கோள் பட்டியலிலிருந்து புளுட்டோ வெளியே தள்ளப்பட்ட காரணம்

பள்ளிக் கூடத்தில் சூரியனைச் சுற்றி ஒன்பது கோள்கள் (Planets) இயங்குகின்றன என்று படித்திருக்கிறோம். புதன், வெள்ளி, பூமி தொடங்கி, யுரேனஸ், நெப்டியூன், புளூட்டோ என்று ஒன்பதையும் வரிசைப்படுத்தி சரியாக எழுதினால் புள்ளிகள் கிடைக்கும். இவை எல்லாம் சூரியனை மையமாகக் கொண்டு ஒரு நீள் வட்டப் பாதையில் (elliptical orbits) இயங்குகின்றன. இப்படிச் சூரியனைச் சுற்றும் கோள்களுக்கும் கோள்கள் உண்டு. அவை துணைக்கோள்கள், அல்லது உபக்கிரகங்கள் என்று அழைக்கப்படும். இவை கோள் களைச் சுற்றி இயங்குகின்றன. உதாரணமாக சந்திரன் பூமியின் துணைக்கோள் ஆகும்.

செவ்வாய்க்கும் வியாழனுக்கும் இடைப்பட்ட சுற்றுப்புறம் கொஞ்சம் கலங்கலானது. அங்கே கோள்கள் துணைக்கோள்களுடன் இன்னும் பல குப்பைக் கூளங்களும் சுற்றிக் கொண்டிருக்கின்றன. திட்டத்தட்ட ஒரு தட்டையான மேகக் கூட்டம் போல பல சிறிய சமாச்சாரங்களும் சூரியனை சுற்றிக் கொண்டிருக்கும். இந்தப் பகுதிக்கு அஸ்ட்ரொய்ட் பெல்ட் (Asteroid Belt) என்று பெயர்.

இதேபோல நெப்டியூனைத் தாண்டி ஒரு கூட்டம் சுற்றிக் கொண்டிருக்கிறது. இதற்குக் குய்ப்பர் பெல்ட் (Kuiper Belt) என்று பெயர். அதற்கு அப்பாலும் எண்ணற்ற சிறு வஸ்துகள் சூரியனை மையமாகக் கொண்டு சுழல்கின்றன. இந்த இடத்திற்கு ஸ்கட்டேர்ட் பெல்ட் (Scattered Belt)  என்று பெயர். இங்கே இருக்கும் சமாச்சாரங்களெல்லாம் மிகவும் குளிர்வானவை (சூரியனுக்கு வெகு தொலைவில் இருப்பதால்).

சில வருடங்களுக்கு முன்னார் (ஜனவரி 2005) கால்டெக் பல்கலைக்கழகத்தைச் சேர்ந்த மைக் ப்ரெளன் என்பவர் ஹபிள் தொலைநோக்கியைக் கொண்டு செனா  (Xena) என்ற ஒரு சமாச் சாரமும் இந்தக் கூட்டத்தில் இருப்பதைக் கண்டுபிடித்தார். இதன் விட்டம் 2400 கி.மீ. ப்ரெளனின் குழு செனா (Xena) என்று செல்லப் பெயரிட்ட இதற்கு, பன்னாட்டு வானியல் குழுவினர் UB 313 என்று அடையாளமிடப்பட்டது.

புளூட்டோவின் விட்டம் 2306 கி.மீ UB 313 ன் விட்டம் அதை விடக்கிட்டது தட்ட நூறு கி.மீ. அதிகம். இந்த நிலையில் இதைப் பத்தாவது கோளாக அறிவிக்க வேண்டும் என்று சிலர் கோரிக்கை விடுத்தார்கள். இதற்குச் சில வருடங்களுக்கு முன்னதாகவே 975 கி.மீ. விட்டம் கொண்ட இன்னொரு சமாச்சாரம் (இதற்கு செரஸ் என்று பெயரிடப்பட்டது) அஸ்ட்ரொய்ட் பெல்ட்டில் இருப்பது கண்டுபிடிக்கப்பட்டிருந் தது.

