மக்கள் விடுதலை முன்னணியும் தமிழ் மக்களின் அங்கீகாரமும்

மக்கள் விடுதலை முன்னணியின் இரண்டு முன்னாள் பாராளுமன்ற உறுப்பினர்கள் வடபகுதிக்கு விஜயம் மேற்கொண்டு திரும்பிய பின் மீள்குடி யேற்றம் தொடர்பாக வெளியிட்ட தகவல்கள் உண்மை க்குப் புறம்பானவையென அரசாங்கம் திட்டவட்டமாக நிராகரிக்கின்றது. பதிவு செய்யப்பட்ட இடம்பெயர்ந்த மக்களின் எண்ணிக்கை 267,393 என்றும் இவர்களுள் 35,333 பேர் மாத்திரமே இன்னும் மீள்குடியேற்றப்பட வுள்ளனர் என்றும் நேற்றுமுன்தினம் நடைபெற்ற செய்தியாளர் மகாநாட்டில் அமைச்சர் கெஹெலிய ரம்புக் வெல தெரிவித்தார்.

மீள்குடியேற்றம் தொடர்பாக எதிர்க் கட்சிகள் சில காலமாகப் பேசிவருகின்றன. காலத்துக்குக் காலம் அரசாங்கம் மீள்குடியேற்றத்தின் முன்னேற்றம் பற்றிய தகவல்க ளைத் தெரிவித்து வருகின்ற போதிலும் எதிர்க் கட்சிகள் கண்டனம் தெரிவிப்பதை நிறுத்தவில்லை. எதிர்க் கட்சி என்றால் அரசாங்கம் செய்யும் எதையும் எதிர் க்க வேண்டும் என்ற மனோநிலை வளர்ந்திருப்பது இலங்கை அரசியலின் சாபக்கேடு.

புலிகளுடனான யுத்தம் காரணமாக இடம் பெயர்ந்த மக்க ளின் பிரச்சினையை ஒரு தேசியப் பிரச்சினையாகப் பார்க்க வேண்டுமேயொழிய சுய அரசியல் தேவைகளுக்காக அப்பிரச்சினையைப் பார்க்கக்கூடாது. வகை தொகையின்றிப் புதைக்கப்பட்ட கண்ணிவெடிகளை அக ற்றியே மீள்குடியேற்றத்தை மேற்கொள்ள வேண்டியுள் ளது. இந்த நிலையில் மீள்குடியேற்றத்தைப் பொறுத்த வரையில் அரசாங்கத்தின் முன்னேற்றம் நிச்சயமாகப் பாராட்டப்பட வேண்டியதே.

எதிரணி அரசியல்வாதிகள் துரித மீள்குடியேற்றத்துக்கு குந்தகமான சூழ்நிலையை அரசியல் தேவை கருதி உருவாக்கலாம் என்பதாலேயே முகாம்களுக்கும் மீள் குடியேற்றப் பிரதேசங்களுக்கும் அவர்கள் விஜயம் செய்வது கட்டுப்படுத்தப்பட்டிருந்தது. இப்போது மீள் குடியேற்றம் பெருமளவில் பூர்த்தி அடைந்திருப்பதால் மக்கள் பிரதிநிதிகள் முகாம்களுக்கும் மீள்குடியேற்றப் பிரதேசங்களுக்கும் விஜயம் மேற்கொள்வதற்கான கட் டுப்பாடுகள் முற்றாக நீக்கப்பட்டுவிட்டன. இப்போது அவர்கள் உண்மை நிலையை நேரடியாக அறிந்துகொ ள்ள முடியும்.

மக்கள் விடுதலை முன்னணியின் சார்பில் வடக்குக்கு விஜயம் மேற்கொண்டவர்கள் பாராளுமன்ற உறுப்பினர்களல்ல என்பதால் அவர்கள் முகாம்களுக்கோ மீள் குடியேற்றப் பிரதேசங்களுக்கோ சென்றிருப்பார்களெனக் கருத முடியாது. வடக்குக்குத் தங்கள் அரசியல் தேவைக்காகச் சென்றவர்கள் அதே தேவைக்காகவே அறிக்கையொன்றையும் வெளியிட்டிருக்கின்றார்கள் எனக் கூறுவது தவறாகாது.

வடக்கில் இடம்பெயர்ந்துள்ள மக்களை விரைவாக மீள் குடியேற்ற வேண்டும் என்றும் அவர்களின் மனித உரி மைகளையும் ஜனநாயக உரிமைகளையும் உறுதிப்படு த்த வேண்டும் என்றும் மக்கள் விடுதலை முன்னணி கூறுகின்றது. தமிழ் மக்களின் பிரச்சினைகள் பற்றி மக் கள் விடுதலை முன்னணி பேசுவது வரவேற்புக்குரியது.

ஆனால் அந்தப் பேச்சு சரிந்து செல்லும் அரசியல் செல் வாக்கைத் தக்க வைப்பதற்கான பேச்சாக அல்லாமல் மக்கள் எதிர்நோக்கும் பிரதான பிரச்சினைகளுக்கான தீர்வை நாடி நிற்கும் பேச்சாக இருத்தல் வேண்டும்.

சிங்களக் கடுங்கோட்டப்பாட்டு வாக்கு வங்கியை இலக்கு வைத்துச் செயற்பட்ட வரலாற்றைக் கொண்டுள்ள மக் கள் விடுதலை முன்னணி அந்த நிலைப்பாட்டிலிருந்து விடுபட்டு இனப் பிரச்சினையின் நியாயமான அரசி யல் தீர்வுக்காகக் குரல் கொடுக்கும் நிலையிலேயே தமிழ் மக்களின் அங்கீகாரத்தைப் பெற முடியும்.

(தினகரன்)