பொலித்தீன் குப்பைகளால் ஆபத்து

கடலோரத்தில் வசிக்கும் மக்களாலும், சுற்றுலா பயணிகளாலும் பயன்படுத்தப் படும் பொலிதீன் பைகள், பீங்கான், பிளாஸ்டிக் பொருட்கள், துணிகள், மரக்கட்டைகள், மீன்பிடி வலைகள், ரப்பர் மற்றும் உலோக பொருட்களால் மன்னார் வளைகுடா பகுதியில் பெரும் மாசு ஏற்படுகிறது. இப்பகுதி பலவகை உணவு மீன்கள், வண்ணமீன், மெல்லுடலிகள், கணுக்காலிகள், பவளப் பாறைகள், கடற் பசுக்கள், கடற் குதிரைகள், ஆமைகள் என பல உயிரினங்களின் வாழ்விடமாக உள்ளது.

இவை பொலிதீன் குப்பைகளால் பாதிக்கப்படுகின்றன. இது குறித்து மதுரை காமராஜ் பல்கலையின் கடல் மற்றும் கடலோர துறைத் தலைவர் ஏ. கே. குமரகுரு தலைமையில் ஆய்வு நடத்தப்பட்டது. கடற் குப்பைகளை, ‘கடலோர குப்பைகள், கடலடி குப்பை கள், கடலில் மிதக்கும் குப்பைகள் என பிரித்து ஆய்வு நடத்தினர். இதில் 80 சதவீதம் பிளாஸ்டிக் குப்பைகள் உள்ளன. இன்று 100 மில்லியன் மெட்ரிக் டன்னுக்கும் அதிகமாக கடலில் பிளாஸ்டிக் குப்பைகள் இருக்கலாம் என தெரிகிறது.

கடல் குப்பைகளில் 34 சதவீதம் கடலோர மக்கள் மற்றும் மீன்பிடித் தொழில் மூலமாக வருகிறது. சுற்றுலா பயணிகளால் 30 சதவீதம், கழிவு நீர்க்குப்பைகளால் 13 சதவீதம், கப்பல் படகு கட்டுதல் மூலம் 18 சதவீதம் மற்றவை மழைக்காலத்தில் கடலில் கலக்கும் நீரால் உருவாகிறது.

கடற்கரை குப்பைகள் காற்று அலை மூலம் அடித்துச் செல்லப்பட்டு, கடலின் அடிப்பகுதியில் படிந்தும், மேல் பகுதியில் மிதந்தும் காணப்படுகின்றன. அறுந்து போகும் நைலோன் மீன் வலைகளை கடலில் விட்டுச் செல்லும் போது, கடல் பசுக்கள், கடல் ஆமைகள், நண்டுகள், பெரிய மீன்கள் இவ்வலை யில் சிக்கி உயிரிழக்கின்றன.

பொலிதீன் பைகளுக்குள் சிக்கும் பிராணிகள், வாழ்விடம் இன்மை, பிராண வாயு, உணவு பற்றாக்குறையால் பாதிப்புக்குள்ளாகின்றன. சில உயிரினங்களின் இயல்பான இயக்கம் பாதிக்கப்படுவதுடன், பட்டினி, தொற்று நோயாலும் அவதிப் படுகின்றன. பிளாஸ்டிக் பொருட்கள் சிறு சிறு துண்டுகளாக உடைந்து மிதக் கின்றன. சிறிய துண்டுகளை உணவாக நினைத்து மீன்கள் உண்கின்றன. இதை யடுத்து அம்மீன்கள் ‘புட் செயின்’ எனப்படும் உணவுச் சங்கிலியாக பெரிய வகை உயிரினங்களை அடைகிறது.

சில மாதங்களுக்கு முன், மன்னார் வளைகுடா பகுதியில் இறந்து கிடந்த ஆமைகளை பரிசோதனை செய்ததில், அவற்றின் வயிற்றில் பொலிதீன் பைகள் இருந்தமை தெரிந்தது. வண்ண மீன்கள் மற்றும் மெல்லுடலிகளுக்கு பவளப் பாறைகள் வாழ்விடமாக விளங்குகின்றன. உலகில் பவளப் பாறைகள் 0.2 சதவீதம் மட்டுமே காணப்படுகிறது.

இப்பவளப் பாறைகளால் 25 சதவீத கடல் உணவு நமக்கு கிடைக்கிறது. மன்னார் வளை குடா பகுதியில் உள்ள 21 தீவுகளைச் சுற்றியுள்ள பகுதிகளிலும் 117 வகையான பவளப் பாறை இனங்கள் உள்ளன. இவற்றை சார்ந்து வண்ண மீன்கள், மெல்லுடலிகள், கடற்பாசிகள் போன்ற தாவர மற்றும் விலங்கினங்கள் காணப் படுகின்றன. குப்பை கழிவுகள் காற்றின் மூலமோ, அலைகள் மூலமோ அடித்துச் செல்லப்பட்டு பவளப்பாறைகள் மேல் படிகின்றன.

பவளப் பாறைகளின் சுவா சமும், வளர்ச்சியும் தடைபடுகிறது. இத னால், பவளப் பாறைகளை சார்ந்துள்ள அனைத்து உயிரினங்களுக்கும் உறைவிடம், உணவு கிடைப்பது அரிதாவதால் மீன் வளமும் குறைகிறது. அதை சார்ந்த மீன் வகைகள் வேறு வாழ்விடங்களை நோக்கி இடம் பெயர்வதால், மீனவர்களின் பொருளாதார நிலையும் பாதிக்கிறது.