தமிழ்க் கட்சிகளிடையே ஐக்கியம்

தமிழ்க் கட்சிகளுக்கிடையே ஐக்கியம் ஏற்படுத்துவ தற்கான முயற்சி இப்போது மேற்கொள்ளப்படுகின் றது. முன்னரும் ஐக்கியத்துக்கான முயற்சிகள் இடம் பெற்றிருக்கின்றன. அந்த முயற்சிகளில் வெற்றியும் கிட் டியது. ஆனால் மக்களுக்கு அந்த ஐக்கியங்கள் பாதிப்பை ஏற்படுத்தினவேயொழியப் பலனைத்தரவில்லை.

முதலாவது ஐக்கியம் தமிழர் விடுதலைக் கூட்டணி. இன ப்பிரச்சினையின் தீர்வுக்காக ஐக்கியப்பட்டவர்கள் நடைமுறைச் சாத்தியமற்ற தனிநாட்டுக் கொள்கையை முன்வைத்துத் தீர்வைச் சிக்கலாக்கினார்கள். அடுத்து வந்த ஐக்கியம் தமிழ்த் தேசியக் கூட்டமைப்பு. இவர்களும் தனிநாட்டு நிகழ்ச்சி நிரலுடனேயே செயற்பட் டார்கள். இந்த நிகழ்ச்சி நிரல் இவர்கள் மீது திணிக்கப்பட்டது எனக் கூறினால் தவறாகாது. தமிழ்த் தேசி யக் கூட்டமைப்பின் தனிநாட்டு நிகழ்ச்சி நிரல் பல்லா யிரக்கணக்கான தமிழ் உயிர்களைக் காவு கொடுப்பதி லேயே முடிந்தது.

ஐக்கியம் எவ்வளவுக்கு முக்கியமோ அதனிலும் பார்க்கக் கொள்கை முக்கியமானது என்பதை முன்னைய ஐக்கியங்களின் சோக வரலாற்றிலிருந்து புரிந்து கொள்ளலாம். முன்னைய ஐக்கியங்கள் சரியான கொள்கையின் அடிப்படையில் ஏற்படாத காரணத்தால் இனப்பிரச் சினை சிக்கலான பரிமாணத்தைப் பெற்றிருப்பதைப் பாடமாகக் கொண்டு இன்றைய ஐக்கிய முயற்சி முன் னெடுக்கப்படுமென நம்புகின்றோம்.

முன்னர் இடம்பெற்ற இரண்டு ஐக்கிய முயற்சிகளிலும் பார்க்க இன்றைய ஐக்கிய முயற்சி குணாம்சரீதியாக முக்கியமானது. தமிழர் விடுதலைக் கூட்டணியும் தமி ழ்த் தேசியக் கூட்டமைப்பும் நடைமுறைச் சாத்தியம ற்ற தனிநாட்டு நிகழ்ச்சி நிரலின் கீழ் செயற்பட்டதால் தமிழ் மக்கள் அவல நிலைக்குத் தள்ளப்பட்டனர். தனி நாட்டுக் கொள்கை தமிழ் மக்களை நட்டாற்றில் தள்ளி விடும் என்பதை ஏற்றுக் கொள்பவர்களாலேயே இன் றைய ஐக்கிய முயற்சி மேற்கொள்ளப்படுகின்றதென்ப தால் இது தமிழ் மக்களுக்கு விமோசனப் பாதையைக் காட்டும் என்ற நம்பிக்கை தோன்றுகின்றது.

தமிழ் மக்களின் அரசியல் தேசிய அளவுக்கு விரிவடை யாத குறைபாடு இதுவரை இருந்து வருகின்றது. இனப் பிரச்சினைக்கு நியாயமான அரசியல் தீர்வு தேசிய நீரோட்டத்திலிருந்து தமிழ் மக்கள் ஒதுங்கியிருக்கும் வரை தூரத்துப் பச்சையாகவே இருக்கும். எனவே இனப்பிரச்சினையின் தீர்வுக்கான முயற்சி தேசிய அர சியலுடன் இணைந்ததாக முன்னெடுக்கப்பட வேண்டும்.