செரஸ் புளூட்டோவைவிடச் சின்னதாக இருந்ததால் புளூட் டோவின் கோள் அந்தஸ்திற்கு எந்த பாதிப்பும் விளைந்துவிட வில்லை. ஆனால் செனா அதை விடப் பெரியதாக இருந்ததால் வந்தது தொந்தரவு. செனாவைப் பத்தாவது கிரகமாக அறிவிப்பதா அல்லது புளூட்டோவைக் கழித்து கோள்கள் எட்டு என்று சொல்வதா என்று ஆராய பன்னாட்டு வானியல் கழகம் ஒரு அறிஞர் குழுவை நியமித்தது. இந்தக் குழு பல்வேறு அறிவியல் கோட்பாடு களையும் தரவுகளையும் ஆராய்ந்து குறுங்கோள் என்பதற்குப் பின்வரும் நான்கு வரி வரையறையை விதித்தது.

1. சூரியனைச் சுற்றி வரவேண்டும். (Should be in orbit around sun)

2. அது நீர் நிலையியற் சமநிலையில் இருக்க வேண்டும். ஆதலால் கோள்வடிவானது எனக் கொள்ள முடியும்.

3. அதைச் சுற்றி இருக்கும் சமாச்சாரங்களுக்கு எந்தத் தொந்தரவும் தராமல் அவற்றையும் அண்மையிலே இருக்க அனுமதிக்க வேண்டும். (should not have cleared its orbit)

4. வேறெந்தக் கோளுக்கும் துணைக்கோளாக இருக்கக் கூடாது.(Is not a satellite for any other planet)

விதி நான்கின்படி நம் புவியின் சந்திரன், சனிக்கிரகத்தின் டைட்டன் இன்னபிற கோள்கள் குறுங்கோள் தகுதியை இழந்து விடுகின்றன. இவை ஒவ்வொன்றும் சூரியனை மையமாகக் கொண்டு சுற்றாமல் ஒரு தனிக்கோளை மையமாகக் கொண்டு சுற்றுகின்றன. (கவனிக்கவும், கோளுடன் சேர்ந்து சுற்றுவதால் இவையும் சூரியனைச் சுற்றி வருகின்றன. ஆனால் இவற்றின் பாதை மையம் சூரியன் கிடையாது). ஒரு வகையில் இந்த விதி 4, விதி 1இன் விளக்கம்தான்.

விதி 2 இன்படி, ஒரு பொருளுக்கு பொருண்மை அதிகரிக்க அதிகரிக்க அதன் சமநிலை விசைகள் திறம்படச் செயற்பட்டு அவற்றுக்குக் கோளவடிவத்தைத் தருகின்றன. உள்ளிழுக்கும் விசை அதிகமாக இருந்தால் பரப்பில் குழி விழும். புறவிசை அதிகமாக இருந்தால் கரடுமுரடாகக் கற்கால மனிதனின் ஆயுதங்களைப் போன்ற தோற்றம் தான் கிடைக்கும்.

கோளம் அற்புதமான சமநிலை வடிவம். இவ்வடிவில்தான் குறைந்த பட்ச மேற்பரப்பிற்கு அதிகபட்ச பொருண்மை சாத்தியமாகும். பூமி, சந்திரன், வியாழன், நெப்டீயூன் போன்ற எல்லா கோள்களும் கோளவடிவானவை. நாம் ஏற்கனவே சொன்னது போல நெப்டியூன் ஏரியா கொஞ்சம் தூசு துகள்கள் நிறைந்தது. இங்கே பல கற்கள் சுற்றிக்கொண்டிருக் கின்றன. இவற்றுக்குப் பொதுவில் விண் கற்கள் என்று பெயர். இவை யெல்லாம் கோளம் தவிர்த்த பல வடிவங்களில் இருக்கும். இவற்றுள் அம்மிக் குழவி வடிவம் மிக அதிகமாகக் காணப்படும். விதி 2ன்படி இவையெல்லாம் குறுங்கோள்கள் அல்ல.

