்களிலும் நெருக்கடி முற்றியி ருப்பதால் இந்தியப் பொருளாதாரத்திலும் கடும் தாக்கம் ஏற்பட்டுள்ளது. மிகப்பெருமள விற்கு ஏற்றுமதி வீழ்ச்சியடைந்துள்ளது. உல கம் முழுவதிலும் லட்சக்கணக்கான தொழி லாளர்களின் வேலைவாய்ப்பு பறிக்கப்பட்டி ருப்பது போலவே இந்தியாவிலும் லட்சக் கணக்கான தொழிலாளர்களின் வேலை வாய்ப்பு பறிக்கப்பட்டுள்ளது.

இந்தியாவைப் பொறுத்தவரை, இந்த பாதிப்பிலிருந்து தொழிலாளர்களையும் நாட்டு மக்களையும் பாதுகாப்பதற்கு முயற்சி மேற் கொள்ளாத காங்கிரஸ் தலைமையிலான ஐக் கிய முற்போக்கு கூட்டணி அரசு, இந்த பாதிப் பை மேலும் தீவிரப்படுத்தும் விதத்திலேயே நடவடிக்கைகளை மேற்கொண்டுள்ளது. குறிப்பாக ஐரோப்பிய நாடுகளுடனான தாராள வர்த்தக உடன்பாட்டை மேற்கொள்ள அரசு துடிக்கிறது.

ஏற்கெனவே தாராளமயக் கொள்கை களின் தீவிரமான அமலாக்கத்தின் விளைவு களை தற்போதைய கடும் நெருக்கடியின் மூலம் அனுபவித்துக் கொண்டிருக்கும் ஐரோப்பிய நாடுகளுடன் இந்தியாவின் பொரு ளாதாரத்தை காவுகொடுக்கும் விதத்தில் தாராள வர்த்தக உடன்பாட்டை மேற்கொண் டால் அது இந்திய தொழில்களுக்கு, அனைத் துவிதமான சிறு மற்றும் குறு தொழில்களுக்கு சமாதி கட்டும் பேரழிவாகவே அமையும்.

இந்தியாவுடன் தாராள வர்த்தக உடன் பாடு மேற்கொள்வதால் ஐரோப்பிய நாடுக ளுக்கு பாதிப்பு ஏதும் இல்லை. ஏனென்றால் விவசாயம் உட்பட அனைத்து துறைகளுக்கும் அந்நாடுகளில் அரசு மிகப்பெருமளவிற்கு மானியங்கள் வழங்குகிறது. இந்நிலையில் இந் தியா போன்ற மிகப்பெரும் சந்தை கொண்ட நாடு, தங்களுடன் தாராள வர்த்தக உடன்பாடு மேற்கொண்டால், ஏற்கெனவே தங்களுக்கு ஏற்பட்டுள்ள நெருக்கடியை இந்த வர்த்தகத் தின் மூலம் இந்தியாவுக்கு ஏற்றுமதி செய்து விட்டு, தங்களது பொருளாதாரத்தை மீட்டுக் கொள்ள முடியும் என்று ஐரோப்பிய நாடுகள் நம்புகின்றன.

ஆனால், இதை உணர மறுக்கும் காங் கிரஸ் தலைமையிலான மத்திய அரசு, ஐரோப் பிய நாடுகளுடனான தாராள வர்த்தக உடன் பாடு என்ற பெயரில் நெருக்கடியை விலை கொடுத்து வாங்க முயற்சிக்கிறது.

இந்திய மக்களின், இந்தியப் பொருளா தாரத்தின் நலனை காவுகொடுத்து; ஐரோப்பிய பொருளாதாரத்தை பாதுகாக்க - அதாவது உலக முதலாளித்துவப் பொருளாதாரத்திற்கு முட்டுக்கொடுக்க மன்மோகன் சிங் அரசு முயற்சிக்கிறது.

இது ஒருபுறமிருக்க, இந்தியாவில் தொழி லாளர்கள் போராடிப்பெற்ற பாதுகாப்புச்சட்டங் களையெல்லாம் காற்றில் பறக்கவிட்டு, அனைத்துத் தரப்பு ஊழியர்களையும் தினக் கூலிகளாக, அத்தக்கூலிகளாக மாற்றி, முத லாளிகள் தங்களது சுரண்டலை தீவிரப்படுத்த மத்திய அரசு வழி ஏற்படுத்திக்கொடுத்து வரு கிறது. ஆலைத் தொழிலாளர்களாக, அரசுத் துறை நிறுவனங்களின் தொழிலாளர்களாக, ஊழியர்களாக 1980களில் 30 சதவீதம் தொழி லாளர்கள் இருந்தனர். 1990களில் இது பாதி யாகக் குறைந்து 15 சதவீதமானது. 2000ஆம் ஆண்டில் 12 சதவீதமாகக் குறைந்த இந்த எண்ணிக்கை, இன்றைக்கு வெறும் 6 சத வீத மாக வீழ்ச்சியடைந்துள்ளது. இந்தத் துறை களில் புதிதாக வேலைக்கு ஆள் எடுக்கவில் லை என்பது மட்டுமின்றி, ஏற்கெனவே இருந் தவர்களும் வெளியேற்றப்பட்டு தினக்கூலி களாகவும் அத்தக்கூலிகளாகவும் மாற்றப்பட் டுள்ளனர்.

ஆனால், இந்திய தனியார் பெருமுதலாளி களின் மொத்த லாபமானது, 15 ஆண்டுகளுக்கு முன்பு மொத்த தொழிலாளர்களுக்கான செல வினத்துடன் ஒப்பிடும் போது 44 சதவீதமாக இருந்தது; அது இன்றைக்கு 176 சதவீதமாக மிகப்பெருமளவிற்கு அதிகரித்துள்ளது.

இந்திய தொழிலாளி வர்க்கத்தின் மொத்த உழைப்பையும் ஒட்டச்சுரண்டுகிற இந்த வகையிலான சுரண்டலுக்கு எதிராக, நெருக் கடியில் சிக்கியிருக்கிற உலக முதலாளித்து வத்தின் கரங்களில் இந்திய தொழிலாளி வர்க் கத்தின் நலன்களை காவுகொடுக்கிற அநீதி யான பொருளாதாரக் கொள்கைகளுக்கு எதி ராக ஒட்டுமொத்த தொழிலாளி வர்க்கமும் ஒன்றுபட்ட குரலில் உரத்து முழங்குவதே இன்றைய காலத்தின் கட்டாயம்.

சந்திப்பு : எஸ்.பி.ராஜேந்திரன், ச.நல்லேந்திரன்