விட்டால் குடுமி வழித்தால் மொட்டை என்பது போல முழுமையான தீர்வு இல்லாவிட்டால் எதுவும் வேண் டாம் என்ற இறுக்கமான நிலைப்பாட்டில் முன்னைய தலைவர்கள் நின்றதால் தீர்வை நோக்கிச் செல்லக்கூ டிய பல சந்தர்ப்பங்கள் கைநழுவிப் போயுள்ளன. நீண்டகாலத் திட்டம் எனவும் குறுகிய காலத் திட்டம் எனவும் இரண்டு வேலைத் திட்டங்களுடன் முன் னைய தலைவர்கள் செயற்பட்டிருப்பார்களேயானால் இனப்பிரச்சினையின் தீர்வு முயற்சியில் கணிசமான முன்னேற்றத்தை அடைந்திருக்கலாம். அதேவேளை, தமிழ் மக்களுக்கு ஏற்பட்ட அழிவுகளையும் இழப்புக ளையும் தவிர்க்கவும் முடிந்திருக்கும்.

தமிழ்க் கட்சிகளிடையே ஐக்கியத்தை ஏற்படுத்த முயற் சிப்பவர்கள் முன்னைய தவறுகளைக் கவனத்தில் எடு த்து, இனப்பிரச்சினையின் தீர்வை முன்னிலைப்படுத்தி யதார்த்தபூர்வமாகச் செயற்படுவார்களென நம்புகின் றோம்.

(தினகரன்)

கட்டுரைபற்றிய சாகரனின் விமர்சனம்

திம்பு பேச்சு வார்த்தை கால கட்டத்தில் பெயர் குறிப்பிடாத ஓர் ஐக்கிய முன்னணியும் செயற்பாடுகளும் இருந்தனவே. இதனாலேயே திம்பு பேச்சு வார்த்தையில் பலமான நிலையிலிருந்து இலங்கை அரசுடன் பேச முடிந்தது. 4 அம்சக் கோரிக்கையை தனிநாட்டிற்கு பதிலாக முன்வைக்க முடிந்தது. இதேபோல் ஈபிஆர்எல்எவ், ரெலோ, ஈரோஸ் இடையே ஏற்பட்ட ஐக்கிய முன்னணியும் ஏற்பட்டது. இது பிறபட்ட காலத்தில் புலிகளின் இணைவுடன் புலிகளாலேயே திட்டமிட்டு இல்லாமல் செய்யப்பட்டது. இறுதியாக எழுதப்படாத இன்னொரு பலமான ஐக்கியத்தை குறிப்பிட்டுத்தான் ஆகவேண்டும். இலங்கை இந்திய ஒப்பந்தைத் தொடர்ந்து புலிகளின் வலிந்த யுத்த நிறுத்த மீறலுடன் இந்தியப் படைகளுக்கு எதிராக போர் தொடுக்கப்பட்டது. இதனைத் தொடர்ந்து ஈபிஆர்எல்எவ், ரெலோ, ஈஎன்டிஎல்எவ் கம்யூனிட்ஸ் கட்சி (தமிழ் பகுதியில்), தமிழர் விடுதலைக் கூட்டணியிடையே ஒரு எழுதப்படாத ஒப்பந்தத்தின் அடிப்படையில் ஓர் ஐக்கிய முன்னணி அமைந்து வடக்கு கிழக்கு மாகாண சபை தேர்தலும் ஆட்சியும், பாராளுமன்ற தேர்தலிலும் இக் கூட்டணி தொடர்ந்து வெற்றிகளும் நல் நிகழ்வுகளையும் இக்கட்டுரையில் இணைத்தீரந்தால் இன்னும் சிறப்பாக இருந்திருக்கும் வரலாறும் முழமை பெற்றிருக்கும் - சாகரன்