அருகில் இருப்பவர்களைத் தொந்தரவு செய்யாமல் நல்ல பிள்ளையாக இருக்க வேண்டும் என்ற விதி 3 மிக முக்கியமானது. இதுதான் கோள்களையும் குறுங் கோள்களையும் மாறுபடுத்துகிறது. ஓரளவுக்குக் கொழுத்துப் போய் விட்டால் யாரையும் கிட்டவிடா மல் நீக்கு விசை செயற்படத் தொடங்கும். அப்பொழுது ஒன்றுடன் ஒன்று விலகிக் கொண்டு தனித்தனியே பேட்டைகளை உருவாக்கிக் கொள்ளும்.

இங்கேதான் புளூட்டோ உதை வாங்குகிறது. அஸ்ட்ரொய்ட் பெல்ட்டில் கிடக்கும் நிறைய விஷயங்கள் புளூட்டோவிடம்அடிக்கடி நெருங்கி வருகின்றன. (வந்தால் மோதிக் கொண்டு அது உதை வாங்கி உடைந்து போகும் அபாயமும் உண்டு). செனாவுக்கு இதே பிரச்சினைதான். ஒரு பேட்டையை வளைத்துப் போடும் திறமை இவை இரண்டுக்கும் கிடையாது.

ஆக, செனாவைக் கோள் இல்லை என்று சொல்லி விட்டார்கள், அத்துடன் கூட ஜெனா என்று செல்லப் பெயரிட்டு அழைக்கப்பட்ட ஸிகி 313க்கு ஈரிஸ் என்று பெயர் விண்ணாய்வுக் கழகப் பெரியவர்களால் ஞானஸ் நானம் ஆகியது. ஆனால் தனக்கு இரண்டு கண்களும் போனால் மருமகளுக்கு ஒரு கண்ணாவது போக வேண்டும் என்ற மாமி யாரைப்போல, ஈரிஸ் புளூட்டோ வையும் கோள்கள் பட்டியலில் இருந்து வெளியே தள்ளிவிட்டது. இப்பொழுது புளூட்டோ ஒரு குறுங்கோள்தான்.

குழந்தைகளை ஏங்க விடுவதா? இல்லை விஞ்ஞானக் கோட்பாடு களுக்கு இணங்க கோள்களின் எண்ணிக்கையை மாற்றி எழுதுவதா என்று வந்தால் அறிஞர்கள் பின்னத்தைத்தான் தெரிந்தெடுப்பார்கள். செனா என்று அழைக்கப்பட்ட ஈரிஸ்க்குக் கோள் அந்தஸ்து கிடைக்காமல் போனதில் அதைக் கண்டுபிடித்த மைக் ப்ரெளனுக்கு வருத்தம்தான்.

ஒரு கோளை அடையாளம் காட்டியவர் என்று வரலாற்றில் தனியிடம் பெறும் சாத்தியம் அவருக்கு இல்லாமல் போயிற்று. பத்தோடு பதினொன்றாக இன்னொரு குறுங்கோளை மாத்திரமே. கண்டுபிடித்தார் என்று தான் அறியப்படப் போகிறார். ஆனால் ப்ரெளனுக்கு இதில் எந்தவித வருத்தமும் இல்லை. விஞ்ஞானம் எப்பொழுதுமே திறமாகத்தான் செயல்படுகிறது. தனி நபர் விருப்பு வெறுப்புகளுக்கு அப்பாற்பட்டு உண்மை நிலைக்கிறது என்பதில் எனக்கு மிகவும் மகிழ்ச்சிதான் என்று சொல்லிவிட்டு தன் தொலை நோக்கியை வேறுபக்கம் திருப்பப் போய் விட்டார்.

ஆக இன்றைய புரிதலின்படி சூரியனைச் சுற்றி எட்டு கோள்கள் தான் இருக்கின்றன. மூன்று குறுங்கோள்கள் - செரஸ், புளூட்டோ, ஈரிஸ். நாளை நம் தொலைநோக்கிகள் இன்னும் சக்தி வாய்ந்தவையாக மாறும் பொழுது இவையும் மாறலாம்.